РҚАО ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы", 2000 жылғы 27 қарашадағы "Әкімшілік рәсімдер туралы" Заңдарына және Қазақстан Республикасы Президентінің 2012 жылғы 29 қазандағы № 410 "Қазақстан Республикасы мемлекеттік органының үлгі ережесін бекіту туралы", 2013 жылғы 7 наурыздағы № 523 "Мемлекеттік қызметшілер лауазымдарының тізілімін бекіту туралы" Жарлықтарына сәйкес, Ұлытау ауданының әкімдігі ҚАУЛЫ ЕТЕДІ:
1. Қоса берілген "Ұлытау ауданының сәулет және қала құрылысы бөлімі" мемлекеттік мекемесінің Ережесі бекітілсін.
2. Осы қаулының орындалуын бақылау аудан әкімі аппаратының басшысы Уткельбаев Ерлан Сериковичке жүктелсін.
3. Осы қаулы ресми жарияланған күнінен бастап қолданысқа енгізіледі.
| Аудан әкімі | Х. Омаров |
| Ұлытау ауданы әкімдігінің 2014 жылғы 10 ақпандағы № 03/01 қаулысымен бекітілген |
"Ұлытау ауданының сәулет және қала құрылысы бөлімі"
мемлекеттік мекемесінің
Ережесі
1. Жалпы ережелер
1. "Ұлытау ауданының сәулет және қала құрылысы бөлімі" мемлекеттік мекемесі (бұдан әрі - Бөлім) Ұлытау ауданының сәулет және қала құрылысы саласында басшылықты жүзеге асыратын Қазақстан Республикасының мемлекеттік органы болып табылады.2. Бөлім өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
3. Бөлім мемлекеттік мекеме ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттары болады.
4. Бөлім азаматтық-құқықтық қатынастарға өз атынан түседі.
5.Бөлім егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
6. Бөлім өз құзыретінің мәселелері бойынша заңнамада белгіленген тәртіппен Бөлім басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
7. Бөлімнің құрылымы мен штат санының лимиті қолданыстағы заңнамаға сәйкес бекітіледі.
8. Заңды тұлғаның орналасқан жері: 101500, Қарағанды облысы, Ұлытау ауданы, Ұлытау селосы, Абай көшесі, 23.
9. Бөлімнің толық атауы:
мемлекеттік тілде - "Ұлытау ауданының сәулет және қала құрылысы бөлімі" мемлекеттік мекемесі;
орыс тілінде – государственное учреждение "Отдел архитектуры и градостроительства Улытауского района".
10. Осы Ереже Бөлімнің құрылтай құжаты болып табылады.
11.Бөлімнің қызметін қаржыландыру республикалық және жергілікті бюджеттерінен жүзеге асырылады.
12. Бөлімге кәсіпкерлік субъектілерімен Бөлімнің функциялары болып табылатын міндеттерді орындау тұрғысында шарттық қатынастарға түсуге тыйым салынады.
Егер Бөлімге заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер мемлекеттік бюджеттің кірісіне жіберіледі.
