Ескерту. Күші жойылды - Ақтөбе облысы Темір ауданы Шығырлы ауылдық округі әкімінің 06.08.2018 № 17 шешімімен (алғашқы ресми жарияланған күнінен бастап қолданысқа енгізіледі).
Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабына, Қазақстан Республикасының 2002 жылғы 10 шілдедегі "Ветеринария туралы" Заңының 10-1-бабына сәйкес және Қазақстан Республикасы Ауылшаруашылығы Министрлігінің ветеринариялық бақылау және қадағалау комитетінің Темір аудандық аумақтық инспекциясының бас ветеринариялық-санитариялық инспекторының 2018 жылғы 16 сәуірдегі № 2-14-16/88 ұсынысы негізінде, Шығырлы ауылдық округі әкімі ШЕШІМ ҚАБЫЛДАДЫ:
1. Мүйізді ірі қара малдарының арасынан пастереллез ауруының анықталуына байланысты Шығырлы ауылдық округі, Бірлік елді мекенінде орналасқан "Қуаныш" шаруа қожалығы аумағына шектеу іс-шаралары белгіленсін.
2. "Шығырлы ауылдық округі әкімі аппараты" мемлекеттік мекемесі заңнамада белгіленген тәртіппен:
1) осы шешімді Темір аудандық Әділет басқармасында мемлекеттік тіркеуді;
2) осы шешімді мерзімді баспа басылымында және Қазақстан Республикасы нормативтік құқықтық актілерінің Эталондық бақылау банкінде ресми жариялауға жіберуді қамтамасыз етсін.
3. Осы шешім оның алғашқы ресми жарияланған күнінен бастап қолданысқа енгізіледі.
| Шығырлы ауылдық округінің әкімі: | С.А. Кадыров |
