Қазақстан Республикасы Еңбек және халықты әлеуметтік қорғау министрі міндеті атқарушының 2005 жылғы 1 желтоқсандағы "Әлеуметтік қызмет көрсетудің Үлгілік ережелерін бекіту туралы" N 306-ө бұйрығына толықтырулар және өзгеріс енгізу туралы

Күшін жойған

Қазақстан Республикасы Еңбек және халықты әлеуметтік қорғау министрінің 2009 жылғы 30 шілдедегі N 240-ө Бұйрығы. Қазақстан Республикасының Әділет министрлігінде 2009 жылғы 28 тамызда N 5766 болып енгізілді. Күші жойылды - Қазақстан Республикасы Еңбек және халықты әлеуметтік қорғау министрінің 2010 жылғы 06 желтоқсандағы № 394-ө Бұйрығымен.

Күші жойылды - ҚР Еңбек және халықты әлеуметтік қорғау министрінің 2010.12.06 № 394-ө (қолданысқа енгізілу тәртібін 5-тармақтан қараңыз) Бұйрығымен.

"Қазақстан Республикасында мүгедектерді әлеуметтік қорғау туралы" Қазақстан Республикасының 2005 жылғы 13 сәуірдегі Заңының 23, 24-баптарына сәйкес БҰЙЫРАМЫН:
1. Қазақстан Республикасы Еңбек және халықты әлеуметтік қорғау министрі міндетін атқарушының 2005 жылғы 1 желтоқсандағы "Әлеуметтік қызмет көрсетудің Үлгілік ережелерін бекіту туралы" N 306-ө бұйрығына (Қазақстан Республикасының Әділет министрлігінде 2005 жылдың 23 желтоқсанында N 3985 тіркелген, Қазақстан Республикасының орталық атқарушы және өзге де мемлекеттік органдардың нормативтік құқықтық актілерінің бюллетенінде жарияланған, 2006 ж., N 1, 199-құжат) мынадай толықтырулар мен өзгеріс енгізілсін:
1-тармақта:
3) тармақша "(ұйымдарда)" деген сөзбен толықтырылсын;
мынадай мазмұндағы 3-1) және 3-2) тармақшалармен толықтырылсын:
"3-1) Мүмкіндігі шектеулі балаларға, мүгедек балаларға, 1,5 жастан 3 жасқа дейінгі қатер тобындағы балаларға үйде әлеуметтік қызмет көрсетудің үлгі ережесі";
3-2) Психоневрологиялық патологиясы бар мүгедек балаларға жартылай стационар жағдайында әлеуметтік қызмет көрсетудің үлгі ережесі;";
аталған бұйрықпен бекітілген Балалар психоневрологиялық әлеуметтік-медициналық мекемелерінде әлеуметтік қызмет көрсетудің үлгі ережесі осы бұйрыққа 1-қосымшаға сәйкес редакцияда жазылсын;
осы бұйрыққа 2 және 3-қосымшаларға сәйкес редакцияда жазылған Мүмкіндігі шектеулі балаларға, мүгедек балаларға, 1,5 жастан 3 жасқа дейінгі қатер тобындағы балаларға үйде әлеуметтік қызмет көрсетудің үлгі ережесі және Психоневрологиялық патологиясы бар мүгедек балаларға жартылай стационар жағдайында әлеуметтік қызмет көрсетудің үлгі ережесімен толықтырылсын.
2. Әлеуметтік көмек және әлеуметтік қызметтер департаменті (Қ.А. Манабаева) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін және кейін бұқаралық ақпарат құралдарында ресми жариялануын қамтамасыз етсін.
3. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі Ә.Б. Нүсіповаға жүктелсін.
4. Осы бұйрық алғаш ресми жарияланған күнінен бастап он күнтізбелік күн өткеннен кейін қолданысқа енгізіледі.

Министр Г. Әбдіқалықова

"КЕЛІСІЛДІ"
Қазақстан Республикасының
Денсаулық сақтау министрі
_____________ Ж. Досқалиев
31 шілде 2009 жыл

Қазақстан Республикасының
Білім және ғылым министрі
_____________Ж. Түймебаев
30 шілде 2009 жыл

Қазақстан Республикасы
Еңбек және халықты әлеуметтік
қорғау министрінің
2009 жылғы 30 шілдедегі
N 240-ө бұйрығына
1-қосымша

Қазақстан Республикасы
Еңбек және халықты әлеуметтік қорғау
министрі міндетін атқарушының
2005 жылғы 1 желтоқсандағы
N 306-ө бұйрығымен бекітілген

Балалар психоневрологиялық медициналық-әлеуметтік мекемелерінде (ұйымдарында) әлеуметтік қызмет көрсетудің үлгі ережесі 1. Жалпы ережелер

1. Балалар психоневрологиялық медициналық-әлеуметтік мекемелерінде (ұйымдарында) әлеуметтік қызмет көрсетудің осы үлгі ережесі (бұдан әрі – Үлгі ереже) балалар психоневрологиялық медициналық-әлеуметтік мекемелерінің (ұйымдарының) (бұдан әрі – МӘҰ) қызмет тәртібін, психоневрологиялық патологиясы бар мүгедек балаларды МӘҰ-ге қабылдаудың, ұстаудың, шығарудың (шығарып жіберудің), олардың уақытша кетуінің және ауыстырылуының шарттарын және мемлекеттік және жеке меншік нысанындағы субъектілердің стационар жағдайында оларға арнаулы әлеуметтік қызмет көрсетуінің тәртібін айқындайды.
Аталған ережеде "бастамашылар" деген ұғым пайдаланылады, бұл ұғым коммерциялық емес ұйымның басқарушы органының жарғысын қабылдау және қалыптастыру үшін құрылтай жиналысына (съезд, конференцияға) шақырылатын азаматтардың бастамашыл тобын білдіреді.
2. МӘҰ:
барлық дәрежедегі ақыл-ой кемістігі, оның ішінде тиісті мамандандырылған мектеп-интернаттың көмекші сыныптарында оқуын қиындататын, жүріп-тұру функцияларының өрескел бұзылуы болғанда (қозғалу қиындығына орай бөгде адамның көмегінсіз қозғалып жүре алмайтын, өзіне өзі қызмет көрсете алмайтын, жеке күтімді қажет ететін);
барлық дәрежедегі ақыл-ой кемістігімен зағиптығы (нашар көру) немесе кереңдігі (нашар есту), оның ішінде мамандандырылған мектеп-интернаттарында оқуын қиындататын жүріп-тұру функцияларының өрескел бұзылуы болғанда;
ауыр немесе күрделі ақыл-ой кемістігі;
жарыместігі бар сирек ұстамалы (айына 5 реттен жиі емес) эпилепсия (оның ішінде симптоматиялық);
өнімді симптоматикасыз айқын білінетін ақаулы шизофрения;
бас миының органикалық зақым алғаннан кейінгі жарыместігі салдарынан денсаулығының жай-күйіне қарай бөгде адамның тұрақты күтіміне және медициналық қызмет көрсетуге мұқтаж психоневрологиялық патологиясы бар 3 жастан 18 жасқа дейінгі мүгедек балалардың (бұдан әрі - балалар) уақытша немесе тұрақты тұруына арналған.
МӘҰ-де әлеуметтік қызмет көрсетуге:
өнімді симптоматикалы шизофренияның болуы;
сериялық ұстамаларға, эпилепсиялық жай-күйге, ақыл-ойдың көлеңкелі жағдайына, дисфорияға бейім, жиі ұстамалы эпилепсия (айына 5 реттен жиі);
кез келген нозологиялық тиістілік шеңберіндегі психопатияға ұқсас симптоматика;
бала мен айналасындағылар үшін қауіпті, мінез-құлқы мен қызығушылығының өрескел бұзылуына ұштасатын психикалық аурулар, сондай-ақ мамандандырылған медициналық ұйымдарда стационарлық емделуді талап ететін белсенді процесс стадиясындағы туберкулез, карантинді инфекциялар, тері мен шаштың жұқпалы аурулары, венерологиялық аурулар, ЖҚТБ медициналық қарсы айғақтама болып табылады.
3. МӘҰ заңды тұлға болып табылады, оны құрылтайшы (бастамашы) құрады және өз қызметін құрылтай құжаттарына сәйкес арнаулы әлеуметтік қызметтерді ұсыну жөніндегі қызметті жүзеге асыруға берілген лицензияның, медициналық, дәрігерлік қызметке берілген лицензияның, сондай-ақ білім беру қызметін жүргізу құқығына берілген лицензияның негізінде жүзеге асырады.

2. МӘҰ міндеттері мен функциялары

4. МӘҰ негізгі міндеттері:
1) балаларға үй жағдайына жақындатылған қолайлы өмір сүру жағдайын жасау;
2) Қазақстан Республикасы Еңбек және халықты әлеуметтік қорғау министрінің 2009 жылғы 26 қаңтардағы N 26-ө бұйрығымен (Қазақстан Республикасы Әділет министрлігінде 2009 жылғы 25 ақпанда N 5566 тіркелген) бекітілген халықты әлеуметтік қорғау саласындағы арнаулы әлеуметтік қызметтер көрсету стандартына (бұдан әрі - Халықты әлеуметтік қорғау саласындағы арнаулы әлеуметтік қызметтер көрсету стандарты) сәйкес арнаулы әлеуметтік қызмет көрсету;
3) арнаулы әлеуметтік қызмет кешенін көрсету кезінде балалардың жеке қажеттіліктерін ескеру болып табылады.
5. МӘҰ негізгі функциялары:
1) балалардың жеке басының дербес құқықтылығы мен қауіпсіздігін қамтамасыз ету;
2) нәтижеге:
қозғалыс, сенсорлық, когнитивтік функцияларды дамыту динамикасына;
қажетті өмірлік дағдыларды қалыптастыруға (өзін-өзі күту, жеке гигиена, қол өнер, тұрмыстық, еңбек);
балаларды әлеуметтендіру деңгейін жоғарылатуға, кіріктіруге бағытталған арнаулы әлеуметтік қызметтер ұсыну;
3) медициналық оңалтуды жүргізу, әлеуметтік, әлеуметтік-тұрмыстық, әлеуметтік-еңбек дағды қалыптастыру, қозғалыс, сенсорлық және танымдық функцияларын түзету;
4) қолайлы моральдік-психологиялық жағдай жасау;
5) балалардың құқықтары, әлеуметтік қызмет көрсетудің көлемі мен түрлері, ішкі тәртіп ережесі туралы балалардың ата-аналарын (заңды өкілдерін) хабардар ету;
6) келушілерді қабылдау жағдайларын қамтамасыз ету;
7) балалардың жеке және бағалы заттарының сақталуын қамтамасыз ету;
8) қамқорлыққа немесе қорғаншылыққа мұқтаж балаларға қатысты МӘҰ әкімшілігіне жүктелген қамқоршылар мен қорғаншылар функцияларын "Неке және отбасы туралы" Қазақстан Республикасының 1998 жылғы 17 желтоқсандағы N 321 Заңында белгіленген тәртіппен атқару;
9) еңбекті ұйымдастыруды жетілдіру және қызметкерлердің біліктілігін арттыру;
10) әлеуметтік қызмет көрсетудің сапасы мен тиімділігін арттыру және балаларды ұстау жағдайларын жақсарту;
11) МӘҰ-нің қаржы-шаруашылық қызметін жүзеге асыру;
12) МӘҰ-нің құрылтай құжаттарына сәйкес өзге де функциялар.

3. МӘҰ-ге қабылдаудың және онда ұстаудың шарттары

6. Бюджет қаражаты есебінен арнаулы әлеуметтік қызмет көрсету үшін МӘҰ-ге жіберуді облыстық, Астана және Алматы қалаларының халықты әлеуметтік қорғау саласындағы уәкілетті органдары (бұдан әрі - уәкілетті орган) жүзеге асырады.
7. Меншік нысаны жеке МӘҰ балаларды қабылдауды шарт негізінде жүзеге асырады.
8. Балаларды МӘҰ-ге қабылдау және бюджет қаражаты есебінен арнаулы әлеуметтік қызмет көрсету мынадай құжаттардың:
1) арнаулы әлеуметтік қызметтерді көрсету туралы жергілікті атқарушы органның шешімі;
2) баланың ата-анасының (заңды өкілдерінің) біреуінің өтініші (1-қосымша)немесе медициналық ұйымның қолдаухаты;
3) уәкілетті органның жолдамасы;
4) баланың туу туралы куәлігі немесе жеке куәлігі;
5) салық төлеушінің тіркеу нөмірі берілгені туралы куәлігі;
6) жеке әлеуметтік код берілгені туралы куәлігі;
7) мүгедектігі туралы анықтамадан үзінді көшірме;
8) медициналық картасы (2-қосымша);
9) психологиялық-медициналық-педагогикалық консультацияның (бұдан әрі - ПМПК) қорытындысы;
10) амбулаторлық картадан үзінді көшірме;
11) оңалтудың жеке бағдарламасынан үзінді көшірменің негізінде жүзеге асырылады.
9. Балаларды меншік нысаны жеке МӘҰ-ге қабылдау және ақылы негізде арнаулы әлеуметтік қызмет көрсету мынадай құжаттардың:
1) баланың ата-анасының (заңды өкілдерінің) біреуінің өтініші (1-қосымша)
2) баланың туу туралы куәлігі немесе жеке куәлігінің көшірмесі;
3) мүгедектігі туралы анықтамадан (ол болған жағдайда) үзінді көшірме;
4) медициналық картасы (2-қосымша);
5) ПМПК қорытындысы;
6) амбулаторлық картадан үзінді көшірме;
7) оңалтудың жеке бағдарламасынан (ол болған жағдайда) үзінді көшірменің көшірмесі негізінде жүзеге асырылады.
10. Балаларды ұстау жағдайы:
санитарлық-эпидемиологиялық нормаларға, ғимараттардың қауіпсіздігі, оның ішінде өрт қауіпсіздігі талаптарына сәйкес болуға;
балалардың жоғары белсенділігі мен әлеуметтенуіне мүмкіндік тудыратын тұрмыстық ұқсас, түзете дамыту жағдайларын жасауда жеке қажеттіліктері, балаларды бірге тұру үшін іріктегенде психологиялық үйлесімділігі ескерілуге тиіс.
11. МӘҰ ғимараты тұру жағдайын, оңалту іс-шараларын өткізу, демалысы мен бос уақытын ұйымдастыру, оған кедергісіз бару, орынжай ішінде және ғимаратқа іргелес орналасқан аумақта тірек-қимыл аппараты бұзылған балалардың жүріп-тұруын қамтамасыз ету мақсатында арнайы құрылғылармен жабдықталады.
12. Құрылтайшы (бастамашы) МӘҰ-нің заманауи техникалық жарақтандырылуын қамтамасыз етеді.
13. Балалар бөлмелерге денсаулық жағдайы, жасы, жынысы және психологиялық үйлесімділігі ескеріле отырып орналастырылады.
14. МӘҰ-де тұрудың тәртібі МӘҰ басшылығы бекітетін ішкі тұру тәртібі ережесімен айқындалады.
15. МӘҰ-де күндізгі болу бөлімшелері ұйымдастырылады, оның қызметі осы бұйрықпен бекітілген психоневрологиялық патологиясы бар балаларға арналған жартылай стационар жағдайында әлеуметтік қызмет көрсетудің үлгі ережесімен реттеледі.

