Қазақстан Республикасы Ұлттық Банкінің бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындау қағидаларын бекіту туралы

Қазақстан Республикасы Ұлттық Банкі Басқармасының 2019 жылғы 26 шілдедегі № 123 қаулысы. Қазақстан Республикасының Әділет министрлігінде 2019 жылғы 6 тамызда № 19205 болып тіркелді.

Қазақстан Республикасы Еңбек кодексінің 145-бабына, "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 319-бабы 2-тармағының 4) тармақшасына, "Қазақстан Республикасының Ұлттық Банкі туралы" Қазақстан Республикасы Заңының 15-бабы екінші бөлігінің 88) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

Ескерту. Кіріспе жаңа редакцияда - ҚР Ұлттық Банкі Басқармасының 25.05.2022 № 44 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

1. Қоса беріліп отырған Қазақстан Республикасы Ұлттық Банкінің бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындау қағидалары бекітілсін.

2. Адам капиталын дамыту департаменті Қазақстан Республикасының заңнамасында белгіленген тәртіппен:

1) Заң департаментімен бірлесіп осы қаулыны Қазақстан Республикасының Әділет министрлігінде мемлекеттік тіркеуді;

2) осы қаулы мемлекеттік тіркелген күннен бастап күнтізбелік он күн ішінде оны қазақ және орыс тілдерінде "Қазақстан Республикасы Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;

3) осы қаулыны ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды;

4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2), 3) тармақшаларында және 3-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

3. Сыртқы коммуникациялар департаменті – Ұлттық Банктің баспасөз қызметі осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға жүктелсін.

5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ұлттық Банк Төрағасы

Е. Досаев

Қазақстан Республикасы Ұлттық Банкі Басқармасының 2019 жылғы 26 шілдедегі № 123 қаулысымен бекітілді

Қазақстан Республикасы Ұлттық Банкінің бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындау қағидалары

1-тарау. Жалпы ережелер

1. Осы Қазақстан Республикасы Ұлттық Банкінің бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындау қағидалары (бұдан әрі – Қағидалар) Қазақстан Республикасы Ұлттық Банкінің (бұдан әрі – Ұлттық Банк) бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындайды.

2. Қазақстан Республикасының Еңбек кодексіне сәйкес іссапар жұмыс берушінің өкімі бойынша қызметкерді тұрақты жұмыс орнынан тыс басқа жерге белгілі бір мерзімге еңбек міндеттерін орындау үшін жіберу, сондай-ақ қызметкерді басқа жерге оқуға, біліктілігін арттыруға немесе қайта даярлауға, сондай-ақ кәсіби біліктілікті тануға жіберу болып табылады.

Ескерту. 2-тармақ жаңа редакцияда - ҚР Ұлттық Банкі Басқармасының 25.12.2023 № 109 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

3. Ұлттық Банк бюджетінің (шығыстар сметасының) қаражаты есебінен қамтылған мемлекеттік мекемелердің, оның ішінде олардың филиалдарының Қазақстан Республикасының шегінде және шет мемлекеттерге қызметтік іссапарларға жiберiлетін қызметкерлеріне (бұдан әрі – қызметкерлер) жұмыс берушінің іссапарға жіберу туралы бұйрығы негізінде:

1) iссапарда болған күнтізбелік күндер, оның ішінде жолда болған уақыт үшiн тәулiкақы;

2) тұрғын үй-жайды жалдау шығыстары;

3) межелі орынға жерге бару және кері қайту шығыстары төленеді.

Іссапардан оралғаннан кейiн қызметкер бес жұмыс күнi iшiнде баратын жеріне дейінгі және кері қайтқандағы жол жүру шығыстарын (жол жүру билеті және отырғызу талоны (қағаз тасымалдағышта не электрондық түрде) және корпоративтік (коммерциялық) картаны пайдаланған кезде тұрғын үй-жайды жалдау шығыстарын растайтын құжаттарды қоса бере отырып, іссапар туралы есеп береді.

4. Іссапар уақытында қызметкердің жұмыс орны (лауазымы) және iссапар күндеріне сәйкес келетін жұмыс күндері үшін жалақысы сақталады.

