Үш құрамдасты интеграцияланған жүйеге және оны есепке алуға қойылатын талаптарды, оны орнату және қолдану қағидаларын бекіту туралы

Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2019 жылғы 2 қыркүйектегі № 953 бұйрығы. Қазақстан Республикасының Әділет министрлігінде 2019 жылғы 3 қыркүйекте № 19327 болып тіркелді.

Ескерту. Бұйрықтың тақырыбы жаңа редакцияда – ҚР Премьер-Министрінің Бірінші орынбасары – ҚР Қаржы министрінің 31.03.2020 № 338 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 1-бабы 1-тармағының 72-1) тармақшасына сәйкес БҰЙЫРАМЫН:

Ескерту. Кіріспе жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. Қоса беріліп отырған:

1) осы бұйрыққа 1-қосымшаға сәйкес Үш құрамдасты интеграцияланған жүйеге және оны есепке алуға қойылатын талаптар;

2) осы бұйрыққа 2-қосымшаға сәйкес Үш құрамдасты интеграцияланған жүйені орнату және қолдану қағидалары бекітілсін.

2. Қазақстан Республикасы Қаржы министрлігінің Мемлекеттік кірістер комитеті заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Премьер-Министрінің Бірінші Орынбасары- Қаржы министрі

А. Смаилов

КЕЛІСІЛДІ

Қазақстан Республикасының

Ұлттық Банкі

КЕЛІСІЛДІ

Қазақстан Республикасының

Ұлттық экономика министрлігі

КЕЛІСІЛДІ

Қазақстан Республикасының

Цифрлық даму, инновациялар жəне

аэроғарыш өнеркəсібі министрлігі

Қазақстан Республикасы Премьер-Министрінің Бірінші орынбасары – Қазақстан Республикасы Қаржы министрінің 2019 жылғы 2 қыркүйектегі № 953 бұйрығына 1-қосымша

Үш құрамдасты интеграцияланған жүйеге және оны есепке алуға қойылатын талаптар

Ескерту. Талаптар жаңа редакцияда – ҚР Премьер-Министрінің Бірінші орынбасары – ҚР Қаржы министрінің 31.03.2020 № 338 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-тарау. Жалпы ережелер

1. Осы Үш құрамдасты интеграцияланған жүйеге және оны есепке алуға қойылатын талаптар (бұдан әрі – Талаптар) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 1-бабы 1-тармағының 72-1) тармақшасына сәйкес әзірленді.

Ескерту. 1-тармақ жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

2. Осы Талаптарда пайдаланылатын ұғымдар:

1) қолма-қол ақшасыз төлемдерді қабылдауға арналған жүйелер (құрылғылар) - төлем карточкаларын қызмет көрсетуге қабылдауға арналған электрондық-механикалық құрылғылар, бір немесе әртүрлі банктерде қолма-қол ақшасыз төлем қатысушыларына қызмет көрсетуге қарамастан, бенефициардың пайдасына ақшаны жедел есептей отырып, пайдаланбай жедел төлемдерді жүзеге асыруды қамтамасыз ететін төлем ұйымдарының, банктердің веб-сервистері және мобильдік қосымшалары;

2) үш құрамдасты интеграцияланған жүйенің құқық иеленушісі – үш құрамдасты интеграцияланған жүйенінің (бұдан әрі – ҮИЖ) өндірушілері болып табылатын немесе ҮИЖ меншік, жалға алу құқығына тиесілі немесе ҮИЖ пайдаланушыларына сату немесе жалға беру үшін өзге де заңды негізге жеке немесе заңды тұлғалар;

3) ҮИЖ пайдаланушысы – ҮИЖ қызметін жүзеге асыру кезінде қолданатын салық төлеуші;

4) ҮИЖ бірыңғай тізілімі – салық салу мақсатында Қазақстан Республикасының аумағында қолдануға рұқсат етілген ҮИЖ моделдерінің тізбесі;

5) ҮИЖ интеграциялау технологиялары – серверлік аппараттық және бағдарламалық бөлігі, клиенттік бағдарламалық бөлігі бар техникалық шешімдер, бұл ретте клиенттік аппараттық бөлігі ҮИЖ пайдаланушысының жеке құрылғысымен ұсынылады;

6) ҮИЖ клиенттік модулі (ҮИЖ Орталық торабымен жұмыс бойынша модуль) – сату нүктесінің жұмысын және деректерді ҮИЖ Орталық торабына тұрақты үздіксіз беруді, оның ішінде ҮИЖ Орталық торабымен байланысты жоғалтқан кезде 72 (жетпіс екі) сағаттан артық емес кезеңге автономды жұмыс режимін (ол болған кезде) қамтамасыз ететін ҮИЖ аппараттық-бағдарламалық кешенінің бөлігі;

7) ҮИЖ орталық торабы – операцияларды өңдеуді және деректерді сақтауды, сыртқы жүйелермен өзара әрекеттесуді, автономды операцияларды (олар болған кезде) қабылдау мен өңдеуді және ҮИЖ деректерін сақтауды қамтамасыз ететін ҮИЖ аппараттық - бағдарламалық кешенінің бөлігі.

Ескерту. 2-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі); өзгеріс енгізілді - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

3. ҮИЖ бірыңғай тізілімін жүргізуді Қазақстан Республикасы Қаржы министрлігінің Мемлекеттік кірістер комитеті (бұдан әрі – Комитет) жүзеге асырады.

4. Ақпараттық серверлік бөлім (серверлік жабдық) және (немесе) ҮИЖ Орталық торабының жұмыс істеуін қамтамасыз ететін жұмыс станциялары Қазақстан Республикасының аумағында мамандандырылған үй-жайда (деректерді өңдеу орталығында) орналастырылады.

2-тарау. Үш құрамдасты интеграцияланған жүйеге қойылатын талаптар

1-параграф. Техникалық талаптар

5. Жүйені техникалық қамтамасыз ету ҮИЖ жұмыс істеуі үшін жеткілікті техникалық құралдардан тұрады. Техникалық қамтамасыз етудің құрамына ақпаратты жинау және дайындау құралдары, деректерді беру құралдары, ақпаратты өңдеу және шығару құралдары енеді.

