Ескерту. Қолданылу мерзімінің өтуіне байланысты күші жойылды (Солтүстік Қазақстан облысы әкімі аппаратының 2011.10.17 N 01.04-08/2964 хаты)
"Қазақстан Республикасындағы жергiлiктi мемлекеттiк басқару туралы" Қазақстан Республикасының 2001 жылғы 23 қаңтардағы Заңы 37 бабы 1 тармағына сәйкес және "Солтүстiк Қазақстан облысының денсаулық сақтау iсiн реформалау мен дамытудың 2005-2007 жылдарға арналған бағдарламасы туралы" облыс мәслихатының XIII сессиясының 2005 жылғы 24 қаңтардағы N 13/3 шешiмi негiзiнде, демографиялық ахуалды жақсарту мақсатында облыс әкiмдiгi ҚАУЛЫ ЕТЕДІ :
1. Қоса берiлiп отырған Бала туғанда көрсетiлетiн әлеуметтiк көмек төлеудiң ережесi бекiтiлсiн.
2. 2005 жылдың 1 қаңтарынан 2005 жылдың 31 желтоқсаны аралығында (қоса алғанда) туған балаларға бала туғанда көрсетiлетiн әлеуметтiк көмек жоспардан тыс кiрiстер есебiнен тиiстi жергiлiктi бюджеттер қаражатынан төленетiн болып айқындалсын. <*>
Ескерту. 2-тармаққа өзгерістер енгізілді - СҚО әкімиятының 2005 жылғы 20 желтоқсандағы N 316 қаулысымен.
3. Аудандар мен Петропавл қаласының әкiмi:
бала туғанда көрсетiлетiн әлеуметтiк көмектi 451-007 "Азаматтардың мұқтаж жеке санаттарына жергiлiктi өкiлеттi органдар шешiмi бойынша әлеуметтiк көмек" бюджеттiк бағдарлама бойынша қаржыландыруды;
бала туғанда көрсетiлетiн әлеуметтiк көмек тағайындауды және төлеудi қамтамасыз етсiн.
4. Осы қаулының орындалуын бақылау облыс әкiмiнiң орынбасары Е.Е.Нұрақаевқа жүктелсiн.
Облыс әкiмi
Облыс әкiмдiгiнiң
2005 жылғы "5" ақпандағы
N 30 қаулысымен бекiтiлген
Бала туғанда көрсетiлетiн әлеуметтiк көмек төлеудiң ережесi
1. Жалпы ережелер
1. Осы Ереже бала тууға байланысты көрсетiлетiн әлеуметтiк көмек тағайындаудың және төлеудiң тәртiбiн анықтайды.
2. Осы Ережеде мына ұғым пайдаланылады:
әлеуметтiк көмектi тағайындау және беру жөнiндегi уәкiлеттi орган - аудандық және қалалық жұмыспен қамту және әлеуметтiк бағдарламалар бөлiмдерi;
3. Әлеуметтiк көмек алуға Қазақстан Республикасы азаматтары мен Солтүстiк Қазақстан облысы аумағында тұрақты тұратын оралмандардың құқығы бар.
4. Жәрдемақыларды төлеу ата-анасының бiреуiне (тiрi бала туған анасына, не осы баланың әкесiне), ата-анасының екеуi де болмаған жағдайда - қамқоршыларына не баланың өзге заңды өкiлдерiне табысына қарамастан жүргiзiледi.
5. Бала өлi туған жағдайда әлеуметтiк көмек төленбейдi.
6. Екi немесе одан да көп бала туған жағдайда әлеуметтiк көмек әрбiр балаға төленедi.
7. Әрбiр туған балаға әлеуметтiк көмек төлеу 30 мың теңге мөлшерiнде жүзеге асырылады.
8. Әлеуметтiк көмек алуға өтiнiш беру мерзiмi баланың туған күнiнен бастап 2 айдан аспауға тиiс.
