Ескерту. Күші жойылды – ҚР Ұлттық экономика министрінің 07.09. 2020 № 62 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
БҰЙЫРАМЫН:
1. "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде кәсіпкерлікті қаржылық қолдау бағдарламалары шеңберінде іске асырылатын жобаларға мониторинг жүргізу қағидаларын бекіту туралы" Қазақстан Республикасы Ұлттық экономика министрінің 2019 жылғы 18 наурыздағы № 19 бұйрығына (Нормативтік құқықтық актілерді мемлекеттік тіркеу тізілімінде № 18436 болып тіркелген, Қазақстан Республикасы Нормативтік құқықтық актілерінің эталондық бақылау банкінде 2019 жылғы 4 сәуірде жарияланған) мынадай өзгерістер енгізілсін:
1, 2, 3 және 4-тармақшалар мынадай редакцияда жазылсын:
"1. Осы "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде кәсіпкерлікті қаржылық қолдау бағдарламалары шеңберінде іске асырылатын жобаларға мониторинг жүргізу қағидалары (бұдан әрі – Мониторингілеу қағидалары) "Жеке кәсіпкерлікті мемлекеттік қолдаудың кейбір шаралары туралы" Қазақстан Республикасы Үкіметінің 2016 жылғы 19 сәуірдегі № 234 қаулысына сәйкес әзірленген және Қазақстан Республикасы Үкіметінің 2018 жылғы 25 тамыздағы № 522 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы (бұдан әрі – Бағдарлама) және "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру тетігі (бұдан әрі – Тетік) шеңберінде кәсіпкерлікті қаржылық қолдау бағдарламаларының шеңберінде іске асырылатын жобаларға мониторинг жүргізу тәртібін айқындайды.
2. "Даму" кәсіпкерлікті дамыту қоры" акционерлік қоғамы (бұдан әрі – Қаржы агенттігі) Бағдарлама бойынша жаңа бизнес-идеяларды іске асыру үшін кредиттер/қаржылық лизинг шарттары/исламдық қаржыландыру шарттары/исламдық лизинг шарттары бойынша сыйақы мөлшерлемелерін/облигациялар бойынша купондық сыйақы мөлшерлемесін субсидиялау, кредиттер бойынша кепілдік беру және мемлекеттік гранттар беру бөлігінде Бағдарламаның іске асырылуын мониторингілеуді жүзеге асырады, сондай-ақ мыналар:
1) Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде сыйақы мөлшерлемесінің бір бөлігін субсидиялау қағидалары (бұдан әрі – Субсидиялау қағидалары);
2) Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдік беру қағидалары (бұдан әрі – Кепілдік беру қағидалары);
3) Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды және бизнес-инкубациялау шеңберінде индустриялық-инновациялық жобаларды іске асыру үшін шағын кәсіпкерлік субъектілеріне мемлекеттік гранттар беру қағидалары (бұдан әрі – Мемлекеттік гранттар беру қағидалары);
4) Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасының шеңберінде кәсіпкерлік субъектілерін ислам банктері қаржыландырған кезде ислам банктерінің кірісін құрайтын тауарларға үстеме бағаның бір бөлігін және жалгерлік төлемнің бір бөлігін субсидиялау қағидалары (бұдан әрі – Ислам банктерінің қаржыландыруы кезінде субсидиялау қағидалары);
5) Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген "Бизнестің жол картасы-2020" бизнесті қолдау мен дамытудың мемлекеттік бағдарламасы шеңберінде кәсіпкерлік субъектілері шығарған облигациялар бойынша купондық сыйақы мөлшерлемесін субсидиялау қағидалары (бұдан әрі – Купондық сыйақы мөлшерлемесін субсидиялау қағидалары) шеңберінде сыйақы мөлшерлемесін субсидиялау және кредиттер бойынша кепілдік беру бөлігінде Тетіктің іске асырылуын мониторингілеуді жүзеге асырады.
3. Осы Мониторингілеу қағидаларында мынадай терминдер мен анықтамалар пайдаланылады:
1) Бағдарламаның өңірлік үйлестірушісі – облыс (астана, республикалық маңызы бар қала) әкімі айқындайтын, Бағдарламаға қатысу үшін қажетті құжаттарды дайындау және жинау бойынша кәсіпкерлерді консультациялық сүйемелдеуді жүзеге асыратын жергілікті атқарушы органның құрылымдық бөлімшесі;
2) банк – "Қазақстанның Даму Банкі" акционерлік қоғамын қоса алғанда, Бағдарламаға қатысатын екінші деңгейдегі банк және/немесе Тетікке қатысатын екінші деңгейдегі банк;
3) банктік кредит (бұдан әрі – кредит) – мерзімділік, ақылылық, қайтарымдылық, қамтамасыз етілу және мақсатты пайдалану шарттарында банктік қарыз шартының негізінде банк кәсіпкерге беретін ақша сомасы. Кредиттік желі де банктік кредитке жатады.