6. Жүйенің бағдарламалық қамтамасыз етуі ҮИЖ функцияларын іске асыру үшін қажетті ҮИЖ Орталық торабынан және ҮИЖ Клиенттік модулінен, техникалық қамтамасыз етудің белгіленген жұмыс істеу режимінен және ҮИЖ болжамды дамуынан тұратын бағдарламаны (бағдарламалар жиынтығы) білдіреді.

Жалпы бағдарламалық қамтамасыз ету операциялық жүйелерді, қызметтік және стандартты бағдарламаларды қамтиды.

7. ҮИЖ жұмысы:

1) бақылау-касса машиналарының мемлекеттік тізіліміне енгізілген деректерді тіркеу және беру функциясы бар бір және (немесе) бірнеше бақылау-касса машинасынан тұратын (бұдан әрі – БКМ) бақылау құрамдасын;

2) қолма-қол ақшасыз төлемдерді қабылдауға арналған бір және (немесе) бірнеше жүйеден тұратын (құрылғы) ҮИЖ төлем құрамдасын;

3) ҮИЖ есепке алу құрамдасын (сауданың басқарылуын, қызметтер көрсетуді, жұмыстар орындауды және тауарларды есепке алуды автоматтандыруға арналған, сондай-ақ осы Талаптың 14-тармағының 1) тармақшасында көрсетілген функциялардың орындалуын қамтамасыз ететін бағдарлама) қамтитын аппараттық-бағдарламалық кешенді пайдалана отырып қамтамасыз етіледі.

Ескерту. 7-тармақ жаңа редакцияда - ҚР Қаржы министрінің 26.04.2021 № 395 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

8. ҮИЖ қойылатын жүйелік талаптар:

функционалдық үйлесімділік – осы Бұйрықта көзделген ақпараттық жүйелермен өзара әрекеттесуді және жұмыс істеуді қамтамасыз ету;

масштабтау – өңделетін ақпарат көлемінің және бір мезгілде жұмыс істейтін пайдаланушылар санының өсуіне қарай жүйенің өнімділігін ұлғайту мүмкіндігін қамтамасыз ету;

кеңею – пайдаланушылардың ерекше қажеттіліктеріне сәйкес бастапқыда қабылданған даму тұжырымдамасы мен технологиялық базаның шеңберінен шықпастан, жүйенің функциясын арттыру мүмкіндігін қамтамасыз ету.

9. ҮИЖ:

1) қолма-қол ақшасыз төлемдерді қолма-қол ақшасыз төлемдерді қабылдауға арналған жүйелер (немесе құрылғылар) арқылы қабылдауды;

2) Қазақстан Республикасының фискалдық деректер операторына (бұдан әрі – ФДО) деректерді берудің хаттамасы бойынша қосуды және ҮИЖ бөлігі болып табылатын БКМ арқылы тауарларды, жұмыстарды, көрсетілетін қызметтерді өткізу кезінде салық төлеуші жүзеге асыратын ақшалай есеп айырысулар туралы мәліметтерді Қазақстан Республикасының фискалдық деректер операторына беруді;

3) Салық кодексінің 412-бабына сәйкес Комитеттің "Электрондық шот-фактуралар" (бұдан әрі – ЭШФ) ақпараттық жүйесінде (бұдан әрі – АЖ) тіркеуге жататын құжаттарды, оларды ЭШФ АЖ-де тіркеуге беруді, сондай-ақ виртуалды қоймаларды қалыптастыру мақсатында "Виртуалды қойма" модулінің бизнес-процестерін іске асыруды, тауарларға ілеспе жүкқұжаттарын (бұдан әрі – ТІЖ), ТІЖ негізінде электрондық шот-фактураны қалыптастыру;

4) осы Талаптарға сәйкес операцияларды немесе оқиғаларды ресімдеу үшін қолданылатын ҮИЖ-де құжаттарды қалыптастыруды;

5) енгізілетін деректердің толықтығын бақылауды (функциялар немесе операциялар барлық ашық жолдарды толық толтырмай орындалған жағдайда, жүйе пайдаланушыны тиісті хабарламамен хабардар етеді);

6) қоймалық және сауда жабдығымен жұмыс істеу және принтер мен штрих-код сканерін қолдау мүмкіндігін;

7) ҮИЖ-де есепке алуды жүргізу бухгалтерлік есепке алу шоттарын қолданумен және (немесе) қолданбай жүзеге асырылуын;

8) ҮИЖ пайдаланушылар үшін қажетті қосымша сервистерді іске асыруды қамтамасыз етеді. ҮИЖ-нің жұмыс істеу шартттары өзгерген жағдайда ҮИЖ-нің осы Қағидалардың 3-тарауында айқындалған техникалық талаптарға сәйкестігін белгілеу талап етіледі.

Ескерту. 9-тармақ жаңа редакцияда - ҚР Қаржы министрінің 26.04.2021 № 395 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

2-параграф. ҮИЖ жұмыс істеу режимдеріне және сәулетіне қойылатын талаптар

10. ҮИЖ жұмыс істеуі:

1) фискалдық режимде (онлайн және автономды (ол болған кезде)) БКМ есебінен жүзеге асырылады;

2) автономды режимде (ол болған кезде), мынадай:

ҮИЖ-дің ҮИЖ Орталық торабымен байланысты жоғалтқан;

ҮИЖ Орталық торабына қосылған кезде 3 (үш) секундтан астам кідірген жағдайларда. ҮИЖ сұрау салуы мен ҮИЖ Орталық торабынан жауап алу арасындағы уақыт аралығы кідіріс болып табылады.

Ескерту. 10-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

11. ҮИЖ аппараттық-бағдарламалық кешені:

1) ҮИЖ Орталық торабынан;

2) ҮИЖ Клиенттік модулінен (ҮИЖ Орталық торабымен жұмыс бойынша модуль) тұрады.

