Ескерту. Қолданылу мерзiмiнің аяқталуына байланысты күші жойылды – Қостанай облысы әкімдігінің 2010.11.10 № 08-08/3045 хатымен.
"Әскери міндеттілік және әскери қызмет туралы" Қазақстан Республикасының Заңына , "Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2009 жылдың сәуір-маусымында және қазан-желтоқсанында кезекті мерзімді әскери қызметке шақыру туралы" Қазақстан Республикасы Президентінің 2009 жылғы 1 сәуірдегі № 779 Жарлығына және "Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2009 жылдың сәуір-маусымында және қазан-желтоқсанында кезекті мерзімді әскери қызметке шақыру туралы" Қазақстан Республикасы Президентінің 2009 жылғы 1 сәуірдегі № 779 Жарлығын іске асыру туралы" Қазақстан Республикасы Үкіметінің 2009 жылғы 17 сәуірдегі № 543 қаулысына сәйкес Қостанай облысының әкімдігі ҚАУЛЫ ЕТЕДІ:
1. Қосымшаға сәйкес облыстық шақыру комиссиясының құрамы бекітілсін.
2. Қалалар мен аудандардың әкімдіктері:
1) қалалық және аудандық шақыру және медициналық комиссиялардың жұмысын қамтамасыз етсін, қорғаныс істері жөніндегі бөлімдерге (басқармаға) қажетті мөлшерде медициналық мамандар мен техникалық жұмыскерлерді бөлсін;
2) алыс жерлерде тұратын азаматтарды медициналық және шақыру комиссиясынан өту және оларды әскери қызметті өткеру үшін жіберілуіне жеткізілуін қамтамасыз етсін;
3) әскери қызметті өткеру үшін жіберілген шақырылғандарды салтанатты шығарып салу жөніндегі іс-шараларды ұйымдастырсын;
4) шақыру пункттерін жабдықтап, оларды дәрі-дәрмектермен, аспаптармен, медициналық және шаруашылық мүліктермен, автомобиль көлігімен, сондай-ақ байланыс құралдарымен қамтамасыз етсін;
5) хабарлау, шақыруды жүргізу, медициналық куәландыру және шақырушыларды аудандық, қалалық шақыру пункттеріне, облыстық жиналу пунктіне медициналық комиссияға жеткізу және әскерге жіберу жөніндегі іс-шараларды орындауға байланысты шығыстарды аудандық және қалалық бюджет есебінен қарастырылған қаржы шегінде жүргізсін, сонымен қатар көрсетілген іс-шараларды уақытылы қаржыландыруды жүзеге асырсын ;
6) шақыру учаскелеріне және облыстық жиналу пунктіне жұмыс істеу үшін жіберілген шақыру комиссиялары мүшелерінің, медициналық, техникалық жұмыскерлердің және қызмет көрсететін тұлғалардың, яғни осы азаматтарды жіберіп отырған ұйымдарда олардың жалақысы, жұмыс орны және атқаратын лауазымы сақталатынын назарға алсын;
7) қорғаныс істері жөніндегі бөлімдерге (басқармаға) жабдықталған шақыру пункттерін бөлу жөнінде шаралар қабылдасын.
3. "Қостанай облысы әкімдігінің денсаулық сақтау басқармасы" мемлекеттік мекемесі облыстық, қалалық және аудандық медициналық комиссияларды қажетті мөлшердегі дәрігер мамандармен, медициналық аспаптармен және мүліктермен, оның ішінде флюорографиялық пленкамен және химиялық реактивтермен толықтыру жөніндегі жұмыстарды ұйымдастырсын.
4. "Қазақстан темір жолы" ұлттық компаниясы" акционерлік қоғамының Қостанай жол бөлімшесі филиалы (келісім бойынша) "Қостанай облысының қорғаныс істері жөніндегі департаменті" мемлекеттік мекемесінің өтінімі бойынша шақырушыларды қызмет орнына жөнелту үшін жолаушылар поезынан қажетті орын санын бөлсін.
5. "Қостанай облысының қорғаныс істері жөніндегі департаменті" мемлекеттік мекемесі (келісім бойынша) "Мемлекеттік сатып алу туралы" Қазақстан Республикасының 2007 жылғы 21 шілдедегі Заңына сәйкес облыстық жиналу пунктінде азық-түлік сату және ыстық тамақ беруді ұйымдастырсын.
