Ескерту. Күші жойылды - ҚР Премьер-Министрінің 2012.12.30 № 11-ө Өкімімен.
«Қазақстан Республикасының Премьер-Министрі, Премьер-Министрінің орынбасарлары және Премьер-Министрі Кеңсесінің Басшысы арасында міндеттерді бөлу туралы» Қазақстан Республикасы Премьер-Министрінің 2010 жылғы 5 мамырдағы № 61-ө өкіміне мынадай өзгерістер мен толықтырулар енгізілсін:
тақырыбы мынадай редакцияда жазылсын:
«Қазақстан Республикасының Премьер-Министрі, Премьер-Министрінің орынбасарлары, Премьер-Министрі Кеңсесінің Басшысы және Қазақстан Республикасы Үкіметінің кейбір мүшелері арасында міндеттерді бөлу туралы»;
1-тармақ мынадай редакцияда жазылсын:
«1. Қоса беріліп отырған Қазақстан Республикасының Премьер-Министрі, Премьер-Министрінің орынбасарлары, Премьер-Министрі Кеңсесінің Басшысы және Қазақстан Республикасы Үкіметінің кейбір мүшелері арасында міндеттерді бөлу бекітілсін.»;
Қазақстан Республикасының Премьер-Министрі, Премьер-Министрінің орынбасарлары және Премьер-Министрі Кеңсесінің Басшысы арасында міндеттерді бөлуде:
тақырыбы мынадай редакцияда жазылсын:
«Қазақстан Республикасының Премьер-Министрі, Премьер-Министрінің орынбасарлары, Премьер-Министрі Кеңсесінің Басшысы және Қазақстан Республикасы Үкіметінің кейбір мүшелері арасында міндеттерді бөлу»;
«Қазақстан Республикасының Премьер-Министрі К.Қ. Мәсімов» деген бөлімде:
екінші абзац мынадай редакцияда жазылсын:
«Экономикалық, қаржы, фискалдық, өңірлік және инвестициялық, кеден саясатының, мемлекеттік бюджеттің стратегиялық мәселелері.»;
мынадай мазмұндағы жетінші абзацпен толықтырылсын:
«Ауыл шаруашылығы мен агроөнеркәсіптік кешен мәселелері.»;
«Қазақстан Республикасы Премьер-Министрінің бірінші орынбасары Ө.Е. Шөкеев» деген бөлім алып тасталсын;
«Қазақстан Республикасы Премьер-Министрінің орынбасары - Индустрия және жаңа технологиялар министрі Ә.Ө. Исекешев» деген бөлімде:
мынадай мазмұндағы бірінші абзацпен толықтырылсын:
«Экономиканы жедел басқару мәселелері.»;
мынадай мазмұндағы алтыншы, жетінші, сегізінші және тоғызыншы абзацтармен толықтырылсын:
«Өндірістік инфрақұрылымды дамыту және Көлік стратегиясын іске асыру мәселелері.
Жер және су қатынастары, қоршаған ортаны қорғау, табиғи ресурстарды пайдалану, ғарыш қызметі мәселелері.
Құрылысты дамыту және тұрғын үй-коммуналдық шаруашылығын жаңғырту мәселелері.
Төтенше жағдайлар және жұмылдыру жұмысы мәселелері.»;
мынадай мазмұндағы бөлікпен толықтырылсын:
«Қазақстан Республикасының Экономикалық интеграция
істері министрі Ж.С. Айтжанова
Сауда және тарифтік саясат, бәсекелестік, Қазақстанның Дүниежүзілік сауда ұйымына кіруі, ТМД елдерімен және олардың ықпалдастық бірлестіктерімен өзара қарым-қатынастар мәселелері.
Еуразия экономикалық қоғамдастығы (ЕурАзЭҚ) шеңберіндегі ынтымақтастық мәселелері.
Кеден одағы (Қазақстан Республикасы - Ресей Федерациясы - Беларусь Республикасы) шеңберіндегі ынтымақтастық мәселелері.».
Премьер-Министр К. Мәсімов