12. ҮИЖ Орталық торабына қойылатын талаптар:

1) бағдарламалық құрауыш ҮИЖ құқық иеленушісіне тиесілі серверлік жабдықта орналасады;

2) серверлік жабдық кемінде екі серверден тұрады: негізгі және резервтік. Резервтік серверде негізгі серверден кем емес өнімділік параметрлері бар;

3) серверлік жабдық Қазақстан Республикасының аумағында деректерді өңдеудің мамандандырылған орталықтарында (бұдан әрі – ДӨО) орналастырылады. Негізгі және резервтік серверлер бір-бірінен географиялық алыс орналастырылады;

4) деректерді қарау және пайдалану үшін ҮИЖ пайдаланушысына қолжетімділік есептік жазба арқылы беріледі;

5) ҮИЖ-бен жұмыс істеу кезінде функцияларға қолжетімділік пайдаланушының есептік жазбасы бойынша рөлдер бойынша немесе жеке пайдалану құқықтарын теру бойынша шектеледі.

13. ҮИЖ Клиенттік модуліне (ҮИЖ Орталық торабымен жұмыс бойынша модуль) қойылатын талаптар:

1) ҮИЖ пайдаланушылық интерфейсін мемлекеттік және орыс тілдерінде іске асыру;

2) пайдаланушының талабы бойынша тілді ауыстыру функциясының болуы;

3) пайдаланушының талабы бойынша құжаттардың баспа нысандары үшін тілді ауыстыру функциясының болуы;

4) қандай да бір операцияны орындау мүмкін болмаған жағдайда, тиісті хабарламамен операцияны орындау мүмкін еместігі туралы ҮИЖ пайдаланушысын хабардар ету.

14. ҮИЖ мынадай құрамдастарды:

1) мынадай функционалдық модульдерден тұратын есепке алу құрамдасын:

қоймалық есепке алу модулін (тауарлық-материалдық қорлардың (бұдан әрі – ТМҚ) қозғалысы);

кірістер мен ақша қаражатының қозғалысын есепке алу модулін;

жалақы және персоналды басқару модулін (бұдан әрі – ЖПБ);

салықтық есепке алу және тіркелімдер модулін;

интеграция модулін;

ҮИЖ Орталық торабымен жұмыс бойынша модулін;

АБК сервері мен ҮИЖ клиенттік бөлігі арасында байланыс болмаған кезде тауар чектерін беру бойынша модулін;

2) төлем карточкаларын қызмет көрсетуге қабылдауға арналған бір және (немесе) бірнеше электрондық-механикалық құрылғылармен, бір немесе әртүрлі банктерде төлем қатысушыларына қызмет көрсетуге қарамастан, бенефициардың пайдасына төлемдерді жедел есептей отырып, төлем карточкаларын пайдаланбай жедел төлемдерді жүзеге асыруды қамтамасыз ететін төлем ұйымдарының, банктердің веб-сервистері және (немесе) мобильдік қосымшаларымен өзара әрекеттесуді қамтамасыз ететін модульден тұратын төлем құрамдасын;

3) мынадай функционалдық модульдерден тұратын, "Бақылау-касса машиналарын қолданудың кейбір мәселелері туралы" Қазақстан Республикасы Қаржы министрінің 2018 жылғы 16 ақпандағы № 208 (Нормативтік құқықтық актілерді мемлекеттік тіркеу тізілімінде № 16508 болып тіркелді) бұйрығымен бекітілген БКМ-ге қойылатын техникалық талаптарға, сондай-ақ "Акциздік және есепке алу-бақылау маркаларын алу, есепке алу, сақтау, беру және импорттаушылардың Қазақстан Республикасына алкоголь өнімін импорттау кезінде есепке алу-бақылау маркаларын нысаналы пайдалану туралы міндеттемесін, есебін ұсыну, сондай-ақ осындай міндеттемені есепке алу қағидаларын және қамтамасыз ету мөлшерін бекіту туралы" Қазақстан Республикасы Қаржы министрінің 2018 жылғы 8 ақпандағы № 144 (Нормативтік құқықтық актілерді мемлекеттік тіркеу тізілімінде № 16437 болып тіркелді) бұйрығымен бекітілген акциздік және есепке алу-бақылау маркаларын алу, есепке алу, сақтау, беру қағидаларына сәйкес бақылау құрамдасын:

ФДО серверіне деректерді беру және фискалдау модулін;

акцизделетін тауарларды бақылау модулін;

тауарлардың, жұмыстардың, көрсетілетін қызметтердің электрондық паспорттары базасымен интеграциялауды пайдалану арқылы кодтарды верификациялау модулін қамтиды.

Ескерту. 14-тармақ жаңа редакцияда - ҚР Қаржы министрінің 26.04.2021 № 395 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

15. ҮИЖ есепке алу құрамдасының қоймалық есепке алу (ТМЗ қозғалысы) модулі:

1) сандық және құндық мәнде ТМЗ қозғалысын (кіріске алуды, есептен шығаруды, өткізуді, сатуды, сату мен сатып алуды қайтаруды, түгендеуді) жүзеге асырады;

2) бір немесе бірнеше қоймаларда ТМЗ қозғалысын қамтамасыз етеді;

3) қоймаларды басқару функциялары бар (құру, редакциялау, жою);

4) қалдықтарды есепке алу функционалы бар;

5) тауар қозғалысын қарау функционалы бар;

6) ТМЗ қозғалысының барлық операциялары тиісті құжатты қалыптастырумен аяқталады;

7) Қазақстан Республикасының заңнамасымен белгіленген жағдайларда, сату және сатуды қайтару ҮИЖ құрамында пайдаланылатын БКМ арқылы фискалдандырумен жүзеге асырылады;

8) пайдаланушының сұрау салуы бойынша ТМЗ қозғалысының осы операциясы үшін қоймада тауардың қажетті саны болмаған кезде ТМЗ қозғалысын бұғаттайды;

9) фискализацияға есепке алу құрамдастан берілген ТМЗ қозғалысын фискализациялауды ҮИЖ (БКМ) бақылау құрамдасында фискалдық белгі операциясын беру және фискалдық белгі мен фискалдау күнін бір транзакция шеңберінде есепке алу құрамдасқа қайта беру жолымен жүзеге асырады;

