"Қазақстан Акционерлiк Халықтық Жинақ Банкiн кезең-кезеңмен жекешелендiрудiң бағдарламасы туралы" Қазақстан Республикасы Үкiметiнiң 1997 жылғы 3 шiлдедегi N 1051 P971051_ қаулысын орындау мақсатында Қазақстан Республикасының Үкiметi қаулы етедi:
1. Қазақстан Акционерлiк Халықтық Жинақ Банкiнiң акцияларын
орналастыру жөнiндегi ведомствоаралық комиссия туралы ереже
бекiтiлсiн /қоса берiлiп отыр/.
2. Қазақстан Акционерлiк Халықтық Жинақ Банкiнiң акцияларын
орналастыру жөнiндегi ведомствоаралық комиссия мына құрамда
бекiтiлсiн:
Сәрсенбаев Н.А. - Қазақстан Республикасының
Стратегиялық жоспарлау және
реформалар жөнiндегi агенттiгi
төрағасының орынбасары, комиссияның
төрағасы
Комиссия мүшелерi:
Ержанов О.С. - Қазақстан Республикасының Ұлттық
Банкi Төрағасының орынбасары
/келiсiм бойынша/
Ыдырысов А.Т. - Қазақстан Акционерлiк Халықтық
Жинақ Банкi төрағасының
бiрiншi орынбасары
Кулинов У.Д. - Қазақстан Республикасы Бағалы
қағаздар жөнiндегi ұлттық
комиссиясының атқарушы
директоры /келiсiм бойынша/
Мыңбаев С.М. - Қазақстан Республикасының
бiрiншi Қаржы вице-министрi
Раханов М.С. - Қазақстан Республикасының
Қаржы министрлiгi
Мемлекеттiк мүлiк және
жекешелендiру комитетiнiң
төрағасы
ЕСКЕРТУ. Құрам өзгердi - ҚРҮ-нiң 1998.01.27. N 40 қаулысымен.
3. Ведомствоаралық комиссия Қазақстан Акционерлiк Халықтық Жинақ
Банкiмен бiрлесiп:
1997 жылдың 20 желтоқсанына дейiн Қазақстан Акционерлiк Халықтық Жинақ Банкiнiң салымшыларын банктiң акцияларын орналастыру жөнiндегi аукционға қатысуға өтiнiм берудiң тәртiбi туралы хабарландырсын;
1998 жылдың 21 ақпанына дейiн банктiң акцияларын орналастыру
жөнiндегi аукционға қатысуға өтiнiмдердi жинасын, өтiнiмдердiң
қорытынды жиынтық ведомосын жасасын және салымшылардың өтiнiмдерiне
сәйкес акциялар үшiн ақы төлеудi қамтамасыз етсiн;
1998 жылдың 28 ақпанына дейiн Қазақстан Акционерлiк Халықтық
Жинақ Банкi акционерлерiнiң тiзiлiмiн жасасын.
ЕСКЕРТУ. 3-тармақ өзгердi - ҚРҮ-нiң 1998.01.27. N 41 қаулысымен.
Қазақстан Республикасының
Премьер-Министрi
Қазақстан Республикасы
Үкiметiнiң
1997 жылғы 12 желтоқсандағы
N 1758 қаулысымен
бекiтiлген
Қазақстан Акционерлiк Халықтық Жинақ Банкiнiң
акцияларын орналастыру жөнiндегi
ведомствоаралық комиссия туралы
ЕРЕЖЕ
I. ЖАЛПЫ ЕРЕЖЕЛЕР
1. Қазақстан Акционерлiк Халықтық Жинақ Банкiнiң акцияларын орналастыру жөнiндегi ведомствоаралық комиссия /бұдан әрi - Комиссия/ Қазақстан Республикасы Үкiметiнiң 1997 жылғы 3 шiлдедегi N 1051 қаулысымен бекiтiлген "Қазақстан Акционерлiк Халықтық Жинақ Банкiн кезең-кезеңмен жекешелендiрудiң 1997-2001 жылдарға арналған бағдарламасына" сәйкес Қазақстан Акционерлiк Халықтық Жинақ Банкiнiң /бұдан әрi - Банк/ акцияларын оның салымшыларының арасында орналастыру мақсатында құрылады.