Ислам банкі үшін кредит қаржыландыру шартына сәйкес ислам банкі кәсіпкерге беретін тауар үшін төлемді қаржыландыру – кейінге қалдыру немесе бөліп төлеу ретінде түсініледі;
4) банктік қарыз шарты – шарттары бойынша кәсіпкерге банктік кредит берілетін, банк пен кәсіпкер арасында жасалған жазбаша келісім. Кредиттік желі ашу туралы келісім де банктік қарыз шартына жатады.
Ислам банкі үшін банктік қарыз шарты қаржыландыру шарты – талаптары бойынша ислам банкі кәсіпкерге – тауарды сатып алушыға немесе сатушыға коммерциялық кредит беретін ислам банкі мен кәсіпкер арасында жасалған жазбаша келісім ретінде түсініледі. Бас қаржыландыру келісімі де қаржыландыру шартына жатады, оның шеңберінде ислам банкі мен кәсіпкер коммерциялық кредит беру (қаржыландыру) туралы жекелеген шарттар жасасады. Ислам банктерінің кәсіпкерге тауардың бағасынан және тауардың үстеме бағасынан қалыптасатын тауарды сату бағасы бойынша төлемді кейінге қалдыру немесе бөліп төлеу арқылы тауарды сату жолымен кәсіпкердің сауда делдалы ретіндегі қызметін қаржыландыру коммерциялық кредит деп түсініледі;
5) грант – Бағдарламаның талаптарына сәйкес бизнес-идеяларды іске асыру үшін гранттар беру туралы шартқа сәйкес грант алушыға өтеусіз және қайтарымсыз негізде бөлінетін мемлекет қаражаты;
6) грант алушы – Конкурстық комиссияның шешіміне сәйкес бизнес-идеяны іске асыру үшін грант берілетін шағын кәсіпкерлік субъектісі, оның ішінде ісін жаңа бастаған жас кәсіпкер, ісін жаңа бастаған кәсіпкер, әйелдер, мүгедектер және 50 (елу) жастан асқан адамдар;
7) грант беру туралы шарт – кәсіпкерлік жөніндегі уәкілетті орган бекітетін нысан бойынша Бағдарламаның өңірлік үйлестірушісі, Қаржы агенттігі мен шағын кәсіпкерлік субъектілері арасында жасалатын үшжақты жазбаша келісім, оның талаптары бойынша грант алушыға нысаналы грант беріледі;
8) жоба – кіріс алуға бағытталған және Қазақстан Республикасының заңнамасына қайшы келмейтін бастамашылық қызмет ретінде кәсіпкер жүзеге асыратын бизнестің түрлі бағыттарындағы іс-қимылдар мен іс-шаралар жиынтығы. Бір жоба шеңберінде бірнеше банктік кредит/лизингтік мәміле алуға болады;
9) жобаны мониторингілеу – Бағдарлама/Тетік шарттарына сәйкес Жобаның іс жүзінде іске асырылуын тексеру арқылы, оның ішінде жоба іске асырылатын жерге барып тексеру арқылы Қаржы агенттігі банктің/лизингтік компанияның/грант/эмитент алушының өкілдерімен бірлесіп өткізетін кәсіпкердің/грант/эмитент алушының қызметін мониторингілеу;
10) кепілдік – Қаржы агенттігінің кәсіпкердің кепілдік шартынан туындайтын банктік қарыз шарты бойынша негізгі борыштың бір бөлігін кепілдік сомасы шегінде төлеу жөніндегі міндеттемелерін орындау үшін банк алдында жауап беру міндеттемесі;
11) кепілдік беру – Бағдарламада/Тетікте, Кепілдік беру қағидаларында және кепілдік шартында айқындалатын шарттарда кәсіпкердің кредиті бойынша міндеттемелердің орындалуын қамтамасыз ету ретінде ішінара кепілдік беру түрінде пайдаланылатын кәсіпкерлерді мемлекеттік қолдау нысаны;
12) кепілдік шарты – кәсіпкерлік жөніндегі уәкілетті орган бекітетін нысан бойынша Қаржы агенттігі, банк және кәсіпкер арасында жасалған кепілдік беру туралы үшжақты жазбаша келісім;
13) кәсіпкер – өз қызметін 2011 жылғы 29 қазандағы Қазақстан Республикасының Кәсіпкерлік кодексіне сәйкес жүзеге асыратын шағын және (немесе) орта кәсіпкерлік субъектісі, сондай-ақ "Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы" Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру тетігінде айқындалған жеке кәсіпкерлік субъектісі;
