Ескерту. Күші жойылды - Ақмола облысы Жарқайың ауданы әкімдігінің 01.07.2015 № А-7/184 (қол қойылған күнінен бастап күшіне енеді және қолданысқа енгізіледі) қаулысымен.
РҚАО ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Ескерту. Қаулыға өзгеріс енгізілді - Ақмола облысы Жарқайың ауданы әкімдігінің 14.11.2014 № А-11/406 (ресми жарияланған күнінен бастап қолданысқа енгізіледі) қаулысымен.
Қазақстан Республикасының 2007 жылғы 15 мамырдағы Еңбек кодексінің 18-бабының 2) тармақшасына және 238 бабының 3 тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2011 жылғы 23 қаңтардағы Заңының 31 бабына және «Ауылдық жерде жұмыс істейтін және азаматтық қызметкерлер болып табылатын, білім беру, әлеуметтік қамсыздандыру, мәдениет, спорт және ветеринария мамандарының лауазымдық тізбесімен келісу туралы» Жарқайың аудандық мәслихатының 2014 жылғы 19 ақпандағы № 5С-31/4 шешіміне сәйкес, аудан әкімдігі ҚАУЛЫ ЕТЕДІ:
1. Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру, мәдениет, спорт және ветеринария саласындағы мамандар лауазымдарының тізбесі қосымшаға сәйкес айқындалсын.
2. «Ауылдық (селолық) жерде жұмыс істейтін білім беру, әлеуметтік қамсыздандыру және мәдениет мамандарының лауазымдық тізбесін анықтау туралы» Жарқайың ауданы әкімдігінің 2012 жылғы 4 сәуірдегі № А-4/201 (Нормативтік құқықтық актілерді мемлекеттік тіркеу тізілімінде № 1-12-168, 2012 жылғы 4 мамырдағы «Целинное знамя» газетінде жарияланған) қаулысының күші жойылған болып танылсын.
3. Осы қаулының орындалуын бақылау аудан әкімінің орынбасары А.Қ.Әлжановқа жүктелсін.
4. Осы қаулы Ақмола облысы Әділет департаментінде мемлекеттік тіркеуден өткен күнінен бастап күшіне енеді және ресми жарияланған күнінен бастап қолданысқа енгізіледі.
Жарқайың ауданының әкімі А.Үйсімбаев
«КЕЛІСІЛДІ»
Жарқайың аудандық
мәслихатының хатшысы Ұ.А.Ахметова
«14» 11 2014 жыл
Жарқайың ауданы әкімдігінің
2014 жылғы 1 сәуірдегі № А-4/73
қаулысымен бекітілген
Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру, мәдениет, спорт және ветеринария саласындағы мамандар лауазымдарының тізбесін тізбесі
1. Әлеуметтік қамсыздандыру маманының лауазымы:
1) әлеуметтік қызметкер.
2. Білім беру мамандарының лауазымдары:
1) мемлекеттік мекеменің, қазыналық кәсіпорынның басшысы және орынбасары;
2) оқытушы-психолог;
3) аға вожатый;
4) кітапхана меңгерушісі;
5) кітапханашы;
6) барлық мамандықтағы мұғалімдер;
7) медбике;
8) тәрбиеші;
9) әдіскер;
10) музыкалық жетекші.
3. Мәдениет мамандарының лауазымдары:
1) клуб жетекшісі;
2) мәдени ұйымдастырушы;
3) кітапханашы.
4. Спорт маманының лауазымы:
1) нұсқаушы.
5. Ветеринария маманының лауазымы:
1) ветеринарлық дәрігер.