2. Бала туғанда көрсетiлетiн әлеуметтiк көмек алуға
өтiнiш беру тәртiбi
9. Әлеуметтiк көмектi алушылар тұрғылықты жерi бойынша әлеуметтiк көмектi тағайындау және беру жөнiндегi аудандық (қалалық) уәкiлеттi органдарға мынадай құжаттарды ұсынады:
1) қосымшаға сәйкес белгiленген үлгiдегi өтiнiш;
2) баланың тууы туралы куәлiгiнiң көшiрмесi не емдеу мекемесiнiң бала туылғаны туралы анықтамасының көшiрмесi;
3) алушының жеке басын куәландыратын құжат;
4) тұрғылықты жерiн растайтын құжат;
5) салық төлеушiнiң тiркеу нөмiрi (СТН).
10. Асырап алушы (қыз асырап алушы), қамқоршы осы Ереженiң 9-тармағында көзделген құжаттардан басқа тиiстi органның асырап алу (қыз асырап алу) немесе қамқорлығына алу туралы шешiмiнiң үзiндiсiн ұсынады.
11. Салыстыру үшiн құжаттардың түпнұсқалары мен көшiрмелерi ұсынылады, кейiннен құжаттардың түпнұсқалары өтiнiш берушiге қайтарылады.
12. Әлеуметтiк көмектi тағайындау және беру жөнiндегi аудандық (қалалық) уәкiлеттi органдардың қызметкерлерi құжаттар көшiрмелерiн растайды, қоса берiлiп отырған құжаттармен бiрге өтiнiштi журналда тiркейдi және өтiнiш берушiге қабылдағаны туралы белгiсi бар жыртпалы талон бередi.
13. Әлеуметтiк көмектi тағайындау және беру жөнiндегi уәкiлеттi орган iс қалыптастырады және өтiнiштi қабылдаған күннен бастап он күннiң iшiнде әлеуметтiк көмек тағайындау туралы шешiм қабылдайды.
3. Бала туғанда көрсетiлетiн әлеуметтiк көмектi
төлеу тәртiбi
14. Әлеуметтiк көмектi тағайындау және беру жөнiндегi уәкiлеттi орган әлеуметтiк көмек төлеуге тiзiм ведомостын қалыптастырады.
15. Әлеуметтiк көмектi төлеу әлеуметтiк көмек тағайындау және беру жөнiндегi уәкiлеттi органмен ақшалай қаражатпен не сомаларды алушылардың ағымдағы шотына аудару жолымен жүзеге асырылады.
4. Бала туғанда көрсетiлетiн әлеуметтiк көмектi
тағайындаудың уақыттылығы үшiн жауапкершiлiк
16. Әлеуметтiк көмектi тағайындау және беру жөнiндегi уәкiлеттi орган оны осы Ережемен белгiленген тәртiпте тағайындаудың және төлеудiң дұрыстығы және уақыттылығы үшiн жауапты болады.
17. Бала туғанда көрсетiлетiн әлеуметтiк көмектi тағайындаудың және берудiң дұрыстығын және уақыттылығын бақылауды бақылау органдары жүзеге асырады.
Бала туғанда көрсетiлетiн
әлеуметтiк көмектi төлеудiң
ережесiне қосымша
_________________ ауданы (қаласы)
жұмыспен қамту және әлеуметтiк бағдарламалар
бөлiмiнiң бастығы __________________________
Өтiнiш
Бала туғанда көрсетiлетiн әлеуметтiк көмектi маған тағайындауыңызды
және төлеуiңiздi сұраймын
Тегi_______________________________________________
Аты________________________________________________
Әкесiнiң аты_______________________________________
СТН________________________________________________
Мекен-жайы_________________________________________
___________________________________________________
Жеке басын куәландыратын құжат_____________________
(құжаттың түрiн көрсету)
Сериясы __________ нөмiрi _________________________
кiм бердi _________________________________________
қашан берiлдi _____________________________________
200 жыл ______________ _______________________
(өтiнiш берушiнiң қолы)
Өтiнiш қабылданды
200 жыл __________ _____________________________________________
(құжатты қабылдаған адамның Т.А.Ә. және қолы)
(кесу сызығы)
Азамат _________________ өтiнiшi __________ данада қоса берiлген
құжаттармен 200_ жылы __________ қабылданды.
(құжатты қабылдаған адамның Т.А.Ә. және қолы)