4. Балалардың арнаулы әлеуметтік қызметтерге қажеттілігін айқындау және оңалтудың жеке бағдарламасын әзірлеу

16. МӘҰ-де тұрақты немесе уақытша тұратын балаларға арналған арнаулы әлеуметтік қызметтердің түрлері мен көлемін: әдіскер, дефектолог мұғалім, сенсорлық дамыту жөніндегі дефектолог мұғалім, логопед, психолог, невропатолог, психотерапевт, емдік шынықтыру инструкторы (бұдан әрі – ЕШИ), еңбек жөніндегі инструктор, дене шынықтыру жөніндегі инструктор, ән-күй қызметкері және де басқа мамандар (бұдан әрі – МӘҰ мамандары) айқындайды.
Меншік нысаны жеке МӘҰ-де балаларға арналған бюджет қаражатынан тыс көрсетілетін арнаулы әлеуметтік қызметтердің түрлері мен көлемі МӘҰ-нің ауданы, материалдық–техникалық базасы, кадрлық ресурстары және шарт талаптары негізінде МӘҰ мен балалардың ата-аналары (заңды өкілдері) арасында жасалған келісім бойынша айқындалады.
17. Балалардың арнаулы әлеуметтік қызметтерге белгіленген қажеттілігінің негізінде, оңалтудың жеке бағдарламасына (бұдан әрі - ОЖБ) сәйкес МӘҰ мамандары бір жылға арналған мерзімге әр балаға жеке жұмыс жоспарын (бұдан әрі - жеке жоспар) әзірлейді (3-қосымша), әлеуметтік жұмыс жөніндегі маман жеке жоспарды әзірлеу жөніндегі жұмысты үйлестіреді.
18. Жеке жоспарды мамандар баланы қарап тексергеннен кейін ол МӘҰ-ге келіп түскен күннен бастап немесе алдыңғы жеке жоспарының қолданыс мерзімі аяқталғаннан кейін 14 күнтізбелік күн ішінде әзірленеді, келесі 5 жұмыс күні ішінде толтырылады және оны МӘҰ-нің басшысы бекітеді.
19. Жеке жоспарда белгіленген оңалту іс-шаралар кешені жеке жоспарда белгіленген мерзімде іске асырылады.
Балалардың қажеттілігі мен олардың даму динамикасын МӘҰ-нің мамандары ұдайы (тоқсанына бір реттен кем емес) қарауға және құжаттамалық түрде көрсетуге тиіс.
Жеке жоспардың орындалуының тоқсан сайынғы мониторингі мен баланың жай-күйіндегі өзгерістердің қорытындыларын әлеуметтік жұмыс жөніндегі маман журналға тіркейді.
20. МӘҰ-де қажетті мамандар болмаған жағдайда, МӘҰ әкімшілігі жеке жоспарды әзірлеу, оңалту іс-шараларының нәтижелілігін бағалау немесе консультация беру үшін басқа ұйымдар мен ведомстволардан мамандар тартуына болады.
21. МӘҰ-нің әрбір маманы лауазымдық нұсқаулығына және жеке жоспарға сәйкес арнаулы әлеуметтік қызмет көрсетуге қатысады.
22. МӘҰ-нің барлық мамандарына қатысты қызметтік міндеттерінің сапалы орындалуына МӘҰ әкімшілігі тұрақты бақылауды жүзеге асырады. Жеке жоспардың орындалуын бақылау, олардың сапалы орындалуын және балалардың оң дамуы мақсатында ұдайы мониторинг әлеуметтік жұмыс жөніндегі маманға жүктеледі. Жеке жоспардың орындалуының тоқсан сайынғы мониторингі мен баланың жай-күйіндегі өзгерістердің қорытындыларын әлеуметтік жұмыс жөніндегі маман журналға тіркейді.
23. МӘҰ мамандары қажетіне қарай балалардың жеке жоспарына түзетулер енгізеді және өткізілген іс-шаралар мен тоқсан сайынғы мониторинг нәтижелерін журналда көрсетеді.
24. Әлеуметтік жұмыс жөніндегі мамандардың жұмыс сапасы отбасына берілген балалар санының көбеюі және олардың жартылай стационар және үйде күтім жасау жағдайларында арнаулы әлеуметтік қызмет алуы бойынша бақыланады.

5. Арнаулы әлеуметтік қызметтерді көрсету шарттары

25. Меншік нысаны мемлекеттік МӘҰ арнаулы әлеуметтік қызметтердің мынадай түрлерін:
бюджет қаражаты есебінен арнаулы әлеуметтік қызметтердің кепілді көлемін;
арнаулы әлеуметтік қызметтердің кепілді көлемінен тыс ақылы негізде ұсынылатын ақылы арнаулы әлеуметтік қызметтерді көрсетеді.
Меншік нысаны жеке МӘҰ арнаулы әлеуметтік қызметтердің мынадай түрлерін:
бюджет қаражаты есебінен арнаулы әлеуметтік қызметтердің кепілді көлемін;
арнаулы әлеуметтік қызметтердің кепілді көлемінен тыс ақылы негізде ұсынылатын ақылы арнаулы әлеуметтік қызметтерді;
МӘҰ мен баланың ата-анасының (заңды өкілдерінің) арасында жасалатын шарт бойынша ақылы негізде ұсынылатын, тараптардың келісімімен белгіленген көлемдегі арнаулы әлеуметтік қызметтерді көрсетеді.
26. Арнаулы әлеуметтік қызметтер жеке жоспарда көрсетілген балалардың жеке қажеттіліктері ескеріле отырып, Халықты әлеуметтік қорғау саласында арнаулы әлеуметтік қызметтерді көрсету стандартына сәйкес ұсынылады.

6. Арнаулы әлеуметтік қызметтердің әртүрлі түрлерін ұсынуға талаптар

27. Әлеуметтік-тұрмыстық қызметтер:
1) берілетін тұрғын орынжай, жұмсақ инвентарь санитарлық-гигиеналық нормалар мен талаптарға сәйкес болуға тиіс;
балалардың пайдалануына берілген жиһаздар, жабдықтар балалардың жасына және психо-физикалық ерекшеліктеріне сәйкес болуға тиіс;
2) ыстық, оның ішінде диеталық тағамдар сапалы тағамдардан әзірленуге, балалардың әр жастағы тобы үшін теңгерімділігі мен калориялылық талаптарына жауап беруге және "Интернат үйлерінде, оңалту орталықтарында, мүгедек балаларға арналған оқу орындарында, аумақтық әлеуметтік қызметтер көрсету орталықтарында, әлеуметтік бейімдеу орталықтарында қызмет көрсетілетін адамдар үшін заттай тамақтану нормаларын бекіту туралы" Қазақстан Республикасы Үкіметінің 2008 жылғы 31 желтоқсандағы N 1354 қаулысымен бекітілген тамақтану нормалары мен көлеміне сәйкес болуға тиіс. МӘҰ басшысы 14 күндік маусымдық (көктем-жаз, күз-қыс) мәзірді бекітеді;
3) балаларды емдеуге, оқытуға, мәдени шараларға қатысуға тасымалдау автокөлік құралдарын пайдаланудың нормативтері мен ережесін, жол қозғалысы қауіпсіздігі талаптарын сақтай отырып жүзеге асырылады;
тірек-қимыл аппараты бұзылған балаларды тасуға арналған автокөлік құралының салоны қауіпсіздік белдігімен жарақталған болуға тиіс;
4) МӘҰ-де әлеуметтік-тұрмыстық қызметтерді ұсынуды ішкі бақылауды әлеуметтік жұмыс жөніндегі маман жүзеге асырады, оның нәтижелері журналда тіркеледі.
5) жерлеу қызметін ұйымдастыру (қайтыс болған балалардың туыстары (заңды өкілдері) болмағанда немесе олар қайтыс болған адамның мүрдесін алудан бас тартқан жағдайда).
28. Әлеуметтік-медициналық қызметтер:
1) "Тегін медициналық көмектің кепілді көлемінің 2008-2009 жылдарға арналған тізбесін бекіту туралы" Қазақстан Республикасы Үкіметінің 2007 жылғы 28 қыркүйектегі N 853 қаулысына сәйкес тегін медициналық көмектің кепілді көлемін алуға жәрдемдесу;
2) балаларды медициналық-әлеуметтік зерттеп тексеру (қажет кезінде, денсаулық сақтау қызметкерлерін тарта отырып), емдеудің, консультация берудің, алдын алу мен оңалту іс-шараларының медициналық бөлігінің жеке жоспарын әзірлеу;
3) дәрігерге дейінгі көмекті уақытында көрсету;
4) шұғыл медициналық-психологиялық көмекті ұйымдастыру;
5) балалар денсаулығының жай-күйін күн сайын қадағалау;
6) дәрігердің тағайындауына сәйкес медициналық рәсімдерді жүргізу;
7) балалар денсаулығының және қажеттілігінің жай-күйін ескере отырып, күтімді, оның ішінде санитарлық гигиеналық қызметтер көрсетуді қамтамасыз ету (ысқылау, жуындыру, гигиеналық бұлаулар);
8) емдеу-сауықтыру іс-шараларын ұйымдастыру;
9) оңалтудың жеке бағдарламасына сәйкес әлеуметтік-медициналық сипаттағы оңалту іс-шараларын өткізу;
10) техникалық көмекші (орнын толтырушы) құралдарды алуға жәрдемдесу;
11) протездік-ортопедиялық және есту-протез көмегін алуға жәрдемдесу;
12) балаларды жоспарлы диспансерлеуді жүргізу;
13) шұғыл түрде ауруханаға жатқызуды ұйымдастыру және денсаулық сақтау ұйымына балалармен бірге бару;
14) бала МӘҰ-ден шыққан кезде, әлеуметтік-медициналық қызметтер көрсетуші мамандардың ұсынымдар беруі;
15) медициналық-әлеуметтік сараптама жүргізуге жәрдемдесу.
Сауықтыру-емдеу іс-шараларын жүргізу қажетіне қарай түзетіледі және жеке жоспарда, журналда тіркеледі.
29. Әлеуметтік-психологиялық қызметтер:
1) психологиялық диагностика және баланы зерттеп тексеру МӘҰ басшылығы бекітетін психодиагностикалық жиынтық негізінде жүзеге асырылады;
2) диагностиканы, түзеуді, әлеуметтік-психологиялық консультация беруді жүзеге асырушы, әлеуметтік-медициналық және медициналық-психологиялық көмек көрсетуші мамандардың жазбаша түрде ресімделетін ұсынымдары негізінде жеке жоспарды әзірлеу;
3) балалардың қажеттілігіне қарай, әзірленген жеке жоспарға сәйкес топтық немесе жеке сабақ түрінде психологиялық көмек көрсету;
4) шұғыл психологиялық және медициналық-психологиялық көмек көрсету;
5) баланың жеке жоспарын түзеу, оған өзгерістер мен толықтырулар енгізу.
Балалармен жеке және ұжымдық іс-шаралар жүргізу (оларға қатысқан балалардың саны туралы ақпаратты қоса), оңалту іс-шараларының нәтижелері мен психологиялық көмекті уақытында көрсетуді бақылаудың нәтижелері журналда көрсетіледі.
30. Әлеуметтік-педагогикалық қызметтер:
1) әлеуметтік-педагогикалық диагностика жүргізу және баланы зерттеп тексеру;
2) диагностика мен баланы зерттеп тексеру нәтижелерін жеке жоспарда көрсету;
3) әлеуметтік-педагогикалық консультация беру және педагогикалық түзеу;
4) балалардың физиологиялық мүмкіндіктері мен ақыл-ой қабілеттерін ескере отырып оқытудың жеке бағдарламасын әзірлеу;
5) жас ерекшеліктерін, әлеуметтік дағдыларын және олардың когнитивтік дамуын ескере отырып әлеуметтік дағдыларды қалыптастыру және түзеу-дамыта оқыту үшін дефектолог мұғалімдердің балаларды топтар (сыныптар) бойынша (3 жастан 5 жасқа дейін; 6 жастан 8 жасқа дейін; 9 жастан 13 жасқа дейін; 14 жастан 18 жасқа дейін) жасақтауы:
өзіне өзі қызмет көрсету және жеке гигиена дағдылары болмаған жағдайда - 6 адамнан асырмай;
қалыптасқан (ішінара қалыптасқан) өзіне өзі қызмет көрсету және жеке гигиена дағдылары болған жағдайда - 8 адамнан асырмай;
қалыптасқан (ішінара қалыптасқан) тұрмыстық дағдылары жағдайында - 10 адамнан асырмай;
қалыптасқан қолымен жұмыс істей алу дағдылары болған жағдайда - 12 адамнан асырмай таратып бөлу (еңбек бағдарын беру бағдарламасын іске асыруға арналған топ 6 адамнан тұратын кіші топтарға бөлінеді);
6) білім беру саласындағы уәкілетті орган бекіткен арнаулы бағдарлама бойынша МӘҰ мамандарының және (немесе) білім беру ұйымдарының (білім беру қызметтерін көрсетуге арналған шарт болған кезде) жеңіл және орташа ақыл-ой кемістігі бар балаларды оқытуын ұйымдастыру. Күрделі және ауыр ақыл-ой кемістігі бар балалар үшін жеке қажеттіліктерінің негізінде әзірленетін бағдарламаларға (авторлық бағдарламалар, үлгілер) сәйкес өзіне өзі қызмет көрсету, жеке гигиена, жүріп-тұру, сенсорлық және когнитивтік дағдыларын қалыптастыру жөніндегі қызмет жүзеге асырылады.
7) өзіне өзі қызмет көрсету, жеке гигиена, әлеуметтік-тұрмыстық дағдылар, балаларды әлеуметтендіру, оның ішінде: өзін өзі бақылау дағдыларын, қарым-қатынас және тыныс-тіршіліктің басқа нысандары дағдыларын қалыптастыру үшін жағдай жасау;
8) жеке және әлеуметтік мәртебесін қалпына келтіруге мүмкіндік беретін қол шеберлігі және қолынан келетін еңбек дағдыларын қалыптастыруға жағдай жасау;
9) тұрмыстық бағдарлау (ас әзірлеу, дастархан жасау, ыдыс жуу, пәтерді/орынжайды ұстау және өзге де дағдылар) негіздеріне үйрету үшін жағдай жасау;
10) арнаулы әлеуметтік қызмет көрсетудің негізгі мәселелерін шешу мақсатында педагогикалық кеңес құру, оның құрамын МӘҰ басшысы бекітеді;
11) анимациялық қызметтер (топсеруендер, театрларға, көрмелерге бару, көркем өнерпаздар концерттері, мерекелер, мерейтойлар және басқа да мәдени іс-шаралар) ұсыну жөніндегі жоспарды, оларды өткізудің бағдарламалары мен сценарийлерін әзірлеу;
12) балаларды оқытудың, тәрбиелеудің және қажетті дағдыларды қалыптастырудың аралық нәтижелерін тоқсан сайын бағалауды өткізу.
Балаларды оқытудың жеке жоспарына өзгерістер енгізу, түзеу-дамыту және білім беру сипатындағы оқу бағдарламаларын іске асыру, аралық бағалау нәтижелері жеке жоспарларда, журналда көрсетіледі;
13) жаппай және жеке жұмыс істеуге арналған барлық кабинеттерге кабинет паспорттары ресімделеді, оның нысанын әрбір МӘҰ дербес бекітеді.
31. Әлеуметтік-экономикалық қызметтер:
1) Қазақстан Республикасының "Мемлекеттік атаулы әлеуметтік көмек туралы" 2001 жылғы 17 шілдедегі N 246, "Балалы отбасыларға берілетін мемлекеттік жәрдемақылар туралы" 2005 жылғы 28 маусымдағы N 63, "Қазақстан Республикасында мүгедектігі бойынша, асыраушысынан айырылу жағдайы бойынша және жасына байланысты берілетін мемлекеттік әлеуметтік жәрдемақылар туралы" Қазақстан Республикасының Заңына өзгерістер енгізу туралы" 2003 жылғы 9 қаңтар N 382, "Қазақстан Республикасындағы арнаулы мемлекеттік жәрдемақы туралы" 1999 жылғы 5 сәуірдегі N 365 заңдарына және өзге де заңнамалық актілерге сәйкес тиісті жеңілдіктерді, жәрдемақыларды, өтемақыларды және басқа да төлемдерді алуға жәрдемдесу;
2) балалардың жәрдемақыларын МӘҰ басшысы қамқоршылық және қорғаншылық органының алдын ала рұқсатымен жұмсайды;
3) баланың банктік шотында қалған ақшаны МӘҰ басшысы Қазақстан Республикасы Еңбек және халықты әлеуметтік қорғау министрінің 2008 жылғы 19 наурыздағы N 72-ө бұйрығымен бекітілген Мемлекеттік медициналық-әлеуметтік мекемелерде тұратын мүгедектердің зейнетақы төлемдерін және мемлекеттік әлеуметтік жәрдемақыларын пайдалану ережесіне сәйкес балалардың жеке мұқтаждығына, қосымша тамақ, бірінші қажеттілік заттарын, жұмсақ және қатты инвентарь сатып алуға пайдаланады.
32. Әлеуметтік-құқықтық қызметтер:
1) балалардың құқықтарын, бостандығын және заңды мүдделерін қорғауға және сақтауға құқықтық көмек көрсету;
2) балалардың мемлекеттік және мемлекеттік емес секторда арнаулы әлеуметтік қызметтер алу құқығымен байланысты мәселелер бойынша консультация беру;
3) балалардың құқығы мен мүддесін қорғау үшін сотта өкілдікті қамтамасыз етуге;
4) ресми құжаттарды рәсімдеуге көмек көрсету;
5) жеңілдіктер мен басымдықтарды және әлеуметтік төлемдерді алуға заңгерлік көмек көрсету және жәрдемдесу;
6) жетім балаларды және ата-анасының қамқорлығынсыз қалған балаларды асырап алуға және отбасылық тәрбиенің басқа да нысандарына құжаттарды ресімдеуде азаматтарға "Неке және отбасы туралы" Қазақстан Республикасының 1998 жылғы 17 желтоқсандағы N 321 Заңына сәйкес заңгерлік көмек көрсету.

