Ескерту. Күші жойылды - Қостанай облысы Қамысты ауданы әкімдігінің 15.12.2015 № 170 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгiзiледi).
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31-бабына, Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңының 7-бабы 5-5), 5-6) тармақшаларына сәйкес Қамысты ауданының әкімдігі ҚАУЛЫ ЕТЕДІ:
1. Аудан кәсіпорындарында қылмыстық-атқару инспекциясы пробация қызметінің есебінде тұрған адамдар, сондай-ақ бас бостандығынан айыру орындарынан босатылған адамдар үшін жұмыс орындарының жалпы санының бір проценті мөлшерінде жұмыс орындарының квотасы белгіленсін.
2. Аудан кәсіпорындарында интернаттық ұйымдардың кәмелетке толмаған бітірушілері үшін жұмыс орындарының жалпы санының бір проценті мөлшерінде жұмыс орындарының квотасы белгіленсін.
3. "Қамысты аудандық жұмыспен қамту және әлеуметтік бағдарламалар бөлімі" мемлекеттік мекемесі қылмыстық-атқару инспекциясы пробация қызметінің есебінде тұрған адамдар, сондай-ақ бас бостандығынан айыру орындарынан босатылған адамдарға және интернаттық ұйымдардың кәмелетке толмаған бітірушілеріне квотаға сәйкес, жұмыс орындарына жұмысқа орналасуына жәрдемді қамтамасыз етсін.
4. Әкімдіктің "Бас бостандығынан айыру орындарынан босатылған адамдар және интернаттық ұйымдардың кәмелетке толмаған бітірушілері үшін жұмыс орындарының квотасын белгілеу туралы" 2011 жылғы 25 қазандағы № 301 қаулысының (2011 жылғы 09 қарашада Нормативтік құқықтық актілерді мемлекеттік тіркеу тізілімінде № 9-11-127 тіркелген, 2011 жылғы 22 қарашадағы № 47 "Новый путь-Бозторғай" аудандық газетінде жарияланған) күші жойылды деп танылсын.
5. Осы қаулының орындалуын бақылау аудан әкiмiнiң орынбасары Асқар Жақанұлы Жақсыбаевқа жүктелсiн.
6. Осы қаулы алғашқы ресми жарияланғаннан кейін күнтізбелік он күн өткен соң қолданысқа енгiзiледi.
Қамысты
ауданының әкiмi Б. Өтеулин