10) есепке алу құрамдаста ТМЗ қозғалысы операциясы кезінде берілген фискалдық белгіні сақтайды не автономды режимде (ол болған кезде) ҮИЖ жұмысы кезінде ҮИЖ Орталық торабымен жұмыс бойынша модульден ҮИЖ Орталық торабына береді;

11) ҮИЖ (БКМ) бақылау құрамдасынан алынған фискалдық белгі берілген құжаттар мен операцияларды түзетуге және жоюға тыйым салады;

12) егер ҮИЖ (БКМ) бақылау құрамдасы операцияны орындау, БКМ ажырату, БКМ істен шығу не БКМ 24 (жиырма төрт) сағаттан артық ашық ауысым асқанда немесе БКМ автономды режимде (ол болған кезде) 72 (жетпіс екі) сағаттан артық болғанда БКМ қолжетімсіздігі себебінен осы операцияны фискалдандырмаған жағдайда, Қазақстан Республикасының заңнамасына сәйкес оларға БКМ қолдану талап етілетін ТМЗ қозғалысы операцияларын бұғаттайды;

13) қолма-қол ақшасыз тәсілмен төлеу түрін көрсете отырып, сату операцияларын орындау кезінде ҮИЖ төлем құрамдасын пайдаланумен операцияны аяқтау мүмкіндігін қамтамасыз етеді.

Ескерту. 15-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

16. ҮИЖ есепке алу құрамдасының кірістері мен ақша қаражатының қозғалысын есепке алу модулі:

1) операциялық, инвестициялық және қаржылық қызметтен ақша қозғалысын есепке алуды жүргізуді қамтамасыз етеді;

2) банк шоттары бойынша түсімдер мен төлемдерді тіркеу және есепке алуды жүргізу үшін функционалы бар;

3) ұйым кірістерінің есепке алуын жүргізуді қамтамасыз етеді.

17. ҮИЖ есепке алу құрамдасының ЖПБ модулі мынадай функциялар арқылы қызметкерлердің есепке алуын жүргізуді және олардың еңбекақысын төлеуді қамтамасыз етеді:

1) жұмысқа қабылдау;

2) демалыстарды есепке алу;

3) салықты және бюджетке төленетін басқа да міндетті төлемдерді есептеуге әсер ететін әлеуметтік мәртебелерді есепке алу;

4) жалақыны есептеу және беру.

18. ҮИЖ есепке алу құрамдасының салықтық есепке алу және тіркелімдер модулі:

1) салық міндеттемелері мен әлеуметтік төлемдер бойынша есеп айырысудың жүргізілуін қамтамасыз етеді;

2) мынадай салық тіркелімдерін қалыптастыруды қамтамасыз етеді:

сатып алынған тауарларды, жұмыстар мен қызметтерді есепке алу бойынша;

кірістерді, оның ішінде қолма-қол ақшасыз есеп айырысу жолымен алынған кірістерді есепке алу бойынша;

төлем көзінен салық салынуға жататын жеке тұлғалардың кірістерінен жеке табыс салығы, сондай-ақ әлеуметтік салық пен әлеуметтік төлемдер салынатын объектілерді есепке алу бойынша.

19. ҮИЖ есепке алу құрамдасының интеграция модулі:

1) "Салық есептілігі нысандарын және оларды жасау қағидаларын бекіту туралы" Қазақстан Республикасы Премьер-Министрінің Бірінші орынбасары - Қаржы министрінің 2020 жылғы 20 қаңтардағы № 39 бұйрығымен (Нормативтік құқықтық актілерді мемлекеттік тіркеу тізілімінде № 19897 болып тіркелді) бекітілген 910.00 "Шағын бизнес субъектілері үшін оңайлатылған декларация" нысаны бойынша салық есептілігін қалыптастыруды қамтамасыз етеді;

2) қалыптасқан салық есептілігін Комитеттің "Салық есептілігін өңдеу жүйесі" АЖ-ге беру жолымен салық есептілігінің тапсыруын қамтамасыз етеді;

3) Комитеттің "Орталықтандырылған біріздендірілген дербес шот" АЖ-ден төлеуге салынатын салықтар сомасын қалыптастыру үшін есептелген және төленген салықтар бойынша деректерді алу мүмкіндігін қамтамасыз етеді;

4) "Ұлттық ақпараттық технологиялар" Акционерлік қоғамының "Есепке алу-бақылау таңбаларды, акциздік таңбаларды және Қазақстан Республикасы Ұлттық Банкінің Банкнот фабрикасы республикалық мемлекеттік кәсіпорынының басқа баспа өнімдерін бақылау, есептеу және беру" АЖ-ден есепке алу-бақылау маркалары, акциздік маркалар бойынша деректерді алу мүмкіндігін қамтамасыз етеді;

5) Комитеттің ЭШФ АЖ-бен өзара әрекеттесу мүмкіндігін қамтамасыз етеді;

6) тауарлар, жұмыстар, қызметтер паспорттарының электрондық базасымен өзара әрекеттесуді қамтамасыз етеді.

Тауарлар, жұмыстар, қызметтер паспорттарының электрондық базасы интеграциялауға дайын болмаған жағдайда, тауардың, жұмыстар мен қызметтердің атауын қолмен енгізу функциясын көздейді;

7) принтермен және штрих-код сканерімен жұмысты қамтамасыз етеді.

