2010 жылғы ақылы қоғамдық жұмыстарды ұйымдастыру туралы

Күшін жойған

Алматы облысы Кербұлақ ауданы әкімдігінің 2010 жылғы 27 қаңтардағы N 13 қаулысы. Алматы облысының Әділет департаменті Кербұлақ ауданының Әділет басқармасында 2010 жылы 9 наурызда 2-13-108 тіркелді. Күші жойылды - Алматы облысы Кербұлақ ауданы әкімдігінің 2011 жылғы 06 сәуірдегі N 94 қаулысымен

Ескерту. Күші жойылды - Алматы облысы Кербұлақ ауданы әкімдігінің 2011.04.06 N 94 Қаулысымен

Қазақстан Республикасының "Халықты жұмыспен қамту туралы" Заңының 20-бабының 5-тармағы 2)-тармақшасына, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабы 1-тармағы 13)-тармақшасына сәйкес аудан әкімдігі ҚАУЛЫ ЕТЕДІ:
1. Ақылы қоғамдық жұмыс ұсыныс пен сұранысқа сай, ұйымдардың тізбелері, қоғамдық жұмыстардың түрлері, көлемі мен нақты жағдайлары, қатысушылардың еңбегіне төленетін ақының мөлшері және оларды қаржыландыру көздері бекітілсін.
2. Аудандық жұмыспен қамту және әлеуметтік бағдарламалар бөлімі (А.Диханбаева):
1) қосымшада көрсетілген қоғамдық жұмыстарға байланысты жұмыс берушілермен келісім шартқа отырсын және екі жақты келісімнің орындалуын қамтамасыз етсін;
2) нақты атқарылған қоғамдық жұмысқа ақы төлеу жұмыс беруші мен жұмыссыздың жеке еңбек келісім шарты бойынша Қазақстан Республикасының жергілікті бюджеттен қаржыландырылатын ең төменгі еңбекақы мөлшерінен төмен емес мөлшерде жұмыс уақытының есебі көрсетілген табель негізінде жүргізілсін.
3. Кербұлақ аудандық әділет басқармасында нормативтік құқықтық актілердің мемлекеттік тіркеу тізілімінде 2009 жылдың 23 қаңтарында N 2-13-88 болып тіркелген (аудандық "Кербұлақ жұлдызы" басылымында 2009 жылдың 27 ақпанындағы N 9 санында жарияланған), аудан әкімдігінің 2009 жылғы 23 қаңтардағы "2009 жылы ақылы қоғамдық жұмыстарды ұйымдастыру туралы" N 12 қаулысының күші жойылды деп танылсын.
4. Аудандық қаржы бөліміне (Г.Мұсахметоваға, келісімі бойынша) ақылы қоғамдық жұмыстарға, төлеуге ақша қаражатын мезгілімен бөлінуін қамтамасыз ету жүктелсін.
5. Осы қаулының орындалуын бақылау аудан әкімінің орынбасары Б.Момбаевқа жүктелсін.
6. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.

Аудан әкімі Н. Жантілеуов

Кербұлақ ауданы әкімдігінің
2010 жылғы 27 қаңтарындағы
"2010 жылы ақылы қоғамдық
жұмыстарды ұйымдастыру
туралы" N 13 қаулысына
қосымша

Ақылы қоғамдық жұмыстарды ұйымдастыру түрлері, көлемі және жұмыс берушілердің тізімі