Ескерту. 4-тармақ жаңа редакцияда - ҚР Ұлттық Банкі Басқармасының 25.05.2022 № 44 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

2-тарау. Қазақстан Республикасының шегіндегі қызметтік іссапарлар кезіндегі өтемақы төлемдерінің мөлшерлері және тәртібі

5. Тәулiкақы iссапарда болған күнтізбелік күндер, оның ішінде жолда болған уақыт үшiн мынадай мөлшерде төленеді:

1) қызметкерлерге (Ұлттық Банктің инкассация бөлімінің инкассаторлар бригадасының құрамына кіретін, жұмыс берушінің жедел және (немесе) конфиденциалды сипаттағы өкімдерін орындау үшін іссапарға жіберілген қызметкерлерін қоспағанда) – 5 (бес) айлық есептік көрсеткіш (бұдан әрі – АЕК);

2) Ұлттық Банктің инкассация бөлімінің инкассаторлар бригадасының құрамына кіретін, жұмыс берушінің жедел және (немесе) конфиденциалды сипаттағы өкімдерін орындау үшін іссапарға жіберілген қызметкерлеріне – 7 (жеті) АЕК.

Ескерту. 5-тармақ жаңа редакцияда - ҚР Ұлттық Банкі Басқармасының 25.12.2023 № 109 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

6. Тұрғын үй-жайды жалдау шығыстары мынадай мөлшерде төленеді:

1) мемлекеттік мекеменің бірінші басшысына және оның орынбасарларына:

Астана, Алматы, Атырау, Ақтау, Шымкент қалаларында – тәулігіне 20 (жиырма) АЕК;

Қазақстан Республикасының облыс орталықтарында (Атырау, Ақтау қалаларын қоспағанда) және басқа қалаларында, оның ішінде Қазақстан Республикасы облыстарының аудан орталықтарында – тәулігіне 15 (он бес) АЕК;

2) өзге қызметкерлерге:

Астана, Алматы, Атырау, Ақтау, Шымкент қалаларында – тәулігіне 15 (он бес) АЕК;

Қазақстан Республикасының облыс орталықтарында (Атырау, Ақтау қалаларын қоспағанда) және басқа қалаларында, оның ішінде Қазақстан Республикасы облыстарының аудан орталықтарында – тәулігіне 12 (он екі) АЕК.

Ескерту. 6-тармақ жаңа редакцияда - ҚР Ұлттық Банкі Басқармасының 25.12.2023 № 109 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

7. Әуе көлігімен межелі жерге бару және кері қайту шығыстары мынадай мөлшерде:

1) мемлекеттік мекеменің бірінші басшысына, оның орынбасарларына, сондай-ақ жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген Ұлттық Банктің қолма-қол ақша айналысы бөлімшесінің бас дизайнеріне – "Бизнес" сыныбындағы әуебилетінің құны бойынша;

2) жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген, Ұлттық Банктің инкассация бөлімінің инкассаторлар бригадасының құрамына кіретін қызметкерлерге – жүк тасу шығыстарының құнын қоса алғанда, "Эконом" сыныбындағы әуебилетінің құны бойынша, ол болмаған жағдайда "Бизнес" сыныбы бойынша;

3) өзге қызметкерлерге – "Эконом" сыныбындағы әуебилетінің құны бойынша төленеді.

8. Темір жол көлігімен межелі жерге бару және кері қайту шығыстары мынадай мөлшерлердегі:

1) мемлекеттік мекеменің бірінші басшысына, оның орынбасарларына және жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген, Ұлттық Банк инкассация бөлімінің инкассаторлар бригадасының құрамына кіретін қызметкерлерге – нақты шығыстар бойынша;

2) өзге қызметкерлерге – "Турист" және "Люкс" сыныптарындағы жүйрік пойыздардың купе вагонының тарифі бойынша, ал мұндай билет болмаған жағдайда – төменгі жағында жұмсақ дивандары, жайластырып реттеу қондырғысы бар (жатын вагон) отыруға арналған жұмсақ креслолары бар екі орындық купелі вагондар тарифі бойынша төленеді.

9. Автомобиль көлігімен (таксиді қоспағанда), сондай-ақ өзге көлікпен (су жолымен) межелі жерге бару және кері қайту шығыстары мынадай мөлшерлердегі:

1) мемлекеттік мекеменің бірінші басшысына, оның орынбасарларына – нақты шығыстар бойынша;

2) өзге қызметкерлерге – жергілікті жердегі жол жүру құны бойынша төленеді.

Жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген, Ұлттық Банк инкассация бөлімінің инкассаторлар бригадасының құрамына кіретін қызметкерлерге ақылы жолдар бойынша инкассация қызметінің арнайы автомобильдерінің жол жүру құны бойынша қосымша шығыстары өтеледі.

3-тарау. Шет мемлекеттерге қызметтік іссапарлар кезіндегі өтемақы төлемдерінің мөлшерлері және тәртібі

10. Іссапарда болған күнтізбелік күндер үшін, оның ішінде жолда болған уақыты үшін тәулікақы қызметкерлерге Қағидаларға қосымшада көзделген нормалар бойынша төленеді.

11. Тұрғын үй-жайды - қонақүй нөмірлерін жалдау шығыстары қызметкерлерге мынадай:

1) мемлекеттік мекеменің бірінші басшысына – Қағидаларға қосымшада көзделген "Люкс" сыныбындағы қонақүй нөмірлерінің жіктелуі бойынша;

2) мемлекеттік мекеменің бірінші басшысының орынбасарларына – Қағидаларға қосымшада көзделген "Жартылай люкс" сыныбындағы қонақүй нөмірлерінің жіктелуі бойынша;

3) өзге қызметкерлерге – Қағидаларға қосымшада көзделген "Стандарт" сыныбындағы қонақүй нөмірлерінің жіктелуі бойынша төленеді.

Қағидаларға қосымшада көзделген тұрғын үй-жайды жалдау шығыстары нормаларынан асып түскен жағдайда мемлекеттік мекеменің бірінші басшысына, оның орынбасарларына, сондай-ақ жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген Ұлттық Банктің қолма-қол ақша айналысы бөлімшесінің бас дизайнеріне шығыстар растаушы құжаттардың негізінде нақты шығыстар бойынша өтеледі.

Шақырушы тарап жалдау және брондау бойынша шығыстарды төлеусіз қонақ-үй нөмірін брондау жағдайында шығыстар қызметкерлерге растаушы құжаттардың негізінде нақты шығындар бойынша өтеледі.

12. Әуе көлігімен межелі жерге бару және кері қайту шығыстары мынадай мөлшерде:

1) мемлекеттік мекеменің бірінші басшысына - "Бизнес" сыныбындағы әуе билетінің құны бойынша, ал ұшу ұзақтығы бес сағаттан асатын кезде (тікелей ұшу) бірінші сыныпты әуе билетінің құны бойынша;

2) мемлекеттік мекеме басшысының орынбасарларына, сондай-ақ жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген Ұлттық Банктің қолма-қол ақша айналысы бөлімшесінің бас дизайнеріне - "Бизнес" сыныбындағы әуе билетінің құны бойынша;

3) Ұлттық Банктің құрылымдық бөлімшелерінің басшыларына - "Эконом" сыныбындағы әуе билетінің құны бойынша, ал ұшу ұзақтығы төрт сағаттан асатын кезде (тікелей ұшу) "Бизнес" сыныбындағы әуе билетінің құны бойынша;

4) инкассаторлар бригадасының құрамына кіретін, жұмыс берушінің шұғыл және (немесе) конфиденциалды сипаттағы өкімдерін орындау үшін іссапарға жіберілген Ұлттық Банктің инкассация бөлімінің қызметкерлеріне - "Эконом" сыныбындағы, ал ол болмаған кезде жүк тасу шығыстарының құнын қоса алғанда, "Бизнес" сыныбындағы әуе билетінің құны бойынша;

5) өзге қызметкерлерге - "Эконом" сыныбындағы әуе билетінің құны бойынша, ал ұшу ұзақтығы бес сағаттан асатын кезде (тікелей ұшу) "Эконом" сыныбының жақсартылған шағын сыныптары бойынша төленеді.

Ескерту. 12-тармақ жаңа редакцияда - ҚР Ұлттық Банкі Басқармасының 25.12.2023 № 109 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

13. Темір жол көлігімен жол жүру шығыстары мынадай мөлшерлерде:

1) мемлекеттік мекеменің бірінші басшысына, оның орынбасарларына, сондай-ақ Ұлттық Банктің инкассация бөлімінің инкассаторлар бригадасының құрамына кіретін, жұмыс берушінің жедел және (немесе) конфиденциалды сипаттағы өкімдерін орындау үшін іссапарға жіберілген қызметкерлеріне – нақты шығыстар бойынша;

2) өзге қызметкерлерге – бірінші сыныптағы вагондарды қоспағанда нақты шығыстар бойынша төленеді.