14) Конкурстық комиссия – жергілікті атқарушы органдардың, қоғамдық бірлестіктердің, ғылыми-білім беру мекемелерінің, салалық сарапшылардың, өңірлік бұқаралық ақпарат құралдарының өкілдері қатысатын алқалық-кеңесші орган. Жергілікті атқарушы органдардың өкілдері Конкурстық комиссияның төрағасы бола алмайды;
15) кредитті/грантты мақсатты пайдалану – кәсіпкердің/грант алушының банктік қарыз шарты/грант беру туралы шарт бойынша алынған кредитті/грантты банктік қарыз шартында/грант беру туралы шартта және Қаржы агенттігінің/Конкурстық комиссияның шешімінде белгіленген, Бағдарламаның/Тетіктің шарттарына сәйкес келетін мақсаттарға пайдалануы. Мақсатты пайдалану жиынтығында кәсіпкердің/грант алушының активке/жұмыстарға/көрсетілетін қызметтерге толық көлемде ақы төлеуін, оны алуын және/немесе Бағдарламаның/Тетіктің шарттарына сәйкес басқа мақсаттарға қол жеткізуін растайтын тиісті құжаттармен расталады;
16) қаржылық лизинг шарты – Бағдарламаға қатысатын лизингтік компания (бұдан әрі – лизингтік компания) банк пен кәсіпкер арасында жасалған жазбаша келісім, оның шарттары бойынша лизингтік компания/банк кәсіпкерге қаржылық лизинг береді;
17) лизингтік мәміле (лизинг) – лизингке қатысушылардың азаматтық құқықтар мен міндеттерді белгілеуге, өзгертуге және тоқтатуға бағытталған келісілген іс-қимылдарының жиынтығы;
18) мониторингтік есеп – Қаржы агенттігі белгілеген нысан бойынша Қаржы агенттігі дайындаған банк/лизингтік компания/грант беруші/грант алушы/эмитент қол қойған мониторинг туралы есеп;
19) облигация ұстаушылардың өкілі – аталған облигациялар эмитентінің үлестес тұлғасы болып табылмайтын, бағалы қағаздардың қайталама нарығындағы облигациялардың айналымы, облигациялар бойынша сыйақы төлеу және оларды өтеу процесінде эмитентпен жасалған шарт негізінде субсидияланатын сыйақы мөлшерлемесі бар облигация ұстаушылардың мүддесінде әрекет ететін ұйым;
20) Орталық депозитарий – Қазақстан Республикасының аумағында депозитарийлік қызметті жүзеге асыратын жалғыз мамандандырылған коммерциялық емес ұйым;
21) портфельдік кепілдік беру – банк үшін Қаржы агенттігі белгілеген лимит шеңберінде кәсіпкерлерге кепілдіктер беру нысаны;
22) субсидиялар – субсидиялау шарттарының негізінде кәсіпкерлерді субсидиялау шеңберінде Қаржы агенттігі банкке/лизингтік компанияға/эмитентке өтеусіз және қайтарымсыз негізде төлейтін мерзімді төлемдер;
23) субсидиялау – кәсіпкердің банкке/лизингтік компанияға кредиттер/лизинг бойынша сыйақы ретінде төлейтін шығыстарын болашақта кәсіпкердің операциялық қызметіне жататын белгілі бір шарттарды орындауға айырбас ретінде ішінара өтеу үшін пайдаланылатын кәсіпкерлерді мемлекеттік қаржылық қолдау нысаны және/немесе эмитенттің субсидияланатын сыйақы мөлшерлемесі бар облигация ұстаушыға төлейтін шығыстарын болашақта эмитенттің операциялық қызметіне жататын белгілі бір шарттарды орындауға айырбас ретінде ішінара өтеу үшін пайдаланылатын эмитенттерді мемлекеттік қаржылық қолдау нысаны;
24) субсидиялау шарты – Қаржы агенттігі, банк/лизингтік компания мен кәсіпкер арасында жасалатын үшжақты жазбаша келісім, оның шарттары бойынша Қаржы агенттігі кәсіпкердің кәсіпкерлік жөніндегі уәкілетті орган бекітетін нысан бойынша банк/лизингтік компания берген кредиті/лизингі бойынша сыйақы мөлшерлемесін ішінара субсидиялайды және/немесе Қаржы агенттігі және эмитент арасында жасалатын екіжақты жазбаша келісім, оның шарттары бойынша Қаржы агенттігі эмитенттің орналастырылған облигациялары бойынша сыйақы мөлшерлемесін ішінара субсидиялайды;
25) эмитент – эмиссиялық бағалы қағаздар шығаруды жүзеге асыратын тұлға.
