1. Қазақстан Республикасы мемлекеттiк наградалары белгiлерiнiң
Сипаттамасы бекiтiлсiн.
2. Қазақстан Республикасының Үкiметi мемлекеттiк наградаларды
қажеттi мөлшерде жасап шығаруға арнап қаражат бөлсiн.
3. Осы Жарлық қол қойылған күнiнен бастап күшiне енедi.
Қазақстан Республикасының
Президентi
Қазақстан Республикасы Президентiнiң
1996 жылғы 23 қаңтардағы N 2794
Жарлығымен бекiтiлген
Қазақстан Республикасы мемлекеттiк наградалары
белгiлерiнiң сипаттамасы
Ең жоғары дәрежелi ерекшелiк белгiсi - айрықша үлгiдегi
"Алтын Қыран" орденi
Ең жоғары дәрежелi ерекшелiк белгiсi - "Алтын Қыран" орденi ақ, қызғылт және сары түстi 585-шi және 750-шi сынамалы алтын қорытпаларынан жасалған алқа iспеттi, ол орден тағанымен байланыстырушы буын арқылы бекiтiлген, сыртқы бетiнде күрделi құлыпты түйреуiш тәрiздi бекiткiшi бар.
Орден тұйықталған жұлдыз нысанында жасалған (585-шi сынамалы алтынның бетiнде қызғылт түстi эмаль қолданылған), одан желпуiш тәрiздi жапырақшалар тарайды (ақ түстi 585-шi сынамалы алтын қорытпаларынан жасалған), олардың орталық бөлiктерiнде (қызғылт түстi 585-шi сынамалы алтын жапсырмаларынан) жалпы саны 20 дана болатын 4 бриллианттан бекiтiлген, Орденнiң ортасында ақ алтын түйiршiктерiмен жиектелген шеңбер iшiнде, арайлана көтерiлiп келе жақтан күннiң аясында қанаттары желпуiш тәрiздi сары түстi алтын қыран (750-шi сынамалы алтын қорытпасы) бедерi бейнеленген (тұсы Қазақстан Республикасының Мемлекеттiк туы түстес ыстық эмальмен қапталған). Қыранның төменгi жағында шеңбер бойында "Алтын Қыран" деген жазу бар (тұсы жасыл түстi ыстық эмальмен қапталған). Қыранның үстiңгi жағына 3 лағыл тас орнатылған.
Тағанның бетiнде бекiткiш пластина арқылы (қызғылт түстi 585-шi сынамалы алтын қорытпасы) қызыл түстi қатқыл жiбек лента, орта тұсында Қазақстан Республикасының Мемлекеттiк туы түстес лента тартылған.
Ең жоғары дәрежелi ерекшелiк белгiсi -
"Алтын Қыран" орденi
Ең жоғары дәрежелi ерекшелiк белгiсi - "Алтын Қыран" орденi ақ, қызғылт және сары түстi 585-шi және 750-шi сынамалы алтын қорытпаларынан жасалған алқа iспеттi, ол орден тағанымен байланыстырушы буын арқылы бекiтiлген, сыртқы бетiнде күрделi құлыпты түйреуiш тәрiздi бекiткiшi бар.
Орден тұйықталған жұлдыз нысанында жасалған (585-шi сынамалы алтынның бетiне көгiлдiр түстi эмаль қолданылған), одан желпуiш тәрiздi жапырақшалар тарайды (ақ түстi 585-шi сынамалы алтын қорытпаларынан жасалған), олардың орталық бөлiктерiнде (қызғылт түстi 585-шi сынамалы алтын жапсырмаларынан) жалпы саны 20 дана болатын 4 бриллианттан бекiтiлген. Орденнiң ортасында ақ алтын түйiршiктерiмен жиектелген шеңбер iшiнде қанатын жайған сары түстi алтын қыран (750-шi сынамалы алтын қорытпасы) бейнеленген (тұсы көк түстi эмальмен қапталған). Қыранның төменгi жағында шеңбер бойында "Алтын Қыран" деген жазу бар (тұсы қызғылт түстi ыстық эмальмен қапталған). Қыранның үстiңгi жағына 3 лағыл тас орнатылған.
