Ескерту. Күші жойылды - Қызылорда облысы әкімдігінің 2012.06.08 N 471 Қаулысымен.
РҚАО ескертпесі:
Мәтінде авторлық орфография және пунктуация сақталған.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес Қызылорда облысының әкімдігі ҚАУЛЫ ЕТЕДІ:
1. "Өсімдік шаруашылығы өнімінің шығымдылығы мен сапасын арттыруға облыстық бюджет қаражатынан ауыл шаруашылығы тауар өндірушілерін субсидиялаудың кейбір мәселелері туралы" Қызылорда облысы әкімдігінің 2011 жылғы 29 сәуірдегі N 22 қаулысына (нормативтік құқықтық кесімдердің мемлекеттік тіркеу Тізілімінде 4268 нөмірімен тіркелген, 2011 жылғы 30 сәуірінде "Сыр бойы" газетінде N 81-82 және "Кызылординские вести" газетінде N 70-71 жарияланған) мынадай өзгеріс және толықтырулар енгізілсін:
көрсетілген қаулыдағы 2 – қосымшада:
мемлекеттік тіл мәтініндегі реттік нөмірі алтыншы жолының үшінші бағаны "50%-ға дейін" деген сөздерімен толықтырылсын;
көрсетілген қаулыдағы 3 – қосымшада:
орыс тілі мәтініндегі "Тамшылатып суарудың ирригациялық жабдықтарын сатып алуға және монтаждауға кеткен шығындарды ескере отырып отырғызу", "Субсидия (40% дейін)", "2-ші жыл өсіру", "3-ші жыл өсіру", "4-ші жыл өсіру" атаулы бағандары ", теңге/гектар" сөздерімен толықтырылсын;
мемлекеттік тіл мәтініндегі:
"Тамшылатып суарудың ирригациялық жабдықтарын сатып алуға және монтаждауға кеткен шығындарды ескере отырып отырғызу", "2-ші жыл өсіру", "3-ші жыл өсіру", "4-ші жыл өсіру" атаулы бағандары ", теңге/гектар" сөздерімен толықтырылсын;
"Субсидия (40%)", атаулы бағаны "Субсидия (40 % дейін), ", теңге/гектар" сөздерімен ауыстырылсын.
2. Осы қаулының орындалуына бақылау жасау облыс әкімінің орынбасары Р. Нұртаевқа жүктелсін.
3. Осы қаулы алғаш ресми жарияланған күннен бастап қолданысқа енгізіледі.
Қызылорда облысының әкімі Б. Қуандықов