7. МӘҰ-ден шығару (шығарып жіберу), уақытша кету және ауыстыру шарттары

33. Балаларды МӘҰ-ден шығару:
1) баланың ата-анасының (заңды өкілдерінің) біреуінің өтініші бойынша;
2) мүгедектігі алып тасталған кезде;
3) бала 18 жасқа толғанда жүзеге асырылады.
34. МӘҰ-де ата-анасының (заңды өкілдерінің) өтініші бойынша баланы сенбі, жексенбі, мереке күндері, демалыс уақытында, ата-анасының демалысы уақытында және басқа да себептермен әкетуге болады.
Баланың уақытша кетуіне МӘҰ дәрігерінің кету мүмкіндігі туралы қорытындысы ата-анасының (заңды өкілдерінің) МӘҰ әкімшілігіне өтініші болғанда рұқсат етіледі.
Арнаулы әлеуметтік қызметтер бюджет қаражаты есебінен көрсетілетін балалар болмаған уақытта МӘҰ басшысының тиісті бұйрығымен үлестен шығарылады.
Меншік нысаны жеке МӘҰ арнаулы әлеуметтік қызметтерді шарт негізінде көрсеткен кезде МӘҰ мен балалардың ата-анасы (заңды өкілдері) арасындағы бала болмаған уақыттағы қатынастар олардың арасында жасалған шарт (бұдан әрі - шарт) негізінде айқындалады.
Ата-анасына (заңды өкілдеріне) бару сапарымен байланысты шығыстарды МӘҰ өтемейді.
35. Баланы одан әрі оңалту үшін арнаулы әлеуметтік қызметтерді, медициналық және білім беру қызметтерін ұсынуға лицензиясы бар өзге ұйымға бір жылға дейінгі мерзімге жіберу туралы шешімді дәрігердің қорытындысын ескеріп және қабылдаушы тараптың баланы ұстау және оған қажетті күтімді қамтамасыз ету туралы жазбаша міндеттемесі болған кезде МӘҰ әкімшілігі қабылдай алады.
36. 18 жасқа толған балалар медициналық ұйымның қорытындысына және медициналық-әлеуметтік сараптама комиссиясының қорытындысына сәйкес қарттар мен мүгедектерге арналған жалпы үлгідегі МӘҰ-ге, ересектерге арналған психоневрологиялық МӘҰ-ге ауыстырылады не үйіне шығарылады.
37. Әлеуметтік қызмет көрсетуге медициналық қарсы айғақтамалары болған кезде, балалар арнаулы медициналық ұйымға стационарлық емдеуге ауыстырылады.
38. Бюджет қаражаты есебінен ұсталатын балаларды бір өңірде орналасқан МӘҰ-ден елдің өзге өңірінде орналасқан МӘҰ-ге ауыстыру, тиісті өңірлердің уәкілетті органдарымен келісім бойынша жүзеге асырылады.
39. Бала 16 толғанда МӘҰ әкімшілігі оның жеке басының куәлігін ресімдеуді қамтамасыз етеді.
40. МӘҰ басшысы бұйрығының негізінде балаларды шығару, уақытша жіберу, басқа МӘҰ-ге ауыстыру, үзінді көшірме немесе ауыстыру эпикризін міндетті ресімдеу жүзеге асырылады.
41. Шығару, уақытша жіберу немесе басқа МӘҰ-ге ауыстыру кезінде балаға жеке және маусым бойынша өзіне бекітілген киімі мен аяқ киімі, МӘҰ-де сақталған құнды заттары (құжаттары) беріледі.

8. МӘҰ-ні басқару

42. МӘҰ-ні уәкілетті орган (құрылтайшысы, бастамашы) тағайындайтын және жұмыстан босататын басшы басқарады.
43. МӘҰ-нің әкімшілік-шаруашылық персоналы штатының санын бюджеттің қажеттілігі мен мүмкіндіктерін ескере отырып, құрылтайшы (бастамашы) өзі белгілейді.
Ас үйдің және асхананың, медициналық, оқу-қосалқы персоналдың штаттық нормативтерін, сондай-ақ арнаулы әлеуметтік қызмет көрсететін персоналды құрылтайшы (бастамашы) Халықты әлеуметтік қорғау саласында арнаулы әлеуметтік қызмет көрсету стандартында көзделгеннен кем емес көлемде белгілейді.
44. Басшы:
МӘҰ-нің жұмысын ұйымдастырады және МӘҰ-нің санитарлық-гигиеналық және техникалық жай-күйіне, балалардың ұсталуы мен әлеуметтік қызметтің көрсетілу сапасына жауап береді;
МӘҰ-нің атынан әрекет етеді, оған мекемелер мен ұйымдарда өкілдік етеді, заңнамада белгіленген тәртіппен МӘҰ-нің мүлкі мен заттарына иелік етеді, шарттар жасасады, банктерде МӘҰ шоттарын ашады;
кадрларды іріктеуді және тағайындауды қамтамасыз етеді, персоналдың жұмысына, олардың біліктілігін арттыруға басшылықты жүзеге асырады, сондай-ақ МӘҰ-ді балалармен жасақтауға қатысады;
жабдықталған кабинеттердің болуын ескере отырып, арнаулы әлеуметтік қызмет көрсету жөніндегі мамандардың (психолог, логопед, дефектолог мұғалім, сенсорлық дағдыларды дамыту жөніндегі дефектолог мұғалім, музыкалық жетекші, дене шынықтыру мұғалімі, еңбек мұғалімі, ЕШИ, массаж жөніндегі медбике, әлеуметтік жұмыс жөніндегі маман) жаңа штаттық бірліктерін қалыптастырады; МӘҰ қызметіне қатысты бұйрықтар шығарады, сондай-ақ Қазақстан Республикасының еңбек заңнамасына сәйкес қызметкермен еңбек шартын жасайды/бұзады, қызметкерлерді көтермелейді, тәртіптік жаза қолданады.
45. МӘҰ-де шағымдар мен ұсыныстар кітабы ресімделеді, ол МӘҰ-нің басшысында сақталады және келушілердің бірінші талап етуі бойынша беріледі.
46. Шағымдар мен ұсыныстар кітабын МӘҰ басшысы апта сайын, ал уәкілетті орган ай сайын қарап отырады.
47. МӘҰ басшысы, құрылтайшы (бастамашы) мен уәкілетті орган шағымдар мен ұсыныстарға уақытында назар аударуға және өз құзіретіне енетін мәселелер бойынша тиісті шараларды қабылдауға тиіс.
48. МӘҰ заңды және жеке тұлғалардың Қазақстан Республикасының заңнамасында белгіленген тәртіппен ақша аударуына арналған демеушілік, қайырымдылық және өзге де шоттарды аша алады.

10. Қорытынды ережелер

49. Балаларға және олардың отбасыларына арнаулы әлеуметтік қызмет көрсетудің сапасын, толық көлемін, түрлерін және тиісті жағдай жасауды қамтамасыз етуді бақылауды құрылтайшы (бастамашы) және уәкілетті орган жүзеге асырады.

Балалар психоневрологиялық
медициналық-әлеуметтік мекемелерде
(ұйымдарда) арнаулы әлеуметтік қызмет
көрсетудің үлгі ережесіне
1-қосымша

Халықты әлеуметтік қорғау саласындағы уәкілетті орган ресімдейді
__________________________________________________________________
(уәкілетті органның атауы)
________________________________________________________ ресімделеді. (баланың Т.А.Ә.)
Тууы туралы куәлік (жеке куәлік) N __________ кім берген ___________
Үйінің мекен-жайы __________________________________________________
Туған жері _________________________________________________________
Туған күні "____" _____________________ жыл
Жәрдемақы түрі және мөлшері ________________________________________
Мүгедектік санаты __________________________________________________
Қайта куәландыру мерзімі ___________________________________________
Білімі _____________________________________________________________
Соңғы оқыған жері __________________________________________________
Тұрғын үй жағдайы __________________________________________________ (жеке үй, пәтер, жатақханада бөлме және т.б.)
Туыстары (заңды өкілдері) __________________________________________
____________________________________________________________________
(туыстық қатынастары, жасы, әлеуметтік мәртебесі, тұрғылықты
мекен-жайы)

Өтініш

___________________ Балалар психоневрологиялық медициналық-әлеуметтік мекемеге (ұйымға) тұрақты/ уақытша (керегін сызыңыз) тұруға қабылдауды сұраймын, яғни ол стационар жағдайында әлеуметтік қызмет көрсетуге мұқтаж
____________________________________________________________________
(өзге себептер)
Мынадай құжаттарды қоса беріп отырмын:
____________________________________________________________________
____________________________________________________________________
Балалар психоневрологиялық медициналық-әлеуметтік мекемеге (ұйымға) қабылдаудың, онда ұстап бағудың, одан шығарудың шарттарымен және ішкі тәртіп ережелерімен таныстым.

