Ескерту. Қолдану мерзімінің өтуіне байланысты күшін жойды (Солтүстік Қазақстан облысы Тайынша ауданы мәслихатының 2012.06.22 N 02.10-07-02-542 хаты)
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы 2001 жылғы 23 қаңтардағы № 148 Заңының 31-бабы 2-тармағына, Қазақстан Республикасы Үкіметінің 2010 жылғы 25 ақпандағы № 123 қаулысымен бекітілген облыстық бюджеттердіі және Астана қаласы бюджетінің көктемгі егіс және егін жинау жұмыстарын жүргізуге қажетті жанар-жағар май материалдары мен басқа да тауарлық-материалдық құндылықтардың құнын арзандатуға 2010 жылдың республикалық бюджетінен бөлінетін ағымдағы нысаналы трансферттерді пайдалану Ережелерінің 7-тармағына сәйкес, аудан әкімдігі ҚАУЛЫ ЕТЕДІ:
1. Тайынша ауданы бойынша 2010 жылғы субсидияланатын приоритеттік ауылшаруашылық дәнді-дақылдардың келесі түрлері бойынша егістіктің оңтайлы мерзімдері белгіленсін:
1) жаздық бидай (орташа пісетін, орташа кеш пісетін) – 15 мамырдан 5 маусымға дейін;
2) арпа (орташа кеш сұрып) – 25 мамырдан 30 мамырға дейін;
3) арпа (орташа пісетін сұрып) – 30 мамырдан 5 маусымға дейін;
4) сұлы (орташа кеш пісетін сұрып) – 25 мамырдан 30 мамырға дейін;
5) сұлы (орташа пісетін сұрып) – 27 мамырдан 30 мамырға дейін;
6) асбұршақ – 25 мамырдан 30 мамырға дейін;
7) қарақұмық – 25 мамырдан 30 мамырға дейін;
8) рапс – 10 мамырдан 20 мамырға дейін;
9) зығыр, қыша – 17 мамырдан 20 мамырға дейін;
10) май жасалатын күнбағыс тұқымы – 15 мамырдан 18 мамырға дейін;
11) біржылғы шөптер – 1 маусымнан 5 маусымға дейін;
12) картоп – 18 мамырдан 23 мамырға дейін;
13) көкөніс – 25 мамырдан 10 маусымға дейін;
14) сүрлемге арналған жүгері – 16 мамырдан 20 мамырға дейін.
2. Осы қаулы бірінші ресми жарияланған күннен қолданысқа енгізіледі.
Тайынша ауданының әкімі А. Маковский
