"Автомобиль көлігі туралы" Қазақстан Республикасының 2003 жылғы 4 шілдедегі Заңының 19 бабының 4 және 5 тармақтарына сәйкес, Шымкент қаласы әкімдігі ҚАУЛЫ ЕТЕДІ:
1. Шымкент қаласында жолаушыларды әлеуметтік мәні бар тұрақты тасымалдау тарифі 70 теңге көлемінде белгіленсін.
2. "Шымкент қаласының жолаушылар көлігі және автомобиль жолдары басқармасы" мемлекеттік мекемесі Қазақстан Республикасының заңнамалық актілерінде белгіленген тәртіпте:
1) осы қаулыны Шымкент қаласының Әділет департаментінде мемлекеттік тіркелуін;
2) осы қаулы мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таратылатын мерзімді баспасөз басылымдарына жіберуді;
3) осы қаулыны оны ресми жарияланғаннан кейін Шымкент қаласы әкімдігінің интернет-ресурсында орналастыруды қамтамасыз етсін.
3. Осы қаулының орындалуын бақылау Шымкент қаласы әкімінің орынбасары Б. Пармановқа жүктелсін.
4. Осы қаулы оның алғашқы ресми жарияланған күнінен бастап қолданысқа енгізіледі.
| қала әкімі | Е. Айтаханов |
"КЕЛІСІЛДІ"
Шымкент қаласының мәслихаты
Ескерту. Сол жақ төменгі бұрышы келісу белгісімен толықтырылды – Шымкент қаласы әкімдігінің 16.08.2022 № 1580 қаулысымен (алғашқы ресми жарияланған күнінен бастап қолданысқа енгізіледі).