Күші жойылды - Қазақстан Республикасы Білім және ғылым Министрінің 2007.12.12. N 621 (қолданысқа енгізілу тәртібін 4-тармақтан қараңыз) Бұйрығымен.
"Білім туралы" Қазақстан Республикасы Заңының 30-бабының 14) тармақшасына сәйкес БҰЙЫРАМЫН :
1. "Оқыту қызметін өтемелі көрсету шартының үлгілік нысанын бекіту туралы" Қазақстан Республикасы Білім және ғылым министрінің 2004 жылғы 18 қарашадағы N 937 бұйрығына (Нормативтік құқықтық актілерін мемлекеттік тіркеудің тізбесінде N 3292 тіркелген) мынадай өзгеріс пен толықтырулар енгізілсін:
аталған бұйрықпен бекітілген Оқыту қызметін өтемелі көрсету шартының үлгілік нысанында:
6-тармақ мынадай редакцияда жазылсын:
"6. Көрсетілетін оқыту қызметі үшін төлем ақы сомасы тиісті мемлекеттік білім беру стандартының шеңберінде теңгемен белгіленеді.";
мынадай мазмұндағы 6-1, 6-2-тармақтарымен толықтырылсын:
"6-1. Студент шарт жасау кезінде білім алудың барлық кезеңіне шығыстарды мезгілді өтеген жағдайда шарт сомасы оқудың мерзімі аяқталғанға дейін өзгермейді.
6-2. Оқыту үшін шығыстарды кезеңмен төлеу кезінде еңбек ақыға арналған шығыстар және инфляция индексі өскен жағдайда тараптардың келісімі бойынша төлем ақы көлемі жылына 1 рет өзгеруі мүмкін, ол туралы осы шартқа қосымша жасалады. Оқыту құнының өсуі оқытуға арналған шығыстардың жалпы көлеміне қатысты еңбек ақыға арналған шығыстардың және инфляция индексінің өсуін арттырмауы қажет.".
2. Жоғары және жоғары оқу орнынан кейінгі білім департаменті (К. Құрманәлиев) осы бұйрықтың Қазақстан Республикасы Әділет министрлігінде мемлекеттік тіркеуден өтуін қамтамасыз етсін.
3. Осы бұйрық ресми жарияланған күнінен бастап он күнтізбелік күн өткен соң қолданысқа енгізіледі.
Министр