4. Жобаны мониторингілеу Қаржы агенттігі бекітетін тиісті қаржы жылына арналған мониторингілеу жоспарына сәйкес, сондай-ақ Бағдарламаның өңірлік үйлестірушісінің, соттың, құқық қорғау және өзге де мемлекеттік органдар мен уәкілетті ұйымдардың сұратуы бойынша, Бағдарлама/Тетік шеңберінде кепілдік алған кәсіпкерлердің негізгі борышы бойынша мерзімінен кешіктірілген берешегі болған және өзге де жағдайларда Қаржы агенттігінің ішкі нормативтік құжаттарына сәйкес жүзеге асырылады.";
12, 13, 14 және 15-тармақтар мынадай редакцияда жазылсын:
"12. Субсидияланатын жобаларға мониторинг жүргізу кезінде Қаржы агенттігі:
1) банк/лизингтік компания/ислам банкі/исламдық лизингтік компания/облигация ұстаушылардың өкілдері ұсынатын деректер мен құжаттардың негізінде субсидиялау шартын жасасқан кәсіпкердің/эмитенттің жаңа кредитті/облигациялық қарызды мақсатты пайдалануын мониторингілеуді;
2) банк/лизингтік компания/ислам банкі/исламдық лизингтік компания/Орталық депозитарий ұсынатын деректердің негізінде кәсіпкердің төлем тәртібін мониторингілеуді;
3) жобаның іске асырылуын (қаржылық/исламдық лизинг шарты бойынша лизинг нысанасының пайдаланылуын, эмитенттің облигациялық қарызды пайдалануын) мониторингілеуді;
4) жобаның және (немесе) кәсіпкердің/эмитенттің Бағдарлама/Тетік шарттарына және (немесе) Қаржы агенттігінің шешіміне сәйкестігін мониторингілеуді;
5) Бағдарламаның бірінші бағыты шеңберінде кәсіпкерлердің және Бағдарламаның екінші бағыты шеңберінде шағын кәсіпкерлік субъектілерінің өндірісті жаңғыртуға және кеңейтуге бағытталған жобалар бойынша қаржы агенттігінің шешімі күнінен бастап қаржылық 2 (екі) жылдан кейін кірістің 10 %-ға өсуіне қол жеткізу және жұмыс орындарының жылдық орташа санын ұлғайту жөніндегі міндеттемелерді орындауын, сондай-ақ кәсіпкерлердің Тетік шеңберінде қаржы агенттігінің жобаны субсидиялау туралы шешімі күнінен бастап қаржылық 2 (екі) жылдан кейін жұмыс орындарының жылдық орташа санын сақтау және (немесе) ұлғайту немесе кірістің 10 %-ға өсуіне қол жеткізу бойынша шарттарды орындауын мониторингілеуді жүзеге асырады. Кәсіпкердің кірісі мен жұмыскерлерінің орташа жылдық санының өсу серпінін есептеу кезінде есепті күн Қаржы агенттігі шешімінің күніне қарамастан, келесі қаржылық жылдың басы болып табылады.
13. Кепілдік берілетін жобаларға мониторинг жүргізу кезінде Қаржы агенттігі:
1) банк/лизингтік компания/ислам банкі/исламдық лизингтік компания және/немесе кәсіпкер ұсынатын деректер мен құжаттар негізінде кепілдік шарты жасалған кәсіпкер кредитінің мақсатты пайдаланылуын мониторингілеуді;
2) банк/лизингтік компания/ислам банкі/исламдық лизингтік компания ұсынатын деректер немесе өзге де анық дереккөздер негізінде кәсіпкердің төлем тәртібін мониторингілеуді;
3) Бағдарламаның бірінші бағыты шеңберінде кәсіпкерлердің және Бағдарламаның екінші бағыты шеңберінде шағын кәсіпкерлік субъектілерінің өндірісті жаңғыртуға және кеңейтуге бағытталған жобалар бойынша қаржы агенттігінің шешімі күнінен бастап қаржылық 2 (екі) жылдан кейін кірістің 10% - ға өсуіне қол жеткізу және жұмыс орындарының орташа жылдық санын ұлғайту жөніндегі міндеттемелерді орындауын мониторингілеуді жүзеге асырады. Кәсіпкер кірісінің өсу серпінін және қызметкерлерінің орташа жылдық санын есептеу кезіндегі есепті күн Қаржы агенттігі шешімінің күніне қарамастан, келесі қаржылық жылдың басталуы болып табылады.
4) жобаның және (немесе) кәсіпкердің Бағдарламаның/Тетіктің шарттарына және (немесе) Қаржы агенттігінің шешіміне сәйкестігін мониторингілеуді жүзеге асырады.
14. Жаңа бизнес-идеяларды іске асыру үшін гранттық қаржыландыру жобаларына мониторинг жүргізу кезінде Қаржы агенттігі:
1) гранттың мақсатты пайдаланылуын мониторингілеуді;
2) кәсіпкерлердің грантты алған күннен бастап 1 (бір) жыл ішінде бизнес-жобаларды орындау жөніндегі қызметтерін мониторингілеуді;
3) кәсіпкердің жаңа жұмыс орындарын құру жөніндегі шарттарды орындауын мониторингілеуді;
4) кәсіпкердің грант беру туралы шарттың талаптарын орындауын мониторингілеуді жүзеге асырады.
15. Жобаны мониторингілеу функцияларын жүзеге асыру үшін Қаржы агенттігі кәсіпкерден/грант алушыдан және банктен/лизингтік компаниядан/ислам банкінен/исламдық лизингтік компаниядан/эмитенттен/облигация ұстаушылардың өкілдерінен кредиттің/гранттың/облигациялық қарыздың мақсатты пайдаланылуын және жобаның Бағдарлама/Тетік шарттарына сәйкестігін растайтын қажетті құжаттарды, сондай-ақ жобаның мониторинг нысанына жататын ақпаратты, оның ішінде оның келісуімен салықтық құпияны құрайтын ақпаратты, сондай-ақ осы Мониторингілеу қағидаларына 1-қосымшаға сәйкес субсидияланатын жобаларға мониторинг жүргізу үшін қажетті құжаттардың тізбесін, осы Мониторингілеу қағидаларына 2-қосымшаға сәйкес кепілдік берілген жобаларға мониторинг жүргізу үшін қажетті құжаттар тізбесін және осы Мониторингілеу қағидаларына 3-қосымшаға сәйкес гранттық қаржыландыру жобаларына мониторинг жүргізу үшін қажетті құжаттардың тізбесін сұратады.
