«Мемлекеттік статистика туралы» 2010 жылғы 19 наурыздағы Қазақстан Республикасы Заңының 12-1-бабының 3-тармағына сәйкесБҰЙЫРАМЫН:
1. Қоса беріліп отырған Шаруашылық бойынша есепке алу деректерінің анықтығына нақтылау жүргізу қағидалары бекітілсін.
2. Қазақстан Республикасы Ұлттық экономика министрлігінің Статистика комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық мемлекеттік тіркелгеннен кейін күнтізбелік он күн ішінде оның көшірмесінің мерзімді баспасөз басылымдарында және «Әділет» ақпараттық-құқықтық жүйесінде ресми жариялауға жіберілуін;
3) осы бұйрықтың Қазақстан Республикасы Ұлттық экономика министрлігінің ресми интернет-ресурсында орналастырылуын қамтамасыз етсін.
3. Осы бұйрықтың орындалуын бақылау Қазақстан Республикасының Ұлттық экономика бірінші вице-министріне жүктелсін.
4. Осы бұйрық 2016 жылғы 1 қаңтардан бастап қолданысқа енгізіледі және ресми жариялануға жатады.
Қазақстан Республикасының
Ұлттық экономика
министрі Е. Досаев
«КЕЛІСІЛДІ»
Қазақстан Республикасының
Ауыл шаруашылығы министрі
А.С.Мамытбеков __________
2015 жылғы 3 желтоқсан
Қазақстан Республикасы
Ұлттық экономика министрінің
2015 жылғы 30 қарашадағы
№ 744 бұйрығымен
бекітілді
Шаруашылық бойынша есепке алу деректерінің анықтығын нақтылауды жүргізу қағидалары
1. Жалпы ережелер
1. Шаруашылық бойынша есепке алу деректерінің анықтығын нақтылауды жүргізу қағидалары (бұдан әрі – Қағидалар) «Мемлекеттік статистика туралы» Қазақстан Республикасының 2010 жылғы 19 наурыздағы Заңының (бұдан әрі – Заң) 12-1-бабының 3-тармағына сәйкес әзірленді және уәкілетті орган ведомствосының облыстық аумақтық статистика органдарының мамандары шаруашылық бойынша есепке алу деректерінің анықтығын нақтылауды жүргізу тәртібін белгілейді.
2. Осы Қағидаларда келесі ұғымдар қолданылады:
1) ауыл шаруашылығы жануарларын бірдейлендіру жөніндегі дерекқор (бұдан әрі – АШЖ БҚ) – диагностикалық зерттеулер нәтижелерін қоса алғанда, жануардың жеке нөмірі туралы, оны ветеринариялық дауалау туралы деректерді, сондай-ақ жануардың иесі туралы деректерді тіркеудің бірыңғай, көпдеңгейлі жүйесін көздейтін, жергілікті атқарушы органдар құрған мемлекеттік ветеринариялық ұйымдар жүзеге асыратын жануардың иесі туралы деректерді және ветеринария саласындағы уәкілетті орган пайдаланатын ветеринариялық есепке алудың бір бөлігі;
2) мемлекеттік статистика саласындағы уәкілетті орган – өз құзыреті шегінде мемлекеттік статистика саласындағы басшылықты, сондай-ақ салааралық үйлестіруді жүзеге асыратын уәкілетті органның ведомствосы (бұдан әрі – уәкілетті органның ведомствосы);
3) электрондық шаруашылық бойынша есепке алуды жүргізуге арналған бағдарламалық қамтамасыз ету (бұдан әрі – ЭШБЕА БҚ) – кенттің, ауылдың, ауылдық округтің әкіміне шаруашылық бойынша есепке алу деректерін енгізуге, түзетуді және сақтауды жүзеге асыруға, сондай-ақ енгізілген ақпарат негізінде жиынтық біріктірілген деректерді қалыптастыруға мүмкіндік беретін қолданбалы бағдарламалық қамтамасыз ету.
