Ескерту. Күші жойылды - Қазақстан Республикасы Президентінің 2009.06.18 N 829 Жарлығымен.
Мемлекеттiк басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру жөнiндегi ұсыныстарды талдап жасау мақсатында ҚАУЛЫ ЕТЕМIН:
1. Қосымшаға сәйкес құрамда Мемлекеттiк басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөнiндегi мемлекеттiк комиссия құрылсын.
2. Қоса берiлiп отырған Мемлекеттiк басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөніндегi мемлекеттiк комиссия туралы ереже бекітiлсiн.
3. Мемлекеттік басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру мәселелерi жөнiндегі мемлекеттiк комиссия 2002 жылғы 1 желтоқсанға дейiн мемлекеттiк басқару деңгейлерi арасындағы өкiлеттiктердi ажырату және бюджетаралық қатынастарды жетiлдiру тұжырымдамасын әзiрлеудi қамтамасыз етсiн. <*>
Ескерту. 3-тармаққа өзгерту енгізілді - ҚР Президентінің 2002.11.14. N 972
жарлығымен
.
4. Осы Жарлықтың iске асырылуын бақылау Қазақстан Республикасы Президентiнiң Әкiмшiлiгiне жүктелсiн.
5. Осы Жарлық қол қойылған күнiнен бастап күшiне енедi.
Ескерту. Қаулыға өзгерту енгізілді - Қазақстан Республикасы Президентiнiң 2002.02.09. N 804
Жарлығымен
.
Қазақстан Республикасының
Президенті
Қазақстан Республикасы
Президентiнiң
2001 жылғы 24 қазандағы
N 713 Жарлығына
қосымша
Ескерту. Қосымша жаңа редакцияда - Қазақстан Республикасы Президентiнiң 2002 жылғы 9 ақпандағы N 804 Жарлығымен , өзгеріс енгізілді - 2002 жылғы 14 қарашадағы N 972 жарлығымен , 2003 жылғы 04 тамыздағы N 1159 жарлығымен , жаңа редакцияда - 2005.02.14. N 1519 Жарлығымен , 2005.08.22. N 1630 Жарлығымен .
Мемлекеттiк басқару деңгейлерi арасындағы өкiлеттiктердi
ажырату және бюджетаралық қатынастарды жетiлдiру
мәселелерi жөнiндегi мемлекеттiк комиссияның
Ахметов - Қазақстан Республикасының
Даниал Кенжетайұлы Премьер-Министрi, төраға
Есiмов - Қазақстан Республикасы
Ахметжан Смағұлұлы Премьер-Министрiнiң орынбасары,
төрағаның орынбасары
Балиева - Қазақстан Республикасының Әдiлет
Зағипа Яхияқызы министрi, төрағаның орынбасары
Келiмбетов - Қазақстан Республикасының
Қайрат Нематұлы Экономика және бюджеттiк жоспарлау
министрi, төрағаның орынбасары
Комиссия мүшелерi
Әлиев - Ақмола облысы әкiмдiгi экономика
Жаңабай Рақышұлы және бюджеттiк жоспарлау
департаментiнің директоры
Ахаев - Шығыс Қазақстан облыстық
Василий Иванович мәслихатының хатшысы (келiсiм
бойынша)
Ахметов - Ақмола облысы Целиноград ауданы
Ғабдол Есенбекұлы Романов ауылдық округiнiң әкiмi
Бексейiтов - Батыс Қазақстан облысының Шыңғырлау
Алтынбек Климұлы ауданы Белогор ауылдық округiнiң
әкiмi
Бөкенов - Алматы қаласы әкiмiнiң бiрiншi
Қайрат Ахмадиұлы орынбасары
Бурлаков - Қазақстан Республикасы Парламентi
Леонид Николаевич Сенатының Өңiрлiк даму және