2. Бөлімнің миссиясы, негізгі міндеттері,
функциялары, құқықтары және міндеттері
13. Бөлімнің миссиясы: ауданның елді мекендерінде аумақтық даму қала құрылысы шешімдерін сапалы жаңа деңгейіне жеткізу мақсатында сәулет және қала құрылыс қызметін дамыту саласында мемлекеттік саясатын өткізу.14. Міндеттері:
1) тиісті аумақта сәулет және қала құрылысы қызметі саласында мемлекеттік саясатын жүргізу;
2) құрылыс саясаты, оңтайлы құрылыс салуды ұйымдастыру және ауданның елді мекендерінде аумақтық даму құрылыстық шешімдерін тиімді іске асыруға байланысты жұмыстардың сапасын арттыру;
3) ресурстық және технологиялық базасын қайта құру негізінде инфрақұрылымның және құрылыстың дамуына жәрдемдеседі;
4) әлеуметтік, инженерлік және көлік инфрақұрылымдар объектілерінің құрылысын жеке тұрғын үй құрылысы аумағында ұйымдастыру;
5) объектілерді жобалау үшін нормативтік-техникалық құжаттамасы базасын дамыту;
6) аудан аумағын қала құрылыстық игеру кезінде заңнамамен белгіленген тәртіпте бекітілген, сәулет және қала құрылысы қызметі, мемлекеттік нормативтер туралы заңнамасының және өзге де жобалы құжаттаманың нормаларын сақтау;
7) ауданның елді мекендерін кешенді әлеуметтік-экономикалық дамытуына ағымдағы және келешекті міндеттерін шешуге бағытталған жұмыстарды және қала құрылыстық бағдарламаларды іске асыруды ұйымдастыру;
8) қала құрылысы жобасын ұйымдастыру;
9) қала құрылысының құжаттаманың барлық сабақтас бөлімдерін үйлестіру;
10) ауылдық елді мекендердің бас жоспарлары жобаларын әзірлеу бойынша жұмыстарды ұйымдастыру;
11) ведомствалық бағыныстағы аумақтағы әлеуметтік саланың объектілерін, коммуникацияларды, тарихи және мәдени ескерткіштерін, мемлекеттік табиғи-қорық қоры объектілерін сақтауын ұйымдастыру және олардың нормативтік ұстауын бақылау (пайдалануын);
12) көрсетілетін мемлекеттік қызметтердің сапасын арттыру.
15. Функциялары:
1) аудан аумағындағы қала құрылысын дамытудың кешенді схемаларын, сондай-ақ елді мекендерді дамытудың бас жоспарларын аудандық мәслихаттың бекітуіне әзірлеуді және ұсынуды ұйымдастырады;
2) аудан аумағындағы қала құрылысын жобалаудың (аудандық жоспарлау жобасының) кешендi схемасын, елдi мекендердiң белгiленген тәртiппен бекiтiлген бас жоспарларын iске асыру жөніндегi қызметтi үйлестiреді;
3) аудан аумағын қала құрылыстық игеру кезінде заңнамамен белгіленген тәртіпте бекітілген, сәулет және қала құрылысы қызметі, мемлекеттік нормативтер туралы заңнамасының және өзге де жобалы құжаттаманың нормаларын сақтауға мемлекеттік бақылауды қамтамасыз етеді;
4) қала құрылысы тәртібін және салу ережесін сақтаумен, бекітілген қала құрылысы құжаттамасына сәйкес құрылыс жоспарларының жүзеге асырылуына бақылауды жүзеге асырады;
5) жобаларға мемлекеттік сараптама жүргізетін республикалық және аумақтық бөлімшелермен, мемлекеттік сәулет-құрылыс және лицензиялау департаментімен, лицензиялау органдарымен, сәулет және қала құрылысы қызметі саласында мемлекеттік, қоғамдық және жеке мүдделерді қорғау мәселелері бойынша өзара әрекеттеседі;
6) аумақта жоспарланып отырған құрылыс салу не өзге де қала құрылысының өзгерістері туралы халықты ақпараттандырады;
7) заңнамамен белгіленген тәртіпте аудан аумағында базалық деңгейде мемлекеттік қала құрылысы кадастрын жүргізуді жүзеге асырады;
8) заңды және жеке тұлғаларға Мемлекеттік қала құрылысы кадастрын заңда белгіленген тәртіпте ұсынады;