3. Шаруашылық бойынша есепке алу деректерінің анықтығын нақтылауды уәкілетті орган ведомствосының облыстық аумақтық статистика органдарының лауазымды адамдары мынадай бағыттар бойынша:
1) шаруашылық бойынша есепке алуды жүргізудің Қазақстан Республикасы Статистика агенттігі төрағасының 2010 жылғы 10 маусымдағы № 136 бұйрығымен бекітілген, Нормативтік құқықтық актілерді мемлекеттік тіркеу тізілімінде 2010 жылғы 15 шілдедегі № 6334 болып тіркелген «Әр шаруашылық бойынша есепке алуды жүргізу және тіркеу жазбаларын жүргізуді ұйымдастыру нысандары бойынша статистикалық әдіснама» (бұдан әрі – Әдіснама) талаптарына сәйкестігін;
2) шаруашылық бойынша есепке алу деректерінің жазбаларын тұрғын үй қоры статистикалық тіркелімінің (бұдан әрi – ТҚСТ) деректерімен салыстыру арқылы нақтылауды;
3) АЖБ ДБ бар ақпаратты қолданып, шаруашылық бойынша есепке алу жазбаларын нақтылауды жүзеге асырады.
4. Шаруашылық бойынша есепке алу деректерінің анықтығын елді мекендерге шығу арқылы нақтылау 2015 жылғы 29 қазандағы Қазақстан Республикасының Кәсіпкерлік Кодексіне сәйкес тексеріс ұйымдастыру және жүргізу талаптарына сәйкес жүзеге асырылады.
2. Шаруашылық бойынша есепке алу деректерінің анықтығын нақтылауды жүргізу тәртібі
5. Мемлекеттік статистика саласындағы Тәуекелдер дәрежесін бағалау критерийлеріне сәйкес бекітілген Іріктемелі тексеру жүргізу тізімін (бұдан әрі – Тізім) уәкілетті орган ведомствосы қалыптастырады.
6. Шаруашылық бойынша есепке алу деректерінің анықтығын нақтылауды жүргізу іс-шарасы екi кезең бойынша жүргiзiледi.
1) бірінші кезеңде Шаруашылық бойынша есепке алу деректерінің анықтығын нақтылауды жүргізу шаруашылық бойынша есепке алуды жүргізудің Әдiснама талаптарының сәйкессiздiктерiн анықтау, ЭШБЕА БҚ-дағы жазбаларды АШЖ БҚ және ТҚСТ деректерімен салыстыру жұмыстарын жүргізуді қамтиды.
Шаруашылық бойынша есепке алудың ЭШБЕА БҚ «Тұрғын үй жағдайлары» бөлімі бойынша нақтылау ТҚСТ деректерімен іріктеп салыстыру арқылы жүргізіледі.
Бұл салыстыруды жүргізу үшін уәкілетті орган ведомствосының облыстық аумақтық статистика органдары ТҚСТ деректерінің негізінде нақтылаумен қамтылған елдi мекен бойынша тұрғын үйлердің қалыптастырады.
Тізбеде үйдің сәйкестендіру коды, үй шаруашылығының жеке шоты, жер учаскесінің кадастрлік нөмірі, үй типі, үйдің жағдайы, меншік түрі, жалпы және тұрғын үй алаңының мөлшері, бөлме саны, абаттандырудың болуы, сыртқы қабырғалардың материалдары, тұратындардың саны және үй шаруашылықтарының саны көрсетіле отырып, елді мекеннің үйлері бойынша ақпарат қамтылады.
Салыстыру үшін үй саны шаруашылық бойынша есепке алу деректерінің анықтығын нақтылауды жүзеге асыратын лауазымды адамдарға түсетін жүктемені ескере отырып анықталады.
Үйдің сәйкестендіру коды бойынша ТҚСТ деректерімен нақтылау кезінде жалпы және тұрғын алаң көлемінің, тұрғын үй типінің, тұрғын үйдің меншік түрінің, бөлмелер санының, сыртқы қабырға материалдарының, тұрғын үй-жайды абаттандырудың (электр, су құбыры, ыстық сумен қамтамасыз ету, кәріз, ванна, себезгі, жылу электр орталықтарынан жылыту, жеке қондырғылардан жылыту, газ, электр пеші, жеке су жылытқыштан ыстық сумен жабдықтау, пештен жылыту) сәйкестігіне жазбаларды салыстыру жүзеге асырылады.
2) екiншi кезеңдегі жұмыстарды жүргізу тәртібі АЖБ ДБ-да қамтылған ақпаратты пайдаланып, үй шаруашылықтарына бару арқылы ЭШБЕА БҚ жазбаларын нақтылау жұмыстарын жүргізуді қамтиды.
Уәкілетті орган ведомствосының облыстық аумақтық статистика органының лауазымды адамы аралауға жататын үй шаруашылықтарының саны мен тізбесін анықтайды.
