Аз қамтылған отбасыларына (азаматтарға) тұрғын үй көмегін көрсету тәртібін жетілдіру мақсатында және "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы № 148-ІІ Қазақстан Республикасы Заңының 6 бабын басшылыққа алып, Глубокое аудандық мәслихаты ШЕШТІ:
1. Глубокое аудандық мәслихатының "Аз қамтылған отбасыларына (азаматтарға) тұрғын үй көмегін көрсету Ережесін бекіту туралы" 2010 жылғы 30 шілдедегі № 25/11-IV шешіміне (нормативтік құқықтық актілерді мемлекеттік тіркеу Тізілімінде № 5-9-135 болып тіркелген, 2010 жылғы 17 қыркүйектегі № 38 "Ақ бұлақ" және 2010 жылғы 17 қыркүйектегі № 40 "Огни Прииртышья" газеттерінде жарияланған) келесі өзгеріс енгізілсін:
осы шешіммен бекітілген аз қамтылған отбасыларына (азаматтарға) тұрғын үй көмегін көрсету Ережесінде:
5 тармақ жаңа басылымда бекітілсін:
"5. Тұрғын үй көмегінің есебіне кіретін коммуналдық қызмет тұтыну нормалары келесі көлемдерде белгіленеді:
1) тұрғын үйдің пайдалы ауданының нормалары:
бір адам үшін – 15 шаршы метр;
жалғыз басты тұратын адамдарға – 30 шаршы метр;
бес және одан да көп адамнан тұратын отбасы үшін, 75 шаршы метрден аспауы тиіс;
2) газды тұтыну нормасы:
бір адамға - 5,5 килограмм;
3) электр қуатын тұтыну нормасы:
бір адамға – 90 кВт;
4) көмір тұтыну нормасы:
тұрғын үй құрылысының жалпы ауданының бір шаршы метріне - 129,8 килограмм, бірақ бір үйге 5000 килограмнан аспауы тиіс.".
2. Осы шешім бірінші ресми жарияланғаннан кейін он күнтізбелік күн өткен соң қолданысқа енгізіледі.
| Сессия төрағасы | А. Палагин |
| Глубокое аудандық | |
| мәслихатының хатшысы | А. Брагинец |