2. Банктiң қарапайым атаулы акциялары Банктiң салымшыларының - 1997 жылғы 1 шiлдеде және 1997 жылғы 1 желтоқсанда банкте салымы болған жеке адамдардың арасында орналастырылады. Акциялар сатып алудың мәлiмделген бағасы ескерiле отырып жабық аукцион арқылы конкурстық негiзде орналастырылады. Салымшы аукционға қатысу үшiн 1997 жылғы 1 шiлдедегi жағдайы бойынша өзiнiң салымы сомасының шегiндегi қаражатты пайдалана алады. Банктiң акциясын орналастыру жөнiнде аукционға қатысуға өтiнiмдер беру кезiнде мынадай шектеулер қолданылады: әр салымшының акцияның орналастырылатын көлемiнiң 3% аспайтын, акциялар пакетiн сатып алуға өтiнiм беру мүмкiндiгi болады. Жиыны орналастыруға 1 акцияның көрсетiлген құны 100 теңге 3 000 000 дана мөлшерiнде акциялар қойылады.
ЕСКЕРТУ. 2-тармақ өзгердi - ҚРҮ-нiң 1997.12.31. N 1876
қаулысымен. P971876_
ЕСКЕРТУ. 2-тармақ толықтырылды - ҚРҮ-нiң 1998.01.27. N 41
қаулысымен. P980041_
3. Комиссия алқалық орган болып табылады. Комиссияның құрамына Қазақстан Республикасы Қаржы министрлiгiнiң, Қазақстан Республикасы Ұлттық Банкiнiң, Қазақстан Республикасының Қаржы министрлiгi Мемлекеттiк мүлiк және жекешелендiру комитетiнiң, Қазақстан Республикасы Бағалы қағаздар жөнiндегi ұлттық комиссиясының және басқа да ұйымдардың /келiсiм бойынша/ өкiлдерi кiредi.
Комиссияның жеке құрамы Қазақстан Республикасы Үкiметiнiң қаулысымен бекiтiледi.
4. Комиссия өз қызметiнде Қазақстан Республикасының заң және нормативтiк құқықтық актiлерiн, осы Ереженi басшылыққа алады.
2. КОМИССИЯНЫҢ ФУНКЦИЯЛАРЫ
5. Комиссия өзiне жүктелген мiндеттердi шешу үшiн мынадай функцияларды жүзеге асырады:
1) Банктi кезең-кезеңмен жекешелендiрудiң бағдарламасына сәйкес акцияларды салымшылардың арасында орналастыру үшiн қажеттi құжаттардың жиынтығын әзірлейдi және бекiтедi;
2) Банктiң акцияларын орналастыру жөнiндегi аукционға қатысуға өтiнiмдер берудiң тәртiбiн айқындайды;
3) акцияларды орналастырудың ең төменгi бағасына ұсыным жасайды;
4) Банктiң салымшылары арасында жабық аукцион өткiзедi.
6. Комиссияның:
1) Банктiң акцияларын орналастыруға байланысты мәселелер жөнiнде банктен ақпарат алуға;
2) сарапшыларды, мамандандырылған консалтингтiк және өзге де ұйымдарды жұмысқа тартуға;
3) акциялар толық орналастырылмаған жағдайда сатып алынбаған акцияларды сатып алуға қосымша өтiнiмдер жинауды жүргiзуге және осы Ереженiң 2-тармағында көзделген шарттармен аукцион өткiзуге, қосымша өтiнiмдер жинау мен аукцион өткiзудiң мерзiмдерiн айқындауға;
4) осы Ережеге және Үкiметтiң 1997 жылғы 3 шiлдедегi N 1051 қаулысына сәйкес комиссияның шешiмдерiнiң атқарылуына бақылау мен тексеру жасауды жүзеге асыруға құқығы бар.
3. Комиссияның қызметiн ұйымдастыру
7. Комиссияны Қазақстан Республикасы Үкiметiнiң қаулысымен тағайындалатын төраға басқарады.
Төраға комиссияның қызметiне басшылық жасайды, оның жұмысын ұйымдастырады.
8. Комиссияның отырысы Комиссия төрағасының бастамашылығы бойынша немесе Комиссия мүшелерiнiң басым көпшiлiгiнiң талап етуi бойынша шақырылады.
Комиссияның отырысы Комиссия мүшелерiнiң жалпы санының кемiнде үштен екiсi қатысқан кезде құқық күшi бар болып табылады.
9. Комиссияның әр мүшесiнiң бiр дауысы болады.
10. Комиссияның шешiмi оған қатысып отырған Комиссия мүшелерiнiң жалпы санының әдеттегi көпшiлiк даусымен қабылданады.
11. Егер Комиссия мүшесi Комиссия қабылдаған шешiмге келiспеген жағдайда, ол өзiнiң ерекше пiкiрiн жазбаша айтуға құқылы.
12. Комиссияның шешiмi хаттамамен ресiмделедi. Хаттамаға Комиссияның барлық мүшелерi қол қояды.