Кәсіпкер/грант алушы/эмитент жобасының Бағдарлама/Тетік шарттарына сәйкестігін және қаражатты мақсатты пайдалануын қосымша растау талап етілген жағдайларда, Қаржы агенттігі жобаны мониторингілеу үшін қосымша құжаттарды сұратуға құқылы.";
4-тараудың тақырыбы мынадай редакцияда жазылсын:
"4-тарау. Мониторинг жүргізу тәртібі";
16-тармақ мынадай редакцияда жазылсын:
"16. Жобаны мониторингілеу шеңберінде Қаржы агенттігі мониторингтің басталу күніне дейін 20 (жиырма) жұмыс күнінен кешіктірмейтін мерзімде банкке/лизингтік компанияға/ислам банкіне/исламдық лизингтік компанияға/эмитентке/облигация ұстаушылардың өкілдеріне мониторингілеуге жататын жобалар тізімін, мониторинг жүргізу мерзімін және осы Мониторингілеу қағидаларына 1-қосымшаға сәйкес субсидияланатын жобаларға мониторинг жүргізу үшін қажетті құжаттардың тізбесін қоса, Бағдарлама/Тетік шеңберінде мониторинг жүргізілетіндігі туралы хабарлама жібереді.
Мониторингілеуге жататын жобалар тізімі мониторинг жүргізу күніне кредиттері өтелген не Қаржы агенттігінің шешімі негізінде оларды субсидиялау тоқтатылған кәсіпкерлердің жобаларын қоспағанда, мониторингілеуге жататын тиісті кезеңде қол қойылған субсидиялау шарттарының жалпы пулынан қалыптастырылады.
Жобаға мониторинг жүргізу үшін қажетті құжаттарды ұсыну мерзімі жобаны мониторингілеуді бастау күні ескеріле отырып, Қаржы агенттігінің хабарламасында көрсетіледі.";
21-тармақ мынадай редакцияда жазылсын:
"21. Банк/лизингтік компания/ислам банкі/исламдық лизингтік компания кәсіпкер жобасының (жобаларының) іске асырылу барысын ай сайынғы ағымдағы мониторингілеуді қамтитын кәсіпкердің жобасын мониторингілеуді жүзеге асырады. Осы Мониторингілеу қағидаларына 4-қосымшаға сәйкес нысан бойынша Бағдарламаның бірінші/екінші бағыты шеңберінде және Тетік шеңберінде жеке кәсіпкерлік субъектілері жобасының (жобаларының) іске асырылу барысының ағымдағы мониторингі туралы есепті банк Қаржы агенттігіне есепті айдан кейінгі айдың бесінші күнінен кешіктірмей әр бағдарлама бойынша жекелей жазбаша түрде ұсынады және Қаржы агенттігі айқындаған жауапты орындаушының электрондық мекенжайына қосымша жібереді.";
23 және 24-тармақтар мынадай редакцияда жазылсын:
"23. Қаржы агенттігі ай сайын есепті айдан кейінгі айдың жиырма бесіне дейін уәкілетті органға осы Мониторингілеу қағидаларына 5-қосымшаға сәйкес нысан бойынша Бағдарламаның бірінші және екінші бағыты шеңберінде кепілдік беру туралы есепті ұсынады.
24. Жобаны мониторингілеу шеңберінде Қаржы агенттігі мониторингтің басталу күніне дейін жиырма жұмыс күнінен кешіктірмейтін мерзімде банкке/лизингтік компанияға/ислам банкіне/исламдық лизингтік компанияға мониторингілеуге жататын жобалар тізімін, мониторинг жүргізу мерзімін және осы Мониторингілеу қағидаларына 2-қосымшаға сәйкес кепілдік берілетін жобаларға мониторинг жүргізу үшін қажетті құжаттардың тізбесін қоса, Бағдарлама/Тетік шеңберінде мониторинг жүргізілетіндігі туралы хабарлама жібереді.";
40-тармақ мынадай редакцияда жазылсын:
"40. Қаржы агенттігі кәсіпкерлердің салыну, құқық белгілейтін құжаттарды ресімдеу, жобаны іске асыру сатысындағы жобалары бойынша және мынадай объективті себептер болған жағдайда:
1) мониторинг жүргізу күніне кредит игерілмеген немесе ішінара игерілген (желі толығымен игерілмеген, қаражат тауар/жұмыс/көрсетілетін қызмет үшін кейіннен ақысын төлеу үшін есеп айырысу шотында);
2) кредит шеңберінде сатып алынған тауарлар жеткізілмеген/жұмыстар орындалмаған/қызметтер көрсетілмеген және жабдықты монтаждау жүзеге асырылмаған (қажет болған жағдайда);
3) құрылыс/реконструкциялық/жөндеу жұмыстары, оның ішінде кредит қаражатына жүргізілген жұмыстар аяқталмаған;
4) объектіні, оның ішінде кредит қаражатына салынған объектіні қабылдау актісі/пайдалануға беру актісі алынбаған;
5) қарыз алушының/кредиттің/жобаның Бағдарлама/Тетік шарттарына сәйкестігін және кредиттің мақсатты пайдалануын растайтын құжаттар толық көлемде ұсынылмаған (шот-фактуралар, жүкқұжаттар және басқалары) (қарыз алушы мониторинг жүргізу кезінде оларды ұсынбауына негіздемелер болған жағдайда);
6) өңірлік үйлестіру кеңесінің шешіміне сәйкес жұмыс орындарын құру расталмаған кезде ескертулерді жою үшін қосымша мерзім береді.";
көрсетілген Қағидаларға 1, 2, 3 және 4-қосымшалар осы бұйрыққа 1, 2, 3 және 4-қосымшаларға сәйкес редакцияда жазылсын.
