"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31 бабының 2 тармағына, "Нормативтік құқықтық актілер туралы" Қазақстан Республикасының 1998 жылғы 24 наурыздағы Заңының 43-1 бабының 1 тармағына сәйкес Түлкібас ауданының әкімдігі ҚАУЛЫ ЕТЕДІ:
1. Түлкібас ауданы әкімдігінің 2014 жылғы 10 қыркүйектегі № 525 "Мектепке дейінгі тәрбие мен оқытуға мемлекеттік білім беру тапсырысын, жан басына шаққандағы қаржыландыру және ата-ананың ақы төлеу мөлшерін бекіту туралы" (Нормативтік құқықтық актілерді мемлекеттік тіркеу тізілімінде № 2805 болып тіркелген, 2014 жылғы 26 қыркүйекте аудандық "Шамшырақ" қоғамдық-саяси газетінде ресми жарияланған) қаулысына келесі өзгерістер енгізілсін:
кіріспе мынадай редакцияда жазылсын:
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31 бабының 2 тармағына, "Білім туралы" Қазақстан Республикасының 2007 жылғы 27 шілдедегі Заңының 6 бабының 4 тармағының 8-1) тармақшасына сәйкес, Түлкібас ауданының әкімдігі ҚАУЛЫ ЕТЕДІ:";
көрсетілген қаулының 1, 2-қосымшалары осы қаулыға 1, 2-қосымшаларға сәйкес жаңа редакцияда жазылсын.
2. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аудан әкімі | Қ.Абдуалиев |
| Түлкібас ауданы әкімдігінің 2015 жылғы 21 қаңтардағы № 39 қаулысына 1-қосымша Түлкібас ауданы әкімдігінің 2014 жылғы 10 қыркүйектегі № 525 қаулысына 1-қосымша |
Мектепке дейінгі тәрбие мен оқытуға мемлекеттік білім беру тапсырысы
| № | Аудан атауы | Мектепке дейінгі мекемелердегі орын саны | Оның ішінде | |
| республикалық бюджет есебінен | жергілікті бюджет есебінен | |||
| 1 | Түлкібас ауданы | 5109 | 4279 | 830 |
| Түлкібас ауданы әкімдігінің 2015 жылғы 21 қаңтардағы № 39 қаулысына 2-қосымша Түлкібас ауданы әкімдігінің 2014 жылғы 10 қыркүйектегі № 525 қаулысына 2-қосымша |
Жан басына шаққанда қаржыландырудың мөлшері
| Барлығы | Айына бір тәрбиеленушіге кететін шығыс, теңге (көп емес) | |||
| Бала бақша 60 балаға дейін | Бала бақша 60 баладан жоғары | Мектеп жанындағы шағын орталық толық күндік | Мектеп жанындағы шағын орталық жартылай күндік | |
| 22 134 | 19 300 | 12 701 | 7 304 | |
Ескерту: Ғимараттар мен құрылымдардың ағымдағы жөндеу жұмыстарына жұмсалатын шығындар бір тәрбиеленушіге жұмсалатын шығынға қоса есептелмейді.