Ескерту. 19-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

20. ҮИЖ есепке алу құрамдасының ҮИЖ Орталық торабымен жұмыс бойынша модулі:

1) ҮИЖ Орталық торабымен байланыс 3 (үш) секундтан астам уақыт болмаған кезде ҮИЖ Орталық торабына қолжетімділіктің жоқтығын анықтайды;

2) ҮИЖ Орталық торабына қолжетімділік болмаған кезде автономды жұмыс режиміне (ол болған кезде) өтеді;

3) ҮИЖ Орталық торабымен жұмыс бойынша модульде ақпаратты және деректерді сақтау және қорғауды қамтамасыз ететін мынадай тетіктерді қолдану есебінен санкцияланбаған өзгертуден, жоғалудан және (немесе) зақымданудан автономды режимде (ол болған кезде) жұмыс кезеңінде жинақталған ақпаратты және деректерді сақтауды және қорғауды жүзеге асыру бойынша бағдарламалық функциялары бар:

ҮИЖ Орталық торабымен жұмыс бойынша модульдің жергілікті қоймасының деректерін санкцияланбаған тазалаудан, өзгертуден немесе жоюдан;

пайдаланушының бөлінген есептік жазбасы арқылы ҮИЖ Орталық торабымен жұмыс бойынша модульдің деректеріне қосуды ұйымдастыру есебінен сыртқы көздерден алынған деректерге санкцияланбаған қол жеткізуден (ҮИЖ Орталық торабын қоспағанда);

ҮИЖ Орталық торабымен жұмыс бойынша модульдің бағдарламалық қамтамасыз етілуін санкцияланбаған өзгертуден;

4) ҮИЖ Орталық торабына ҮИЖ Орталық торабымен байланысты қалпына келтіру кезінде байланыс болмаған кезеңде жергілікті қоймада сақталған барлық операцияларды береді;

5) 72 (жетпіс екі) сағаттан астам ҮИЖ Орталық торабымен байланыстың болмауы себебінен ҮИЖ-да операцияларды орындауды бұғаттау туралы ҮИЖ пайдаланушысын хабардар етеді.

Ескерту. 20-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

21. ҮИЖ төлем құрамдасының қолма-қол ақшасыз төлемдерді қабылдау модулі:

1) нақты уақыт режимінде ҮИЖ пайдаланушысының төлем қызметтерін жеткізушіге төлемдердің беруін қамтамасыз етеді;

2) төлем карточкаларын пайдаланумен төлемдердің қабылдауын және (немесе) төлем карточкаларын пайдаланбай жедел төлемдерді жүзеге асыруды қамтамасыз ететін банктердің мобильді қосымшаларымен немесе веб-сервистерімен өзара әрекеттесуді қамтамасыз етеді.

22. ҮИЖ бақылау құрамдасының ФДО - ға (БКМ) деректерді беру және фискалдау модулі:

1) операцияны фискалдау кезінде есепке алу құрамдастан тауарлардың, жұмыстар мен қызметтердің кодтарын алады;

2) есепке алу құрамдастан алынған тауарлардың, жұмыстардың, қызметтердің кодтарын оларға берілген фискалдық белгісімен сақтайды;

3) фискальдандырылған операциялар туралы деректерді есепке алу құрамдасқа беруді қамтамасыз етеді;

4) фискалдау күні мен уақытын және фискалдау операциясының бірегей белгісін көрсете отырып, фискалдық белгіні есепке алу құрамдасқа беру арқылы фискалдау операциясының аяқталуын қамтамасыз етеді.

23. ҮИЖ бақылау құрамдамасының акцизделетін тауарларды бақылау модулі:

1) есепке алу құрамдастан алкоголь өнімінің есепке алу-бақылау маркаларының деректерін алады;

2) акциздік марканы тексереді және жүйенің пайдаланушысына верификация нәтижесін хабарлайды;

3) есепке алу құрамдастан алынған маркаларды олардың мәртебесімен сақтайды;

4) есепке алу құрамдастан алынған акциздік таңбалар туралы деректерді және оларды тексеру нәтижесін сақтайды;

5) тексеру нәтижелері туралы деректерді есепке алу құрамдасқа береді.

24. ҮИЖ бақылау құрамдасының тауарлардың, жұмыстардың, қызметтердің электрондық паспорттары базасымен интеграциялауды пайдалану арқылы кодтарды верификациялау модулі:

1) тауарлар, жұмыстар, қызметтер паспорттарының электрондық базасын алады;

2) тауарлардың, жұмыстардың, қызметтердің электрондық паспорттарының базасын сақтайды және тауарлардың, жұмыстардың, қызметтердің кодтарын онлайн және автономды режимде (ол болған кезде) верификациялауды жүзеге асырады.

Ескерту. 24-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

3-параграф. Сенімділікке, қауіпсіздікке және деректердің сақталуына қойылатын талаптар

25. ҮИЖ:

1) ақпараттың сенімді сақталуын, ақпаратты жоғалудан, ұрлаудан, бұрмалаудан, қолдан жасаудан, санкцияланбаған қол жеткізуден және оны тарату, бұғаттау, жою, түрлендіру, көшіру және өзге де заңсыз іс-әрекеттерден қорғауды және электрондық мұрағаттар мен деректер базаларында ақпараттың толық сақталуын:

кез келген уақытта бағдарламалық қамтамасыз етудің кез келген учаскесіндегі электрмен қоректендіруді толық немесе ішінара ажыратқанда;

желілер, телекоммуникациялар апатында, деректер алмасу операцияларын орындаудың кез келген кезеңіндегі орнатылған физикалық және виртуалды байланыстар ажырағанда;

бағдарламалық қамтамасыз етудің ақпаратына санкцияланбаған қол жеткізуге әрекеттенгенде қамтамасыз етеді;

2) деректер базасының резервтік көшірмесін және транзакциялардың жүйелік журналын күнделікті автоматты түрде сақтауды қамтамасыз етеді;

3) онлайн режимде ҮИЖ Орталық торабында салық салуға әсер ететін есепке алу құрамдас операциясының орындалуын қамтамасыз етеді;

4) автономды режимде (ол болған кезде) есепке алу құрамдас операцияларын орындауға жауап беретін ҮИЖ Орталық торабымен (ҮИЖ Клиенттік модулімен) жұмыс бойынша модульді пайдаланады;

5) ҮИЖ Орталық торабымен және ҮИЖ Орталық торабымен жұмыс бойынша модульдің байланысын қалпына келтіру кезінде салық салуға әсер ететін (тауарларды сату, жалақыны есептеу) автономды операцияларды (ол болған кезде) оған кейіннен барлық операцияларды орындаумен беруді қамтамасыз етеді;

6) ҮИЖ Орталық торабымен байланыс жоғалған кезде ҮИЖ Клиенттік модулінде ҮИЖ деректерінің жинақталуын және сақталуын қамтамасыз етеді;

7) "Ақпараттандыру туралы" 2015 жылғы 24 қарашадағы Қазақстан Республикасының Заңына (бұдан әрі – Ақпараттандыру туралы заң) сәйкес ақпараттық қауіпсіздік талаптарына сәйкестігін қамтамасыз етеді.

