Ескерту. Тақырыбында және 1 - тармақта "селосы" деген сөз "ауылы" деген сөзбен ауыстырылды - Маңғыстау облысы Мұнайлы аудандық мәслихатының 23.07.2015 № 35/374 шешімімен (жарияланған күнінен кейін күнтізбелік он күн өткен соң қолданысқа енгізіледі).
Қазақстан Республикасының 2003 жылғы 20 маусымдағы № 442 Жер Кодексінің 8, 11 баптарына және Қазақстан Республикасының 2008 жылғы 10 желтоқсандағы № 100-ІV "Салық және бюджетке төленетін басқа да міндетті төлемдер туралы (Салық кодексі)" Кодексіне сәйкес, аудандық мәслихат ШЕШІМ ЕТТІ:
1. Маңғыстау ауылы бойынша салық салу мақсатында аймақтарға бөлу схемасы және жер салығының базалық ставкаларына түзету коэффициенттері №№1,2 қосымшаларға сәйкес бекітілсін.
2. Осы шешім әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Ескерту. 2 - тармақ жаңа редакцияда - Маңғыстау облысы Мұнайлы аудандық мәслихатының 23.07.2015 № 35/374 шешімімен (жарияланған күнінен кейін күнтізбелік он күн өткен соң қолданысқа енгізіледі).
| Сессия төрағасы | Н. Кенджикараев |
| | |
| | |
| Аудандық мәслихат хатшысы | Б. Назар |
"КЕЛІСІЛДІ"
"Мұнайлы ауданы бойынша
салық басқармасы" бастығы
А.Тумышева
"____"___________2009 жыл
"КЕЛІСІЛДІ"
"Мұнайлы аудандық жер
қатынастары бөлімі"
мемлекеттік мекемесі
бастығының м.а.
С. Тұрмағамбетов.
"____"______________ 2009 жыл.
| Аудандық мәслихаттың 2009 жылғы 8 мамырдағы № 15/162 шешіміне 1 қосымша |
| Аудандық мәслихаттың 2009 жылғы 8 мамырдағы № 15/162 шешіміне 2 қосымша |
Маңғыстау ауылы жерлері аймақтарының сипаттамасы және салық салу мақсатындағы жер салығының базалық ставкасына түзету коэффициенттері
| Аймақтар №№ | Аймаққа енетін аумақтар | Салық салу коэффициенттер |
| 1 | селитебтік, екі қабатты және жеке тұрғын үй құрылысы салынған орталық бөлігі енетін аймақ. | 1,5 |
| 2 | Өнеркәсіптік аймақ | 1,5 |
| 3 | селитебтік, тұрғын массиві кіретін жеке тұрғын үй құрылысы салынған аймақ. | 1,4 |
1-ші аймақ - селитебтік, екі қабатты және жеке тұрғын үй құрылысы салынған орталық бөлігі енеді. Бұл жердегі негізгі әкімшілік ғимараттар, жалпы білім беретін мектептер, спорт мектебі, мәдениет үйі, байланыс үйі, кітапхана, емхана, ауруханалық қалашық, мешіт, базар, қонақ үйі, ұсақ дүкендер желісі, кафелер, мейрамханалар шоғырланған.
2-ші аймақ - өнеркәсіптік аймақ.
3-ші аймақ - селитебтік, тұрғын массиві кіретін жеке тұрғын үй құрылысы салынған аймақ.
