Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31, 37 баптарына, Қазақстан Республикасының 2017 жылғы 25 желтоқсандағы "Салық және бюджетке төленетін басқа да міндетті төлемдер (Салық Кодексі)" Кодексінің 529 бабының 6-тармағына сәйкес, аудан әкімдігі ҚАУЛЫ ЕТЕДІ:
1. Ырғыз ауданы бойынша салық салу объектісінің орналасуын ескеретін аймаққа бөлу коэффициенті қосымшаға сәйкес бекітілсін.
2. Ырғыз ауданы әкімдігінің келесі қаулыларының күші жойылды деп танылсын:
1) Ырғыз ауданы әкімдігінің 2018 жылғы 24 желтоқсандағы № 184 "Ырғыз ауданы бойынша салық салу объектісінің орналасуын ескеретін аймаққа бөлу коэффициентін бекіту туралы" (нормативтік құқықтық актілерді мемлекеттік тіркеу Тізілімінде № 3-5-202 болып тіркелген, 2018 жылғы 28 желтоқсанда Қазақстан Республикасы нормативтік құқықтық актілерінің эталондық бақылау банкінде электронды түрде жарияланған) қаулысы;
2) Ырғыз ауданы әкімдігінің 2019 жылғы 15 наурыздағы № 44 "Ырғыз ауданы әкімдігінің 2018 жылғы 24 желтоқсандағы № 184 "Ырғыз ауданы бойынша салық салу объектісінің орналасуын ескеретін аймаққа бөлу коэффициентін бекіту туралы" қаулысына өзгеріс енгізу туралы" (нормативтік құқықтық актілерді мемлекеттік тіркеу Тізілімінде № 6011 болып тіркелген, 2019 жылғы 2 сәуірде Қазақстан Республикасы нормативтік құқықтық актілерінің эталондық бақылау банкінде электронды түрде жарияланған) қаулысы.
3. "Ырғыз аудандық экономика және бюджеттік жоспарлау бөлімі" мемлекеттік мекемесі заңнамада көрсетілген тәртіппен:
1) осы қаулыны Ақтөбе облысының Әділет департаментінде мемлекеттік тіркеуді;
2) осы қаулыны оны ресми жариялағаннан кейін Ырғыз ауданы әкімдігінің интернет – ресурсында орналастыруды қамтамасыз етсін.
4. Осы қаулының орындалуын бақылау жетекшілік ететін аудан әкімінің орынбасарына жүктелсін.
5. Осы қаулы 2021 жылдың 1 қаңтарынан бастап қолданысқа енгізіледі.
| Ырғыз ауданының әкімі | А. Шахин |
| Ырғыз ауданы әкімдігінің 2020 жылғы 4 қыркүйектегі № 175 қаулысына қосымша |
Ырғыз ауданы бойынша салық салу объектісінің орналасуын ескеретін аймаққа бөлу коэффициенттері
ЗҚАИ-ның ескертпесі!
Қосымша жаңа редакцияда көзделген - Ақтөбе облысы Ырғыз ауданы әкімдігінің 17.10.2024 № 147 қаулысымен (01.01.2025 бастап қолданысқа енгізіледі).
Ескерту. Қосымша жаңа редакцияда - Ақтөбе облысы Ырғыз аудандық әкімдігінің 23.10.2023 № 180 қаулысымен (01.01.2024 бастап қолданысқа енгізіледі).
№ | Елді мекендегі салық салу объектісінің орналасқан жері | Аймаққа бөлу коэффициенті | |
1 | Ырғыз ауылдық округі | Ырғыз ауылы | 2,35 |
2 | Ақши ауылы | 1,75 | |
3 | Қалыбай ауылы | 2,15 | |
4 | Аманкөл ауылдық округі | Құтикөл ауылы | 1,85 |
5 | Аманкөл ауылы | 1,75 | |
6 | Жарма ауылы | 1,55 | |
7 | Қызылжар ауылдық округі | Құрылыс ауылы | 1,75 |
8 | Жаныс би ауылы | 1,75 | |
9 | Шеңбертал ауылы | 1,75 | |
10 | Құмтоғай ауылдық округі | Құмтоғай ауылы | 1,65 |
11 | Қарасай ауылы | 1,6 | |
12 | Қарақұдық ауылы | 1,65 | |
13 | Нұра ауылдық округі | Нұра ауылы | 2,25 |
14 | Белшер ауылы | 2,15 | |
15 | Дүкен ауылы | 2,1 | |
16 | Мамыр ауылы | 2,15 | |
17 | Тәуіп ауылдық округі | Құйылыс ауылы | 2,15 |
18 | Жайсаңбай ауылдық округі | Жайсаңбай ауылы | 2,15 |