14. Автомобиль көлігімен (таксиді қоспағанда), сондай-ақ өзге көлікпен (су жолымен) жол жүру шығыстары мынадай мөлшерлерде:

1) мемлекеттік мекеменің бірінші басшысына және оның орынбасарларына – нақты шығыстар бойынша;

2) өзге қызметкерлерге – жергілікті жердегі жол жүру құны бойынша төленеді.

Ұлттық Банктің инкассация бөлімінің инкассаторлар бригадасының құрамына кіретін, жұмыс берушінің жедел және (немесе) конфиденциалды сипаттағы өкімдерін орындау үшін іссапарға жіберілген қызметкерлеріне инкассация қызметінің арнайы автомобильдерінің ақылы жолдар арқылы жол жүру құнының шығыстары қосымша төленеді.

Таксимен (көлік трансферін қоса алғанда) жүруге байланысты шығыстар қызметкерлерге нақты шығыстар бойынша қызмет көрсетушілер ұсынатын растаушы құжаттар негізінде төленеді.

15. Виза орталығының консулдық және сервистік алымы үшін, сондай-ақ комиссиялық алымдар, билеттерді брондау және сатып алу, халықаралық байланыс желілерін, Интернет желісін, поездардағы төсек керек-жарақтарын пайдалану үшін шығыстар қызметкерлерге нақты шығыстар бойынша қызмет көрсетушілер ұсынған растайтын құжаттар негізінде төленеді.

Қазақстан Республикасы Ұлттық Банкінің бюджет қаражаты (шығыстар сметасы) есебінен ұсталатын мемлекеттік мекемелер қызметкерлерінің қызметтік іссапарлары кезіндегі өтемақы төлемдерінің мөлшерлерін және тәртібін айқындау қағидаларына қосымша