2. Кәсіпкерлікті мемлекеттік қолдау департаменті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Ұлттық экономика министрлігінің интернет-ресурсында жариялауды;
3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Ұлттық экономика министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер беруді қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Министр | Р. Даленов |
Субсидияланатын жобаларға мониторинг жүргізу үшін қажетті құжаттардың тізбесі
1. Бизнес-жоспар, техникалық-экономикалық қорытынды, аталған құжаттар болмаған жағдайда банктің/ислам банкінің/лизингтік компанияның/исламдық лизингтік компанияның кредиттік менеджерінің экономикалық қорытындысы не жобаның мәнін ашып көрсететін басқа да құжаттар.
2. Кәсіпкердің мониторинг жүргізу кезіндегі жағдай бойынша берешектердің баптары (негізгі борыш, сыйақы, өсімпұлдар, айыппұлдар) бойынша толық жазумен, мерзімінен кешіктірілген бөлігі көрсетілген несиелік берешегі туралы анықтама немесе банк/лизингтік компания/ислам банкі/исламдық лизингтік компания мен кәсіпкердің арасындағы салыстырып тексеру актісі. Анықтамада кәсіпкердің есеп шотына тыйым салудың бар-жоғын көрсету қажет.
3. Қарыздың мақсатты пайдаланылғандығын (инвестициялық мақсаттарға, сол сияқты айналым қаражатын толықтыруға берілген) растау үшін ұсынылған құжаттар, сондай-ақ көрнекі түрде растайтын:
1) төлеу фактісін растайтын: төлем тапсырмалары, шетелдік валютада аударуға берілген өтініштер, фискалдық чектер, банктік шоттан үзінді көшірмелер (тексерілетін транш/қарыз берілген күннен бастап іс жүзінде игерілген күнге дейінгі), кассалық кіріс ордеріне түбіртектер және басқа да құжаттар;
2) тауарлардың алынғандығын, жұмыстардың орындалғандығын, қызметтердің көрсетілгендігін және банктік қарыз шартында көзделген басқа да мақсаттарға қол жеткізілгендігін растайтын құжаттар: шарттар/келісімшарттар, шот-фактуралар, жүкқұжаттар, кедендік жүк декларациялары, қабылдау-тапсыру актілері;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүргізіліп жатқан жер учаскесін меншік/жалға алу құқығын растайтын құжат, түпкілікті қарыз алушыға ҚМЖ жүргізудің басталатындығы туралы хабарлау, уәкілетті органда тіркей отырып, пайдалануға беру/қабылдап алу актілері.
4. 180 (бір жүз сексен) миллион теңгеден астам сомамен (ақша қаражаты, жылжымалы/жылжымайтын мүлік), оның ішінде жобаны іске асырудың жалпы құнының 10%-ынан төмен емес деңгейде қамтамасыз етуге ұсынылатын үшінші тұлғалардың мүлкімен Бағдарлама шеңберіндегі жобалар бойынша өз қатысуын растау.
5. Кредитпен/қаржылық лизинг шартын жасасумен байланысты комиссияларды, алымдарды және/немесе өзге де төлемдерді өндіріп алған жағдайда, кәсіпкерге аталған комиссиялардың қайтарылатындығын растайтын құжат.
Кепілдік берілген жобаларға мониторинг жүргізу үшін қажетті құжаттардың тізбесі
1. Бизнес-жоспар, техникалық-экономикалық қорытынды, аталған құжаттар болмаған жағдайда банктің/лизингтік компанияның/ислам банкінің /исламдық лизингтік компанияның кредиттік менеджерінің экономикалық қорытындысы не жобаның мәнін ашып көрсететін басқа да құжаттар.
2. Кәсіпкердің мониторинг жүргізу кезіндегі жағдай бойынша берешектердің баптары (негізгі борыш, сыйақы, өсімпұлдар, айыппұлдар) бойынша толық жазумен, мерзімінен кешіктірілген бөлігі көрсетілген несиелік берешегі туралы анықтама немесе банк/лизингтік компания/ислам банкі/исламдық лизингтік компания мен кәсіпкердің арасындағы салыстырып тексеру актісі. Анықтамада кәсіпкердің есеп шотына тыйым салудың бар-жоғын көрсету қажет.
3. Барлық қосымша келісімдерімен бірге кепіл шарттары.
4. Банктің/лизингтік компанияның/ислам банкінің/исламдық лизингтік компанияның және/немесе кәсіпкердің кепілдіктің жарамдылығының ерекше шарттарын және кепілдік берудің өзге де шарттарын орындауын растайтын құжаттар.