9) тұрғын үй-азаматтық құрылыс өндірісі, әртүрлі материалдар түрлері, бұйымдар және конструкциялар үшін өндіріске жаңа технологиялар енгізеді;
10) Қазақстан Республикасының заңнамасында белгіленген тәртіппен объектілерді (кешендерді) пайдалануға қабылдау жөніндегі комиссияның құрамын белгілейді және тағайындайды, сондай-ақ пайдалануға берілетін объектілерді (кешендерді) тіркеу және есебін жүргізеді;
11) жоспарлау жобаларын, тұрғын үйлер мен өндірістік аудандарды салудың, тиісті аумақтың жоспарлау құрылымындағы маңызды жеке ғимараттар мен ғимараттардың сәулеттік жобаларын әзірлеуге конкурстарды өткізуді ұйымдастырады;
12) азаматтар мен заңды тұлғалардың қала құрылысы қызметін жүзеге асыру мәселелері жөніндегі арыздары мен өтініштерін қарайды және өз құзыретінің шегінде шешім қабылдайды;
13) өз құзыретінің шегінде Қазақстан Республикасы заңнамаларының және басқа да сәулет және қала құрылысы қызметі жөніндегі нормативтік құқықтық актілердің сақталуын бақылауды жүзеге асырады;
14) ақпараттандыру саласындағы уәкілетті органмен келісім бойынша Қазақстан Республикасының заңнамасына сәйкес мемлекеттік көрсетілетін қызметтер көрсету үдерістерін оңтайландыру және автоматтандыру жөнінде шаралар қабылдайды;
15) Қазақстан Республикасының заңнамасына сәйкес мемлекеттік көрсетілетін қызметтер көрсету сапасын ішкі бақылауды жүргізеді;
16) мемлекеттік көрсетілетін қызметтер стандарттары мен регламенттерінің қолжетімділігін қамтамасыз етеді;
17) егер Қазақстан Республикасының заңнамасында өзгеше көзделмесе, халыққа қызмет көрсету орталықтарына мемлекеттік көрсетілетін қызметтер көрсету үшін қажетті мәліметтерді қамтитын ақпараттық жүйелерге қолжетімділікті ұсынады;
18) жергілікті мемлекеттік басқару мүдделерінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.
16. Құқықтары мен міндеттері:
1) осы Ережеде көзделген функцияларды орындау және жүзеге асыру үшін аудандық атқарушы органдары мен басқа да мемлекеттік және мемлекеттік емес құрылымдардан қала құрылыс мәселелері бойынша қажетті құжаттар мен материалдарға сұратуға;
2) ауданда өткізілетін қаржы-несиелік, инвестициялық, жекешелендіру, салық саясатының шешімдерін әзірлеуіне және Бөлімнің жай-күйіне әсер ететін өзге де жағдайларда қатысуға;
3) өз құзыреті шегінде аудан аумағындағы құрылыс қызметінің мәселелері бойынша шешімдер қабылдауға;
4) өз өкілеттіктерін жүзеге асыру кезінде құрылыс және құрылыс индустрия кез келген объектілеріне кедергісіз кіруге;
5) адамдардың өміріне және денсаулығына қауіп-қатер көрсететін, сондай-ақ меншікке, республика азаматтарының құқықтары мен мүдделеріне және заңды тұлғаларға зиян келтіретін, жобалық құжаттамамен бекітілген нормативтік талаптардың ауытқуы мен бұзушылықтарымен орындалатын құрылыстарды қаржыландыру және несиелендірудің толық немесе ішінара тоқтатуы туралы тиісті органдарға белгіленген тәртіпте ұсыныстар енгізуге;
6) заңда белгіленген тәртіпте өз бетімен құрылыс салу, қала құрылысы тәртібін бұзған үшін кінәлі тұлғаларды жауапкершілікке тарту туралы мәселелерін тиісті мемлекеттік органдар алдында қозғауға;
7) аудан аумағында сәулет және қала құрылысы аясындағы мемлекеттік нормативтер мен талаптардың бұзылу себептерін анықтауға және талдауға;
8) сәулет және қала құрылысы саласындағы жұмысты жетілдіру бойынша ұсынысты енгізуге;
9) тұрғын үй объектілерін, инженерлік инфрақұрылымды салуға, қайта құруға және күрделі жөндеуге, абаттандыруға, мердігерлермен жасалған тендерлік шарттардың талаптарын сақтауды бақылауға;
