Қазақстан Республикасының 2001 жылғы 23 қаңтардағы № 149 "Халықты жұмыспен қамту туралы" Заңның 7-бабының 5-2-тармағына және Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабының 2 тармағына және 37 бабына сәйкес Хромтау ауданының әкімдігі ҚАУЛЫ ЕТЕДІ:
1. Меншік түріне қарамастан Хромтау ауданының кәсіпорындары мен ұйымдары мүгедектер үшін жұмыс орындарының жалпы санынан 3 % көлемінде жыл сайын жұмыс орындарына квота белгіленсін.
2. Осы қаулыдан туындайтын іс-шараларды ұйымдастыру "Хромтау аудандық жұмыспен қамту және әлеуметтік бағдарламалар бөлімі" мемлекеттік мекемесінің бастығы А.Сержановқа жүктелсін.
3. Хромтау ауданы әкімдігінің 2010 жылғы 10 ақпандағы № 25 "Ұйым, кәсіпорын және мекемелерде мүгедектерді жұмысқа алу үшін 2010 жылға жұмыс орындарының квоталарын белгілеу туралы" қаулысының (нормативтік құқықтық актілердін мемлекеттік тіркеу тізілімінде № 3-12-114 нөмірімен тіркелген, 2010 жылдың 26 наурызында "Хромтау" газетінде № 14-15 ресми жарияланған) күші жойылды деп саналсын.
4. Осы қаулының орындалуын бақылау аудан әкімінің орынбасары С.Ельдесовке жүктелсін.
5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
| Аудан әкімі | А.Усмангалиев |