Шетелде тәуліктік және қонақүй нөмірлерін жалдау бойынша шығыстардың нормалары

Р/с №	Мемлекет	Тәуліктік		Қонақүй нөмірлерінің жіктелуі
		АҚШ доллары	еуро	люкс		жартылай люкс		стандарт
				АҚШ доллары	еуро	АҚШ доллары	еуро	АҚШ доллары	еуро
1	2	3	4	5	6	7	8	9	10
1	Австрия Республикасы		80		435		320		230
2	Австралия одағы	90		400		300		250
3	Әзірбайжан Республикасы	80		250		200		150
4	Албания Республикасы	80		180		150		120
5	Алжир Халық Демократиялық Республикасы	80		150		120		100
6	Антигуа және Барбуда	80		180		150		120
7	Аргентина Республикасы	80		330		210		120
8	Египет Араб Республикасы	90		200		175		120
9	Барбадос	80		150		120		100
10	Белиз	80		150		120		100
11	Бермуд аралдары	80		150		120		100
12	Венесуэла Боливария Республикасы	80		260		210		110
13	Босния және Герцеговина		80		195		160		125
14	Венгрия		80		285		215		125
15	Уругвай Шығыс Республикасы	80		150		120		100
16	Люксембург Ұлы Герцогтігі		80		405		205		110
17	Габон Республикасы	80		150		120		100
18	Гвинея Республикасы	80		150		120		100
19	Гренада	80		150		120		100
20	Гибралтар	80		150		120		100
21	Бруней-Даруссалам Мемлекеті	90		180		140		120
22	Катар Мемлекеті	90		400		270		130
23	Израиль Мемлекеті	90		330		250		160
24	Кувейт Мемлекеті	90		330		240		150
25	Грузия	80		180		150		100
26	Грек Республикасы		80		285		230		185
27	Доминикан Республикасы	80		150		120		100
28	Сан-Томе және Принсипи Демократиялық Республикасы	80		150		120		100
29	Шри-Ланка Демократиялық Социалистік Республикасы	80		150		120		100
30	Конго Демократиялық Республикасы	80		150		120		100
31	Шығанақтағы аумақтар	80		150		120		100
32	Иордан Хашимит Корольдігі	80		180		140		120
33	Исландия		80		315		210		115
34	Иран Ислам Республикасы	80		250		180		130
35	Ирландия		80		405		250		165
36	Италия Республикасы		80		375		290		205
37	Йемен Республикасы	80		150		120		100
38	Ауғанстан Ислам Республикасы	80		150		120		100
39	Мавритания Ислам Республикасы	80		150		120		100
40	Пәкістан Ислам Республикасы	80		290		180		155
41	Дания Корольдігі		80		400		225		150
42	Андорра Князьдігі	80		150		120		100
43	Бахрейн Корольдігі	90		300		240		100
44	Бельгия Корольдігі		80		310		250		165
45	Гайана Кооперативтік Республикасы	80		150		120		100
46	Испания Корольдігі		80		330		250		205
47	Кайман аралдары	80		150		120		100
48	Камбоджа Корольдігі	80		150		120		100
49	Канада	100		300		285		150
50	Корей Халық Демократиялық Республикасы	80		450		250		150
51	Қытай Халық Республикасы	100		220		180		150
	Гонконг	100		220		180		150
	Макао	80		150		120		100
52	Қырғыз Республикасы	80		275		130		100
53	Лесото Корольдігі	80		150		120		100
54	Лихтенштейн Князьдігі		80		405		205		110
55	Монако Князьдігі		80		525		305		175
56	Марокко Корольдігі	80		230		200		180
57	Нидерланд Корольдігі		80		305		250		165
58	Норвегия Корольдігі		80		390		330		250
59	Сауд Арабия Корольдігі	90		400		180		130
60	Эсватини Корольдігі	80		150		120		100
61	Таиланд Корольдігі	90		300		240		130
62	Тонга Корольдігі	80		150		120		100
63	Швеция Корольдігі		80		530		355		200
64	Лаос Халық- Демократиялық Республикасы	80		150		120		100
65	Латвия Республикасы		80		175		130		85
66	Ливан Республикасы	80		260		150		100
67	Ливия	80		165		120		100
68	Литва Республикасы		80		165		125		100
69	Малави Республикасы	80		150		120		120
70	Мальдив Республикасы	80		150		120		100
71	Мексика Біріккен Штаттары	80		230		180		125
72	Малайзия	90		300		270		170
73	Моңғолия	80		150		120		100
74	Боливия Көпұлтты Мемлекеті	80		150		120		100
75	Жаңа Зеландия	80		300		240		150
76	Бангладеш Халық Республикасы	80		200		150		100
77	Тәуелсіз Папуа-Жаңа Гвинеясы мемлекеті	80		160		130		100
78	Тәуелсіз Самоа мемлекеті	80		150		120		100
79	Біріккен Араб Әмірліктері	90		460		220		160
80	Танзания Біріккен Республикасы	80		150		120		100
81	Португалия Республикасы		80		265		210		150
82	Пуэрто-Рико	80		150		120		100
83	Ангола Республикасы	80		180		150		120
84	Армения Республикасы	80		200		170		130
85	Беларусь Республикасы	80		315		120		100
86	Бенин Республикасы	80		150		120		100
87	Болгария Республикасы		80		380		200		130
88	Ботсвана Республикасы	80		150		120		100
89	Вануату Республикасы	80		150		120		100
90	Гаити Республикасы	80		150		120		100
91	Гамбия Республикасы	80		150		120		100
92	Гана Республикасы	80		150		120		100
