Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы", 2001 жылғы 23 қаңтардағы "Халықты жұмыспен қамту туралы" Заңдарына сәйкес, азаматтарды әлеуметтік қорғау бойынша қосымша шаралар көрсету мақсатында Қаражал қаласының әкімдігі ҚАУЛЫ ЕТЕДІ:
1. 2014 жылға халықтың нысаналы топтарына жататын тұлғалардың қосымша тізбесі белгіленсін:
1) 29 жасқа дейінгі жастар;
2) 7 жасқа дейінгі балалары бар отбасылар;
3) 45 жастан жоғары тұлғалар;
4) ұзақ уақыт (бір жылдан артық) жұмыс істемейтін тұлғалар;
5) мүгедек балаларды және мүмкіндіктері шектеулі балаларды тәрбиелейтін ата-аналар;
6) оқу орның бітіргеннен кейінгі он екі ай кезеңінде кәсіптік лицейлер және колледждердің түлектері.
2. "Жұмыспен қамту және әлеуметтік бағдарламалар бөлімі" мемлекеттік мекемесіне (О. Калашникова) басымдылық тәртіпте нысаналы топтарға жататын жұмыссыздарды мемлекеттік әлеуметтік қорғау шаралары көрсетілсін.
3. Осы қаулының орындалуын бақылау қала әкімі орынбасарының міндетін атқарушы М. Мұқашеваға жүктелсін.
4. Осы қаулы оның алғаш рет ресми жарияланған күнінен кейін күнтізбелік он күн өткен соң қолданысқа енгізіледі.
| Қаражал қаласының әкімі | Қ. Шорманбаев |