р/с	Жұмыс берушілер	Уақытша орындалатын қоғамдық жұмыстар түрлері	Қатысатын жұмысшылардың саны	Атқарылатын жұмыстардың мерзімі	Айлық есептік көрсеткіш (теңге) Қазақстан Республикасы бойынша мерзіміне сай өзгертіледі	Қаржыландыру көзі (мың теңге)
1.	Сарыөзек, Жайнақ, Сарыбастау, Көксу, Талдыбұлақ, Басши, Жоламан, Шанханай, Қарашоқы, Шұбар, Сарыбұлақ, Қаспан, Қызылжар, Қоғалы, Алтынемел, Ауыл-кент округ әкімдері	Тұрғын үй коммуналды жүйесіне өнеркәсіптік мекемелердің, елді мекендердің аулаларын тазалауға көмек көрсету, көгалдандыру, көркейту, экологиялық тазалық жұмыстарын жүргізу және бұзылған үйлердің орындарын тазалау. Жолдарды ретке келтіру, су құбырларын жөндеу жұмыстары, арықтарды, су жолдарын қазып, тазалау және құрылыс тастарын дайындау жұмыстары. Әлеуметтік мәдени объектерді күрделі және ағымды жөндеуден өткізуге көмектесу. Тарихи архитектуралық ескерткіштерді қалпына келтіру. Мәдениеттік және спорттық бағыттағы үлкен іс-шараларды ұйымдастыруға көмектесу (спорттық жарыстар, мерекелер мен фестивальдар). Республикалық аймақтық серіктестік жұмыстарына қатысу (халық санағын жүргізу, жастарды әскери дайындыққа шақыру т.б.) Малдарды сырғалау, таңбалау және малды ұрықтандыру жұмыстарына көмектесу. Кітаптарды қалпына келтіру. Мүгедек азаматтар мен және мүгедек балалармен жұмыс жүргізу. Атаулы әлеуметтік көмекті және 18 жасқа дейінгі балаларға арналған көмекті алушылардың, тұрғын үй көмегіне құжаттарын қабылдауға көмектесу. Мұражайларға көмек жұмыстарын көрсету. Жастар ұйымының жұмыстарын, есірткіге мұқтаж жастармен және Спид ауруларына қарсы күрес жұмыстарын жүргізу. Ұлы Отан соғысы ардагерлерінің, мүгедектердің, соғыс ардагарлердің жесір қалған әйелдердің және жалғыз басты қарттардың үйлеріне құрылыс, жөндеу жұмыстарына көмектесу және газет журнал, хаттарды жеткізіп беру. Малдың өлексесін тастайтын ұраларды қоршау, шартты белгілерін ілу. Спорттық клубтарды дамыту және үйірме жұмыстарын арттыру. Халық салт-дәстүрін қайта жандандыруға көмек көрсету. Балалардың демалыс уақытында демалыс лагеріне көмек көрсету. Тұрмысы төмен отбасыларына құжаттандыруға көмек көрсету. Шаруашылық кітаптарды толтыру, т.б. түрлерін көмек көрсету.	258 адам	11 ай	14952	Жергілікті бюджеттен 9989760
2.	"Аудандық қорғаныс істері жөніндегі бөлімі" Мемлекеттік мекемесі	Балаларды әскерге шақыру науқанында көмек көрсету, оларға шақыру қағаздарын тарату.	4 адам	10 ай	14952	Жергілікті бюджеттен 598080
3.	Алматы облыстық мемлекеттік мұрағатының Кербұлақ ауданының дербес бөлімшесі	Мұрағаттық құжаттарды қалпына келтіру, сөрелеу, тігу, жаңғырту жұмыстарын жүргізу.	4 адам	10 ай	14952	Жергілікті бюджеттен 598080
4.	Кербұлақ аудандық Зейнетақы төлеу бөлімшесі	МЗТО-на зейнетақы қорларымен салыстыру жүргізуге көмек көрсету және архивтерді ретке келтіру.	2 адам	10 ай	14952	Жергілікті бюджеттен 299040
5.	Кербұлақ аудандық жұмыспен қамту және әлеуметтік бағдарламалар бөлімі үкіметтік емес (НПО) ұйымдармен ынтымақтастықты жақсартып бірлесе отырып жұмыстарын ұйымдастыру	Соғыс ардагерлері, жалғыз басты қарттарға және мүгедек адамдарға көмек көрсету жұмыстарын жүргізуі, үйлерін ақтау, сырлау, қысқа алғаш отындарын дайындау азық-түліктерін, дәрі-дәрмектерін және суларын жеткізіп беру. Алғашқы медициналық көмек көрсету. Газет журналдарын, хаттарын жеткізіп беру. Жұмыссыз жастарға жұмыс іздеу клубын ұйымдастыру.	2 адам	10 ай	14952	Жергілікті бюджеттен 299040
6.	Барлығы:		270 адам			11784000

Аппарат басшысы С. Мұстафанов