20___ ж. "____"_________ ____________________________________
(Өтініш иесінің Т.А.Ә. және қолы)

Құжаттарды қабылдаған _________________________ 20 __ ж. "___"______
(Т.А.Ә., лауазымы, қолы)

Балалар психоневрологиялық
медициналық-әлеуметтік мекемелерде
(ұйымдарда)арнаулы әлеуметтік қызмет
көрсетудің үлгі ережесіне
2-қосымша

Медициналық карта

_____________________________
(медициналық ұйымның атауы)

Т.А.Ә. ______________________________________________________________
Туған күні, айы, жылы "____"_________ _____ жыл
Үйінің мекен-жайы ___________________________________________________

Медициналық тексеру
(негізгі және ілеспелі диагнозды, асқынудың орын алғандығын, бұрын болған аурулар туралы мәліметтерді көрсету қажет)

педиатр ____________________________________________________________
хирург _____________________________________________________________
невропатолог _______________________________________________________
психиатр ___________________________________________________________
окулист ____________________________________________________________
отоларинголог ______________________________________________________
дерматовенеролог ___________________________________________________
Айғақтамалар бойынша:
стоматолог _________________________________________________________
эндокринолог _______________________________________________________
кардиолог __________________________________________________________
ортопед_____________________________________________________________
нарколог ___________________________________________________________
онколог ____________________________________________________________
гинеколог __________________________________________________________
зәр мен қанның жалпы анализі (RW және ВИЧ) _________________________
ішек аурулар тобының анализі _______________________________________
Қорытынды _________________________________________________________
(бөгде адамның тұрақты күтіміне және әлеуметтік қызмет көрсетуге
мұқтаждығы туралы негіздеу)

Балалар психоневрологиялық медициналық-әлеуметтік мекемеге (ұйымға) жолдау туралы ұсыным _______________________________________________
Балалар психоневрологиялық медициналық-әлеуметтік мекемеге (ұйымға) жіберілмейді _______________________________________________________
(себебін көрсетіңіз)

М.О.
Медициналық ұйымның басшысы: _______________________________________
(Т.А.Ә., қолы)

200___ ж. "____"_________

Балалар психоневрологиялық
медициналық-әлеуметтік мекемелерде
(ұйымдарда) арнаулы әлеуметтік қызмет
көрсетудің үлгі ережесіне
3-қосымша

____________________________________________________________________
Арнаулы әлеуметтік қызмет көрсететін субъектінің атауы

Бекітемін:

________________________________
(МӘҰ басшысының Т.А.Ә. және қолы)
"___" _____________ ______ жыл

Жеке жұмыс жоспары

Баланың Т.А.Ә. ____________________________________________________
Туған күні және жылы ______________________________________________
Диагнозы __________________________________________________________
Келген күні _______________________________________________________
Жеке жұмыс жоспарын әзірлеу күні __________________________________
Қатынаудың жиілігі және ұзақтығы __________________________________
______________________ бастап ________________________ кезеңді қоса

Баланың жеке қажеттілігіне сәйкес іс-шаралар тағайындау (көрсетілетін қызметтердің түрлері мен көлемін көрсету):
1) әлеуметтік-тұрмыстық қызметтер:

____________________________________________________________________
____________________________________________________________________
____________________________________________________________________
2) әлеуметтік-медициналық қызметтер:
____________________________________________________________________
____________________________________________________________________
____________________________________________________________________
3) әлеуметтік-психологиялық қызметтер:
____________________________________________________________________
____________________________________________________________________
____________________________________________________________________
4) әлеуметтік-педагогикалық қызметтер:
____________________________________________________________________
____________________________________________________________________
____________________________________________________________________
5) әлеуметтік-экономикалық қызметтер:
____________________________________________________________________
____________________________________________________________________
____________________________________________________________________
6) әлеуметтік-құқықтық қызметтер:
____________________________________________________________________
____________________________________________________________________
____________________________________________________________________
Жеке жұмыс жоспарын іске асыру қорытындысы _________________________
____________________________________________________________________
____________________________________________________________________
Жеке жұмыс жоспарын қайта қарау күні _______________________________
Әлеуметтік қызметкер жөніндегі маманның қолы _______________________
(Т.А.Ә. және қолы)

Таныстырылды:
__________________________ ата-анасының
_________________________ (заңды өкілдерінің) Т.А.Ә. және қолы

Қазақстан Республикасы
Еңбек және халықты әлеуметтік
қорғау министрінің
2009 жылғы 30 шілдедегі
N 240-ө бұйрығына
2-қосымша

Қазақстан Республикасы
Еңбек және халықты әлеуметтік қорғау
министрі міндетін атқарушының
2005 жылғы 1 желтоқсандағы
N 306-ө бұйрығымен бекітілген

Мүмкіндігі шектеулі балаларға, мүгедек балаларға, 1,5 жастан 3 жасқа дейінгі қатер тобындағы балаларға үйде әлеуметтік қызмет көрсетудің үлгі ережесі 1. Жалпы ережелер

1. Осы Үйде әлеуметтік қызмет көрсетудің үлгі ережесі (бұдан әрі – Үлгі ереже) отбасыларында тұратын мүмкіндігі шектеулі балаларға, мүгедек балаларға, 1,5 жастан 3 жасқа дейінгі қатер тобындағы балаларға арнаулы әлеуметтік қызмет көрсетудің (бұдан әрі – балаларға үйде қызмет көрсету) шарттарын және тәртібін айқындайды.
2. Балаларға үйде қызмет көрсету Қазақстан Республикасының Конституциясына, Қазақстан Республикасының "Арнаулы әлеуметтік қызметтер туралы" 2008 жылғы 29 желтоқсандағы N 114-ІV, "Кемтар балаларды әлеуметтік және медициналық-педагогикалық түзеу арқылы қолдау туралы" 2002 жылғы 11 шілдедегі N 343, "Қазақстан Республикасындағы баланың құқықтары туралы" 2002 жылғы 8 тамыздағы N 345, "Қазақстан Республикасында мүгедектерді әлеуметтік қорғау туралы" 2005 жылғы 13 сәуірдегі N 39 заңдарына, осы Үлгі ережеге сәйкес жүзеге асырылады.
3. Балаларға үйде арнаулы әлеуметтік қызмет көрсетуді мемлекеттік және жеке меншік нысанындағы субъектілер (үйде әлеуметтік көмек көрсету бөлімшелері; отбасы және баланы қолдау қызметі; ерте қолға алу қызметі; оңалту орталықтары; медициналық-әлеуметтік мекемелер мен әлеуметтік қызмет көрсету нысандарының өзге де құрылымдық бөлімшелері) (бұдан әрі – үйде қызмет көрсететін субъектілер) жүзеге асырады.
Осы ережеде "бастамашылар" деген ұғым пайдаланылады, бұл ұғым коммерциялық емес ұйымның жарғысын қабылдау және басшы органын қалыптастыру үшін құрылтай жиналысын (съезді, конференцияны) шақыратын азаматтардың бастамашы тобын білдіреді.
4. Балаларда:
ауру процесінің белсенді стадиясындағы туберкулездің;
карантинді инфекциялардың;
жұқпалы тері мен шаш ауруларының;
венереологиялық аурулардың, ЖҚТБ және басқа да мамандандырылған медициналық ұйымдарда емдеуді талап ететін аурулардың болуы балаларға үйде қызмет көрсетуге қарсы айғақтамалар болып табылады.
5. Балаларға үйдегі қызметтерді үйде қызмет көрсету субъектісінің штат санында тұратын әлеуметтік қызметкерлер (әлеуметтік жұмыс жөніндегі консультанттар, күтім жөніндегі әлеуметтік қызметкерлер) көрсетеді.
Балаларға үйде қызмет көрсету кезінде қажеттігіне қарай денсаулық сақтау, білім беру саласынан мамандарды тартуға болады.

2. Үйде қызмет көрсету субъектілерінің міндеттері мен функциялары

6. Үйде қызмет көрсету субъектілерінің негізгі міндеті мұқтаж балаларға, олардың жеке қажеттіліктерін ескере отырып, арнаулы әлеуметтік қызмет көрсету, балалардың үйреншікті үй жағдайында болуына қолайлы жағдайлар жасау болып табылады.
7. Үйде қызмет көрсететін субъектілердің функциялары:
1) үйде арнаулы әлеуметтік қызметке мұқтаж балаларды анықтау және есепке алу;
2) кешендік сипаттағы арнаулы әлеуметтік қызметтерді көрсету;
3) балалардың және олардың отбасы мүшелерін (заңды өкілдерін) олардың құқықтары, әлеуметтік қызмет көрсетудің шарттары, көлемі мен түрлері туралы хабардар ету;
4) әлеуметтік жұмыс жөніндегі консультанттар мен күтім жөніндегі әлеуметтік қызметкерлердің еңбегін ұйымдастыруды жетілдіру және біліктілігін арттыру;
5) үйде қызмет көрсететін субъектілердің құрылтай құжаттарына сәйкес өзге де функциялар.

3. Үйде қызмет көрсететін субъектілердің балаларға үйде әлеуметтік қызмет көрсетуін ұйымдастыру

8. Жергілікті атқарушы органдар құрған үйде қызмет көрсететін субъектілер балаларға қызметтерді үйде арнаулы әлеуметтік қызметтердің кепілді көлемінің шеңберінде, Қазақстан Республикасы Еңбек және халықты әлеуметтік қорғау министрінің 2009 жылғы 26 қаңтардағы N 26-ө бұйрығымен (Қазақстан Республикасы Әділет министрлігінде 2009 жылғы 25 ақпанда N 5566 тіркелген) бекітілген Халықты әлеуметтік қорғау саласында арнаулы әлеуметтік қызметтерді көрсету стандартына (бұдан әрі - Халықты әлеуметтік қорғау саласында арнаулы әлеуметтік қызметтерді көрсету стандарты) сәйкес көрсетеді.
9. Меншік нысанына қарамастан, үйде қызмет көрсететін субъектінің және арнаулы әлеуметтік қызметтерге мұқтаж балалы отбасылардың арасындағы қатынастар үйде арнаулы әлеуметтік қызмет көрсету шартымен (бұдан әрі - Шарт) ресімделеді.
Шартта көрсетілетін арнаулы әлеуметтік қызметтердің кезеңділігін және түрлерін көздейтін шарттардың, отбасына бекітілген әлеуметтік қызметкердің (немесе маманның) тегі мен аты, Шарттың бұзылу жағдайлары, тараптардың жауапкершіліктері, Шарттың іске асырылу мерзімінің (1-қосымша) болуы міндетті.
Арнаулы әлеуметтік қызметтер ақылы негізде көрсету шарты, көрсетілген жағдайлардан басқа, ақы төлеу шарттарын, Шарттың ұзартылуы тараптардың келісімі бойынша басқа да шарттарды қамтиды.
10. Үйде қызмет көрсететін субъектілер:
1) балалардың жеке іс-қағаздарын бастайды және толықтырып отырады;
2) әлеуметтік қызметкерлерге (мамандарға) қажетті техникамен және байланыспен жабдықталған орынжай, диагностикалық, дидактикалық және дамыту материалдарын береді;
3) арнаулы әлеуметтік қызмет ұсыну үшін жағдай жасайды, оның ішінде:
әлеуметтік қызметкерлерді (мамандарды) балаларға әлеуметтік қызмет көрсету жөніндегі білім, дағды және машықтарды қалыптастыруға ықпал ететін әдістемелік әдебиетпен қамтамасыз ету;
үйде қызмет көрсетілетін отбасы мүшелеріне арналған, баланың отбасы жағдайында дамуы үшін жағдай жасау жөніндегі үйрету тренингтерін жүргізу;
қажетіне қарай әлеуметтік қызметкерлерді (мамандарды) көлік құралымен, жол жүру билеттерімен немесе жол жүру билеті құнының мөлшерінде ақшалай өтемақымен қамтамасыз ету;
4) үйде қызмет көрсетуді ұйымдастыруда консультациялық көмек көрсетеді, әлеуметтік қызметкерлердің (мамандардың) қызметіне басшылық етуі мен бақылауды жүзеге асырады;
5) өзінің құзыретіне енетін мәселелер бойынша қажетті шараларды қабылдай отырып, шағымдар мен ұсыныстарға уақытында назар аударады.

4. Балаларға үйде қызмет көрсетуді ұсыну, тоқтату және тоқтата тұру жағдайлары

11. Арнаулы әлеуметтік қызметтерге мұқтаж және бір отбасында тұратын балалар жеке тұлға ретінде есептеледі.
12. Балаларға үйде қызмет көрсету мынадай құжаттардың негізінде жүзеге асырылады:
1) ата-анасының (заңды өкілдерінің) біреуінің өтініші (2-қосымша);
2) баланың тууы туралы куәлігінің көшірмесі;
3) тұратын жерінен анықтама;
4) учаскелік педиатр-дәрігер немесе жалпы практика дәрігері беретін бала денсаулығының жай-күйі және эпидемиологиялық ортасы туралы медициналық анықтама;
5) тұрғын үй және материалдық-тұрмыстық жағдайларын зерттеп-тексеру актісі (3-қосымша);
6) ата-анасының (заңды өкілдерінің) біреуінің жеке куәлігінің көшірмесі;
7) мүгедектігі (бар болса) туралы анықтамадан үзінді көшірме;
8) мүгедекті оңалтудың жеке бағдарламасынан (бар болса) үзінді көшірме;
9) психологиялық-медициналық-педагогикалық комиссияның қорытындысы;
10) жергілікті атқарушы органның арнаулы әлеуметтік қызметтерді ұсыну туралы шешімі (арнаулы әлеуметтік қызметтерді бюджет қаражаты есебінен көрсету кезінде).
13. Балаларды бюджеттік емес қаражат есебінен үйде қызмет көрсетуге қабылдауға қажетті құжаттардың тізбесін құрылтайшы (бастамашы) өзі дербес айқындайды.
14. Балаларға үйде қызмет көрсетуді тоқтатуға:
1) баланың ата-анасының (заңды өкілдерінің) біреуінің өтініші;
2) балаларға үйде қызмет көрсетуге медициналық қарсы айғақтамалардың болуы;
3) ата-анасының (заңды өкілдерінің) тұрғылықты жерінің өзгеруі;
4) балаларға қызметтер ақылы негізде көрсетілген жағдайда – Шарт мерзімінің аяқталуы немесе оның ұзақ мерзімге бұзылуы негіздеме болып табылады.
15. Балаларға үйде қызмет көрсету оларға стационар немесе жартылай стационар жағдайында арнаулы әлеуметтік қызмет көрсетілу кезеңінде тоқтатылады.