Аралауға қажетті үй шаруашылықтарының саны шаруашылық бойынша есепке алу деректерінің анықтығын нақтылауды жүзеге асыратын лауазымды адамдарға түсетін жүктемені ескере отырып анықталады.
Уәкілетті орган ведомствосының облыстық аумақтық статистика органының лауазымды адамы ветеринария саласындағы маманмен бiрлесiп (келісім бойынша) баруға жататын үй шаруашылықтарының тізбесі бойынша ЭШБЕА БҚ-да АЖБ ДБ көрсеткіштерімен жануарлардың түрлері және саны бойынша нақтылауды жүзеге асырады.
АЖБ ДБ-да іздестіру үй шаруашылығы иесінің немесе мүшесінің ЖСН-і немесе тегі, аты, әкесінің аты (бар болған жағдайда) бойынша жүргізіледі.
Бұдан әрі ЭШБЕА БҚ «Шаруашылықтың жеке меншігі болып табылатын мал (басы)» бөлімінде көрсетілген мал басының саны бойынша ауыл шаруашылығы жануарларының саны АЖБ ДБ-дағы ауыл шаруашылығы малының саны бойынша жазбалар санымен салыстырылып тексеріледі. Ауыл шаруашылығы жануарларының түрлері мен саны бойынша ЭШБЕА БҚ-да нақты үй шаруашылығы бойынша ағымдағы жылғы 1 қаңтардағы және 1 шілдедегі жағдайға сәйкес деректерін нақтылау ағымдағы жылғы 1 қаңтардан және 1 шілдеден кейін болған ауылшаруашылығы жануарларының қозғалысын (сатып алынуын, төлдеуін және қатардан шығуын) есепке ала отырып жүзеге асырылады.
Ауыл шаруашылығы жануарларының қозғалысын есепке алу үшін АЖБ ДБ «Есепке қою күні» және «Есептен шығарылу себебі» бағандарындағы ақпарат пайдаланылады.
ЭШБЕА БҚ деректерін нақтылау және олардың анықтығын растау үшiн кенттің, ауылдың, ауылдық округ әкімінің немесе әкімдігінің, уәкілетті орган ведомствосының облыстық аумақтық статистика органдарының лауазымды адамдарының қатысуымен және ветеринария саласындағы маманмен (келісім бойынша) бірге үй шаруашылықтарына бару жүзеге асырылады.
Үй шаруашылықтарын аралау кезінде шаруашылық бойынша есепке алудың тiркеу жазбаларын нақтылау ауылшаруашылық жануарларын нақты қайта есептеу және картоп, көкөністер мен жеміс-жидектер және басқа да дақылдарға арналған егістік алаңдарын өлшеу арқылы жүргізіледі.
Егер нақты қайта есептеуді жүзеге асыру мүмкiн болмаған жағдайда нақтылау ауылшаруашылық жануарларының және егістік алаңдарының нақты болуы туралы үй шаруашылығының иесі немесе осы үй шаруашылығының кәмелетке толған мүшесiне пікіртерім жүргізу арқылы жүзеге асырылады.
7. Шаруашылық бойынша есепке алу деректерінің анықтығына жүргізілген нақтылау қорытындысы бойынша уәкілетті орган ведомствосының облыстық аумақтық статистика органдарының лауазымды адамдары осы Қағидалардың 1-қосымшасына сәйкес нысан бойынша мiндеттi түрде Шаруашылық бойынша есепке алуды тіркеу жазбаларының сәйкессіздігі немесе сәйкестігі туралы акт (бұдан әрi – Акт) жасайды.
Акт үш данада жасалады.
Актінiң бiр данасы ауылдық округтің әкiмдiгі үшін, екiншiсі ветеринария саласындағы маман үшін, үшіншісі уәкілетті орган ведомствосының облыстық аумақтық статистика органы үшін.
8. Шаруашылық бойынша есепке алуды жүргiзудің Әдіснаманың талаптарына сәйкессiздiгі, сондай-ақ АЖБ ДБ-дағы деректермен сәйкессіздіктері анықталған жағдайда сәйкессiздiктер туралы ақпаратты уәкілетті орган ведомствосының аудандық статистика органдарының лауазымды адамдары еркін нысанда құрастырылатын қорытынды анықтамада көрсетеді және тоқсан сайын аудан әкіміне және Актінің (актілердің) көшірмесі қосымшасымен статистика уәкілетті органы ведомствосының облыстық аумақтық статистика органдарына жібереді.