10) Бөлімнің құзыретіне кіретін мәселелері бoйынша жиналыстар өткізуге;
11) құрылыс мәселелері бойынша аудан әкімдігінің қаулылары мен әкім өкімдерінің жобаларын дайындауға;
12) Бөлімнің жүргізуіне қатысты мәселелер бойынша жеке және заңды тұлғалардың шағымдары мен өтініштерін қарауға, тексеруге және олар бойынша тиісті шаралар қабылдауға;
13) жер учаскелерін беру, жобаларды келісу, техникалық жағдайларды беру, құрылыс кезінде қызмет көрсету, сондай-ақ жеке салушылардың мүдделерін қорғайтын нормаларды сақтау бойынша материалдарды дайындау, құрылыс ережелерімен белгіленген мерзімде жүзеге асыратын жергілікті қызметтердің жұмысын бақылауға;
14) өз құзыретінің мәселелері бойынша жұмыс топтарын құруға, ведомствааралық комиссиялардың жұмысына қатысуға;
15) нормативтік сәулет-қала құрылысы және экологиялық талаптарына жауап бермейтін жобаларды келісуден бас тартуға;
16) әр нақты жағдайда жобалаудың сатылығы, құрамы және көлемін, эскиздік жобалардың әзірлеу қажеттілігін, варианттық және конкурстық жобалаудың сәулет және қала құрылысы маңызы бар объектілерін, жеке жобалардың әзірлеу және үлгі жобаларды қолдану орындылығын анықтауға;
17) қолданыстағы заңнамада көзделген осы Ережеде анықталған міндеттер мен функциялардан туындайтын өзге де құқықтарды жүзеге асыруға.
3. Бөлімнің қызметін ұйымдастыру
17. Бөлімге басшылықты Бөлімге жүктелген міндеттердің орындалуына және оның функцияларын жүзеге асыруға дербес жауапты болатын басшы жүзеге асырады.18. Бөлім басшысын аудан әкімі қызметке тағайындайды және қызметтен босатады.
19. Бөлім басшысының өкілеттігі:
1) басшы Бөлім жұмысын ұйымдастырады және жүзеге асырады, Бөлімге жүктелген міндеттер мен функциялардың орындалуына дербес жауапты болады, Бөлім қызметінің жеке бағыттарына басшылық және жауапкершілік дәрежесін орнатады;
2) Бөлім қызметкерлерінің қызметтік өкілеттіктерінің көлемін және лауазымдық нұсқаулықтарын олардың атқаратын қызметтеріне сәйкес бекітеді;
3) өз құзыреті шегінде Бөлімнің барлық қызметкерлеріне орындау үшін міндетті бұйрықтар, нұсқаулықтар шығарады және нұсқаулар береді;
4) заңнамаға, штаттық кестеге сәйкес Бөлім қызметкерлерін қызметке тағайындайды және қызметтен босатады;
5) белгіленген тәртіпте аудан әкімінің қарауына Бөлімнің құзыретіне кіретін мәселелері бойынша шешімдер және өкімдер жобаларын енгізеді;
6) құжаттардың орындалуы бойынша бақылауды ұйымдастырады және жүзеге асырады, олардың сақталуына жауапты болады;
7) заңнамамен белгіленген тәртіпте қызметкерлердің көтермелеуін жүзеге асырады;
8) қолданыстағы заңнамада белгіленген тәртіпте мемлекеттік органдарда және ұйымдарда өз құзыреті шегінде Бөлімнің өкілі болады;
9) Бөлім атынан сенімхатсыз әрекет етеді;
10) өз құзыреті шегінде Бөлім атынан сенімхаттар береді;
11) банкттік шоттар ашады;
12) шарттар жасайды;
13) оның құзыретіне қатысты өзге де мәселелер бойынша шешімдер қабылдайды.
Бөлімнің басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға орындайды.
4. Бөлімнің мүлкі
20. Бөлім заңнамада көзделген жағдайларда жедел басқару құқығында оқшауланған мүлкі болу мүмкін.Бөлімнің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
21. Бөлімге бекітілген мүлік коммуналдық меншікке жатады.
22. Егер заңнамада өзгеше көзделмесе, Бөлім өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
