--------------Қаулыдан үзінді-------------
Қазақстан Республикасының нормативтiк құқықтық актiлерiн Қазақстан Республикасының заңдарымен сәйкестендіру мақсатында Қазақстан Республикасының Қаржы нарығын және қаржы ұйымдарын реттеу мен қадағалау жөнiндегi агенттiгiнiң (бұдан әрi - Агенттiк) Басқармасы ҚАУЛЫ ЕТЕДI:
1. Осы қаулының қосымшасына сәйкес Қазақстан Республикасының кейбір нормативтiк құқықтық актiлерiнiң күшi жойылды деп танылсын.
2. Осы қаулы қабылданған күннен бастап қолданысқа енеді.
Төраға
Қазақстан Республикасының
Қаржы нарығын және қаржы
ұйымдарын реттеу мен қадағалау
жөніндегі агенттігі басқармасының
2005 жылғы 26 наурыздағы
N 117 қаулысына Қосымша
Қазақстан Республикасының күшi жойылды деп танылған
нормативтiк құқықтық актiлерiнiң тiзбесi
7. Қазақстан Республикасының Ұлттық комиссиясы Директоратының "Қазақстан қор биржасы" ЖАҚ-ның сауда жүйесiнде акцияларды сату және сатып алу жөнiндегi өтiнiштердi қанағаттандыру үшiн күту режимiн белгiлеу туралы" 2000 жылғы 7-желтоқсандағы 732 қаулысы (Қазақстан Республикасының нормативтiк құқықтық актiлерiн мемлекеттiк тiркеу тiзiлiмiнде N 1357 тiркелген, Қазақстан Республикасының орталық атқарушы және басқа мемлекеттiк органдарының нормативтiк құқықтық актiлер Бюллетенiнде 2001 жылы жарияланған, N 5)...
------------------------------------
"Қазақстан қор биржасы" ЖАҚ-ның сауда жүйесiнде акциялармен мәмiлелер жасау кезiнде бағалармен айла-шарғы жасау мүмкiндiгiн төмендету мақсатында Қазақстан Республикасы Президентiнiң 1997 жылғы 13 қарашадағы N 3755
U973755_
жарлығымен бекітiлген Қазақстан Республикасының Бағалы қағаздар жөнiндегi ұлттық комиссиясы туралы ереженiң 4-тармағы 36) тармақшасының негiзiнде Қазақстан Республикасы Бағалы қағаздар жөнiндегі ұлттық комиссиясының (бұдан әрi "Ұлттық комиссия" деп аталады) Директораты қаулы етеді:
1. Осы Қаулыда қолданылған ұғымдардың мыналарды бiлдiретiндiгi белгіленсiн:
1) "Биржа" - "Қазақстан қор биржасы" ЖАҚ-ы;
2) "сауда-саттық" - Биржа өткiзетiн сауда-саттықтар;
3) "өтiнiм" - сауда-саттыққа қатысушының қандай да болмасын бағалы қағаздарды не Биржаның сауда жүйесiнде айналыстағы өзге де қаржы құралдарын сатып алуға немесе сатуға өтiнiмi;
4) "үзiлiссiз қарама-қарсы аукцион әдiсi" - Биржаның сауда жүйесi оған енгiзiлген өтiнiмдердi қарама-қарсы бағыттар өтiнiмдерiнде көрсетiлген бағалар мен көлемдердiң үйлесiмдiгіне сүйене отырып, оған бұрын енгізiлген өтiнiмнiң құрамында сондай баға бар ұқсас бағыттың оған енгiзiлген өтiнiмдерiнiң алдында артықшылығын ескерумен қанағаттандыратын сауда-саттық өткiзу әдiсi;
5) "франкфурт аукционы әдiсi" - белгiлi бiр уақыт iшiнде оның аяқталуы бойынша кесiп тастау бағасы бойынша барлық немесе жекелеген осы өтiнiмдердi қанағаттандыру жүргізiлетiн, Биржаның сауда жүйесiне өтiнiмдер енгізу жүзеге асырылатын сауда-саттық өткiзу әдiсi;
6) "өтiнiмдi қанағаттандыру" - өтiнiмнiң негізiнде мәмiле жасау;
7) "кесiп тастау бағасы" - мәмiлелер жасасудың ең жоғары көлемi қамтамасыз етiлетiн баға.