5. Балалардың үйдегі қызметтерге жеке қажеттіліктерін айқындау және жеке жоспарды әзірлеу

16. Халықты әлеуметтік қорғау саласындағы аудандық (қалалық) уәкілетті орган алғаш есепке алған балалардың үйде көрсетілетін арнаулы әлеуметтік қызметтерге қажеттілігі әлеуметтік қызметкердің арнаулы әлеуметтік қызметтерге қажеттілікті бағалау және айқындау жөніндегі қорытындысының негізінде жергілікті атқарушы органның шешімімен белгіленеді.
Халықты әлеуметтік қорғау саласындағы аудандық (қалалық) уәкілетті органдардың есебінде тұратын және үйде қызмет көрсетілетін балалар үшін қызметтерді көрсетуді жалғастыру, осы Ереженің 12-тармағында көрсетілген құжаттарды ұсынбай-ақ, жергілікті атқарушы органның шешімі бойынша жүзеге асырылады.
Балалардың бюджеттік емес қаражат есебінен көрсетілетін арнаулы әлеуметтік қызметтерге қажеттілігін, олардың түрлері мен көлемін, үйде қызмет көрсету субъектісі өзі дербес (әлеуметтік жұмыс жөніндегі консультант қорытындысының негізінде) айқындайды.
17. Қажеттілікті бағалау және айқындау жөніндегі әлеуметтік қызметкер белгілеген балалардың арнаулы әлеуметтік қызметтерге қажеттіліктері негізінде, әлеуметтік жұмыс жөніндегі консультант оңалтудың жеке бағдарламасына (бұдан әрі - ОЖБ) сәйкес әрбір балаға бір жылдан аспайтын мерзімге жеке жұмыс жоспарын (бұдан әрі – жеке жоспар) әзірлейді.
18. Жеке жоспарды әлеуметтік жұмыс жөніндегі консультант баланы қарап бақылағаннан кейін (қажеттігіне қарай жеке жоспарды әзірлеуге немесе оңалту шараларының тиімділігін бағалауға денсаулық сақтау, білім беру салаларының мамандары тартылады) оны үйде қызмет көрсету жөніндегі есепке қойған күннен бастап немесе алдыңғы жеке жоспарының қолданылу мерзімі аяқталғаннан кейін 14 күнтізбелік күн ішінде әзірлейді, 5 жұмыс күні ішінде толтырады және оны үйде қызмет көрсететін субъектінің басшысы бекітеді, жеке жоспарда белгіленген мерзімдерде іске асырылады.
19. Балалардың мұқтаждықтары мен олардың даму динамикасы мамандардың тұрақты (әр тоқсанда кемінде бір рет) қарауында болуға тиіс. Тоқсан сайынғы мониторинг, жеке жоспардың орындалуы жөніндегі аралық нәтижелерді бағалау мен баланың жай-күйіндегі өзгеріс қорытындыларын әлеуметтік жұмыс жөніндегі консультант журналға тіркейді.
20. Әлеуметтік қызметкерлер мен тартылған мамандар үйдегі қызметтерді лауазымдық нұсқаулығына және жеке жоспарға сәйкес көрсетеді.
21. Күтім жөніндегі әлеуметтік қызметкерлердің қызметтік міндеттемелерін орындау сапасы мен әлеуметтік жұмыс жөніндегі консультанттардың (мамандардың) жеке жоспарларды әзірлеу сапасын үйде қызмет көрсету субъектісінің басшысы ұдайы бақылап отырады.
22. Күтім жөніндегі бір әлеуметтік қызметкердің жүктемесі 4-тен 6 балаға дейін болады және оны үйде қызмет көрсететін субъектінің басшысы қызмет көрсетілетін балалардың дамуындағы және қозғалу белсенділігіндегі ауытқулардың дәрежесін, сондай-ақ олардың бір-бірінен қандай қашықтықта тұратындығын ескере отырып белгілейді.

6. Балаларға үйде көрсетілетін арнаулы әлеуметтік қызметтің түрлері

23. Әлеуметтік-тұрмыстық қызметтер:
1) отбасы мүшелеріне, баланың ата-анасына жеке күтушінің және гигиеналық сипаттағы әлеуметтік-тұрмыстық қызметтер жөнінде консультация беру;
2) үйден тыс жерде, оның ішінде дәрігерге барғанда ілесіп жүру.
24. Әлеуметтік-медициналық қызметтер:
1) "Тегін медициналық көмектің кепілді көлемінің 2008-2009 жылдарға арналған тізбесін бекіту туралы" Қазақстан Республикасы Үкіметінің 2007 жылғы 28 қыркүйектегі N 853 қаулысына сәйкес тегін медициналық қызметтердің кепілді көлемін алуға жәрдемдесу;
2) дәрігерлердің қорытындысы бойынша емдік заттармен және медициналық нысандағы бұйымдармен қамтамасыз етуге жәрдемдесу;
3) оңалтудың жеке бағдарламасына сәйкес әлеуметтік-медициналық сипаттағы оңалту іс-шараларын жүргізу;
4) тірек қозғалыс аппараты бұзылған балаларды абилитациялауға және оңалтуға жәрдемдесу;
5) әлеуметтік-медициналық патронаж;
6) медициналық-әлеуметтік сараптама жүргізуге жәрдемдесу;
7) әлеуметтік-медициналық мәселелер бойынша (тамақтану және тұрғын үй гигиенасы, психосексуалдық даму және басқалары) консультация беру;
8) жасына қарай бейімделу мәселелерін шешу үшін санитарлық-ағарту жұмысын жүргізу;
9) зиянды әдеттердің пайда болуының алдын алумен және олардан арылумен байланысты кәмелетке толмағандармен жеке жұмыс жүргізу;
10) оңалту іс-шараларын үй жағдайында жүргізу үшін отбасы мүшелеріне әлеуметтік-психологиялық және әлеуметтік-медициналық білім негіздерін үйрету;
11) мұқтаж балаларға сауықтыру қызметтерін көрсетуге және оларды санаторлық-курорттық емдеуге жіберуге жәрдемдесу.
25. Әлеуметтік-психологиялық қызметтер:
1) әлеуметтік-психологиялық патронаж, психологиялық түзеуді жүргізу;
2) әңгімелесу, қарым-қатынас, көңілін көтеру, белсенділікке ынталандыру;
3) баланың және оның отбасы мүшелерінің (заңды өкілдерінің) өмірлік тонусын психологиялық қолдау;
4) балалармен және ата-аналарымен психологиялық тренингтер жүргізу;
5) ата-аналарының тәрбие мәселелерінде хабардарлығын арттыру.
26. Әлеуметтік-педагогикалық қызметтер:
1) балаларды мектепке дейін тәрбиелеуге жағдай жасауға жәрдемдесу;
2) балалардың физикалық мүмкіндіктері мен ойлау қабілетін ескере отырып білім (арнайы, жалпы орта және кәсіптік) алуына жәрдемдесу;
3) әлеуметтік-педагогикалық патронаж және педагогикалық түзеу;
4) қолынан келетін тұрмыстық, еңбек және басқа да жеке және әлеуметтік мәртебесін қалпына келтіруге мүмкіндік беретін дағдыларды қалыптастыруға жағдай жасау;
5) жасөспірімдерді тұрмыстық бағдарлау (ас әзірлеу, дастархан жасау, ыдыс жуу, пәтерді/орынжайды ұстау және т.б.) негіздеріне үйрету;
6) үйде жасөспірімдер мен олардың отбасы мүшелерінің еңбегін ұйымдастыруға жәрдемдесу;
7) өз-өзіне қызмет көрсету, тұрмыста және қоғамдық орындарда жүріп-тұру, өзін бақылау, қарым-қатынас жасау дағдыларын және өмір сүрудің басқа да нысандарын үйрету;
8) анимациялық қызметтер ұсыну (топсеруендер, театрға, көрмелерге бару, көркемөнерпаздар концерттері, мерекелер, мерейтойлар және басқа да мәдени шаралар), балалардың қызығушылықтарын қалыптастыру және дамыту үшін клуб және үйірме жұмыстарын ұйымдастыру және өткізу, қажет болғанда оларға еріп бару;
9) балалардың отбасы мүшелерін үй жағдайында жүріп-тұру, сенсорлық және когнитивтік даму негіздеріне үйрету.
27. Әлеуметтік-экономикалық қызметтер:
1) тиісті жеңілдіктерді, жәрдемақыларды, өтемақыларды, алименттерді және басқа да төлемдерді алуға, Қазақстан Республикасының заңнамасына сәйкес тұрғын үй жағдайларын жақсартуға жәрдемдесу;
2) мүмкіндігі шектеулі балалары бар ата-аналарды (заңды өкілдерін) жұмыспен қамту мәселелерін шешуге: жұмысқа орналастыруға, қайта даярлау курстарына жіберуге, уақытша (маусымдық) жұмыс, қысқартылған жұмыс күнімен жұмыс, үйде істейтін жұмыс табуына жәрдемдесу;
3) мүмкіндігі шектеулі балалары бар отбасылардың өзін өзі қамтамасыз ету, отбасылық кәсіпкерлікті дамыту, үй кәсіпшілігі мәселелері бойынша, материалдық жағдайын жақсартудың басқа да мәселелері бойынша консультация беру.
28. Әлеуметтік-құқықтық қызметтер:
1) отбасында балаларға немесе олардың отбасы мүшелеріне жасалған дене және психологиялық зорлыққа кінәлілерді қылмыстық жауапқа тартуға жәрдемдесу;
2) жұмысқа орналасу, төлқұжат және заңды маңызы бар басқа да құжаттар алу үшін құжаттарды ресімдеуде заңгерлік көмек көрсетуге жәрдемдесу;
3) әлеуметтік оңалтуға мұқтаж, кәмелетке толмаған балаларды әлеуметтік қызмет көрсететін субъектілерге орналастыруға жәрдемдесу;
4) кәмелетке толмағандардың ісі жөніндегі комиссияға бала тәрбиесінен жалтарған ата-аналардың үстінен ұсынымдар ресімдеу;
5) балалар мен жасөспірімдерді (қажетіне қарай) стационарлық және жартылай стационарлық үлгідегі ұйымдарға жіберу үшін құжаттарды ресімдеуде көмек көрсету.

7. Іс-қағаздарды жүргізу тәртібі

29. Үйде қызмет көрсету кезіндегі іс-қағаздарын жүргізу, олардың болуы, арнаулы әлеуметтік қызметтерді бақылауды жүзеге асыруға мүмкіндік беретін құжаттарды қамтуға тиіс:
1) жылға, тоқсанға арналған жұмыс жоспары;
2) есепке тұру үшін келген балаларды тіркеу журналы (4-қосымша);
3) балалардың келіп-кету кестесі (аптасына кемінде екі рет);
4) көрсетілген әлеуметтік қызметтер есебінің журналы (5-қосымша);
5) жеке жұмыс жоспары (6-қосымша).

8. Үйде қызмет көрсету субъектілерін басқару

30. Үйде қызмет көрсету субъектісінің басшысын - уәкілетті орган, құрылтайшы (бастамашы) қызметке тағайындайды және босатады.
31. Үйде қызмет көрсету субъектісінің басшысы субъектінің жұмысын ұйымдастырады және санитарлық-гигиеналық және техникалық жағдайына, әлеуметтік қызметтер көрсету көлеміне және сапасына жауапты болады.
32. Үйде қызмет көрсету субъектісінің штат санын қызмет көрсетілетін балалардың мұқтаждықтары мен қажеттіліктерін есепке ала отырып, бір әлеуметтік қызметкердің (маманның) жүктемесін ескере отырып, үйде қызмет көрсетудің басшысы қалыптастырады және уәкілетті орган, не құрылтайшы (бастамашы) белгілейді.
33. Үйде қызмет көрсету субъектісінің басшысы кадрларды іріктеуді және орналастыруды қамтамасыз етеді, балаларға (отбасыларға) арнаулы әлеуметтік қызметтерді сапалы көрсету бойынша басшылықты, персоналды бақылау және жүктеме бөлуді жүзеге асырады.
34. Жергілікті атқарушы орган, құрылтайшы (бастамашы) еңбек заңнамасына сәйкес қызметкерлерді жұмысқа қабылдайды және босатады, қызметкерлерді ынталандыру шараларын қабылдайды және үйде қызмет көрсету субъектісінің басшысына тәртіптік жаза қолданады.
35. Үйде қызмет көрсететін субъектілерде шағымдар мен ұсыныстар кітабы ресімделеді, ол әкімшілікте сақталады.
Шағымдар мен ұсыныстар кітабы балалардың (заңды өкілдерінің) және үйде қызмет көрсететін субъекті қызметкерлерінің бірінші талап етуі бойынша беріледі.
36. Шағымдар мен ұсыныстар кітабын үйде қызмет көрсететін субъектілердің басшылары, бөлімше меңгерушісі апта сайын, ал жергілікті атқарушы органдар, құрылтайшы (бастамашы) - ай сайын қарайды.
37. Үйде қызмет көрсететін субъектілердің әкімшілігі, құрылтайшы (бастамашы) мен жергілікті атқарушы органдар шағымдар мен ұсыныстарға уақытында назар аударуға және өздерінің құзыретіне кіретін мәселелер бойынша тиісті шаралар қабылдауға тиісті.
38. Заңды және жеке тұлғалардан қаражат аудару үшін, бөлімшенің Қазақстан Республикасының заңнамасында белгіленген тәртіппен демеушілік, қайырымдылық және өзге де шоттары болуы мүмкін.

9. Қорытынды ережелер

39. Балаларға және олардың отбасыларына көрсетілетін арнаулы әлеуметтік қызметтердің сапасын, толық көлемі мен түрлерінің қамтамасыз етілуін және тиісті жағдайлардың жасалуын бақылауды құрылтайшы (бастамашы) және уәкілетті орган жүзеге асырады.

