"Халықтың әлеуметтік әлжуаз санаттарына қосымша әлеуметтік көмек көрсету туралы" аудандық мәслихаттың 2009 жылғы 24 сәуірдегі № 88 шешіміне өзгерістер енгізу туралы

Күшін жойған

Ақтөбе облысы Қобда аудандық мәслихатының 2012 жылғы 28 маусымдағы № 31 шешімі. Ақтөбе облысы Әділет департаментінде 2012 жылғы 24 шілдеде № 3-7-150 тіркелді. Күші жойылды - Ақтөбе облысы Қобда аудандық мәслихатының 2013 жылғы 22 тамыздағы № 115 шешімімен

Ескерту. Күші жойылды - Ақтөбе облысы Қобда аудандық мәслихатының 22.08.2013 № 115 шешімімен.
"Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабына сәйкес Қобда аудандық мәслихат ШЕШІМ ЕТТІ:
1. Аудандық мәслихаттың 2009 жылғы 24 сәуірдегі № 88 "Халықтың әлеуметтік әлжуаз санаттарына қосымша әлеуметтік көмек көрсету туралы" (нормативтік құқықтық кесімдері мемлекеттік тіркеу тізілімінде № 3-7-66 тіркелген, 2009 жылғы 28 мамырда "Қобда" газетінің № 21 жарияланған) шешіміне келесі өзгеріс енгізілсін:
2 тармағында:
"Аз қамтылған отбасыларының жан басына шаққандағы орташа табысы облыс бойынша анықталған кедейшілік шегінен аспайтын отбасыларға 1,5 есептік айлық көрсеткіші көлемінде ай сайын ақшалай түрде қосымша көмек" сөздері 2013 жылдың 1 қаңтар айынан бастап алынып тасталсын;
"Ең төменгі және ең төменгі зейнетақыдан кем алатын зейнеткерлерге 1,5 есептік айлық көрсеткіші көлемінде ай сайын ақшалай түрде қосымша көмек" сөздері 2012 жылдың 1 қазаннан бастап алынып тасталсын;
3 тармағы алынып тасталсын.
2. Осы шешім оның алғаш ресми жарияланған күннен кейін күнтізбелік он күн өткеннен соң қолданысқа енгізіледі.

Аудандық мәслихат сессиясының төрайымы	Аудандық мәслихат хатшысы
Г. Балгарина	Л. Исмағамбетова