1. Қазақстан Республикасы Президентiнің 1999 жылғы 20 сәуiрде сыбайлас жемқорлыққа қарсы күрес мәселелерi жөнiндегi кеңесте айтқан тапсырмаларын және Қазақстан Республикасы Yкiметiнің 1999 жылғы 22 сәуiрдегi N 13 Хаттамалық шешiмiнiң 2-тармағының 3) тармақшасын iске асыру мақсатында:
2. Қазақстан Республикасының Әдiлет министрлiгi:
1) Қазақстан Республикасы министрлiктерінің, агенттiктерiнiң және ведомстволарының мемлекеттiк қызметшілерi үшін Қазақстан Республикасының Әдiлет министрлiгi белгілеген кесте бойынша тиiстi лекциялар топтамасын оқытатын болсын;
2) мемлекеттiк қызметшiлердiң Қазақстан Республикасы Конституциясының нормаларын, Қазақстан Республикасы Президентiнiң "Мемлекеттiк қызмет туралы" U952370_ заң күшi бар Жарлығын, "Қазақстан Республикасының ұлттық қауiпсiздiгi туралы" Z980233_ , "Сыбайлас жемқорлыққа қарсы күрес туралы" Z980267 Қазақстан Республикасының Заңдарын және сыбайлас жемқорлыққа қарсы өзге де заңдарды бiлуiн тексеру мақсатында министрлiктер мен агенттiктер басшыларының орынбасарларын, сондай-ақ олардың құрылымдық бөлiмшелерi басшыларын, басшыларының орынбасарларын өз базасы негiзiнде компьютерлiк тестіден өткiзудi ұйымдастырсын және жүзеге асырсын;
3) 1999 жылдың 5 маусымына дейiн тесттен өткiзудiң компьютерлiк бағдарламасына енгiзiлетiн сұрақтар тiзбесiн әзiрлесiн, бекiтсiн, сондай-ақ тест өткiзiлетiн мерзiмдердi белгiлесiн және оларды тиiстi мемлекеттiк органдарға хабарласын;
4) оқыту мен тест өткiзудiң қорытындылары туралы 1999 жылдың 15 шiлдесiне дейiн мерзiмде Қазақстан Республикасы Премьер-Министрiнiң Кеңсесiне хабарлайтын болсын.
3. Қазақстан Республикасы министрлiктерiнiң, агенттiктерiнiң және ведомстволарының басшылары:
1) осы өкiмнiң 2-тармағының 2) тармақшасында көрсетілген мемлекеттiк қызметшiлердің сабақтарға және кейін компьютерлiк тестiден өтуге қатысуын қамтамасыз етсiн;
2) өздерi басшылық ететiн мемлекеттiк органдардағы осы өкiмнiң
2-тармағының 2) тармақшасында көрсетiлмеген мемлекеттік қызметшiлердiң
бiлiмiн тексерудi дербес жүзеге асырып, нәтижелерi туралы Қазақстан
Республикасы Премьер-Министрiнiң Кеңсесiне 1999 жылғы 30 шiлдеден
кешiктiрмей хабарласын.
4. Осы өкiмнiң орындалуын бақылау Қазақстан Республикасы
Премьер-Министрiнiң Кеңсесiне жүктелсiн.
Премьер-Министр
Оқығандар:
Қобдалиева Н.
Омарбекова А.
