Ескерту. Күші жойылды - Қостанай облысы Федоров ауданы әкімдігінің 20.11.2014 № 414 қаулысымен (қойылған күнінен бастап қолданысқа енгізіледі).
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31-бабы 1-тармағының 2) тармақшасына, "Мемлекеттік мүлік туралы" Қазақстан Республикасының 2011 жылғы 1 наурыздағы Заңының 140-бабының 2-тармағына сәйкес Федоров ауданының әкімдігі ҚАУЛЫ ЕТЕДІ:
1. Коммуналдық мемлекеттік кәсіпорындардың таза табысының бір бөлігін аудару нормативі қосымшаға сәйкес белгіленсін.
2. Мемлекеттік басқарудың тиісті салаларын (аяларын) басқару бойынша уәкілетті органдары жоспарланатын жылдың алдындағы жылдың 1 мамырына дейінгі мерзімде мемлекеттік мүлікті басқару бойынша уәкілетті органға алдағы үшжылдық кезеңге арналған аудандық бюджетке аударылуы тиіс таза табыстың бір бөлігінің болжамды сомаларын, сондай-ақ есепті жылы коммуналдық мемлекеттік кәсіпорынның аудандық бюджетке аударған таза табысының мөлшерін берсін.
3. Осы қаулының орындалуын бақылау аудан әкімі орынбасарының міндетін атқарушы Қ.К. Баямбетовке жүктелсін.
4. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
Аудан әкімі Қ. Ахметов
Федоров ауданы әкімдігінің
2014 жылғы 23 маусымдағы
№ 215 қаулысына қосымша
Коммуналдық мемлекеттік кәсіпорындардың
таза табысының бір бөлігін аудару нормативі
Таза табыс 3 000 000 теңгеге дейін |
Таза табыс сомасынан 5 пайыз |
Таза табыс 3 000 001 теңгеден 50 000 000 тенгеге дейін |
150 000 теңге + 3 000 000 теңге мөлшердегі таза табыстан асқан сомадан 10 пайыз |
Таза табыс 50 000 001 теңгеден 250 000 000 теңгеге дейін |
4 850 000 теңге + 50 000 000 теңге мөлшердегі таза табыстан асқан сомадан 15 пайыз |
Таза табыс 250 000 001 теңгеден 500 000 000 теңгеге дейін |
34 850 000 теңге + 250 000 000 теңге мөлшердегі таза табыстан асқан сомадан 25 пайыз |
Таза табыс 500 000 001 теңгеден 1 000 000 000 теңгеге дейін |
97 350 000 теңге + 500 000 000 теңге мөлшердегі таза табыстан асқан сомадан 30 пайыз |
Таза табыс 1 000 000 001 теңге және одан жоғары |
247 350 000 теңге + 1 000 000 000 теңге мөлшердегі таза табыстан асқан сомадан 50 пайыз |
