Ескерту. Бұйрықтың күші жойылды - ҚР Көлік және коммуникация министрінің 2012.04.03 № 143 (қол қойылған күнінен бастап күшіне енеді) бұйрығымен.
Қазақстан Республикасы Азаматтық кодексiнiң 308-бабына, "Темiр жол көлiгi туралы" Қазақстан Республикасы Заңының 9-бабына сәйкес БҰЙЫРАМЫН:
1. Қазақстан Республикасы Көлiк және коммуникация министрiнiң "Қазақстан Республикасының Әдiлет министрлiгiнде 1948 нөмiрмен тiркелген "Қазақстан Республикасында жылжымалы темiр жол құрамын тiркеу ережесiн бекiту туралы" Қазақстан Республикасы Көлiк және коммуникациялар министрiнiң 2002 жылғы 11 шiлдедегi N 240-І бұйрығына өзгерiстер мен толықтырулар енгiзу туралы" 2004 жылғы 20 сәуiрдегi N 167-І (Нормативтiк құқықтық актiлердi мемлекеттiк тiркеу тiзiлiмiнде 2846-нөмiрмен тiркелген, Қазақстан Республикасының нормативтiк құқықтық актiлер бюллетенiнде жарияланған, 2004 жыл, N 29-32, 959-құжат;) және "1948 нөмiрмен тiркелген "Қазақстан Республикасында жылжымалы темiр жол құрамын тiркеу ережесiн бекiту туралы" Қазақстан Республикасы Көлiк және коммуникациялар министрiнiң 2002 жылғы 11 шiлдедегi N 240-І бұйрығына өзгерiстер мен толықтырулар енгiзу туралы" 2004 жылғы 21 шiлдедегi N 280-І (Нормативтiк құқықтық актiлердi мемлекеттiк тiркеу тiзiлiмiнде 2960-нөмiрмен тiркелген, Қазақстан Республикасының нормативтiк құқықтық актiлер бюллетенiнде жарияланған, 2004 жыл, N 37-40, 999-құжат;) бұйрықтарымен енгiзiлген өзгерiстерiмен және толықтыруларымен "Қазақстан Республикасында жылжымалы темiр жол құрамын тiркеу ережесiн бекiту туралы" Қазақстан Республикасы Көлiк және коммуникациялар министрiнiң 2002 жылғы 11 шiлдедегi N 240-I бұйрығына (Нормативтiк құқықтық актiлердi мемлекеттiк тiркеу тiзiлiмiнде 1948 нөмiрмен тiркелген) мынадай өзгерiстер мен толықтырулар енгiзiлсiн:
көрсетiлген бұйрықпен бекiтiлген Қазақстан Республикасында жылжымалы темiр жол құрамын тiркеу ережесiнде:
2-тармақ мынадай редакцияда жазылсын:
"2. Қазақстан Республикасында жолаушыларды, жүктердi және теңдеме жүктi темiр жол көлiгiмен тасымалдау үшiн қолданылатын жылжымалы темiр жол құрамын тiркеудi Қазақстан Республикасы Көлiк және коммуникациялар министрлiгi Көлiктiк бақылау комитетiнiң аумақтық органдары (бұдан әрi - тiркеушi орган) жүргiзедi.";
мынадай мазмұндағы 5-1 тармақпен толықтырылсын:
"5-1. Осы ережелерде белгiленген тәртiппен тiркелетiн жылжымалы темiр жол құрамын тiркеу, қайта тiркеу және кепiлге беру:
1) егер өтiнiш берушi заңды тұлға болып табылса, заңды тұлғаның тiркелу орны бойынша;
2) егер өтiнiш берушi жеке тұлға, жеке кәсiпкер болған жағдайда салық төлеушi ретiнде тiркелу орны бойынша жүзеге асырылады;";
13-тармақ мынадай редакцияда жазылсын:
"13. Заңды және жеке тұлғалар жылжымалы темiр жол құрамын тiркеу және қайта тiркеу үшiн тiркеушi органға мынадай құжаттарды:
Заңды тұлғаның өкiлi:
1) заңды тұлғаның бiрiншi басшысының және бас бухгалтердiң қолымен расталған осы Ереженiң 1, 2, 3-қосымшаларына сәйкес жылжымалы темiр жол құрамының бар мүкәммал паркiнiң, оның iшiнде сенiмгерлiк басқаруға немесе мүлiктiк жалға берiлгеннiң тiзбесiн;
2) осы Ереженiң 4-қосымшасына сәйкес белгiленген үлгiдегi өтiнiшiн;
3) заңды тұлғаны мемлекеттiк тiркеу туралы куәлiктiң көшiрмесiн;
4) өкiлдiң өкiлеттiгiн растайтын құжатты, сондай-ақ оның жеке басын куәландыратын құжаттарды;
5) жылжымалы темiр жол құрамын иелiктен айыру шартының немесе сенiмгерлiк басқаруға беру шартының, немесе мүлiктi жалдау (жалға алу) шартының көшiрмесiн;
6) жылжымалы темiр жол құрамына арналған техникалық куәлiктi.
