Сақтандыру төлемдерiне кепiлдiк беру мәселелерiн реттейтiн нормативтiк құқықтық базаны жетiлдiру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттiгiнiң (бұдан әрi - Агенттiк) Басқармасы
ҚАУЛЫ ЕТЕДI:
1. Қазақстан Республикасының Ұлттық Банкi Басқармасының "Сақтандыру төлемдерiне кепiлдiк беру қорына қатысудың үлгi шартын бекiту туралы" 2003 жылғы 24 қыркүйектегi N 345
қаулысына
(Нормативтiк құқықтық актiлердi мемлекеттiк тiркеу тiзiлiмiнде N 2548 тiркелген), Агенттiк Басқармасының 2004 жылғы 15 наурыздағы N 74
қаулысымен
(Нормативтiк құқықтық актiлердi мемлекеттiк тiркеу тiзiлiмiнде N 2797 тiркелген), Агенттiк Басқармасының 2005 жылғы 28 мамырдағы N 159
қаулысымен
енгiзiлген өзгерiстермен және толықтырулармен бiрге (Нормативтiк құқықтық актiлердi мемлекеттiк тiркеу тiзiлiмiнде N 3699 тiркелген) мынадай өзгерiс пен толықтыру енгiзiлсiн:
көрсетiлген қаулымен бекiтiлген Сақтандыру төлемдерiне кепiлдiк беру қорына қатысудың үлгi шартында:
27-тармақта:
2) тармақшадағы "." деген тыныс белгiсi ";" деген тыныс белгiсiмен ауыстырылсын;
мынадай мазмұндағы 3) тармақшамен толықтырылсын:
"3) сақтандыру ұйымдарының тек жазбаша келiсiмiмен ғана олардың қызметi туралы ақпаратты жария етуге құқылы.".
2. Осы қаулы Қазақстан Республикасының Әдiлет министрлiгiнде мемлекеттiк тiркеуден өткен күннен бастап он төрт күн өткен соң қолданысқа енгiзiледi.
3. Стратегия және талдау департаментi (Еденбаев Е.С.):
1) Заң департаментiмен (Байсынов М.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қолға алсын;
2) Қазақстан Республикасының Әдiлет министрлiгiнде мемлекеттiк тiркелген күннен бастап он күндiк мерзiмде осы қаулыны Агенттiктiң мүдделi бөлiмшелерiне, "Сақтандыру төлемдерiне кепiлдiк беру қоры" акционерлiк қоғамына, сақтандыру (қайта сақтандыру) ұйымдарына, Қазақстан Республикасының Ұлттық Банкiне, "Қазақстан қаржыгерлерiнiң қауымдастығы" заңды тұлғалар бiрлестiгiне жiберсiн.