5. Жылжымайтын мүлікке тіркелген құқықтар (ауыртпалықтар) және оның кепіл мүлкіне арналған техникалық сипаттамалары туралы анықтама. Анықтаманы беру/сұрату жоба бойынша алғашқы мониторинг жүргізілген кезде жүзеге асырылады. Кейінгі мониторингілеулерде, егер оның мерзімі 1 (бір) жылдан асса, анықтама жаңартылады. Бұл ретте, кәсіпкер кепілдік шартында белгіленген мерзімде банктік қарыз шарты бойынша негізгі борыш сомасын өтеу бойынша міндеттемелерді орындамаған жағдайда Қаржы агенттігі жоспардан тыс мониторинг өткізген кезде міндетті түрде өзекті анықтаманы беру/сұрату талап етіледі.
6. Кәсіпкермен жасалған, барлық берулер бойынша кредиттік келісімдер шеңберінде берілген банктік қарыз шарттары, қосымша келісімдері бар транштар.
7. Кредит/кредиттік желі бойынша түпкілікті қарыз алушыға ақша берілгенін растайтын құжаттар (кәсіпкердің банк шотынан үзінді көшірме (тексерілетін транш/қарыз алынған күннен бастап іс жүзінде игерілген күнге дейін), оператордың төлем тапсырмасы және/немесе төлем ордері).
8. Қарыздың мақсатты пайдаланылғандығын (инвестициялық мақсаттарға, сол сияқты айналым қаражатын толықтыруға берілген) растау үшін ұсынылған құжаттар, сондай-ақ көрнекі түрде растайтын:
1) төлеу фактісін растайтын: төлем тапсырмалары, шетелдік валютада аударуға берілген өтініштер, фискалдық чектер, банктік шоттан үзінді көшірмелер (тексерілетін транш/қарыз берілген күннен бастап іс жүзінде игерілген күнге дейінгі), кассалық кіріс ордеріне түбіртектер және басқа да құжаттар;
2) тауарлардың алынғандығын, жұмыстардың орындалғандығын, қызметтердің көрсетілгендігін және банктік қарыз шартында көзделген басқа да мақсаттарға қол жеткізілгендігін растайтын құжаттар: шарттар/келісімшарттар, шот-фактуралар, жүкқұжаттар, кедендік жүк декларациялары, қабылдау-тапсыру актілері;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүргізіліп жатқан жер учаскесін меншік/жалға алу құқығын растайтын құжат, түпкілікті қарыз алушыға ҚМЖ жүргізудің басталатындығы туралы хабарлау, уәкілетті органда тіркей отырып, пайдалануға беру/қабылдап алу актілері.
9. 180 (бір жүз сексен) миллион теңгеден астам сомамен (ақша қаражаты, жылжымалы/жылжымайтын мүлік), оның ішінде жобаны іске асырудың жалпы құнының 10%-ынан төмен емес деңгейде қамтамасыз етуге ұсынылатын үшінші тұлғалардың мүлкімен Бағдарлама шеңберіндегі жобалар бойынша өз қатысуын растау.
10. Кредитпен/қаржылық лизинг шартын жасасумен байланысты комиссияларды, алымдарды және/немесе өзге де төлемдерді өндіріп алған жағдайда, кәсіпкерге аталған комиссиялардың қайтарылатындығын растайтын құжат.
Гранттық қаржыландыру жобаларына мониторинг жүргізу үшін қажетті құжаттардың тізбесі
1. Бизнес-жоспар, техникалық-экономикалық қорытынды не жобаның мәнін ашатын басқа да құжаттар.
2. Грант сомасының мақсатты пайдаланылғандығын (инвестициялық мақсаттарға, сол сияқты айналым қаражатын толықтыруға берілген) растау үшін ұсынылған құжаттар:
1) төлеу фактісін растайтын: төлем тапсырмалары, шетелдік валютада аударуға берілген өтініштер, фискалдық чектер, банктік шоттан үзінді көшірмелер (тексерілетін транш/қарыз берілген күннен бастап іс жүзінде игерілген күнге дейінгі), кассалық кіріс ордеріне түбіртектер және басқа да құжаттар;
2) тауарлардың алынғандығын, жұмыстардың орындалғандығын, қызметтердің көрсетілгендігін және банктік қарыз шартында көзделген басқа да мақсаттарға қол жеткізілгендігін растайтын құжаттар: шарттар/келісімшарттар, шот-фактуралар, жүкқұжаттар, кедендік жүк декларациялары, қабылдау-тапсыру актілері;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүргізіліп жатқан жер учаскесін меншік/жалға алу құқығын растайтын құжат, түпкілікті қарыз алушыға ҚМЖ жүргізудің басталатындығы туралы хабарлау, уәкілетті органда тіркей отырып, пайдалануға беру/қабылдап алу актілері.
