Қоса беріліп отырған Қазақстан Республикасы Премьер-Министрінің кейбір өкімдеріне енгізілетін өзгерістер мен толықтырулар бекітілсін.
| Премьер-Министр | Б. Сағынтаев |
| Қазақстан Республикасы Премьер-Министрінің 2017 жылғы 6 наурыздағы № 30-ө өкімімен бекітілген |
Қазақстан Республикасы Премьер-Министрінің кейбір өкімдеріне енгізілетін өзгерістер мен толықтырулар
1. Күші жойылды - ҚР Премьер-Министрінің 15.06.2020 № 83-ө өкімімен.
2. "Республикалық бюджеттен қаржыландырылатын талдамалық және әлеуметтанушылық зерттеулердің және шетелдік ұйымдармен бірлескен зерттеулердің тақырыбын қарау мәселелері жөнінде комиссия құру туралы" Қазақстан Республикасы Премьер-Министрінің 2016 жылғы 26 шілдедегі № 60-ө өкімінде:
көрсетілген өкіммен бекітілген Республикалық бюджеттен қаржыландырылатын талдамалық және әлеуметтанушылық зерттеулердің және шетелдік ұйымдармен бірлескен зерттеулердің тақырыбын қарау мәселелері жөніндегі комиссияның құрамына:
мыналар:
Қазақстан Республикасының Денсаулық сақтау вице-министрі;
Қазақстан Республикасының Еңбек және халықты әлеуметтік қорғау вице-министрі;
Қазақстан Республикасының Дін істері және азаматтық қоғам вице-министрі;
Қазақстан Республикасының Қорғаныс және аэроғарыш өнеркәсібі вице-министрі;
Қазақстан Республикасының Мемлекеттік кызмет істері және сыбайлас жемқорлыққа қарсы іс-қимыл агенттігі төрағасының орынбасары (келісім бойынша) енгізілсін;
мына:
"Қазақстан Республикасы Премьер-Министрінің орынбасары, төраға" деген жол мынадай редакцияда жазылсын:
"Қазақстан Республикасы Премьер-Министрінің бірінші орынбасары, төраға";
мына:
"Қазақстан Республикасының Мемлекеттік қызмет істері вице-министрі";
"Қазақстан Республикасының Денсаулық сақтау және әлеуметтік даму вице-министрі"
деген жолдар алып тасталсын.
3. "Қазақстан Республикасы Үкіметінің жанындағы консультативтік-кеңесші органдардың кейбір мәселелері туралы" Қазақстан Республикасы Премьер-Министрінің 2016 жылғы 29 қыркүйектегі № 90-ө өкімінде:
көрсетілген өкіммен бекітілген Қазақстан Республикасы Үкіметінің жанындағы Бәсекеге қабілеттілік жөніндегі кеңестің құрамында:
мыналар:
Қазақстан Республикасының Еңбек және халықты әлеуметтік қорғау министрі;
Қазақстан Республикасының Денсаулық сақтау министрі енгізілсін;
мына:
"Қазақстан Республикасының Денсаулық сақтау және әлеуметтік даму министрі" деген жол алып тасталсын.
