"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы № 148 Заңының 6-бабы 1-тармағы 13) тармақшасына сәйкес, "Бюджетке төленетін салықтар және басқа да міндетті төлемдер туралы" Қазақстан Республикасының 2008 жылғы 10 желтоқсандағы № 99–IV Кодексінің 387-бабы 1-тармағына сәйкес, аудан әкімінің аймаққа бөлу және ұсыну сұлбасының негізінде аудандық мәслихат ШЕШТІ:
1. "Бюджетке төленетін салықтар және басқа да міндетті төлемдер туралы" Қазақстан Республикасының 2008 жылғы 10 желтоқсандағы № 99–IV Кодексінің 378, 379, 381, 383-баптарымен белгіленген жер салығының төлемақылары:
1) 378-бабы бойынша "Ауыл шаруашылығы тағайындау жеріне базалық салық төлемақылары" – 50 пайызға;
2) 379-бабы бойынша "Жеке тұлғаларға ұсынылған ауыл шаруашылығы тағайындау жеріне базалық салық төлемақылары" – 50 пайызға;
3) 381-бабы бойынша "Елді мекендердің жеріне (үй жанындағы жер телімдерін қоспағанда) базалық салық төлемақылары" – 50 пайызға;
4) 383-бабы бойынша "Елді мекендерден тыс орналасқан өнеркәсіп жеріне базалық салық төлемақылары" – 50 пайызға жоғарылатылсын.
2. "Шал ақын ауданы бойынша жер салығының базалық төлемақысын түзету туралы" аудандық мәслихаттың 2004 жылғы 28 қаңтардағы сессиясының № 5/3 шешімінің күші жойылды деп танылсын.
3. Осы шешім алғаш ресми жарияланған күннен кейін он күнтізбелік күн өткен соң іске енгізіледі.
|
Аудандық мәслихаттың ХХ сессиясының төрағасы |
З. Құрманқұлов |
|
Аудандық мәслихаттың хатшысы |
Н. Дятлов |
|
"КЕЛІСІЛДІ" Шал ақын ауданы бойынша салық басқармасы бастығының орынбасары 2009 жылғы 25 желтоқсан |
С. Мұқанов |