жергiлiктi өзiн-өзi басқару
мәселелерi комитетiнiң төрағасы
(келiсiм бойынша)
Бурлаченко - Оңтүстік Қазақстан облысы әкiмiнiң
Светлана Николаевна орынбасары
Имантаев - Қазақстан Республикасы
Ермек Жетпiсбайұлы Президентiнiң Әкiмшiлiгi
Мемлекеттiк бақылау және
ұйымдастыру жұмысы бөлiмiнiң
мемлекеттік инспекторы
Коржова - Қазақстан Республикасының
Наталья Артемовна Экономика және бюджеттік жоспарлау
вице-министрi
Қосжанов - Қазақстан Республикасы
Төрехан Бекболұлы Президентiнiң Әкiмшiлiгi
Әлеуметтiк-экономикалық талдау
бөлiмiнiң бас инспекторы
Мамытбеков - Астана қаласы әкiмiнiң орынбасары
Асылжан Сарыбайұлы
Марченкова - Ақмола облыстық мәслихаты тексеру
Галина Альбертовна комиссиясының төрайымы (келiсiм
бойынша)
Мусина - Қазақстан Республикасының Ауыл
Лилия Сәкенқызы шаруашылығы вице-министрi
Овчинников - Шығыс Қазақстан облысының Өскемен
Сергей Александрович қаласы Меновнов ауылдық округiнiң
әкiмi
Омаров - Солтүстiк Қазақстан облысы әкiмiнiң
Жасұлан Ысқақұлы орынбасары
Райымбеков - Қазақстан Республикасы Жер
Каналбек Ұтжанұлы ресурстарын басқару агенттiгі
төрағасының орынбасары
Редкокашин - Астана қаласы мәслихатының хатшысы
Владимир Николаевич (келiсiм бойынша)
Сағадиев - Қазақстан Республикасы Парламентi
Кенжеғали Әбенұлы Мәжiлiсiнiң Қаржы және бюджет
комитетiнiң төрағасы (келiсiм
бойынша)
Сапаров - Батыс Қазақстан облыстық
Табылғали Сәтқалиұлы мәслихатының хатшысы (келiсiм
бойынша)
Семидоцкая - Ақмола облысының Шортанды ауданы
Антонина Васильевна әкiмiнiң орынбасары
Сухорукова - Қазақстан Республикасы Парламентi
Вера Николаевна Мәжiлiсiнiң Экономикалық реформа
және өңiрлiк даму комитетiнiң
төрайымы (келiсiм бойынша)
Төлесбаев - Шығыс Қазақстан облысының Семей
Қанатжан Есентайұлы қаласы әкiмiнiң орынбасары
Тұңғышбеков - Қазақстан Республикасы Ауыл
Санат Тұңғышбекұлы шаруашылығы министрлігінiң Ауылдық
аумақтар iстерi комитетiнiң
төрағасы
Өтебаев - Қазақстан Республикасы Парламентi
Мүсiрәлi Смайылұлы Сенатының Экономика, қаржы және
бюджет комитетiнiң төрағасы
(келiсiм бойынша)
Өтемiсов - Батыс Қазақстан облысы Ақжайық
Шавхат Әнесұлы ауданының әкiмi
Хамитов - Батыс Қазақстан облысы әкiмiнiң
Асқар Шәңгерейұлы орынбасары
Баяндаров - Шығыс Қазақстан облысы әкiмiнiң
Мағзам Тоғжанұлы бiрiншi орынбасары
Қазақстан Республикасы
Президентінiң
2001 жылғы 24 қазандағы
N 713 Жарлығымен
БЕКIТIЛГЕН
Мемлекеттiк басқару деңгейлерi арасындағы өкiлеттіктердi
ажырату және бюджетаралық қатынастарды жетiлдiру мәселелерi жөнiндегi мемлекеттiк комиссия туралы
ЕРЕЖЕ
1. Осы Ереже Мемлекеттiк басқару деңгейлерi арасындағы өкiлеттіктердi ажырату және бюджетаралық қатынастарды жетiлдiру мәселелерi жөнiндегi мемлекеттiк комиссияның (бұдан әрi - Комиссия) қызметiн реттейдi.
