Ескерту. Күші жойылды - Қарағанды облысы Абай ауданы әкімдігінің 2010.12.28 N 30/28 қаулысымен.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңын, Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңын, Қазақстан Республикасы Үкіметінің 2001 жылғы 19 маусымдағы N 836 "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңын іске асыру жөніндегі шаралар туралы" Қаулысын, Қазақстан Республикасы Үкіметінің 2009 жылғы 22 желтоқсандағы N 2162 "2010 - 2012 жылдарға арналған республикалық бюджет туралы Қазақстан Республикасының Заңын іске асыру туралы" Қаулысын басшылыққа ала отырып және халықтың нысаналы топтарына жататын жұмыссыз азаматтарды әлеуметтік қолдау үшін "Жол картасының" инвестициялық бағыттарын іске асыру мақсатында, Абай ауданының әкімдігі ҚАУЛЫ ЕТЕДІ:
1. Ауданның ұйымдары, мекемелері, кәсіпорындары Абай ауданының жұмыспен қамту және әлеуметтік бағдарламалар бөлімінде жұмыссыз ретінде тіркелген халықтың нысаналы топтарына жататын жұмыссыз азаматтарды уақытша жұмысқа орналастыру үшін әлеуметтік жұмыс орындарын ашсын.
2. Абай ауданының жұмыспен қамту және әлеуметтік бағдарламалар бөлімі (Ақсанов С.А.):
1) әлеуметтік жұмыс орындарында жұмыс істеуге ниет білдірген, халықтың нысаналы топтарына жататын жұмыссыз азаматтарды жұмысқа қабылдау және жіберу бойынша жұмыс жүргізсін;
2) осы санаттағы азаматтарды жұмысқа орналастыру бойынша жұмыс берушілермен келісімшарт жасау бойынша жұмыс жүргізсін;
3) әлеуметтік жұмыс орындарының ұйымдастырылуының тиімділігін бақылау, жасалған келісімшарттардың орындалуы бойынша жұмыс жүргізсін;
4) әлеуметтік жұмыс орындарына жұмысқа орналастыру мониторингін жүргізсін;
5) республикалық бюджетте қарастырылған нысаналы трансферттерден жұмыссыздарға 20000 (жиырма мың) теңге мөлшерінде еңбек төлеміне жұмыс берушінің шығындарының орны өтелсін.
3. Әлеуметтік жұмыс орындарын ұйымдастырған жұмыс берушілер жұмыссыздардың еңбек төлемін келесі мөлшерде қамтамасыз етсін: жергілікті бюджеттің қаражаты есебінен 20000 (жиырма мың) теңге және жұмыс берушінің қаражаты есебінен 20000 (жиырма мың) теңге.
4. Әлеуметтік жұмыс орындарын ұйымдастыруды ұсынатын жұмыс берушілерді іріктеу ережелері қосымшаға сәйкес бекітілсін.
5. Абай ауданы әкімдігінің 2009 жылғы 20 сәуірдегі N 10/06 "Жол картасы бойынша 2009 жылға Абай ауданында әлеуметтік жұмыс орындарын ұйымдастыру жөніндегі шаралар туралы" (Абай ауданының әділет басқармасында 2009 жылғы 29 мамырда N 8-9-62 тіркелген, "Абай-Ақиқат" аудандық апта сайынғы газетінің 2009 жылғы 5 маусымдағы N 25 санында жарияланған) қаулысы күшін жойған болып саналсын.
6. Осы қаулының орындалуын бақылау Абай ауданы әкімінің орынбасары Ібірахым Ісләмұлы Ісләмовқа жүктелсін.
7. Осы қаулы оның алғашқы ресми жарияланған күнінен бастап он күнтізбелік күн өткеннен кейін күшіне енеді.
Абай ауданының әкімі Т. Алтынбеков
Абай ауданы әкімдігінің
2010 жылғы 04 наурыздағы
N 03/01 қаулысымен
бекітілді
Әлеуметтiк жұмыс орындарын ұйымдастыруды ұсынатын жұмыс берушiлердi iрiктеу
Ережелері
1. Бұл ережелер Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңына сәйкес әзiрленген және нысаналы топтардағы жұмыссыздарды жұмысқа орналастыру үшiн әлеуметтiк жұмыс орындарын ұйымдастыруды ұсынатын жұмыс берушiлердi iрiктеу ережелерін белгiлейдi.
2. Осы ережеде мынадай негiзгi ұғымдар пайдаланылады:
1) әлеуметтiк жұмыс орны – жұмыс берушi нысаналы топтардағы жұмыссыздарды жұмысқа орналастыру үшiн жергiлiктi атқарушы органмен (оның уәкілетті органымен) шарттық негiзде құратын, жұмыс берушiнiң олардың еңбегiне ақы төлеу шығындары iшiнара өтелетiн жұмыс орны;
2) жұмысқа орналастыру – халықтың жұмыспен қамтылуын қамтамасыз етуге жәрдемдесуге бағытталған ұйымдастырушылық, экономикалық және құқықтық iс-шаралар кешенi;
3) нысаналы топтар – жұмысқа орналасуда қиындық көрiп жүрген және әлеуметтiк қорғауды қажет ететін тұлғалар топтары;
4) жұмыс берушi – қызметкермен еңбек қатынастарында тұратын заңды немесе жеке тұлға;
5) уәкiлеттi орган – халықтың жұмыспен қамтылуына жәрдемдесуді және жұмыссыздықтан әлеуметтiк қорғауды аймақтық деңгейде қамтамасыз ететiн жергiлiктi атқарушы органның құрылымдық бөлiмшесi (бұдан әрi – уәкiлеттi орган).
