1997 жылғы 11 мамырда Қазақстан Республикасы мен "Central Asia Petroleum Ltd." компаниясының арасында жасалған N 04/031-97 "Маңғыстау мұнай-газ" АҚ-ның акцияларын сатып алу-сату шарты (бұдан әрі - "Маңғыстау мұнай-газ" АҚ-ның акцияларын сатып алу-сату шарты) бойынша Қазақстан Республикасы қабылдаған міндеттемелерді орындау мақсатында және Қазақстан Республикасы Үкіметінің 1997 жылғы 28 мамырдағы N 897 P970897_ қаулысына сәйкес Қазақстан Республикасының Үкіметі қаулы етеді:
1. Қазақстан Республикасының Қаржы министрлігі мен Мемлекеттік кіріс министрлігі заңдарда белгіленген тәртіппен:
1997 жылғы 11 мамырда Қазақстан Республикасы Қаржы министрлігінің Жекешелендіру жөніндегі департаменті мен "Central Asia Petroleum Ltd." компаниясының арасында жасалған N 04/031-97 "Маңғыстау мұнай-газ" АҚ-ның акцияларын сатып алу-сату шартының 9.2-тармағы бойынша міндеттемелерді орындауды;
"Маңғыстау мұнай-газ" АҚ-ның активтері сомасының пассивтері сомасынан асуын 129 507 мың АҚШ долларына бара-бар сомада теңгемен салықтық міндеттемелер мен кедендік төлемдердің есебіне өтеуді;
аумақтық органдардың "Маңғыстау мұнай-газ" АҚ-ның акцияларын сатып алу-сату шартының 9.2-тармағында көзделген өтемақыларды жүзеге асырудың тәртібін әзірлеуін және орындауға қабылдауын;
"Маңғыстау мұнай-газ" АҚ-ның 1998 жылғы 1 қаңтарға бюджеттің алдында пайда болған борыштарын өтеуді және "Маңғыстау мұнай-газ" АҚ-ның акцияларын сатып алу-сату шарты бойынша мәмілелердің аяқталуына қатысты 1998 жылғы 6 наурыздағы Хаттаманың шарттарына сәйкес 1998 жылғы 1 қаңтарда пайда болған өсім ақылар мен айыппұлдар бойынша
берешектерді өтеудің кестесін құжаттамалық растауды қамтамасыз етсін.
2. Осы қаулының орындалуын бақылау Қазақстан Республикасы
Премьер-Министрінің орынбасары, Қаржы министрі О.Ә.Жандосовқа жүктелсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