Ескерту. 25-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

3-тарау. Үш құрамдасты интеграцияланған жүйені есепке алуға қойылатын талаптар

26. ҮИЖ есепке алуын Комитет модельдерді ҮИЖ Бірыңғай тізіліміне (бұдан әрі – Бірыңғай тізілім) енгізу жолымен жүзеге асырады және мынадай іс-әрекеттерді көздейді:

1) салық төлеуші ретінде тіркеу есебінде тұрған ҮИЖ құқық иеленушісі ҮИЖ эталондық үлгісін, сондай-ақ қағаз тасымалдағышта және электрондық форматта мынадай құжаттарды:

осы Талаптарға қосымшаға сәйкес нысан бойынша Бірыңғай тізілімге (тізілімнен) ҮИЖ моделін енгізу, өзгерту, алып тастау туралы өтінішті;

өндірушінің паспорты, техникалық құжаттамасы және пайдалану жөніндегі нұсқаулықты: бір және (немесе) бірнеше БКМ, қолма-қол ақшасыз төлемдерді қабылдауға арналған бір және (немесе) бірнеше жүйеден, сондай-ақ ҮИЖ есепке алу құрамдасынан тұратын интеграцияланған жүйе;

ҮИЖ құқығының болуын растайтын құжатты;

ақпарттық қауіпсіздік талаптарына сәйкестікке сынақтардың нәтижелері бойынша актіні ұсынады.

Бұл ретте, ҮИЖ эталондық үлгісіне БКМ жаңа моделін және (немесе) модельдерін, және (немесе) бұрында ҮИЖ модельдерінің Бірыңғай тізіліміне енгізілген, ҮИЖ қолма-қол ақшасыз төлемдерді қабылдау үшін жүйені (құрылғы) және (немесе) жүйелерді (құрылғыларды) қосқан кезде, ақпараттық қауіпсіздік талаптарына сәйкестікке сынақ нәтижелері бойынша акті талап етілмейді.

2) тиісті өкілеттіктер жүктелген Комитеттің лауазымды адамы ҮИЖ эталондық үлгісін және осы тармақтың 1) тармақшасында көзделген құжаттарды ұсынған күннен бастап 3 (үш) жұмыс күні ішінде:

мыналарды:

өтініште көрсетілген мәліметтердің ұсынылған құжаттарға сәйкестігін;

бақылау-касса машиналардың мемлекеттік тізілімінде БКМ моделінің және (немесе) моделдерінің болуын тексереді;

Комитет жанындағы Сараптамалық кеңеске ҮИЖ эталондық үлгісін және осы тармақтың 1) тармақшасында көзделген құжаттарды береді;

3) Комитет жанындағы Сараптамалық кеңес Комитеттің лауазымды адамы ҮИЖ эталондық үлгісін және осы тармақтың 1) тармақшасында көзделген құжаттарды ұсынған күннен бастап 15 (он бес) жұмыс күні ішінде:

ҮИЖ эталондық үлгісінің және техникалық құжаттаманың осы Талаптарға сәйкестігі тұрғысында сараптама жүргізеді;

сараптама нәтижелері бойынша ҮИЖ Бірыңғай тізілімге енгізу немесе бас тарту туралы хаттамалық шешім шығарады;

ҮИЖ моделін Бірыңғай тізілімге енгізеді.

Ескерту. 26-тармақ жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

27. Бірыңғай тізілімге енгізу кезінде ҮИЖ моделінің техникалық талаптарға сәйкестігін Сараптамалық кеңес ҮИЖ моделін Бірыңғай тізілімге енгізуге бастамашылық еткен тұлға өкілдерінің қатысуымен ҮИЖ эталондық үлгісін сынау (тестілеу) жолымен айқындайды.

ҮИЖ техникалық талаптарға сәйкестігін белгілеу үшін Сараптамалық кеңес өзге мемлекеттік органдардан сарапшылардың тиісті құзыреті болмаған кезде басқа тұлғалардың (ҮИЖ Бірыңғай тізілімге енгізуге бастамашылық еткен адамдармен байланысты адамдарды қоспағанда) қатарынан тартады.

27-1. ҮИЖ құқық иесі бұрын ҮИЖ моделінің Бірыңғай тізілімге енгізілген ҮИЖ қолма-қол ақшасыз төлемдерді қабылдауы үшін, БКМ жаңа модельін және (немесе) модельін, және (немесе) жүйелерді (құрылғыларды) және (немесе) жүйені (құрылғыны) қосу жолымен ҮИЖ эталондық үлгісі өзгерген кезінде осы Талаптарға қосымшаға сәйкес нысан бойынша ҮИЖ моделін Бірыңғай тізілімге (тізілімнен) енгізу, өзгерту, алып тастау туралы өтініш ұсынады.

Ескерту. Талаптар 27-1-тармақпен толықтырылды - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

28. ҮИЖ құқық иеленуші Бірыңғай тізілімнен ҮИЖ моделін алып тастаған кезде осы Талаптарға қосымшаға сәйкес нысан бойынша Бірыңғай тізілімге (тізілімнен) ҮИЖ моделін енгізу, өзгерту, алып тастау туралы өтінішті ұсынады.

Құжаттамада көрсетілген және Бірыңғай тізілімге енгізу кезінде Комитетке ұсынылған ҮИЖ моделінің осы Талаптарға сәйкес келмеуі анықталған кезде, Комитет Cараптамалық кеңестің хаттама түрінде ресімделген Бірыңғай тізілімнен ҮИЖ моделін алып тастау туралы шешім негізінде Бірыңғай тізілімнен ҮИЖ моделін алып тастауды жүргізеді.

Ескерту. 28-тармақ жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

29. Сараптамалық кеңестің ережесін және құрамын Комитет айқындайды.

30. Бірыңғай тізілім Комитеттің сайтында орналастырылады.