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға үйде
әлеуметтік қызмет көрсету үлгі ережесіне
1-қосымша

Үйде (мүмкіндігі шектеулі балаларға, мүгедек-балаларға, 1,5 жастан 3 жасқа дейінгі қатер тобындағы мүгедек балаларға) арнаулы әлеуметтік қызмет көрсетуге
арналған N ____ шарт

20__ жылғы "___"________ ___________________________________________________________________
(үйде қызмет көрсететін субъектінің атауы)
____________________________________ атымен, (бұдан әрі – Бөлімше)
(басшының Т.А.Ә.)
бір тараптан және _________________________, (бұдан әрі – Ата-анасы)
(баланың ата-анасының, заңды өкілдерінің Т. А. Ә.)
екінші тараптан төмендегі туралы осы шартты жасады.

1. Шарттың мәні

Бөлімше ата-анасының өтініші бойынша
______________________________________________ (баланың аты-жөні)
арнаулы әлеуметтік қызмет көрсетеді.

2. Тараптардың құқықтары мен міндеттемелері

2.1. Бөлімше міндетті:
1) баланың отбасын арнаулы әлеуметтік қызмет көрсету жағдайларымен таныстыруға;
2) әзірленген жеке жұмыс жоспарына сәйкес арнаулы әлеуметтік қызмет көрсетуге;
3) белгіленген тәртіпте және көлемде арнаулы әлеуметтік қызмет көрсетуге;
4) көрсетілетін арнаулы әлеуметтік қызметтердің нәтижесін баланың дұрыс дамуына бағдарлауға;
5) балаға және оның отбасына құрметпен қарауға, өз міндеттемесіне қатысты дөрекілік, немқұрайдылық танытпауға;
6) Ата-аналар (заңды өкілдер) тарапынан баланың құқығы бұзылған жағдайда бұл туралы қамқоршы және қорғаншы органға хабарлауға.
2.2. Бөлімше құқықты:
1) ата-аналарынан баланың дамуы туралы қажетті мәліметтерді алуға;
2) қажет болған жағдайда тиісті мамандарды тартуға.
2.3. Ата-аналары міндетті:
1) баланың тәрбиесіне және дамуына белсенді қатысуға;
2) балаға қатысты болып жатқан және арнаулы әлеуметтік қызмет көрсетуге байланысты барлық өзгерістер туралы әлеуметтік қызметкерге және/немесе Бөлімшенің басшысына хабарлауға;
3) әлеуметтік қызметкерге құрметпен қарауға;
4) осы шарттың жағдайларын сақтауға.
2.4. Ата-аналар:
1) өз баласының дамуы туралы шынайы ақпарат алуға;
2) үйде көрсетілетін арнаулы әлеуметтік қызмет туралы шартты бұзуға құқылы.

3. Шарттың бұзылу жағдайлары

Осы шарт мынадай негіздемелер бойынша бұзылуға жатады:
1) ата-анасының өтініші;
2) балаларда үйде қызмет көрсетуге медициналық қарсы айғақтамалардың болуы;
3) отбасының (заңды өкілдерінің) басқа жерге көшуі;

4. Қорытынды ережелер

Шарт екі данада жасалды, біріншісі Бөлімшеде болады, екіншісі баланың Ата-анасына беріледі.

Үйде қызмет көрсету
субъектісінің басшысы _______________
(қолы)

Күтім жөніндегі
әлеуметтік қызметкер _______________
(қолы)

Баланың ата-анасы (заңды өкілі) _______________
(қолы)

Ескерту: осы Шарт үлгілік болып табылады.

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға
үйде әлеуметтік қызмет көрсету үлгі
ережесіне 2-қосымша

_____________________________________________________________
(үйде қызмет көрсету субъектісінің атауы)

Т.А.Ә. ___________________________________________________________
Туған күні _____________________
Мекен-жайы _______________________________________________________
Телефон (үйдің, ұялы) нөмірі _____________________________________
Мүгедектік санаты (болса) ________________________________________ Тұрғын үй жағдайы ________________________________________________ Бірге тұратын отбасы мүшелері (Т.А.Ә., туыстығын көрсету керек)
_______________________________________________________________________________________________________________________________________________________________________________________________________________

ӨТІНІШ

Балам _______________________________________________________________ (баланың Т.А.Ә.)
үйде арнаулы әлеуметтік қызмет көрсету үшін есепке алуыңызды сұраймын. Үйде арнаулы әлеуметтік қызмет көрсету тәртібі және шарттарымен таныстым.

Мынадай құжаттарды қоса беріп отырмын:
____________________________________________________________________
____________________________________________________________________
____________________________________________________________________

Күні _________ __________________________
(Қолы)
Үйде арнаулы әлеуметтік қызмет көрсету туралы ұсынымдар___________________________________________________________________________________________________________________________________________________________
(адамның үйде арнаулы қызмет көрсету үшін есепке алынғандығы/есепке алынбағандығы туралы негіздеме)
Күні _________ __________________________
(Қолы, лауазымы)

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға
үйде әлеуметтік қызмет көрсету үлгі
ережесіне 3-қосымша

Тұрғын үй және материалдық-тұрмыстық жағдайларды зерттеу актісі N _____

1. Баланың Т.А.Ә. _________________________________________________
2. Туған жылы _____________________________________________________
3. Мекен-жайы _____________________________________________________
4. Телефон нөмірі _________________________________________________
5. Жәрдемақы түрі және мөлшері ____________________________________
6. Ата-анасы (заңды өкілдері) туралы мәлімет _________________________________________________________________________________________
(Т.А.Ә.А., білімі, жұмыс орны, телефон (жұмыс, ұялы) нөмірі)

7. Бірге тұратын отбасы мүшелері___________________________________________________________________
___________________________________________________________________
(туыстық дәрежесін көрсету)

8. Тұрмыс жағдайы __________________________________________________
____________________________________________________________________ (меншікті немесе жалдап тұрған тұрғын үй, жатақханадағы бөлме)
____________________________________________________________________ (балалар бөлмесінің немесе баланың ойнайтын орнының болуы)

9. Материалдық-тұрмыстық жағдайлардың баланың дамуына әсері
____________________________________________________________________

Күні ___________ Қолы, лауазымы ____________

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға
үйде әлеуметтік қызмет көрсету үлгі
ережесіне 4-қосымша

Есепке тұру үшін келген балаларды
тіркеу журналы

N	Т.А.Ә.	Туған жылы	Диагнозы: баланың анасының айтуы бойынша анамнез	Мекен-жайы	Өтініш жасаған күні	Есепке алу күні	Есептен алу күні және негіздемесі
1	2	3	4	5	6	7	8

Ескерту: Журнал нөмірленген, тігілген және мөрмен бекітілген болуы керек. Журнал күнтізбелік жылға толтырылады.

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға
үйде әлеуметтік қызмет көрсетудің үлгі
ережесіне 5-қосымша

Көрсетілген арнаулы әлеуметтік қызметтерге
есеп жүргізу журналы

20__ ж. ______
(ай)

Баланың Т.А.Ә. ____________________________________________________
Әлеуметтік қызметкердің Т.А.Ә. ____________________________________
Қатынау кезеңділігі _______________________________________________

Р/с N	Күні, айы	Қандай арнаулы әлеуметтік қызмет көрсетілді (не істелді)	Қызметтердің сапасы (ескертулер мен ұсыныстарды баланың ата-анасы (заңды өкілдері) толтырады)	Әлеуметтік қызметкердің қызметтердің орындалуы туралы белгісі
1	2	3	4	5

Ескерту: Журнал әр күнтізбелік айға толтырылады. Арнаулы әлеуметтік қызметтерді көрсету кезеңінде журнал үйде болады, ай аяқталған кезде әлеуметтік қызметкерге тапсырылады.

Мүмкіндігі шектеулі балаларға,
мүгедек-балаларға, 1,5 жастан 3 жасқа
дейінгі қатер тобындағы балаларға
үйде әлеуметтік қызмет көрсету үлгі
ережесіне 6-қосымша

Бекітемін:
______________________________________
(Үйде қызметтер көрсететін субъекті
басшысының Т.А.Ә. және қолы)
_________ жыл ____________ ________

Үйде қызмет көрсететін субъектінің атауы
_________________________________________________________________

Жеке жұмыс жоспары

Баланың Т.А.Ә. ____________________________________________________
Туған күні және жылы ______________________________________________
Диагнозы __________________________________________________________
Түскен күні _______________________________________________________
Жеке жұмыс жоспарын әзірлеу күні __________________________________
_________________________________ кезеңге

Баланың жеке қажеттілігіне сәйкес іс-шаралар тағайындау (көрсетілетін қызметтердің түрлері мен көлемін көрсету):
1) әлеуметтік-тұрмыстық қызметтер:
____________________________________________________________________
____________________________________________________________________
____________________________________________________________________
2) әлеуметтік-медициналық қызметтер: ____________________________________________________________________
____________________________________________________________________
____________________________________________________________________
3) әлеуметтік-психологиялық қызметтер:
____________________________________________________________________
____________________________________________________________________
____________________________________________________________________
4) әлеуметтік-педагогикалық қызметтер:
____________________________________________________________________
___________________________________________________________________
____________________________________________________________________
5) әлеуметтік-экономикалық қызметтер: ____________________________________________________________________
____________________________________________________________________
____________________________________________________________________
6) әлеуметтік-құқықтық қызметтер: ____________________________________________________________________
____________________________________________________________________
____________________________________________________________________ Жеке жұмыс жоспарын іске асыру қорытындысы _________________________
____________________________________________________________________
____________________________________________________________________
Жеке жұмыс жоспарын қайта қарау күні _______________________________
Әлеуметтік жұмыс жөніндегі консультант _____________________________
(Т.А.Ә. және қолы)

Таныстырылды:

_________________________ ата-анасының
_________________________ (заңды өкілдерінің) Т.А.Ә. және қолы

Қазақстан Республикасы
Еңбек және халықты әлеуметтік
қорғау министрінің
2009 жылғы 30 шілдедегі
N 240-ө бұйрығына
3-қосымша

Қазақстан Республикасы
Еңбек және халықты әлеуметтік қорғау
министрі міндетін атқарушының
2005 жылғы 1 желтоқсандағы
N 306-ө бұйрығымен бекітілген

Психоневрологиялық патологиясы бар мүгедек балаларға жартылай стационар жағдайында әлеуметтік қызмет көрсету үлгі ережесі 1. Жалпы ережелер

1. Осы Психоневрологиялық патологиясы бар мүгедек балаларға жартылай стационар жағдайында әлеуметтік қызмет көрсету үлгі ережесі (бұдан әрі – Үлгі ереже) психоневрологиялық патологиясы бар балалардың (4 сағаттан 10 сағатқа дейін) күндізгі болуына арналған медициналық-әлеуметтік ұйымдары (бөлімшелері) (бұдан әрі – жартылай стационарлық үлгідегі МӘҰ) қызметінің тәртібін, қабылдау шарттары мен мемлекеттік және мемлекеттік емес меншік нысанындағы субъектілердің оларға арнаулы әлеуметтік қызметтерді көрсетудің тәртібін айқындайды.
Аталған ережеде "бастамашылар" деген ұғым пайдаланылады, бұл ұғым коммерциялық емес ұйымның басқарушы органының жарғысын қабылдау және қалыптастыру үшін құрылтай жиналысына (съезд, конференцияға) шақырылатын азаматтардың бастамашыл тобын білдіреді.
2. Жартылай стационарлық үлгідегі МӘҰ:
қимылдау функцияларының тиісті мамандандырылған мектеп интернаттарында білім алуын қиындататын өрескел бұзылуы орын алған (бөгде адамның көмегінсіз жүре алмайтын, қимылдарының бұзылу ауырлығына қарай өзіне өзі қызмет көрсете алмайтын, жеке күтімді талап ететін) жеңіл және орташа дәрежедегі ақыл-ой кемістігі;
ауыр немесе күрделі дәрежедегі ақыл-ес кемістігі;
миға келтірілген органикалық зақымдардан кейінгі жарыместік салдарынан денсаулығының жай-күйі бойынша әлеуметтік қызмет көрсетуге мұқтаж 3 жастан 18 жасқа дейінгі психоневрологиялық патологиясы бар мүгедек балалардың (бұдан әрі - балалар) күндізгі болуына арналған.
Адамның қатты білінетін ақауынсыз, симптоматикасы өнімді шизофренияның;
ұстамалары жиі (айына 5 реттен артық) болатын эпилепсияның, сериялық ұстамаларға, эпилептикалық статусқа, сананың қарауытқан күйіне, дисфорияға;
кез келген нозологиялық тиістілік шеңберіндегі психопат тәріздес симптоматикаға бейім болуы;
қызығушылығы мен мінез-құлқының өрескел бұзылушылықтарымен сипатталатын, баланың өзіне және айналасындағыларға қауіпті психикалық аурулардың болуы, сондай-ақ мамандандырылған медициналық ұйымдарда емдеуді талап ететін белсенді процесс стадиясындағы туберкулездің, карантинді инфекцияның, жұқпалы тері мен шаш ауруларының, венереологиялық аурулардың, ЖҚТБ болуы жартылай стационарлық үлгідегі МӘМ-де әлеуметтік қызмет көрсетуге қарсы айғақтамалар болып табылады.
3. МӘҰ заңды тұлға болып табылады, оны құрылтайшысы (бастамашысы) құрады және өз қызметін арнаулы әлеуметтік қызмет көрсету жөніндегі қызметті жүзеге асыруға лицензияның, медициналық, дәрігерлік қызметке лицензияның, сондай-ақ білім беру қызметін жүргізу құқығына лицензияның негізінде құрылтай құжаттарына сәйкес жүзеге асырады.