9. Үй шаруашылығы иесінің немесе осы шаруашылықтың кәмелетке толған мүшесінің анықсыз деректерді ұсынуы анықталған жағдайда кенттің, ауылдың, ауылдық округтің әкімі немесе жергілікті атқарушы органның маманы немесе ветеринария саласындағы маман ЭШБЕА БК немесе АЖБ ДБ-ға тиісті өзгерістер енгізеді.
Анықталған сәйкессіздіктер туралы ақпарат уәкілетті орган ведомствосының аудандық статистика органдарының лауазымды адамдары қорытынды анықтамада көрсетеді және үй шаруашылығының иесімен немесе үй шаруашылығының кәмелетке толған мүшесімен түсіндіру жұмыстарын жүргізеді.
10. Кенттің, ауылдың, ауылдық округтің әкiмi және ветеринария саласындағы маман нақтылау негізінде анықталған бұзушылықтар туралы ақпаратты алған кезде сәйкессіздіктердің Актіде көрcетiлген мерзiмде тиісінше жойылуын қамтамасыз етеді және уәкілетті орган ведомствосының аудандық статистика органына атқарылған жұмыс туралы ақпарат жібереді.
3. Шаруашылық бойынша есепке алу деректерінің анықтығын нақтылауды қорытындылау бойынша уәкілетті орган ведомствосының облыстық аумақтық статистика органдарының іс-әрекеті
11. Кенттің, ауылдың, ауылдық округтің әкімдері сәйкессіздіктерді жою бойынша атқарылған жұмыстар туралы ақпаратты осы Қағидалардың 10-тармағына сәйкес Актіде көрсетілген мерзімде ұсынбаған жағдайда уәкілетті орган ведомствосының облыстық аумақтық статистика органдары іріктемелі тексеру барысында анықталған сәйкессіздіктерді жою талаптарымен ақпарат қалыптастырады және жоғарғы тұрған жергілікті атқарушы органға үш жұмыс күні ішінде жібереді.
12. Аудандық статистика органдары тиісті уәкілетті орган ведомствосының облыстық аумақтық статистика органына ай сайын келесі айдың 3-ші күніне дейінгі мерзімде осы Қағидалардың 2-қосымшасына сәйкес нысан бойынша Актілер мен шаруашылық бойынша есепке алу деректерінің анықтығына нақтылау жүргізу туралы ақпарат жолдайды.
13. Кенттің, ауылдың, ауылдық округтің әкімдері лауазымды адамдарын әкімшілік жауапкершілікке тарту («Әкімшілік құқық бұзушылық туралы» Қазақстан Республикасы Кодексінің 62-бабының 1-тармағына сәйкес) мүмкін болмаған жағдайда статистика органдары әкімнен сәйкессіздіктерді жою туралы ақпарат алған күннен бастап бес жұмыс күні ішінде қарауға және шаруашылық бойынша есепке алуды жүргізуге жауапты лауазымды адамдарды тәртіптік жауапкершілікке тарту үшін аудандардың әкімдіктеріне материалдар жолдайды.
14. Бұзушылыққа жол берген лауазымды адамдарға қатысты қолданылған шаралар туралы ақпаратты, атап айтқанда тәртіптік жауапкершілікке тартылғандар туралы бұйрықтың көшірмесін не тәртіптік жауапкершілікке тартудың мүмкін болмау себептері туралы ақпаратты аудандардың әкімдіктері нақтылау қорытындылары туралы ақпаратты алған күннен бастап отыз күнтізбелік күн ішінде уәкілетті орган ведомствосының облыстық аумақтық статистика органдарына ұсынады.
15. Нақтылаудың қорытындылары бойынша уәкілетті орган ведомствосының облыстық аумақтық статистика органдарына есепті тоқсаннан кейінгі он жұмыс күні ішінде тиісті облыс әкімінің атына тәртіптік жазаға тарту туралы аудандық әкімдіктердің жауаптарын қоса ұсына отырып анықталған бұзушылықтар туралы ақпаратты тоқсан сайын жолдайды.
16. Шаруашылық бойынша есепке алу деректерінің анықтығын нақтылау жүргізу нәтижелері бойынша кенттердің, ауылдардың, ауылдық округтердің жауапкершілікке тартылған әкімдері туралы ақпаратты уәкілетті орган ведомствосының облыстық аумақтық статистика органдары уәкілетті орган ведомствосына есепті тоқсаннан кейінгі он бес жұмыс күні ішінде осы Қағидалардың 3-қосымшасына сәйкес тапсырады.
