Ескерту. Күші жойылды - ҚР Үкіметінің 29.04.2022 № 268 қаулысымен.
"Қазақстан Республикасының Үкіметі туралы" 1995 жылғы 18 желтоқсандағы Қазакстан Республикасы Конституциялық заңының 19-бабы 1-тармағының 8) тармакшасына сәйкес:
1. Мұнай-газ саласы инвесторларының мәселелері женіндегі ведомствоаралық кеңес (бұдан әрі - Кеңес) құрылсын.
2. Қоса беріліп отырған:
1) Кеңестің құрамы;
2) Кеңес туралы ереже бекітілсін.
| Премьер-Министр | А. Мамин |
| Қазақстан Республикасы Премьер-Министрінің 2021 жылғы 27 қазандағы № 175-ө өкімімен бекітілген |
Мұнай-газ саласы инвесторларының мәселелері жөніндегі ведомствоаралық кеңес туралы ереже
1-тарау. Жалпы ережелер
1. Мұнай-газ саласы инвесторларының мәселелері женіндегі ведомствоаралық кеңес (бұдан әрі - Кеңес) Қазақстан Республикасында қолайлы инвестициялық ахуал жасау мақсатында құрылады.
2. Кеңес Қазақстан Республикасы Үкіметінің жанындағы консультациялық-кеңесші орган болып табылады.
3. Кеңес өз кызметінде Қазақстан Республикасының Конституциясын, Қазақстан Республикасының заңдарын және Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
4. Кеңес отырыстары қажеттілігіне қарай, бірақ тоқсанына бір реттен сиретпей өткізіледі және бейнеконференцбайланыс режимінде ұйымдастырылуы мүмкін.
5. Қазақстан Республикасының Энергетика министрлігі Кеңестің жұмыс органы болып табылады.
2-тарау. Кенестің негізгі міндеті
6. Кеңестің негізгі міндеті:
1) мұнай-газ саласындағы инвестициялық ахуалды жақсарту;
2) мұнай-газ саласындағы инвесторлардың қызметі;
3) инвесторлардың проблемалық мәселелерін Қазақстан Республикасы Президентінің жанындағы Мұнай-газ кеңесінің қарауына шығару;
4) инвесторлардың өтініштерін қарау;
5) мұнай-газ саласын дамыту, мұнай-газ саласындағы заңнаманы жетілдіру мәселелері бойынша ұсыныстар мен ұсынымдарды тұжырымдау болып табылады.
3-тарау. Кенес жұмысының ұйымдастырылуы және тәртібі
7. Кеңес жұмысының ұйымдастырылуы және тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультациялық-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа сәйкес жүзеге асырылады.
| Қазақстан Республикасы Премьер-Министрінің 2021 жылғы 27 қазандағы № 175-ө өкімімен бекітілген |
Мұнай-газ саласы инвесторларының мәселелері жөніндегі ведомствоаралық кеңестің құрамы
Қазақстан Республикасының Энергетика министрі, төраға
Қазақстан Республикасының Энергетика вице-министрі, төрағаның орынбасары
Қазақстан Республикасының Энергетика министрлігі Халықаралық ынтымақтастық департаментінің директоры, хатшы
Қазақстан Республикасының Индустрия және инфрақұрылымдық даму вице-министрі
Қазақстан Республикасының Ұлттық экономика вице-министрі Қазақстан Республикасының Қаржы вице-министрі
Қазақстан Республикасының Экология, геология және табиғи ресурстар вице-министрі
Қазақстан Республикасының Сыртқы істер министрлігі Инвестициялар комитетінің төрағасы