3. Әлеуметтiк жұмыс орындарында жұмыс iстейтiн қызметкерлердің еңбек және басқа қатынастары Қазақстан Республикасының заңнамасымен реттеледi.
2. Әлеуметтiк жұмыс орындарын ұйымдастыру
4. Жұмыс берушi нысаналы топтардағы жұмыссыздарды жұмысқа орналастыру үшiн уәкiлеттi органмен шарттық негiзде жұмыс орындарының саны шектелмейтiн және уақытша сипаттағы әлеуметтiк жұмыс орындарын құрады. Әлеуметтік жұмыс орындарын ұйымдастыру үшiн тұрақты жұмыс орындары мен бос орындар пайдаланылмайды.
5. Әлеуметтiк жұмыс орындарын ұйымдастыруға тiлек бiлдiрген жұмыс берушi уәкiлеттi органға әлеуметтiк жұмыс орындарының саны, еңбекақы мөлшерi көрсетiлген еркiн нысанды өтiнiш бередi.
6. Әлеуметтiк жұмыс орындарын ұйымдастыруды ұсынатын жұмыс берушiлердi iрiктеуді және тiзiмiн жасауды уәкiлеттi орган төмендегi сипаттар негiзiнде жүзеге асырады:
1) қаржы ахуалы;
2) материалдық базасының болуы және техникалық жарақтануы.
7. Әлеуметтiк жұмыс орындарын ұйымдастыруды ұсынатын жұмыс берушiлердiң тiзiмiн уәкiлеттi орган жасайды және олармен "Уәкiлеттi орган – Жұмыс берушi" келiсiмшартын жасайды. Келісімшарт екі данада екі жақтың әрқайсысына құрастырылады.
8. Келісімшартта жұмыс уақыты режимiне байланысты еңбек қатынастарын реттеу, еңбек қауiпсiздiгi және еңбектi қорғауды қамтамасыз ету, еңбекақы төлеу шарттары, әлеуметтiк жұмыс орындарын қаржыландырудың мерзiмi мен көздерi, шартқа өзгерiстер енгiзу, бұзу ережелері және басқа да еңбек заңнамаларында көзделген мәлiметтер қамтылуға тиiс.
9. Әлеуметтiк жұмыс орындарына жұмысқа орналасқан нысаналы топтардағы жұмыссыздардың жұмыс мерзiмi алты айға дейiн белгіленеді.
3. Жұмыссыздарды әлеуметтiк жұмыс орындарына жiберу
10. Жұмыссыздарды әлеуметтiк жұмыс орындарына жұмысқа орналастыруға жiберуді жұмыссыздың келiсiмiмен уәкiлеттi орган жүзеге асырады.
11. Жұмыс берушi жұмыссызды жұмысқа қабылдағандығы туралы бұйрықтың көшiрмесiн үш күн мерзiмде уәкiлеттi органға бередi.
4. Әлеуметтiк жұмыс орындарына жұмысқа орналастырылған нысаналы топтардағы тұлғалардың еңбегін төлеу
12. Жалақының мөлшерi орындалатын жұмыстың сапасына, санына және күрделiлiгiне байланысты белгiленедi, бiрақ ол 40000 теңгеден (қырық мың теңге) кем болмауы тиiс.
13. Қызметкерлердің көрсетілген санатының еңбегін төлеу жұмыс берушімен жүзеге асырылады.
14. Мерзiмiнен тыс жұмыстарға, мереке және демалыс күндерiндегi жұмыстарға, түнгi уақыттағы еңбекке ақы төлеу Қазақстан Республикасының еңбек заңнамасына сәйкес жүзеге асырылады.
15. Әлеуметтiк жұмыс орындарында жұмыс iстейтiндердің жалақыларына заңдарда белгiленген тәртiппен салық салынады.
16. Нысаналы топтардағы жұмыссызды әлеуметтік жұмыс орнына уақытында қабылдаған жұмыс берушi, уәкiлеттi орган берген жолдамаға тиiстi белгi қою арқылы жұмысқа қабылдау немесе жұмысқа қабылдаудан бас тарту себебiн көрсете отырып, ол туралы дер кезiнде (уәкiлеттi орган оған азаматтарды жiберген күннен бастап бес жұмыс күнi iшiнде) хабарлайды.
17. Уәкiлеттi орган әлеуметтiк жұмыс орындарына жiберiлген жұмыссыздардың жұмыспен қамтылуына тұрақты мониторинг жүргiзедi, Қарағанды облысының жұмыспен қамтуды үйлестiру және әлеуметтiк бағдарламалар басқармасына тоқсан сайын ақпарат бередi.
