Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес, Қазақстан Республикасының 2005 жылғы 8 шілдедегі № 66 "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Заңының 18 бабының 5 тармағының негізінде аудандық мәслихат ШЕШІМ ЕТЕДІ:
1. Ауылдық елді мекендерде тұратын және жұмыс істейтін мемлекеттік денсаулық сақтау, білім беру, әлеуметтік қорғау, мәдениет және спорт ұйымдарының мамандарына (алға қарай - әлеуметтік сала мамандары) отын сатып алу үшін бір жолғы ақшалай төлемдер төленсін.
2. Ауылдық елді мекендерде тұратын және жұмыс істейтін мемлекеттік денсаулық сақтау, білім беру, әлеуметтік қорғау, мәдениет және спорт ұйымдарының мамандарына (алға қарай - әлеуметтік сала мамандары) отын сатып алу үшін бір жолғы ақшалай төлемдерді төлеу кезінде мыналар басшылыққа алынсын:
1) отын сатып алуға берілетін бір жолғы ақшалай төлемнің құны бес мың теңге болып белгіленсін;
2) денсаулық сақтау, білім беру, әлеуметтік қорғау, мәдениет және спорт мемлекеттік мекемелерінен құрылған комиссияларға аталған сала мамандарына арыздарына қоса осы үйде тұратындығын растайтын анықтама мен тұрғын үйдің қандай отын түрімен (қатты, сұйық немесе газ) жылытылатындығын анықтайтын анықтаманы тапсыру ұсынылсын;
3) комиссияға түскен құжаттарды қарап, шешім алу және жиынтық тізімін жасап, комиссия хаттамаларымен қоса аудандық жұмыспен қамту және әлеуметтік бағдармалар бөліміне тапсыру ұсынылсын;
4) аудандық жұмыспен қамту және әлеуметтік бағдарлмалар бөлімі бөлінген қаржыға сәйкес екінші деңгейдегі банктердің есеп шоттарына әлеуметтік сала мамандарына отын сатып алу үшін бір жолғы ақшалай төлем төлеуге қажетті сомаларды, сонымен қатар екінші деңгейдегі банктердің арасындағы агенттік келісімге сәйкес комиссиялық сыйақыларды аударсын.
3. Ауылдық елді мекендерде тұратын және жұмыс істейтін мемлекеттік денсаулық сақтау, білім беру, әлеуметтік қорғау, мәдениет және спорт ұйымдарының мамандарына отын сатып алу үшін бір жолғы ақшалай төлемдерді тағайындау қаржыландыру жөніндегі жұмыстардың орындалуын бақылауға алу аудандық мәслихаттың бюджет, қаржы, кәсіпкерлікті дамыту, аграрлық экология мәселелері жөніндегі тұрақты комиссиясына (С. Қабделов) жүктелсін.
4. Аталған шешім алғаш ресми жарияланған күннен бастап күнтізбелік он күн өткен соң қолданысқа енгізілсін.
| Аудандық мәслихаттың кезекті | |
| XIХ сессиясының төрағасы | Ө. Жұмашев |
| Аудандық мәслихат хатшысы | Ж. Кадимов |
