Күші жойылды - ҚР Экономикалық даму және сауда министрінің 2011.04.08 № 96 (ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.
«Жеке кәсіпкерлік туралы» Қазақстан Республикасы Заңының 38-бабына сәйкес, БҰЙЫРАМЫН:
1. Қоса беріліп отырған Тауар биржалары саласындағы тәуекелдер дәрежесін бағалау критерийлері бекітілсін.
2. Қазақстан Республикасы Экономикалық даму және сауда министрлігінің Сауда комитеті (А.Қ. Қазыбаев):
1) осы бұйрықты Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін қамтамасыз етсін;
2) осы бұйрық мемлекеттік тіркелгеннен кейін оның ресми жариялануын қамтамасыз етсін;
3) осы бұйрықты Қазақстан Республикасы Экономикалық даму және сауда министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасы Экономикалық даму және сауда Вице-министрі Т.М. Сүлейменовке жүктелсін.
4. Осы бұйрық Қазақстан Республикасы Әділет министрлігінде мемлекеттік тіркеуден өткен күннен бастап күшіне енеді.
5. Осы бұйрық бірінші ресми жарияланған күнінен бастап он күнтізбелік күн өткен соң қолданысқа енгізіледі.
Министр Ж. Айтжанова
Қазақстан Республикасы
Экономикалық даму және сауда
министрінің 2010 жылғы 29 сәуірдегі
№ 16 бұйрығымен бекітілді
Тауар биржалары саласындағы тәуекелдер дәрежесін бағалау критерийлері
1. Осы Тауар биржалары саласындағы тәуекелдер дәрежесін бағалау критерийлері (бұдан әрі - Критерийлер) «Жеке кәсіпкерлік туралы» және«Тауар биржалары туралы» Қазақстан Республикасының Заңдарын орындау үшін, субъектілерді жоғары, орташа не елеусіз тәуекел топтарына жатқызу үшін әзірленген.
2. Осы Критерийлерде тәуекел деп тауар биржалары қызметінің нәтижесінде биржалық саудаға қатысушыларға мүліктік залал келтіру ықтималдылығы түсіндіріледі.
3. Бастапқы кезеңде қазіргі және жаңадан құрылған тауар биржалары жоғары тәуекел тобына қосылады.
4. Бұдан әрі жүргізілген тексерулердің нәтижесі бойынша тауар биржалары осы Критерийлердің қосымшасына сәйкес алған баллдың жиынтығына байланысты тәуекел дәрежелеріне бөлінеді:
30 баллға дейін – бес жылда бір рет тексеру кезеңділігімен елеусіз тәуекел дәрежесі;
30-дан 60 баллға дейін – үш жылда бір рет тексеру кезеңділігімен орташа тәуекел дәрежесі;
60 балл және одан жоғары – бір жылда бір рет тексеру кезеңділігімен жоғары тәуекел дәрежесі.
5. Тексеру нәтижесінде бұзушылық болмаған жағдайда тауар биржасы тәуекелдің аз дәрежесіне ауыстырылады.
Тауар биржалары саласындағы
тәуекелдер дәрежесін бағалау
критерийлеріне қосымша
Тәуекелдерді бағалау критерийлері
№ р/с |
Критерийлер |
Баллдар |
1. |
Тауар биржасы мүшелерінің бастапқы және жыл сайынғы, биржа мүлкін пайдаланғаны, сондай-ақ биржалық мәмілелерді, заңнамада тыйым салынбаған басқа түсімдерді тіркегені және ресімдегені үшін бекітілген төлемдер мөлшерлерінің жоқ болуы |
10 |
2. |
Тауар биржасы мүшелерінің үштен кем болуы |
10 |
3. |
Биржа саудасы ережелерінің жоқ болуы |
10 |
4. |
Сауданы ұйымдастыру және клиенттермен жұмыс жүргізу бойынша құрылымдық бөлімшенің жоқ болуы |
20 |
5. |
Тауар биржасы қызметкерлерінің біліктілік талаптарына сәйкес келмеуі |
20 |
6. |
Нақты уақыт режимінде клиринг жүргізуге арналған бағдарламалық қамтамасыз етудің жоқ болуы |
20 |
7. |
Тауар биржасының биржалық тауарларға күн сайынғы белгілеулерді бұқаралық ақпарат құралдарында жариялау бойынша міндеттемелерді орындамауы |
20 |
8. |
Клирингтік орталықтың немесе клирингтік орталығының қызметтерін пайдалану туралы шарттардың жоқ болуы |
30 |
9. |
Нақты уақыт режиміндегі биржалық сауда-саттықты және электронды биржалық сауда-саттықты өткізуге арналған бағдарламалық қамтамасыз етудің жоқ болуы |
30 |
10. |
Құпиялылық (жасырын) режимін, сондай-ақ тауар биржасында коммерциялық құпияны құрайтын, оның ішінде электрондық жеткізгіштердегі мәліметтердің сақталуын қамтамасыз ету бойынша қажетті құралдармен жарақталған құрылымдық бөлімшенің жоқ болуы |
30 |
11. |
Тауар биржасында биржалық төреліктің жоқ болуы |
30 |
12. |
Тауар биржасының биржалық сауданы ұйымдастырумен байланысты емес сауда және өзге де қызметті жүзеге асыруы |
60 |
13. |
Тауар биржасы қызметкерлерінің биржалық мәмілелерге қатысуы немесе коммерциялық ақпаратты өз мүдделеріне пайдалануы |
60 |
14. |
Биржалық мәмілелердің тауар биржасының атынан және оның есебінен жасалуы |
60 |