Үш құрамдасты интеграцияланған жүйеге және оны есепке алуға қойылатын талаптарға қосымша

Үш құрамдасты интеграцияланған жүйе моделін (бұдан әрі – ҮИЖ) Бірыңғай тізілімге (тізілімнен) енгізу, өзгерту, алып тастау туралы өтініш

Ескерту. Қосымша жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. ҮИЖ құқық иеленушінің атауы __________________________________

2. Жеке/бизнес-сәйкестендіру нөмірі (ЖСН/БСН)_____________________

3. Өтінішті беру себебі (тиісті ұяшықта "X" көрсетіңіз):

енгізу ☐ өзгерту ☐ алып тастау ☐

4. ҮИЖ құқық иеленушісінің орналасқан жері:

мекенжайдың тіркеу коды: ☐☐☐☐☐☐☐☐☐☐☐☐☐☐☐☐

облысы:________________________________________________________

республикалық/ облыстық маңызы бар қала: _________________________

_______________________________________________________________

ауданы: ________________________________________________________

аудандық маңызы бар қала/кент/ауыл: ______________________________

_______________________________________________________________

елді мекеннің бір бөлігі (көше, даңғыл, шағын аудан): _________________

______________________________________________

_______________________________________________________________

үйдің нөмірі: _____________ үй-жайдың нөмірі _____________

5. ҮИЖ атауы ___________________________________________________

_______________________________________________________________

6. ҮИЖ құрамдастарының атауы:

1) бақылау құрамдасы (деректерді тіркеу және беру функциясы бар

бақылау-касса машинасы және (немесе) бақылау-касса машиналарының

мемлекеттік тізіліміне енгізілген, деректерді тіркеу және беру функциясы

бар бақылау-касса машинасы)

1. _____________________________________________________________

2. _____________________________________________________________

3. _____________________________________________________________

4. _____________________________________________________________

5. _____________________________________________________________

2) ҮИЖ төлем құрамдасы (қолма-қол ақшасыз төлемдерді қабылдау үшін

жүйе (құрылғы) және (немесе) жүйелер (құрылғылар)

1. _____________________________________________________________

2. _____________________________________________________________

3. _____________________________________________________________

4. _____________________________________________________________

5. _____________________________________________________________

3) ҮИЖ есепке алу құрамдасы (сауданың басқарылуын, қызметтер көрсетуді,

жұмыстар орындауды және тауарларды есепке алуды автоматтандыруға

арналған, сондай-ақ осы Талаптың 14-тармағының 1) тармақшасында

көрсетілген функциялардың орындалуын қамтамасыз ететін бағдарлама)

_______________________________________________________________

7. ҮИЖ құқық иеленуге рұқсатты растайтын құжаттың нөмірі мен күні

_______________________________________________________________

8. Нұсқасы _______________

9. Мен, _________________________________________________________

өтініште көрсетілген деректердің ресми болып табылатынын және барлық

қоса беріліп отырған құжаттардың жарамды екенін растаймын.

__________ парақ қоса беріледі.

ҮИЖ құқық иеленушісі _________________________________ ______

тегі, аты, әкесінің аты (ол болған кезде) (қолы)

Берілген күні: 20__ жылғы "___" ____________

Қазақстан Республикасы Премьер-Министрінің Бірінші орынбасары – Қазақстан Республикасы Қаржы министрінің 2019 жылғы 2 қыркүйектегі № 953 бұйрығына 2-қосымша

Үш құрамдасты интеграцияланған жүйені орнату және қолдану қағидалары

1-тарау. Жалпы ережелер

1. Осы Үш құрамдасты интеграцияланған жүйені орнату және қолдану қағидалары (бұдан әрі – Қағидалар) "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 1-бабы 1-тармағының 72-1) тармақшасына сәйкес әзірленді.

Ескерту. 1-тармақ жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

2. Осы Қағидалардың күші оңайлатылған декларация негізінде арнайы салық режимін қолданатын жеке кәсіпкерлерге – үш құрамдасты интеграцияланған жүйенің (бұдан әрі – ҮИЖ) пайдаланушыларына қолданылады.

Ескерту. 2-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

2-тарау. Үш құрамдасты интеграцияланған жүйені орнату және қолдану тәртібі

3. ҮИЖ орнату өндірушімен өнімге техникалық құжаттамаларда көрсетілген орнату және жүйені іске қосу тәртібіне сәйкес жүзеге асырылады.

4. ҮИЖ сауда, қызмет көрсету, жұмыстарды орындау процесін есепке алу үшін және тауарларды есепке алу үшін ҮИЖ пайдаланушының барлық кәсіпкерлік қызмет объектілері бойынша салықтық мақсатта қолданылады.

5. ҮИЖ пайдаланушыларға ҮИЖ пайдалануды қамтамасыз ету үшін ҮИЖ техникалық құжаттамасын басшылыққа алу қажет.

6. Кәсіпкерлік қызметті жүзеге асыру кезінде пайдаланылатын ҮИЖ мемлекеттік кірістер органдарында салық төлеушінің орналасқан жері бойынша тіркелуге жатады.

Ескерту. 6-тармақ жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

7. Пайдаланушы ҮИЖ-де тіркелу үшін мемлекеттік кірістер органдарына осы Қағидаларға 1-қосымшаға сәйкес белгіленген нысандағы өтінішті (бұдан әрі – Өтініш) ұсынады.

Ескерту. 7-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

8. ҮИЖ-де тіркеуді мемлекеттік кірістер органдары Өтінішті ұсынған күннен бастап үш жұмыс күні ішінде жүзеге асырады.

Нәтижесі бойынша осы Қағидаларға 2-қосымшаға сәйкес белгіленген нысан бойынша ҮИЖ тіркеу карточкасы беріледі.

Ескерту. 8-тармақ жаңа редакцияда - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

9. ҮИЖ пайдаланушылары осы бұйрықпен бекітілген Үш құрамдасты интеграцияланған жүйеге және оны есепке алуға қойылатын талаптарға сәйкес есепке алуды жүргізуді қамтамасыз етуге, сондай-ақ:

жазбаларды бастапқы құжаттардың түпнұсқаларымен бекітуді және барлық операциялар мен оқиғалардың жазбаларында көрсетуді;

операциялар мен оқиғаларды хронологиялық және уақтылы тіркеуді қамтамасыз етеді.

