"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы № 148 Заңының 31-бабы 1-тармағының 14) тармақшасына, "Нормативтік құқықтық актілер туралы" Қазақстан Республикасының 1998 жылғы 24 наурыздағы № 213 Заңының 28-бабына, "Қазақстан Республикасындағы мүгедектерді әлеуметтік қорғау туралы" Қазақстан Республикасының 2005 жылғы 13 сәуірдегі № 39 Заңының 16-бабына сәйкес Бесқарағай аудандық әкімдігі ҚАУЛЫ ЕТЕДІ:
1. "Үйде тәрбиеленіп және оқытылатын мүгедек балаларға материалдық қамтамасыз етуді тағайындау мен төлеу туралы Нұсқауды бекіту туралы" 2009 жылғы 16 сәуірдегі № 131 (Нормативтік құқықтық актілердің мемлекеттік тіркеу тізілімінде 5-7-63 нөмірмен тіркелген, 2009 жылғы 9 мамырда "Бесқарағай тынысы" аудандық газетінде 18 нөмірде жарияланған) қаулысына келесі толықтыру енгізілсін:
8-тармақ "ай сайынғы материалдық қамтамасыз ету мөлшері "2010-2012 жылдарға арналған республикалық бюджет туралы" Қазақстан Республикасының 2009 жылғы 7 желтоқсандағы № 219-IV Заңымен, "Ең төмен күнкөріс деңгейі туралы" Қазақстан Республикасының 1999 жылғы 16 қарашадағы № 474 Заңымен бекітілген ең төменгі күнкөріс мөлшерін құрайды" деген жаңа жолмен толықтырылсын.
2. Осы қаулы алғаш ресми жарияланғаннан кейін он күнтізбелік күн өткен соң қолданысқа енгізіледі.
| Аудан әкімі | Т. ЖЕКСЕМБАЕВ |