Ескерту. 1-тармаққа өзгеріс енгізілді - Қазақстан Республикасы Президентiнiң 2002.02.09. N 804
Жарлығымен
.
2. Комиссия қызметiнiң құқықтық негiзiн Қазақстан Республикасының Конституциясы және заңдары, Қазақстан Республикасы Президентiнiң актiлерi, Қазақстан Республикасының өзге де нормативтiк құқықтық актiлерi, сондай-ақ осы Ереже құрайды.
2. Комиссияның мiндеттерi мен функциялары
3. Комиссияның негiзгi мiндетi Қазақстан Республикасындағы мемлекеттік басқару деңгейлерi арасындағы өкiлеттіктердi ажырату саласында тиiмдi шешiмдердi талдап-жасау және бюджетаралық қатынастарды жетiлдiру болып табылады.
Ескерту. 3-тармаққа өзгеріс енгізілді - Қазақстан Республикасы Президентiнiң 2002.02.09. N 804
Жарлығымен
.
4. Комиссия заңнамада белгiленген тәртiппен өзiне жүктелген мiндеттерге сәйкес:
1) мемлекеттiк органдардың функцияларын мемлекеттiк басқарудың деңгейлерi арасында оңтайлы бөлу жөнiнде;
2) мемлекеттiк басқарудың деңгейлерi арасында бюджетаралық қатынастар мәселелерi жөнiнде;
3) мемлекеттiк басқарудың барлық деңгейлерiнде шешiмдер қабылдауда үлкен дербестік беру бөлiгiнде мемлекеттiк басқаруды жетiлдiру жөнiнде;
4) мемлекеттiк басқарудың барлық деңгейлерiнiң қызмет саласын регламенттейтiн нормативтiк құқықтық актiлердi әзiрлеу жөнiнде ұсыныстар дайындап, Қазақстан Республикасының Президентiне енгiзедi.
5. Комиссия өзiнiң мiндеттерiне сәйкес:
1) орталық атқарушы және басқа да мемлекеттік органдармен және ұйымдармен өзара іс-қимыл жасауға, сондай-ақ Комиссияның мiндеттерiн iске асыру үшiн мамандар мен сарапшыларды жұмысқа тартуға;
2) заңнамада белгiленген тәртiппен мемлекеттiк және басқа да ұйымдардан Комиссияның мiндеттерiн iске асыру үшiн қажеттi материалдарды сұратуға және алуға;
3) Комиссияның міндеттерiн iске асыруға байланысты мәселелер бойынша бiрiншi басшыларды, ал олар болмағанда мемлекеттік органдар мен ұйымдардың бiрiншi басшысының мiндетiн атқарушы тұлғаларды Комиссияның отырысына шақыруға және тыңдауға;
4) оның құзыретiне енетiн мәселелер бойынша шешiмдер қабылдауға және ұсыныстар енгiзуге құқығы бар.
4. Комиссияны қалыптастыру тәртiбi және оның қызметi
6. Комиссияны Қазақстан Республикасы Yкiметiнiң ұсынысы бойынша Қазақстан Республикасының Президентi құрады.
Комиссияның құрамына:
Қазақстан Республикасы Үкiметiнiң мүшелерi;
Парламент депутаттары (келiсiм бойынша);
мемлекеттiк органдардың бiрiншi басшылары және (немесе) олардың орынбасарлары;
жекелеген облыстардың, республикалық және облыстық маңызы бар қалалардың, аудандардың әкiмдерi кiредi.
Комиссияның құрамына қажет болған жағдайда басқа да тұлғалар енгізілуі мүмкін.
7. Комиссияның органдары:
1) Комиссияның төрағасы;
2) Комиссия төрағасының орынбасарлары;
3) хатшылық.