6. "Қазақстан Республикасы Ішкі істер министрлігінің Қостанай облысының ішкі істер департаменті" мемлекеттік мекемесіне (келісім бойынша) шақыруды өткізу және командаларды жөнелту кезеңінде:
1) әскери міндетті орындаудан бас тартқан тұлғаларды іздестіру және ұстауды өзінің құзыреті шегінде жүзеге асыру;
2) облыстық жиналу пунктінде, қалалық және аудандық шақыру пункттерінде шақырушылар арасында қоғамдық тәртіпті сақтау үшін тәулік бойы полиция нарядын бөлу;
3) шақырушыларды жөнелту кезінде облыстық жиналу пунктінде және темір жол вокзалында қоғамдық тәртіпті сақтауды қамтамасыз ету ұсынылсын.
7. Орындалған жұмыс туралы ақпарат облыс әкімінің аппаратына 2009 жылғы 10 шілдеге және 2010 жылғы 10 қаңтарға дейін берілсін.
8. Осы қаулының орындалуын бақылау облыс әкімінің орынбасары С. Ш. Бектұрғановқа жүктелсін.
9. Осы қаулы алғаш рет ресми жарияланған күннен кейін он күнтізбелік күн өткен соң қолданысқа енгізіледі және 2009 жылғы сәуірден бастап туындағын іс-әрекеттерге таратылады.
Қостанай облысының әкімі С. Кулагин
Әкімдіктің
2009 жылғы 20 сәуірдегі
№ 157 қаулысымен
бекітілген
Облыстық шақыру комиссиясының құрамы
Негізгі құрам:
Шоқпаров |
- |
"Қостанай облысының қорғаныс істері жөніндегі департаменті" мемлекеттік мекемесінің бастығы, төраға (келісім бойынша) |
Бисимбаев |
- |
"Қостанай облысы әкімінің аппараты" мемлекеттік мекемесі әлеуметтік-саясат бөлімінің меңгерушісі, орынбасар |
Комиссия мүшелері:
Брызгалова |
- |
"Қостанай облысының қорғаныс істері жөніндегі департаменті" мемлекеттік мекемесі шақыру бөлімі бастығының аға көмекшісі, комиссия хатшысы (келісім бойынша) |
Дүскенов |
- |
"Қазақстан Республикасы Ішкі істер министрлігі Қостанай облысының ішкі істер департаменті" мемлекеттік мекемесі бастығының орынбасары (келісім бойынша) |
Дүйсенов |
- |
"Қостанай облысының қорғаныс істері жөніндегі департаменті" мемлекеттік мекемесі бастығының көмекшісі-дәрігер, медициналық комиссияның төрағасы (келісім бойынша) |
Резервтік құрам:
Травин |
- |
"Қостанай облысының қорғаныс істері жөніндегі департаменті" мемлекеттік мекемесі бастығының орынбасары, пункт (жиналу) бастығы, төраға (келісім бойынша) |
Суднев |
- |
"Қостанай облысы әкімдігінің жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасы" мемлекеттік мекемесі жұмылдыру даярлығы бөлімінің бастығы, орынбасар |
Комиссия мүшелері:
Бауэр Эммануил Иванович |
- |
Қостанай облысы әкімдігі денсаулық сақтау басқармасының "Қостанай облыстық ауруханасы" мемлекеттік коммуналдық қазыналық кәсіпорнының хирург-дәрігері, медициналық комиссияның төрағасы (келісім бойынша) |
Ыбрашев Мейрамбек Бақуатұлы |
- |
"Қазақстан Республикасы Ішкі істер министрлігі Қостанай облысының ішкі істер департаменті" мемлекеттік мекемесі бастығының орынбасары (келісім бойынша) |
Маевская Татьяна Геннадьевна |
- |
Қостанай облысы әкімдігі денсаулық сақтау басқармасының "Қостанай облыстық ауруханасы" мемлекеттік коммуналдық қазыналық кәсіпорнының медбикесі, комиссия хатшысы (келісім бойынша) |