Жеке тұлғалар:
1) Жеке тұлғаның бiрiншi басшысының және бас бухгалтердiң қолымен расталған осы Ереженiң 1, 2, 3-қосымшаларына сәйкес жылжымалы темiр жол құрамының бар мүкәммал паркiнiң, оның iшiнде сенiмгерлiк басқаруға немесе мүлiктiк жалға берiлгеннiң тiзбесiн;
2) осы Ереженiң 4-қосымшасына сәйкес белгiленген үлгiдегi өтiнiшiн;
3) жеке тұлғаны куәландыратын құжаттың көшiрмесiн;
4) жылжымалы темiр жол құрамын иелiктен айыру шартының немесе сенiмгерлiк басқаруға беру шартының, немесе мүлiктi жалдау (жалға алу) шартының көшiрмесiн;
5) жылжымалы темiр жол құрамына арналған техникалық куәлiктi ұсынады.";
15-тармақта:
"Тiркеу, қайта тiркеу және жылжымалы темiр жол құрамының кепілi" деген сөздер "Жылжымалы темiр жол құрамын тiркеу, қайта тiркеу" деген сөздермен ауыстырылсын;
"он" деген сан "отыз" деген санмен ауыстырылсын;
мынадай мазмұндағы 15-1 тармақпен толықтырылсын:
"15-1. Кепiлдi тiркеу туралы шешiм барлық қажеттi құжаттармен бiрге өтiнiш берiлген күнiнен бастан екi жұмыс күнiнiң iшiнде қабылданады. Өтiнiш берушiге кепiлiн тiркеуден бас тартқан жағдайда бес жұмыс күнiнiң iшiнде жазбаша түрде дәлелдi жауап берiледi.";
17-1 тармағындағы "қайта тiркеу және кепiлге" деген сөздер "кепiл" деген сөзбен ауыстырылсын;
мынадай мазмұндағы 17-2 тармақпен толықтырылсын:
"17-2. Жылжымалы темiр жол құрамын мемлекеттiк тiркеу туралы куәлiк осы Ережеге 6-қосымшаға сәйкес белгiленген үлгiдегi бланк болып табылады және жылжымалы құрамының әрбiр тiркелетiн бiрлiгiне берiледi.";
осы бұйрыққа 1-қосымшаға сәйкес 6-қосымшамен толықтырылсын.
2. Қазақстан Республикасы Көлiк және коммуникация министрлігiнiң Көлiктiк бақылау комитетi (Қ.С.Мұстафин) осы бұйрықтың Қазақстан Республикасының Әдiлет министрлiгiне мемлекеттiк тiркеу үшiн ұсынылуын қамтамасыз етсiн.
3. Осы бұйрық алғаш ресми жарияланған күнiнен кейiн он күнтiзбелiк күн өткен соң қолданысқа енгiзiледi.
Министрдiң
мiндетiн атқарушы
"Қазақстан Республикасында жылжымалы
темiр жол құрамын тіркеу ережесiн бекiту туралы"
Қазақстан Республикасы Көлік және коммуникациялар
министрiнiң 2002 жылғы 11 шілдедегі N 240-І бұйрығына
өзгерiстер мен толықтырулар енгiзу туралы"
Қазақстан Республикасы Көлiк және коммуникация
министрiнің 2006 жылғы 11 ақпандағы N 36
бұйрығына 1-қосымша
Қазақстан Республикасы Көлiк және коммуникациялар
министрiнiң 2002 жылғы 11 шiлдедегi N 240-I
бұйрығымен бекiтiлген Қазақстан Республикасында
жылжымалы темiр жол құрамын тiркеу ережесiне
6-қосымша
Қазақстан Республикасы
Көлiк және коммуникация министрлiгi
КӨЛIКТIК БАҚЫЛАУ КОМИТЕТI
КББ_ _ _ _ _Серия_ _ _ _ _ _N_ _ _ _ _ _
Жылжымалы темiр жол құрамын мемлекеттiк
тiркеу туралы
КУӘЛIК
Осы куәлiк "Темiр жол көлiгi туралы" Қазақстан Республикасының Заңына сәйкес берiлдi
____________________________________________________________________
(мүлiк иесiнiң толық атауы)
және______________________________үлгiлi
санаты______________________________________________________________
сериясы, вагон түрi_________________________________________________
зауыттық нөмiрi_____________________________________________________
мүліктік нөмірі_____________________________________________________
секциясы____________________________________________________________
жасалған жылы_______________________________________________________
20__жылғы "__"_________________________жылжымалы темiр жол құрамын
мемлекеттiк тiркеудi растайды.
Осы куәлiк Қазақстан Республикасы заңнамасында көзделген барлық жағдайларда қолданылады және жылжымалы құрамның иесiн растайтын құжатпен бiрге көрсетiледi және ондағы келтiрiлген мәлiметтер өзгерген жағдайда ауыстырылуға жатады.
____________________________________________________________________
Берiлген күнi 20__ж. "__"_________
М.О. Тiркеушi органның басшысы
____________________
Қолы, Т.А.Ә.а