Ескерту. 7-тармаққа өзгеріс енгізілді - ҚР Президентінің 2005.02.14. N 1519
Жарлығымен
.
8. Комиссияның жұмыс органы ретiнде хатшылықтың функциясы Қазақстан Республикасының Экономика және бюджеттік жоспарлау министрлігіне жүктеледi. <*>
Ескерту. 8-тармаққа өзгеріс енгізілді - ҚР Президентінің 2002.11.14. N 972
жарлығымен
.
9. Комиссияның төрағасы оның қызметiне басшылық жасайды, Комиссияның отырыстарында төрағалық етедi, оның жұмысын жоспарлайды, оның шешiмдерiн iске асыру жөнiнде жалпы бақылауды жүзеге асырады және Комиссия жүзеге асыратын қызмет үшiн жауапкершiлiкте болады. Комиссия төрағасы болмаған уақытта оның функциясын төраға белгiлеген төрағаның орынбасары орындайды.
Ескерту. 9-тармаққа өзгеріс енгізілді - ҚР Президентінің 2005.02.14. N 1519
Жарлығымен
.
10. Комиссияның отырысы қажеттілігіне қарай, тоқсанында кемінде бір рет өткізіледі. <*>
Ескерту. 10-тармақ жаңа редакцияда - ҚР Президентінің 2002.11.14. N 972
жарлығымен
.
11. Комиссияның мүшелерiнiң отырыстарға қатысу жөнiндегi өзiнiң өкiлеттіктерiн басқа тұлғаларға беруге құқығы жоқ.
12. Комиссияның шешiмдерi ашық дауыс берумен қабылданады және егер олар үшiн Комиссия мүшелерiнiң жалпы санының көпшiлiк дауысы берiлсе, қабылданған болып саналады. Комиссия мүшелерi шешiмдер қабылдаған кезде тең дауыстарға ие. Дауыстар тең болған жағдайда, Комиссияның төрағасы дауыс берген шешiм қабылданған болып саналады.
13. Комиссия отырыстары күн тәртiбiнiң мәселелерiн қараудың нәтижелерi әрбiр мәселе бойынша дауыс берудiң қорытындылары көрсетiле отырып, тиiстi хаттамаларға енгiзiледi. Комиссия қабылдаған шешiм Комиссияның төрағасы қол қоятын хаттамамен ресiмделедi. Комиссияның мүшелерi қабылданған шешiммен келiспеген жағдайда, мәжiлiстiң хаттамасына қосылып тiркелетiн ерекше пiкiрiн жазбаша түрде айтуға құқығы бар.
14. Комиссияның өзiне жүктелген мiндеттердi орындау мақсатында қабылдаған шешiмдерiн барлық мемлекеттiк органдар көрсетiлген мерзiмде мiндеттi түрде қарауға және орындауға тиiс.
15. Хатшылықтың функциялары Комиссия отырыстарына материалдар айындау, оларды Комиссия мүшелерiне жiберiп отыру, Комиссия отырыстарының хаттамаларын дайындау, Комиссияның құзыретiне енетiн мәселелер бойынша орталық атқарушы және басқа да мемлекеттiк органдармен және ұйымдармен өзара іс-қимыл жасау болып табылады.
5. Комиссияның қызметiн тоқтату
16. Комиссияның қызметiн тоқтатуға:
1) Комиссияға жүктелген мiндеттемелердi орындауы;
2) Қазақстан Республикасы Президентiнiң Комиссияның қызметiн тоқтату туралы шешiм қабылдауы негiз болып табылады.
17. Осы Ереженiң 16-тармағында көрсетiлген, Комиссияның қызметiн тоқтатуға әкеп соқтыратын жағдайлар туындаған кезде, Қазақстан Республикасының Президентіне және Қазақстан Республикасының Үкiметiне жасалған жұмыс туралы есеп-хат жiберiледi.