Ескерту. 9-тармақ жаңа редакцияда – ҚР Премьер-Министрінің Бірінші орынбасары – ҚР Қаржы министрінің 31.03.2020 № 338 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

Үш құрамдасты интеграцияланған жүйені орнату және қолдану қағидаларына 1-қосымша

Үш құрамдасты интеграцияланған жүйені (бұдан әрі – ҮИЖ) тіркеу, өзгерту және шығару туралы өтініш

Ескерту. 1-қосымша жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. ҮИЖ пайдаланушының атауы және (немесе) тегі, аты, әкесінің аты

(ол болған кезде) __________________________________________________

______________________________________________________________

2. Жеке/бизнес-сәйкестендіру нөмірі (ЖСН/БСН) ____________________

______________________________________________________________

3. Өтінішті беру себебі (тиісті ұяшықта "X" көрсетіңіз):

тіркеу ☐өзгерту ☐ шығару ☐

4. ҮИЖ түрі (тиісті ұяшықта "X" көрсетіңіз):

☐ бағдарламалық-аппараттық кешен;

☐ деректерді тіркеу және беру функциясы бар бір және (немесе) бірнеше

бақылау-касса машинасынан (бұдан әрі – БКМ), қолма-қол ақшасыз

төлемдерді қабылдауға арналған жүйеден (құрылғыдан) және (немесе)

жүйелерден (құрылғылардан), сондай-ақ сауданы басқаруды, қызметтер

көрсетуді, жұмыстарды орындауды және тауарларды есепке алуды

автоматтандырылған жүйесімен жарақтандырылған жабдықтан (құрылғыдан)

тұратын интеграцияланған жүйе.

5. ҮИЖ атауы __________________________________________________

6. ҮИЖ пайдалану құқығын растайтын құжаттың нөмірі мен күні

______________________________________________________________

7. ҮИЖ тіркеу орны:

мекенжайдың тіркеу коды: ☐☐☐☐☐☐☐☐☐☐☐☐☐☐☐☐

облыс:_________________________________________________________

республикалық/облыстық маңызы бар қала: _________________________

_______________________________________________________________

аудан: _________________________________________________________

аудандық маңызы бар қала/кент/ауыл: ______________________________

_______________________________________________________________

елді мекеннің бір бөлігі (көше, даңғыл, шағын аудан): _________________

_______________________________________________________________

үйдің нөмірі: _____________ үй-жайдың нөмірі _____________

7.1 Сауданы басқарудың, қызметтер көрсетудің, жұмыстарды орындаудың

және тауарларды есепке алудың автоматтандырылған жүйесінің

(бұдан әрі – есепке алужүйесі) атауы ____________________

______________________________________________________________

7.2 БКМ туралы ақпарат:

№	БКМ моделінің және (немесе) модельдерінің атауы	БКМ моделінің және (немесе) модельдерінің тіркелген күні	БКМ моделінің және (немесе) модельдерінің тіркеу нөмірі
1
2
3
4
5

7.3 Қолма-қол ақшасыз төлемдерді қабылдауға арналған жүйе (құрылғы) туралы ақпарат:

№	Қолма-қол ақшасыз төлемдерді қабылдауға арналған жүйенің (құрылғының) және (немесе) жүйелердің (құрылғылардың) атауы	Қолма-қол ақшасыз төлемдерді қабылдауға арналған жүйенің (құрылғының) және (немесе) жүйені (құрылғыны) сәйкестендіру/зауыттық нөмірі	Қолма-қол ақшасыз төлемдерді қабылдауға арналған жүйенің (құрылғының) және (немесе) жүйелердің (құрылғылардың) тіркелген күні
1
2
3
4
5

8. Мен, өтініште көрсетілген деректердің ресми болып табылатынын

растаймын _____________________________________________________

ҮИЖ қолданушы ___________________________________ __________

тегі, аты, әкесінің аты (ол болған кезде) (қолы)

Берілген күні: 20__ жылғы "___" ____________

	Үш құрамдасты интеграцияланған жүйені орнату және қолдану қағидаларына
	2-қосымша

Үш құрамдасты интеграцияланған жүйенің (бұдан әрі – ҮИЖ) № __________ тіркеу карточкасы

Ескерту. 2-қосымша жаңа редакцияда - ҚР Қаржы министрінің 26.03.2024 № 164 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

ҮИЖ пайдаланушының атауы және (немесе) тегі, аты, әкесінің аты

(бар болған жағдайда) ___________________________________________

______________________________________________________________

ҮИЖ пайдаланушының жеке/бизнес-сәйкестендіру нөмірі (ЖСН/БСН)

______________________________________________________________

______________________________________________________________

ҮИЖ атауы ___________________________________________________

ҮИЖ тіркеу орны: _____________________________________________

______________________________________________________________

ҮИЖ мемлекеттік кірістер органында тіркелген күні:

20 ____ жылғы "___" ______________

мөр орны

Лауазымды адам __________________ _____ _______________________________

мемлекеттік кірістер қолы тегі, аты, әкесінің аты (бар болған

органының атауы жағдайда)

мөр орны

ҮИЖ мемлекеттік кірістер органының есебінен шығарылған күні:

20 ___ жылғы "____" ___________

Үш құрамдасты интеграцияланған жүйені орнату және қолдану қағидаларына 3-қосымша

Үш құрамдасты интеграцияланған жүйенің (бұдан әрі - ҮИЖ) № __________ тіркеу карточкасы

Ескерту. 3-қосымша алып тасталды - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

Үш құрамдасты интеграцияланған жүйені орнату және қолдану қағидаларына 4-қосымша

Үш құрамдасты интеграцияланған жүйенің (бұдан әрі - ҮИЖ) тіркеу туралы №______________ карточкасына № ______________ қосымша

Ескерту. 4-қосымша алып тасталды - ҚР Қаржы министрінің 17.08.2020 № 749 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.