2. Жартылай стационарлық үлгідегі МӘҰ міндеттері мен функциялары

4. Жартылай стационарлық үлгідегі МӘҰ негізгі міндеттері:
1) балаларға үй жағдайына жақындатылған қолайлы өмір сүру жағдайын жасау;
2) Қазақстан Республикасы Еңбек және халықты әлеуметтік қорғау министрінің (Қазақстан Республикасының Әділет министрлігінде 2009 жылғы 25 ақпанда N 5566 тіркелген) 2009 жылғы 26 қаңтардағы N 26-ө бұйрығымен бекітілген Халықты әлеуметтік қорғау саласындағы арнаулы әлеуметтік қызмет көрсету стандартына (бұдан әрі – Халықты әлеуметтік қорғау саласында арнаулы әлеуметтік қызмет көрсету стандарты) сәйкес арнаулы әлеуметтік қызметтер ұсыну;
3) арнаулы әлеуметтік қызмет кешенін көрсету кезінде балалардың жеке қажеттіліктерін ескеру болып табылады.
5. Жартылай стационарлық үлгідегі МӘҰ функциялары:
1) түпкілікті нәтижеге:
жүріп-тұру, сенсорлық, когнитивтік функцияларды дамыту динамикасына;
өмірлік қажетті (өзін өзі күту, жеке гигиена, қол өнері, тұрмыстық, еңбек және өзге) дағдыларды қалыптастыруға;
әлеуметтендіру деңгейін жоғарылатуға;
балаларды кіріктіруге бағытталған арнаулы әлеуметтік қызметтер ұсыну;
2) медициналық, әлеуметтік, әлеуметтік-тұрмыстық, әлеуметтік-еңбек және еңбек бағытындағы кешенді арнаулы әлеуметтік қызметтерді жүргізу;
3) қолайлы моральдік-психологиялық жағдай жасау;
4) балалардың құқықтары, әлеуметтік қызмет көрсетудің көлемі мен түрлері, Ішкі тәртіп ережесі туралы балалардың ата-аналарын (заңды өкілдерін) хабардар ету;
5) еңбекті ұйымдастыруды жетілдіру және персоналдың біліктілігін арттыру;
6) көрсетілетін арнаулы әлеуметтік қызметтердің сапасы мен тиімділігін арттыру және жартылай стационарлық үлгідегі МӘМ-де балаларды ұстау жағдайларын жақсарту;
7) МӘҰ қаржы-шаруашылық қызметін жүзеге асыру;
8) жартылай стационарлық үлгідегі МӘҰ-ның құрылтай құжаттарына сәйкес өзге де функциялар болып табылады.

3. Жартылай стационарлық үлгідегі МӘҰ-ға қабылдау шарттары

6. Жартылай стационарлық үлгідегі МӘҰ-ға арнаулы әлеуметтік қызмет көрсетуге жіберуді облыстық, Астана және Алматы қалаларының халықты әлеуметтік қорғау жөніндегі уәкілетті орган (бұдан әрі - уәкілетті орган) бюджет қаражаты есебінен жүзеге асырады.
7. Жеке меншік нысанындағы жартылай стационарлық үлгідегі МӘҰ балаларды қабылдауды келісімшарт негізінде жүзеге асырады.
8. Балаларды жартылай стационарлық үлгідегі МӘҰ-ға қабылдау және бюджет қаражаты есебінен арнаулы әлеуметтік қызмет ұсыну мынадай құжаттардың:
1) арнаулы әлеуметтік қызметтерді ұсыну туралы жергілікті атқарушы органның шешімі;
2) баланың ата-анасының (заңды өкілдерінің) біреуінің өтініші (1-қосымша) немесе медициналық ұйымның қолдаухаты;
3) уәкілетті органның жолдамасы;
4) баланың туу туралы куәлігі немесе жеке басының куәлігі;
5) салық төлеушінің тіркелу нөмірі берілгені туралы куәлік;
6) әлеуметтік жеке код берілгені туралы куәлік;
7) мүгедектігі туралы анықтамадан үзінді көшірме;
8) медициналық карта (2-қосымша);
9) психологиялық-медициналық-педагогикалық консультацияның (бұдан әрі - ПМПК) қорытындысы;
10) амбулаторлық картадан үзінді көшірме;
11) жеке оңалту бағдарламасынан үзінді көшірменің негізінде жүзеге асырылады.
9. Балаларды жеке меншік нысанындағы жартылай стационарлық үлгідегі МӘҰ-ға қабылдау және арнаулы әлеуметтік қызмет ұсыну мынадай құжаттардың негізінде жүзеге асырылады:
1) баланың ата-анасының (заңды өкілдерінің) біреуінің өтініші (1-қосымша);
2) баланың туу туралы куәлігі немесе жеке басының куәлігі;
3) мүгедектігі (болса) туралы анықтамадан үзінді көшірме;
4) медициналық карта (2-қосымша);
5) психологиялық-медициналық-педагогикалық консультацияның (бұдан әрі - ПМПК) қорытындысы;
6) амбулаторлық картадан үзінді көшірме;
7) жеке оңалту бағдарламасынан (болса) үзінді көшірме.

4. Жартылай стационарлық үлгідегі МӘҰ-да ұстау жағдайлары

10. Жартылай стационарлық үлгідегі МӘҰ-да арнаулы әлеуметтік қызмет көрсету үшін жағдай:
санитарлық-эпидемиологиялық нормаларына, ғимараттың қауіпсіздігі, оның ішінде өрт қауіпсіздігі талаптарына сәйкес болуға;
балаларды жоғары белсенділікке баулитын және әлеуметтендіруге мүмкіндік тудыратын тұрмыстық, түзете дамыту жағдайларын жасауда жеке қажеттіліктері ескерілуге тиіс.
11. Жартылай стационарлық үлгідегі МӘҰ ғимараты (орынжайы) тірек-қимыл аппараты бұзылған балаларға оңалту іс-шараларын, демалыс пен ойын-сауық ұйымдастыру, кедергісіз кіруді, ғимараттың және ғимаратқа іргелес жатқан орынжайлардың ішінде жүріп-тұруды қамтамасыз ету мақсатында арнайы құрылғылармен жабдықталады.
12. Жартылай стационарлық үлгідегі МӘҰ ғимаратының ішіндегі орынжайлар (бөлмелер) арнаулы әлеуметтік қызметтердің әртүрлі түрін қамтамасыз ету мақсатында тиісті түрде жабдықталған болуға тиіс.
13. Құрылтайшы (бастамашы) жартылай стационарлық үлгідегі МӘҰ-ның материалдық-техникалық жабдықталуын қамтамасыз етеді.
14. Жартылай стационарлық үлгідегі МӘҰ-да балалардың болу режимі күніне 9-10 сағат есебінен белгіленеді.
Ақылы негізде арнаулы әлеуметтік қызмет көрсетуде жеке меншік нысанындағы жартылай стационарлық үлгідегі МӘҰ-да балалардың болу режимін құрылтайшы (бастамашы) күніне кемінде 4 сағаттан белгілейді.
15. Жартылай стационарлық үлгідегі МӘҰ-да болу тәртібі жартылай стационарлық үлгідегі МӘҰ басшысы бекіткен Ішкі тәртіп ережелерінде белгіленеді.

5. Балалардың арнаулы әлеуметтік қызметтерге қажеттігін бағалау және айқындау және жеке жұмыс жоспарын әзірлеу

16. Жартылай стационарлық үлгідегі МӘҰ-да болатын балаларға арналған арнаулы әлеуметтік қызметтердің түрлері мен көлемін: әдіскер, невропатолог, дефектолог мұғалім, сенсорлық дамыту жөніндегі дефектолог мұғалім, логопед, психолог, ЕДШК инструкторы, еңбек жөніндегі инструктор, дене тәрбиесі жөніндегі инструктор, ән-күй қызметкері және өзге де мамандар (бұдан әрі – жартылай стационарлық үлгідегі МӘҰ мамандары) айқындайды және түзетеді.
17. Жартылай стационарлық үлгідегі МӘҰ мамандары балалардың арнаулы әлеуметтік қызметтерге белгіленген қажеттіліктерінің негізінде, бір жылдан аспайтын мерзімге жеке жоспарларда (бұдан әрі - жеке жоспар) көрсетеді (2-қосымша) және әлеуметтік жұмыс жөніндегі мамандар түзетеді.
18. Жеке жоспар баланың жартылай стационарлық үлгідегі МӘҰ-ға түскен күннен кейін 14 күнтізбелік күн ішінде мамандар баланы тексергеннен кейін немесе алдыңғы жеке жоспардың қолданыс мерзімі аяқталғаннан кейін әзірлейді және жартылай стационарлық үлгідегі МӘҰ-ның басшысы бекітеді, 5 жұмыс күні ішінде толтырылады және жартылай стационарлық үлгідегі МӘҰ-ның басшысы бекітеді.
19. Жеке жоспарында белгіленген оңалту іс-шаралар кешені жеке жоспарда белгіленген мерзімде іске асырылады.
Балалардың қажеттілігі мен олардың даму динамикасы мамандардың ұдайы (тоқсанына бір реттен кем емес) қарауына жатады.
Жеке жоспардың орындалуының аралық мониторингі мен баланың жай-күйіндегі өзгерістердің қорытындылары журналға/электронды картотекаға тіркеледі.
20. Әрбір маман арнаулы әлеуметтік қызмет көрсетуге (жартылай стационарлық үлгідегі МӘҰ дербес әзірлейді) лауазымдық нұсқаулығына және жұмыс (оқу-түзету, анимациялық жоспар, медициналық жұмыс жоспары, жеке жоспарлар) жоспарына сәйкес қатысады.
21. Барлық мамандарға қатысты қызмет міндеттерінің сапалы орындалуына жартылай стационарлық үлгідегі МӘҰ әкімшілігі тұрақты бақылауды жүзеге асырады. Балалардың жеке жоспарларының орындалуын бақылау әлеуметтік жұмыс жөніндегі маманға жүктеледі.
22. Жартылай стационарлық үлгідегі МӘҰ мамандары қажетіне қарай баланың жеке жоспарын түзетеді және өткізілген іс-шаралар мен тоқсан сайынғы мониторинг нәтижелерін журналда көрсетеді.

6. Арнаулы әлеуметтік қызметтерді көрсету шарттары

23. Жеке меншік нысанындағы МӘҰ арнаулы әлеуметтік қызметтің мынадай түрлерін көрсетеді:
бюджет қаражаты есебінен кепілді көлемде арнаулы әлеуметтік қызметтер;
арнаулы әлеуметтік қызметтердің кепілді көлемінен тыс ақылы негізде көрсетілетін ақылы арнаулы әлеуметтік қызметтер.
Жеке меншік нысанындағы МӘҰ мынадай:
бюджет қаражаты есебінен кепілді көлемде арнаулы әлеуметтік қызметтер;
арнаулы әлеуметтік қызметтің кепілді көлемінен тыс ақылы негізде көрсетілетін ақылы арнаулы әлеуметтік қызметтер;
МӘҰ басшысы мен ата-аналарының (заңды өкілдері) арасындағы шарт негізінде көрсетілетін ақылы арнаулы әлеуметтік қызметтер.
24. Арнаулы әлеуметтік қызметтер жеке жоспарларда көрсетілген балалардың жеке қажеттіліктері ескеріле отырып, халықты әлеуметтік қорғау саласындағы арнаулы әлеуметтік қызметтерді көрсету стандартына сәйкес ұсынылады.