2. Егер, үзiлiссiз қарама-қарсы аукцион акцияларымен сауда-саттық өткiзу кезiнде негiзiнде осы акциялармен мәмiлелер жасалуы мүмкiн, өзара үйлесiмдi өтiнiмдер анықталатын жағдайда:
1) бұл өтiнiмдердiң өзiн қанағаттандырудың бес минуттық күту режимiне өздiгiнен өтетiндiгi;
2) аталған режимнiң қолданылуы кезiнде өткiзу барысында сауда-саттыққа қатысушылар Биржаның сауда жүйесiне өзiн қанағаттандырудың күту режимiнде тұрған өтiнiмдерге қатысты бәсекелес болатын өтiнiмдер енгізуге құқылы болатын франкфурт аукционы әдiсiмен осы акциялармен сауда-саттық өткiзiлетiндiгi;
3) аталған режимдi қолданудың аяқталуы бойынша өтiнiмдердi (өзiн қанағаттандырудың күту режимiнде тұрған да және осы тармақтың 2) тармақшасына сәйкес Биржаның сауда-саттық жүйесiне енгiзiлген де) қанағаттандыру кесiп тастау бағасы бойынша жүргiзiлетiндiгi;
4) осы тармақтың 3) тармақшасына сәйкес өтiнiмдер қанағаттандырылғаннан кейiн үзiлiссiз қарама-қарсы аукцион әдiсiмен осы акциялармен сауда-саттық өткiзудiң жаңаратындығы белгiленсiн. Бұл ретте қанағаттандырылмай қалған өтiнiмдердiң (өзiн қанағаттандырудың күту режимiнде тұрған да және осы тармақтың 2) тармақшасына сәйкес Биржаның сауда-саттық жүйесiне енгiзiлген де) осындай сауда-саттықтарға өзiнiң Биржаның сауда-саттық жүйесiне қайталап енгiзу қажеттiлiгiнсiз немесе өзiн растамай-ақ қатысуын жалғастыратындығы;
5) егер, үзiлiссiз қарама-қарсы аукцион әдiсiмен осы акциялармен сауда-саттық өткiзу кезiнде негiзiнде осы акциялармен мәмiлелер жасалуы мүмкiн, өзара үйлесiмдi өтiнiмдер анықталса, онда осы тармақтың 1)-5) тармақшаларында көрсетiлген рәсiмдердiң орындалатындығы белгiленсiн;
6) осы тармақтың 1)-5) тармақшаларында көрсетiлген рәсiмдер мына оқиғалардың бiреуi басталғанға дейiн орындалуға жатады: Биржаның сауда-саттық жүйесiне енгізiлген және осы акциялар мән-мағынасы болып табылатын барлық өтiнiмдердi қанағаттандыру; Биржаның сауда-саттық жүйесiне енгiзiлген және осы акциялар мән-мағынасы болып табылатын барлық өтiнiмдердi осы өтiнiмдердi берген сауда-саттық қатысушының бастамасы бойынша қайтарып алу; Биржаның сауда-саттық жүйесiне бұрын енгiзiлген және осы акциялар мән-мағынасы болып табылатын барлық қанағаттандырылмаған өтiнiмдердi жою көзделетiн, осы акциялармен сауда-саттық жасауды аяқтау.
3. Осы Қаулының Қазақстан Республикасының Әдiлет министрлiгiнде тiркелген күнiнен бастап күшiне енгiзiлетiндiгi белгiленсiн.
4. Биржа осы Қаулы күшiне енгiзiлген күннен бастап екi айдың iшiнде:
1) өзiнiң iшкi құжаттарын (олар Ұлттық комиссияның 1998 жылғы 23 желтоқсандағы N 19
V980707_
қаулысымен бекiтiлген Бағалы қағаздармен сауда-саттық ұйымдастырушылардың қызметiн жүзеге асыру қағидаларының 1-тармағы 2) тармақшасында айқындалған) осы Қаулыға сәйкес келтiруге;
2) осы Қаулының 2-тармағында белгіленген талаптарға сәйкес акциялармен сауда-саттықтар өткiзуге кiрiсуге мiндеттелсiн.
5. Ұлттық комиссия орталық аппаратының Лицензиялау және қадағалау басқармасы осы Қаулының орындалысына бақылау жасасын.
Ұлттық комиссиясының
Төрағасы