Шаруашылық бойынша есепке алу
деректерінің анықтығын нақтылауды
жүргізу қағидаларына
1-қосымша
Нысан
«_________________________ облысының Статистика департаменті» ММ
___________________________________ ауданының статистика басқармасы
Шаруашылық бойынша есепке алу нысандары бойынша тіркеу
жазбаларының сәйкессіздігі немесе сәйкестігі туралы
АКТІ
______________________ ауданының
______________________ кенті, ауылы, 20__ жылғы « ___ » ________
ауылдық округі
Біз, төменде қол қоюшылар, мемлекеттік статистика саласындағы
уәкілетті органның өкілдері:
_____________________________________________________________________
_____________________________________________________________________
_________________________________________________ әкімінің қатысуымен
«Мемлекеттік статистика туралы» 2010 жылғы 19 наурыздағы
Қазақстан Республикасы Заңының 12-1 бабының, 16-бабының және
Қазақстан Республикасы Кәсіпкерлік кодексі негізінде шаруашылық
бойынша есепке алу нысандарындағы тіркеу жазбаларына салыстыруды
жүргіздік.
Салыстыру нәтижелері бойынша мемлекеттік статистика саласындағы
уәкілетті органға әкімнің «Әкімшілік құқық бұзушылық туралы»
Қазақстан Республикасы Кодексінің 499-бабында көзделген дәйексіз
әкімшілік деректерді ұсынуының мынадай фактілері анықталды:
_____________________________________________________________________
_____________________________________________________________________
Бұзушылықтарды жою мерзімдері: осы Актіге қол қойылған күннен бастап
5 (бес) жұмыс күні ішінде.
Ескертпе (орындалғаны туралы ақпарат Актіге қол қойылғаннан кейін 10
жұмыс күні ішінде аумақтық статистика органына ұсынылады).
Қолдары __________________________________ Мөрге арналған орын
__________________________________
__________________________________
Тегі, аты, әкесінің аты (бар болған жағдайда)
және әкімнің қолы ______________________
______________________________________________ Мөрге арналған орын
Ескерту (әкім қол қоюдан бас тартқан жағдайда «Қол қоюдан бас тартты»
деген жазу жазылады және күні қойылады).
Шаруашылық бойынша есепке алу
деректерінің анықтығын нақтылауды
жүргізу қағидаларына
2-қосымша
Нысан
Шаруашылық бойынша есепке алу деректерінің анықтығын нақтылауды жүргізу туралы
20__ жылғы______________ ақпарат
(айы)
Облыс___________________________________________________________
Аудан___________________________________________________________
Кент, ауыл, ауылдық округ_______________________________________
р/н |
Елді мекеннің (кенттің, ауылдың, ауылдық округтің) атауы |
Үй шаруашылықтарының жалпы саны |
Бірінші кезеңде анықталған сәйкессіздіктер саны |
Екінші кезеңде барған үй шаруашылықтарының саны |
Сәйкессіздіктер анықталған үй шаруашылықтарының саны |
Бұзушылықтарды жою бойынша қабылданған шаралар (ЭШБЕА БҚ өзгерістер енгізілді, акт жазылды, қорытынды анықтама бойынша әкімшілік жаза қолданылды және кенттің, ауылдың, ауылдық округтің әкімдері тәртіптік жауапкершілікке тартылды) |
1 |
2 |
3 |
4 |
5 |
6 |
7 |
Барлығы |
Шаруашылық бойынша есепке алу
деректерінің анықтығына
нақтылауды жүргізу қағидаларына
3-қосымша
Шаруашылық бойынша есепке алу деректерінің анықтығын нақтылауды
жүргізу нәтижелері бойынша әкімдерді жауапкершілікке тарту туралы
20___ жылғы _____ тоқсандағы ақпарат
Облыс____________________________________________________________
р/с |
Облыс ауданының атауы |
Ауылдық округтердің саны |
Үй шаруашылықтарының саны |
Тартылған адамдар, саны |
||||
барлығы |
барылғаны |
сәйкессіздіктер анықталғаны |
барылғаны |
сәйкессіздіктер анықталғаны |
әкімшілік жауапкершілікке |
тәртіптік жауапкершілікке |
||
1 |
2 |
3 |
4 |
5 |
6 |
7 |
8 |
9 |
Барлығы |
||||||||