7. Арнаулы әлеуметтік қызметтерге талаптар

25. Әлеуметтік-тұрмыстық қызметтер:
1) пайдалануға берілген тұрғын орынжайлар, жұмсақ инвентарь санитарлық-гигиеналық нормалар мен талаптарға сәйкес болуға тиіс;
балалардың пайдалануына берілетін жиһаз, жабдық балалардың жасына, психо-физикалық ерекшеліктеріне сәйкес болуға тиіс;
2) 4 сағаттан асатын режимде жартылай стационарда арнаулы әлеуметтік қызмет көрсету жағдайында санитарлық-гигиеналық талаптарға және бекітілген тамақтану нормаларына сәйкес ыстық тамақ беріледі, оған жартылай стационарлық үлгідегі МӘҰ басшысы ағымдағы апталық мәзірді және екінші аптаға перспективалық мәзірді бекітеді;
4 сағатқа жетпейтін режимде жартылай стационарда арнаулы әлеуметтік қызмет көрсету жағдайында тамақ беру (таңертеңгі жеңіл ас, түстен кейінгі ас және басқа) ұйымдастырылады.
3) жартылай стационарлық үлгідегі МӘҰ-да әлеуметтік жұмыс жөніндегі маман әлеуметтік-тұрмыстық қызметтерді ұсынуды ішкі бақылауды жүзеге асырады, оның нәтижелері электронды картотека/журналда тіркеледі.
26. Әлеуметтік-медициналық қызметтер:
1) балаларды кезеңімен медициналық-әлеуметтік зерттеп тексеру (қажет кезінде, денсаулық сақтау қызметкерлерін тарта отырып), емдеудің, консультация берудің медициналық бөлігінің жеке жоспарын, алдын-алу мен оңалту іс-шараларын әзірлеу;
2) дәрігерге дейінгі көмекті уақытында көрсету;
3) балалар денсаулығының жай-күйін күн сайын қадағалау;
4) дәрігердің тағайындауына сәйкес медициналық рәсімдерді жүргізу;
5) емдеу-сауықтыру іс-шараларын ұйымдастыру;
6) медициналық-әлеуметтік сараптама жүргізуге жәрдемдесу;
7) ауруханаға жатқызуды жедел ұйымдастыру және денсаулық сақтау ұйымына барғанда балаларға ілесіп жүру;
8) бала жартылай стационарлық үлгідегі МӘҰ-дан шыққан кезде, әлеуметтік-медициналық қызметтер көрсетуші мамандарға ұсынымдар беру;
9) ЖОБ-қа сәйкес техникалық көмекші (орнын толтырушы) құралдарды алуға жәрдемдесу;
10) отбасы мүшелерін балаларды жалпы күтудің практикалық дағдыларына үйрету.
Сауықтыру-емдеу іс-шараларын жүргізу журналға тіркеледі.
27. Әлеуметтік-психологиялық қызметтер:
1) баланың мерзімдік психологиялық диагностикасы мен тексеру жартылай стационарлық үлгідегі МӘҰ басшысы бекітетін психодиагностикалық пакет негізінде жүзеге асырылады;
2) байқап-қадағалауды жүзеге асыру негізінде диагностика нақтыланады, қажетті түзету іс-шаралары, әлеуметтік-психологиялық консультация беру, медициналық-психологиялық көмек белгіленеді;
3) жеке немесе топтық сабақтар түрінде психологиялық көмек көрсету;
4) шұғыл психологиялық және медициналық-психологиялық көмек көрсету;
5) баланың жеке жоспарын (қажет болған жағдайда) түзету, өзгерістер мен толықтырулар енгізу.
Балалармен өткізілген жеке және ұжымдық іс-шаралар, оларға қатысқан балалардың саны туралы ақпаратпен қоса мамандардың журналында көрсетіледі. Оңалту іс-шаралары нәтижелері мен уақытылы психологиялық көмек көрсетуді бақылаудың қорытындылары да мамандардың журналында (электронды картотекасында) көрсетіледі.
28. Әлеуметтік-педагогикалық қызметтер:
1) кезең-кезеңімен балаға әлеуметтік-педагогикалық диагностика және тексеру жүргізу;
2) балаға диагностика және тексеру жүргізудің нәтижелерін жеке жоспарда көрсету;
3) өзіне-өзі қызмет көрсету, жеке гигиена, әлеуметтік-тұрмыстық және тағы да басқа дағдыларын қалыптастыруға жағдай жасау;
4) тұрмыстық бағдарлау (тамақ даярлау, дастархан жасау, ыдыс жуу, пәтерді тазалау және т.б. дағдылардың) негіздерін үйретуге жағдай жасау;
5) қол шеберлігі және қолынан келетін еңбекке бағдарлау дағдыларын қалыптастыру жөнінде жағдай жасау және оқытуды ұйымдастыру;
6) жеңіл және орташа ақыл-ой кемістігі бар балаларды түзете-дамытып оқытуды ұйымдастыруды МӘҰ мамандары және (немесе) білім беру жүйесінің мамандары білім беру саласындағы уәкілетті орган бекіткен арнайы бағдарламалар бойынша (білім беруге шарттары болғанда) жүзеге асырады; ауыр және күрделі ақыл-ой кемістігі бар балалар үшін өз-өзін күту, жүріп-тұру, сенсорлық және когнитивтік дағдыларды қалыптастыру жөніндегі қызметті балалардың жеке қажеттілігі ескеріле отырып әзірленген (авторлық) бағдарламаларға сәйкес жүзеге асырылады;
7) әлеуметтік дағдыларды қалыптастыру және түзеу-дамыта оқыту үшін дефектолог мұғалімдердің балаларды топтар (сыныптар) бойынша (3 жастан 5 жасқа дейін; 6 жастан 8 жасқа дейін; 9 жастан 13 жасқа дейін; 14 жастан 18 жасқа дейін) жас ерекшеліктерін ескере отырып:
өзіне өзі қызмет көрсету және жеке гигиена дағдылары болмаған жағдайда - 6 адамнан асырмай;
қалыптасқан (ішінара қалыптасқан) өзіне өзі қызмет көрсету және жеке гигиена дағдылары болған жағдайда - 8 адамнан асырмай;
қалыптасқан (ішінара қалыптасқан) тұрмыстық дағдылары болған жағдайда - 10 адамнан асырмай;
қалыптасқан қолымен жұмыс істей алу дағдылары болған жағдайда (еңбек бағдарлары бағдарламаларын іске асыру үшін топ 6 адамнан тұратын кіші топтарға бөлінеді) - 12 адамнан асырмай таратып бөлуі;
8) балалардың оқу-тәрбие жұмысы мен еңбекке баулудың негізгі мәселелерін шешу мақсатында, құрамы жартылай стационарлық үлгідегі МӘМ басшысымен бекітілетін педагогикалық кеңесті (қажеттігіне қарай) құру;
9) анимациялық қызметтер, бағдарламалар мен оларды өткізу сценарийлерін ұсыну жөніндегі жоспарды әзірлеу;
10) балаларды оқыту нәтижелерін аралық бағалауды жүргізу.
Түзете-дамыту және жалпы білім беру барысы және (қажеттігіне қарай) балаларды оқытудың жеке жоспарына өзгерістер енгізу, аралық бақылаудың қорытындылары журналда/электронды картотекада көрсетіледі.
11) жаппай және жеке жұмыс істеуге арналған барлық кабинетке кабинет паспорттары ресімделеді, оның нысанын әрбір жартылай стационарлық үлгідегі МӘҰ дербес бекітеді.
29. Әлеуметтік-экономикалық және әлеуметтік-құқықтық қызметтер Арнаулы әлеуметтік қызметтерді көрсету стандартына сәйкес ұсынылады.

8. Арнаулы әлеуметтік қызмет көрсетуді тоқтату

30. Жартылай стационарлық үлгідегі МӘҰ-да арнаулы әлеуметтік қызмет көрсетуді тоқтату:
1) баланың ата-анасының (заңды өкілдерінің) біреуінің өтініші бойынша;
2) медициналық қарсы айғақтамалар болғанда жүзеге асырылады.

9. Жартылай стационарлық үлгідегі МӘҰ-ны басқару

31. Жартылай стационарлық үлгідегі медициналық-әлеуметтік мекеменің басшысын - уәкілетті орган немесе құрылтайшы (бастамашы) қызметке тағайындайды және босатады.
32. Жартылай стационарлық үлгідегі МӘҰ-ның штат санын уәкілетті орган, не құрылтайшы (бастамашы) бюджет қажеттіліктерін және мүмкіндіктерін ескере отырып дербес бекітеді.
33. Жартылай стационарлық үлгідегі МӘҰ-ның басшысы:
жартылай стационарлық үлгідегі МӘҰ-ның жұмысын ұйымдастырады және жартылай стационарлық үлгідегі МӘҰ-ның санитарлық-гигиеналық және техникалық жай-күйі, балаларға көрсетілетін әлеуметтік қызметтің мазмұнының сапасы үшін дербес жауаптылықта болады;
сенімхатсыз жартылай стационарлық үлгідегі МӘҰ атынан әрекет етеді, мекемелер мен ұйымдарда оның атынан өкілдік етеді, заңнамада белгіленген тәртіппен жартылай стационарлық үлгідегі МӘҰ мүлкіне және қаражатына иелік етеді, шарттар жасасады, сенімхаттар, оның ішінде қайта сенімгерлік құқығымен сенімхаттар береді, банктерде жартылай стационарлық үлгідегі МӘМ шоттарын ашады;
кадрларды іріктеуді және орналастыруды қамтамасыз етеді, персоналдың жұмысына, олардың біліктілігін арттыруға басшылықты жүзеге асырады, сондай-ақ жартылай стационарлық үлгідегі МӘҰ-ға балаларды жинақтауға қатысады;
жабдықталған кабинеттердің болуын ескере отырып, арнаулы әлеуметтік қызмет көрсету жөніндегі мамандардың (психолог, логопед, дефектолог мұғалім, сенсорлық дағдыларды дамыту жөніндегі дефектолог мұғалім, музыкалық жетекші, дене шынықтыру мұғалімі, еңбек мұғалімі, емдік шынықтыру инструкторы (бұдан әрі - ЕШИ), массаж жөніндегі медбике, әлеуметтік жұмыс жөніндегі маман) жаңа штаттық бірліктерін қалыптастырады;
жартылай стационарлық үлгідегі МӘҰ-ның қызметіне қатысты бұйрықтар шығарады, Қазақстан Республикасының еңбек заңнамасына сәйкес қызметкермен еңбек шартын жасайды/бұзады, қызметкерлерді ынталандырады, тәртіптік жаза қолданады.
34. МӘҰ-да шағымдар мен ұсыныстар кітабы ресімделеді, ол МӘҰ-ның басшысында сақталады және келушілердің бірінші талабы бойынша беріледі.
35. Шағымдар мен ұсыныстар кітабын МӘҰ-ның басшысы апта сайын, ал уәкілетті орган - ай сайын қарайды.
36. МӘҰ-ның басшысы, құрылтайшы (бастамашы) мен уәкілетті орган шағымдар мен ұсыныстарға уақытында назар аударуға және өздерінің құзыретіне кіретін мәселелер бойынша тиісті шаралар қабылдауға тиісті.
37. Заңды және жеке тұлғалардың қаражатын аудару үшін жартылай стационарлық үлгідегі МӘМ-нің заңнамада белгіленген тәртіпте демеушілік, қайырымдылық және өзге де шоттары болуы мүмкін.
38. Үкіметтік емес және коммерциялық ұйымдар жартылай стационар жағдайындағы қызметтерді арнаулы әлеуметтік қызметтердің кепілді көлемі шеңберінде бюджет қаражаты есебінен, ал кепілді көлемінен тыс – ақылы негізде ұсынады.
39. Жартылай стационар жағдайында балаларға қызметті үкіметтік емес және коммерциялық ұйымдар бюджет қаражаты есебінен мемлекеттік әлеуметтік тапсырыс және мемлекеттік сатып алу туралы заңнамаға сәйкес жүзеге асырады.
40. Жергілікті бюджеттік бағдарлама әкімшісінің (бұдан әрі - тапсырыс беруші), үкіметтік емес және мемлекеттік әлеуметтік тапсырысты шарт бойынша орындаушы ретінде әрекет ететін үкіметтік емес және коммерциялық ұйымдардың (бұдан әрі - қызметтерді жеткізуші) арасындағы қатынастар жартылай стационар жағдайында балаларға қызмет көрсету жөніндегі мемлекеттік әлеуметтік тапсырысты жүзеге асыруға арналған шартпен немесе жартылай стационар жағдайында балаларға көрсетілетін қызметтері мемлекеттік сатып алу туралы шартпен ресімделеді.
41. Қызметтерді жеткізуші мен балалардың ата-анасының (заңды өкілдерінің) арасындағы қатынастар Арнаулы әлеуметтік қызмет көрсету туралы шартпен (бұдан әрі - Шарт) ресімделеді.
Шартта жартылай стационар жағдайында көрсетілетін қызметтердің кезеңділігін және түрлерін көздейтін талаптардың, күндізгі болу режимі туралы ақпараттың, Шарттың бұзылу жағдайлары, тараптардың жауапкершіліктері, Шарт мерзімінің және іске асырылуының болуы міндетті.

10. Қорытынды ережелер

42. Балаларға және олардың отбасыларына арнаулы әлеуметтік қызмет көрсетудің сапасын, толық көлемін, түрлерін және тиісті жағдай жасауды қамтамасыз етуді бақылауды құрылтайшы (бастамашы) және уәкілетті орган жүзеге асырады.

Психоневрологиялық патологиясы бар
мүгедек балаларға жартылай стационар
жағдайында әлеуметтік қызмет
көрсету үлгі ережесіне
1-қосымша

Әлеуметтік қорғау саласындағы уәкілетті орган ресімдейді

__________________________________________________________________
(уәкілетті органның атауы)
________________________________________________________ ресімделеді.
(баланың Т.А.Ә.)

Тууы туралы куәлік (жеке куәлік) N __________ кім берген ___________
Мекен-жайы _________________________________________________________
Туған жері _________________________________________________________
Туған күні ______ жылы "____" _______________
Жәрдемақының түрі және мөлшері _____________________________________
Мүгедектік санаты __________________________________________________
Қайта куәландыру мерзімі ___________________________________________
Білімі _____________________________________________________________
Соңғы оқыған жері __________________________________________________
Тұрғын үй жағдайы __________________________________________________
(жеке үй, пәтер, жатақханада бөлме және т.б.)

Туыстары (заңды өкілдері) __________________________________________
____________________________________________________________________

ӨТІНІШ

Балам ______________________________________________________________
(баланың Т. А. Ә.)
жартылай стационар жағдайында арнаулы әлеуметтік қызмет көрсетуіңізді сұраймын.

Мынадай құжаттарды қоса беріп отырмын: ____________________________________________________________________
____________________________________________________________________
____________________________________________________________________

Ұйымға қабылдаудың, онда ұстап бағудың, ауыстырудың, одан шығарудың шарттарымен және ішкі тәртіп ережелерімен таныстым.

200__ ж. "___"_________ ______________________________________
(Өтініш иесінің Т.А.Ә. және қолы)

Құжаттарды қабылдаған _________________________ 200_ ж. "___"______
(Т.А.Ә., лауазымы, қолы)

Психоневрологиялық патологиясы бар
мүгедек балаларға жартылай стационар
жағдайында әлеуметтік қызмет
көрсету үлгі ережесіне
2-қосымша

Бекітемін:

___________________________________
(жартылай стационарлық үлгідегі МӘҰ
басшысының Т.А.Ә. және қолы)

Жартылай стационар үлгідегі МӘҰ субъектісінің атауы
____________________________________________________________

Жеке жұмыс жоспары

Баланың Т.А.Ә. ____________________________________________________
Туған күні және жылы ______________________________________________
Диагнозы __________________________________________________________
Келген күні _______________________________________________________
Жеке жұмыс жоспарын әзірлеу күні __________________________________
______________________ бастап ________________ кезеңді қоса
Баланың жеке қажеттілігіне сәйкес тағайындалған іс-шаралар (көрсетілетін қызметтердің түрлері мен көлемін көрсету):
1) әлеуметтік-тұрмыстық қызметтер:
____________________________________________________________________
____________________________________________________________________
____________________________________________________________________
2) әлеуметтік-медициналық қызметтер: ____________________________________________________________________
____________________________________________________________________
____________________________________________________________________ 3) әлеуметтік-психологиялық қызметтер:
____________________________________________________________________
____________________________________________________________________
____________________________________________________________________
4) әлеуметтік-педагогикалық қызметтер: ____________________________________________________________________
____________________________________________________________________
____________________________________________________________________
5) әлеуметтік-экономикалық қызметтер: ____________________________________________________________________
____________________________________________________________________
____________________________________________________________________
6) әлеуметтік-құқықтық қызметтер: ____________________________________________________________________
____________________________________________________________________
____________________________________________________________________
Жеке жұмыс жоспарын іске асыру қорытындысы _________________________
____________________________________________________________________
+___________________________________________________________________
Жеке жұмыс жоспарын қайта қарау күні __________________________
Әлеуметтік жұмыс жөніндегі маманның қолы ___________________________
(Т.А.Ә. және қолы)

Таныстырылды:

__________________________ ата-анасының
__________________________ (заңды өкілдерінің) Т.А.Ә. және қолы