Қазақстан Республикасының Үкіметі қаулы етеді:
1. Қазақстан Республикасы Үкіметінің "Астана қаласындағы тұрғын үйлер мен әкімшілік үйлерді сатып алу үшін республикалық бюджеттен ақша бөлу туралы" 1998 жылғы 20 қарашадағы N 1186 қаулысына мынадай толықтырулар енгізілсін:
мынадай мазмұндағы 1-2 және 1-3-тармақтармен толықтырылсын:
"1-2. Қазақстан Республикасы Президентінің Іс Басқармасы заңдарда белгіленген тәртіппен Қазақстан Республикасы, Астана қаласы, Республика даңғылы, 60 мекен-жайы бойынша орналасқан ғылыми-зертханалық кешеннің ғимаратын Қазақстан Республикасы Қаржы министрлігінің Мемлекеттік мүлік және жекешелендіру департаментіне берсін.
1-3. Қазақстан Республикасы Қаржы министрлігінің Мемлекеттік мүлік және жекешелендіру департаменті заңдарда белгіленген тәртіппен осы қаулының 1-2-тармағында көрсетілген ғимаратты "Қазақойл" жабық акционерлік қоғамының жарғылық капиталына берсін".
2. Осы қаулының орындалуын бақылау Қазақстан Республикасы Премьер-Министрінің орынбасары А.С.Павловқа жүктелсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
