Қазақстан Республикасының адам құқықтары саласындағы одан әрі шаралары туралы

Жаңартылған

Қазақстан Республикасы Президентінің 2021 жылғы 9 маусымағы № 597 Жарлығы.

      Адам құқықтары саласында одан әрі шаралар қабылдау мақсатында ҚАУЛЫ ЕТЕМІН:

      1. Қазақстан Республикасының Үкіметі:

      1) Адам құқықтары саласындағы бірінші кезектегі шаралар жоспарын (бұдан әрі - Іс-шаралар жоспары) бекітсін, онда мынадай жұмыс бағыттарын көздесін:

      БҰҰ-ның шарттық органдарымен және БҰҰ-ның Адам құқықтары бойынша кеңесінің арнаулы рәсімдерімен өзара іс-қимыл тетіктерін жетілдіру; адам саудасы құрбандарының құқықтарын қамтамасыз ету; мүгедектігі бар азаматтарға қатысты адам құқықтары; әйелдерге қатысты кемсітуді жою; бірлесу бостандығына құқық; пікір білдіру бостандығына құқық; адамның өмір сүруге және қоғамдық тәртіпке құқығы; үкіметтік емес ұйымдармен өзара іс-қимыл тиімділігін арттыру; адамның қылмыстық сот төрелігі, атқару және азаптаулар мен қатыгез іс-әрекеттердің алдын алу саласындағы құқықтары;

      1-1) мынадай жұмыс бағыттарын көздейтін Адам құқықтары және заң үстемдігі саласындағы одан әрі шаралар жоспары (бұдан әрі - Одан әрі шаралар жоспары) бекітілсін:

      әйелдерге қатысты кемсітуді жою;

      ерлер мен әйелдердің тең құқықтары мен мүмкіндіктерін ілгерілету;

      бірлесу бостандығы құқығы;

      мүгедектігі бар адамдарға қатысты адам құқықтары;

      адамның қылмыстық сот төрелігі, жазаны атқару және азаптаулар мен қатыгез іс-әрекеттердің алдын алу саласындағы құқықтары;

      адам саудасы құрбандарының құқықтарын қамтамасыз ету;

      мигранттарға, азаматтығы жоқ адамдарға және босқындарға қатысты адам құқықтары;

      БҰҰ-ның органдарымен өзара іс-қимыл тетіктерін жетілдіру;

      2) Іс-шаралар жоспарын және Одан әрі шаралар жоспарын іске асыруды қамтамасыз етсін;

      3) жыл сайын 25 қаңтарға қарай жыл қорытындылары бойынша Қазақстан Республикасы Президентінің Әкімшілігіне Іс-шаралар жоспарының және Одан әрі шаралар жоспарының орындалу барысы туралы ақпарат ұсынсын;

      4) осы Жарлықты іске асыру бойынша өзге де шараларды қабылдасын.

      Ескерту. 1-тармаққа өзгеріс енгізілді – ҚР Президентінің 13.04.2022 № 871 Жарлығымен.

      2. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

      3. Осы Жарлық қол қойылған күнінен бастап қолданысқа енгізіледі.

      Қазақстан Республикасының
      Президенті Қ.Тоқаев

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады