Ескерту. Күші жойылды - Қызылорда облысы Жалағаш ауданы әкімдігінің 08.06.2020 № 61 қаулысымен (алғашқы ресми жарияланған күнінен бастап қолданысқа енгізіледі).
“Қазақстан Республикасындағы жергілікті мемлекеттік басқару және өзін-өзі басқару туралы” Қазақстан Республикасының 2001 жылғы 23 қаңтардағы Заңының 31-бабының 2тармағына және “Құқықтық актілер туралы” Қазақстан Республикасының 2016 жылғы 6 сәуірдегі Заңының 50-бабының 2-тармағына сәйкес Жалағаш ауданының әкімдігі ҚАУЛЫ ЕТЕДІ:
1. “Тез бұзылуға бейім заттай дәлелдемелерді сақтайтын ұйымды айқындау туралы” Жалағаш ауданы әкімдігінің 2016 жылғы 11 мамырдағы № 94 қаулысына (нормативтік құқықтық актілерді мемлекеттік тіркеу тізілімінде № 5517 болып тіркелген, 2016 жылғы 28 мамырда “Жалағаш жаршысы” газетінде және 2016 жылғы 20 маусымда “Әділет” ақпараттық-құқықтық жүйесінде жарияланған) мынадай өзгерістер енгізілсін:
кіріспе мынадай редакцияда жазылсын:
“Қазақстан Республикасының Қылмыстық-процестік кодексі” Қазақстан Республикасының 2014 жылғы 4 шілдедегі кодексінің 221-бабының төртінші бөлігіне сәйкес Жалағаш ауданының әкімдігі ҚАУЛЫ ЕТЕДІ: ”
1-тармақ мынадай редакцияда жазылсын:
“1. Қылмыстық істер бойынша тез бұзылуға бейім заттай дәлелдемелерді сақтайтын ұйым болып Жалағаш аудандық ветеринария бөлімінің “Жалағаш аудандық ветеринариялық станциясы” шаруашылық жүргізу құқығындағы коммуналдық мемлекеттік кәсіпорны айқындалсын.”;
2-тармақ мынадай редакцияда жазылсын:
“2. “Жалағаш аудандық ветеринария бөлімі” коммуналдық мемлекеттік мекемесі осы қаулыдан туындайтын шараларды қабылдасын.”.
2. Осы қаулы алғашқы ресми жарияланған күнінен бастап қолданысқа енгізіледі.
| Жалағаш ауданының әкімі | Қ. Сәрсенбаев |
