Халықты жұмыспен қамту саясатын жүзеге асыру мақсатында, "Халықты жұмыспен қамту туралы" Қазақстан Республикасының 2001 жылғы 23 қаңтардағы Заңына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңына сәйкес, Саран қаласының әкімдігі ҚАУЛЫ ЕТЕДІ:
1. Меншік нысанына қарамастан, Саран қаласы мен Ақтас кенті мекемелері, ұйымдары және кәсіпорындарында жұмыс орындарының квотасы белгіленсін:
1) мүгедектер үшiн жұмыс орындарының жалпы санынан 3 (үш) пайыз мөлшерiнде;
2) қылмыстық-атқару инспекциясы пробация қызметiнiң есебiнде тұрған тұлғалар, сондай-ақ бас бостандығынан айыру орындарынан босатылған тұлғалар және интернаттық ұйымдарды кәмелетке толмаған түлектері үшiн жұмыс орындарының жалпы санынан 0,5 (нөл бүтін оннан бес) пайыз мөлшерінде.
2. Қала мекемелері мен ұйымдары, кәсіпорындарының басшылары белгіленген квотаға сәйкес мүгедектерді, сондай-ақ бас бостандығынан айыру орындарынан босатылған тұлғаларды, интернаттық ұйымдардың кәмелетке толмаған түлектерін, жұмысқа орналастыру үшін тиісті жұмыс орындарының санын бөлсін.
3. Осы қаулының орындалуын бақылау Саран қаласы әкімінің орынбасары Гүлмира Серікқызы Беделбаеваға жүктелсін.
4. Осы қаулы оның алғашқы ресми жарияланған күнінен кейін он күнтізбелік күн өткен соң қолданысқа енгізіледі.
| Саран қаласы әкімінің | |
| міндетін атқарушы | М. Кожухов |