Тағанның бетiне бекiткiш пластина арқылы (қызғылт түстi 585-шi сынамалы алтын қорытпасы) Қазақстан Республикасының Мемлекеттiк туы түстес қатқыл жiбек лента, орта тұсында қызғылт түстi лента тартылған.
"Айбын" орденi
"Айбын" орден күмiстен жасалады, нысаны - шеңбер негiзiндегi сегiз бұрышты жұлдыз пiшiндес, жұлдыздың қарама-қарсы ұштарының ара қашықтығы - 45 мм.
Орденнiң ортасында қару-жарақ нышандары бар қалқан орналасқан. Төменгi бөлiгiндегi күреңқызыл тұсқа "Айбын" деп орденнiң аты жазылған.
Орденнiң екi дәрежесi бар: бiрiншi дәрежесiнiң жалпы тұсына қаракөк түстi ыстық эмаль жалатылып, алтынмен апталады, ал екiншiсi - бет жағынан өңi қарайтылған күмiстен және жалпы тұсы көгiлдiр түстi ыстық эмальдан жасалған.
"Айбын" орденi құлақша мен шығыршық арқылы жезден жасалған бесбұрыш нысанындағы тағанмен ұштасады. Жоғарғы және төменгi жақтарында жиектерi бар тағанның биiктiгi - 36,5 мм. енi - 38 мм. Таған сары жолақтары бар қызғылт түстi қатқыл жiбек лентамен қапталған.
"Достық" орденi
"Достық" орденi - шашыраңқы үшбұрышты сәулелер түрiндегi көп сатылы шеңбер тәрiздес. Орденнiң ортасында жер шары орналасқан, оның бетiнде ыстық эмаль жалатылған күңгiрт-жасыл тұста айшықты ақ шаңқан өмiр гүлiн аялап тұрған екi ашық алақан бейнеленген. Шардың төменгi бөлiгiндегi қызылкүрең тұсқа "Достық" деп орденнiң аты жазылған.
Орден күмiстен жасалады, алтынмен апталады, орденнiң диаметрi - 48 мм.
"Достық" орденi құлақша мен шығыршық арқылы жезден жасалған бесбұрыш нысанындағы тағанмен ұштасады. Жоғарғы және төменгi жақтарында жиектерi бар тағанның биiктiгi - 36,5 мм, енi - 38 мм. Таған қатқыл жiбек лентамен қапталған. Лентаның ортасында ұзына бойлай жiңiшке сары жолақ көктеп өтетiн қызыл жолақ орналасқан. Қызыл жолақтың сол жағында көк, ал оң жағында - жасыл жолақ бар.
"Жауынгерлiк ерлiгi үшiн" медалi
"Жауынгерлiк ерлiгi үшiн" медалi - диаметрi 34 мм болатын шеңбер пiшiндес.
Шеңбердiң ортасына сегiз бұрышты жұлдыз орналасқан, жұлдыздың iшкi бөлiгiнде қалқан, онда қару-жарақ нышандары бейнеленген. Медальдiң аты шеңбердi бойлай жазылған, әрiптерiнiң мөлшерi - 3,5х3мм.
Жұлдыздың сәулелерi, қалқан мен қару-жарақ нышандары жалпы шеңберден 1,5 мм жоғары орналасқан.
Медаль жезден жасалады. "Жауынгерлiк ерлiгi үшiн" медалi құлақша мен шығыршық арқылы жезден жасалған бесбұрыш нысанындағы тағанмен ұштасады. Жоғарғы және төменгi жақтарында жиектерi бар тағанның биiктiгi - 30,5 мм, енi - 34 мм. Таған қызыл түстi қатқыл жiбек лентамен қапталған, ортасында жасыл түстi жолақ орналасқан.