93	Гватемала Республикасы	80		150		120		100
94	Джибути Республикасы	80		150		120		100
95	Гвинея-Бисау Республикасы	80		150		120		100
96	Буркино Фасо	80		150		120		100
97	Бурунди Республикасы	80		150		120		100
98	Гондурас Республикасы	80		150		120		100
99	Ирак Республикасы	80		180		140		110
100	Мадагаскар Республикасы	80		150		120		100
101	Замбия Республикасы	80		185		150		120
102	Зимбабве Республикасы	80		165		130		100
103	Үндістан Республикасы	80		300		250		150
104	Индонезия Республикасы	80		260		230		217
105	Кабо-Верде Республикасы	80		150		120		100
106	Камерун Республикасы	80		150		120		100
107	Кения Республикасы	80		185		150		120
108	Кипр Республикасы		80		265		210		150
109	Колумбия Республикасы	80		220		200		160
110	Конго Республикасы	80		150		120		100
111	Коста-Рика Республикасы	80		150		120		100
112	Кот-д'Ивуар Республикасы	80		150		120		100
113	Куба Республикасы	80		340		270		150
114	Корея Республикасы, Сеул қаласы	90		530		250		210
115	Либерия Республикасы	80		150		120		100
116	Маврикий Республикасы	80		150		120		100
117	Мали Республикасы	80		150		120		100
118	Солтүстік Македония Республикасы		80		190		165		115
119	Мальта Республикасы	80		230		180		120
120	Мозамбик Республикасы	80		180		130		100
121	Молдова Республикасы	80		190		150		100
122	Намибия Республикасы	80		150		120		100
123	Нигер Республикасы	80		175		140		120
124	Никарагуа Республикасы	80		150		120		100
125	Палау Республикасы	80		150		120		100
126	Панама Республикасы	80		150		120		100
127	Парагвай Республикасы	80		145		120		100
128	Перу Республикасы	80		245		200		140
129	Польша Республикасы		80		330		180		125
130	Мьянма Одағы Республикасы	80		150		120		100
131	Судан Республикасы	80		150		120		100
132	Эль-Сальвадор Республикасы	80		150		120		100
133	Сенегал Республикасы	80		150		120		100
134	Сингапур Республикасы	90		500		300		200
135	Словения Республикасы		80		195		165		125
136	Суринам Республикасы	80		150		120		100
137	Сьерра Леоне Республикасы	80		240		160		100
138	Тәжікстан Республикасы	80		170		130		100
139	Тринидад және Тобаго Республикасы	80		150		120		100
140	Уганда Республикасы	80		180		140		100
141	Өзбекстан Республикасы	80		315		180		100
142	Фиджи аралдары Республикасы	80		150		120		100
143	Сербия Республикасы		80		205		165		125
144	Экваториалдық Гвинея Республикасы	80		150		120		100
145	Филиппин Республикасы	90		280		220		150
146	Хорватия Республикасы		80		260		195		125
147	Чад Республикасы	80		150		120		100
148	Чили Республикасы	80		240		180		110
149	Эквадор Республикасы	80		150		120		100
150	Ресей Федерациясы	80		450		280		220
151	Руанда Республикасы	80		150		120		100
152	Румыния		80		280		185		130
153	Сан-Марино Республикасы	100		320		250		180
154	Сейшель аралдары	80		150		120		100
155	Сент-Люсия	80		150		120		100
156	Сирия Араб Республикасы	80		260		180		110
157	Словак Республикасы		80		190		165		125
158	Ұлыбритания және Солтүстік Ирландия Құрама Корольдігі		80 80		580 550		390 375		215 205
159	Багам Аралдары Достастығы	80		150		120		100
160	Соломон аралдары	80		120		110		100
161	Америка Құрама Штаттары	100		525		400		260
	Нью-Йорк қаласы	100		1200		1000		575
162	Вьетнам Социалистік Республикасы	80		200		150		100
163	Комар аралдары одағы	80		150		120		100
164	Оман Сұлтандығы	90		300		240		120
165	Черногория		80		205		165		125
166	Тайвань	80		150		120		100
167	Тоголез Республикасы	80		150		120		100
168	Тунис Республикасы	80		150		120		100
169	Түрікменстан	80		240		180		120
170	Түркия Республикасы	100		350		230		180
171	Украина	80		315		180		120
172	Бразилия Федеративтік Республикасы	80		330		210		150
173	Германия Федеративтік Республикасы		80		400		210		165
174	Непал Федеративтік Демократиялық Республикасы	80		150		120		100
175	Финляндия Республикасы		80		400		300		200
176	Француз Республикасы		80		415		290		230
177	Нигерия Федеративтік Республикасы	80		150		120		100
178	Сомали Федеративтік Республикасы	80		150		120		100
179	Эфиопия Федеративтік Демократиялық Республикасы	80		240		180		120
180	Чех Республикасы		80		255		210		125
181	Швейцария Конфедерациясы		80		415		290		230
182	Эстония Республикасы		80		330		175		125
183	Оңтүстік Африка Республикасы	80		190		160		100
184	Ямайка	80		180		150		120
185	Жапония	100		360		325		220