3. Бизнес-жобаны іске асыруға арналған шығыстарды берілетін грант сомасынан кемінде 10% мөлшерінде өз қаражатымен бірлесіп қаржыландырғанын растайтын құжаттар, сондай-ақ көрнекі түрде:
1) төлеу фактісін растайтын: төлем тапсырмалары, шетелдік валютада аударуға берілген өтініштер, фискалдық чектер, банктік шоттан үзінді көшірмелер (тексерілетін транш/қарыз берілген күннен бастап іс жүзінде игерілген күнге дейінгі), кассалық кіріс ордеріне түбіртектер және басқа да құжаттар;
2) тауарлардың алынғандығын, жұмыстардың орындалғандығын, қызметтердің көрсетілгендігін және банктік қарыз шартында көзделген басқа да мақсаттарға қол жеткізілгендігін растайтын құжаттар: шарттар/келісімшарттар, шот-фактуралар, жүкқұжаттар, кедендік жүк декларациялары, қабылдау-тапсыру актілері;
3) құрылыс-монтаждау жұмыстары (бұдан әрі – ҚМЖ) жүзеге асырылған жағдайда: ҚМЖ жүргізіліп жатқан жер учаскесін меншік/жалға алу құқығын растайтын құжат, түпкілікті қарыз алушыға ҚМЖ жүргізудің басталатындығы туралы хабарлау, уәкілетті органда тіркей отырып, пайдалануға беру/қабылдап алу актілері.
4. Қазақстан Республикасы Ұлттық экономика министрінің 2019 жылғы 6 наурыздағы № 18 бұйрығымен бекітілген (Нормативтік құқықтық актілерді мемлекеттік тіркеу тізілімінде № 18377 болып тіркелген) Жаңа бизнес-идеяларды іске асыруға грант беру туралы шартқа №4 қосымшаға сәйкес нысан бойынша бизнес-жоба іс-шараларының жоспарына сәйкес нысанасы бизнес-бағдарлама (бизнес-жоба) іс-шараларының орындалғанын растайтын құжаттар.
5. Грант алушының мемлекеттік кірістер комитеті акцептеген, жаңа жұмыс орындары құрылғандығын растайтын салық декларацияларының көшірмелері.
6. Бизнес-жоспарды іске асыру барысын растайтын құжаттар, оның ішінде бизнес-жоба шеңберінде өндірілген өнімнің, орындалған жұмыстардың, көрсетілген қызметтердің өткізілгенін растайтын құжаттар.
"_____________" акционерлік қоғамының Бағдарламаның/Тетіктің бірінші/екінші бағыты
шеңберінде (қажеттісін көрсету) жеке кәсіпкерлік субъектілері жобаларының іске асырылу
барысын ағымдағы мониторингілеу туралы __________________ жылдан
_________________ жылға дейінгі кезеңдегі есебі
Р/с № | Банктің атауы | Жеке кәсіпкерлік субъектісі жүгінген жер (өңір) | Қарыз алушының атауы | Қарыз алушының жеке сәйкестендіру нөмірі (ЖСН)/бизнес сәйкестендіру нөмірі (БСН) |
1 | 2 | 3 | 4 | 5 |
кестенің жалғасы
Заңды мәртебесі (жауапкершілігі шектеулі серіктестік, жеке кәсіпкер, шаруа қожалығы, кәсіпкерлік кооператив) | Банктік қарыз шартының/Кредит желісін ашу туралы келісімнің № | Банктік қарыз шартының/Кредит желісін ашу туралы келісімнің күні | Кредит мерзімі |
6 | 7 | 8 | 9 |
кестенің жалғасы
Кредит сомасы | Кредит бойынша сыйақы мөлшерлемесі | Негізгі борышты өтеу бойынша жеңілдік кезеңі | Сыйақы төлеу бойынша жеңілдік кезеңі |
10 | 11 | 12 | 13 |
кестенің жалғасы
Кредитті (траншты) беру күні | Іс жүзінде берілген қаражат сомасы | Есепті күнгі негізгі борыш берешегінің қалдығы | Кепілдік шартының нөмірі |
14 | 15 | 16 | 17 |
кестенің жалғасы
Кепілдік шартының күні | Қаржы агенттігі кепілдігінің сомасы | Қаржы агенттігінің кепілдік бойынша міндеттемелерін орындау сомасы | Негізгі борыш бойынша мерзімі өткен берешек сомасы |
18 | 19 | 20 | 21 |
кестенің жалғасы
Негізгі борыш бойынша мерзімі өткен күндер саны | Сыйақы төлеу бойынша мерзімі өткен күндер саны | Кредит беру объектісі (инвестициялық кредит/айналым қаражатын толықтыру) | Экономикалық қызмет түрлерінің жалпы жіктеуіші бойынша код (ЭҚЖЖ) |
22 | 23 | 24 | 25 |
кестенің жалғасы
Жоба бойынша бизнес (бастапқы/жұмыс істеп тұрған) | Банктік қарыз шарты/Кредит желісін ашу туралы келісім бойынша қолжетімділік кезеңі | Банктің уәкілетті органы шешімінің күні | Қазақстан Республикасы Ұлттық Банкінің талаптары бойынша жіктеу санаты |
26 | 27 | 28 | 29 |
Лауазымды адам _______________________ Тегі, аты, әкесінің аты (болса)
(қолы, мөр (болса)
Жауапты жұмыскер _____________________ Тегі, аты, әкесінің аты (болса)
(қолы, мөр (болса)
