Шет ауданының аумағында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар мен пикеттеуді өткізуге тыйым салынған іргелес аумақтардың шекаралары туралы

Жаңа

Қарағанды облысы Шет аудандық мәслихатының 2020 жылғы 29 желтоқсандағы № 44/408 шешімі. Қарағанды облысының Әділет департаментінде 2021 жылғы 6 қаңтарда № 6143 болып тіркелді

      Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңының 8-бабына сәйкес Шет аудандық мәслихаты ШЕШІМ ЕТТІ:

      1. Бейбіт жиналыстарды ұйымдастыру және өткізу үшін арнайы орындар, бейбіт жиналыстарды ұйымдастыру және өткізу үшін оларды пайдалану тәртібі, олардың шекті толу нормаларын, бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар осы шешімнің 1-қосымшасына сәйкес айқындалсын.

      2. Пикеттеуді өткізуге тыйым салынған іргелес аумақтардың шекаралары осы шешімнің 2-қосымшасына сәйкес айқындалсын.

      3. Шет аудандық мәслихатының 2016 жылғы 11 мамырдағы № 3/22 "Бейбіт жиналыстар, митингілер, шерулер, пикеттер және демонстрациялар өткізу тәртібін қосымша реттеу туралы" (нормативтік құқықтық актілердің мемлекеттік тіркеу Тізілімінде № 3842 болып тіркелген, "Шет шұғыласы" газетінің 2016 жылғы 09 маусымдағы № 23 (10592) жарияланған) шешімінің күші жойылды деп танылсын.

      4. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Сессия төрағасы, аудандық мәслихаттың хатшысы Б. Тулеукулов

  Шет аудандық
мәслихатының
2020 жылғы 29
желтоқсандағы
№ 44/408
Шешімге 1-қосымша

Шет ауданының аумағында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар

      1. Шет ауданының аумағында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар:

      1) Ақсу-Аюлы ауылының Мәдениет үйінің алдындағы алаң, Жанқұтты би көшесі, 39. Шекті толу нормасы - 1000 адам;

      2) Ақсу-Аюлы ауылының Орталық саябағы, Тлеулин көшесі, 128. Шекті толу нормасы - 500 адам;

      3) Ақадыр кентінің Теміржолшылар саябағы, Абай көшесі, 9В. Шекті толу нормасы - 500 адам;

      4) Ақсу-Аюлы ауылының Шортанбай жырау көшесінен бастап, Абай көшесімен - аудандық мәдениет үйінің алдындағы алаңға дейін. Шекті толу нормасы - 1000 адам;

      5) Ақсу-Аюлы ауылы С.Сейфуллин көшесі, 86a бастап орталық саябаққа дейін Тлеулин көшесі, 128. Шекті толу нормасы - 500 адам;

      6) Ақадыр кентінің Ардагерлер алаңынан (Абай көшесі, 25) бастап, Абай көшесімен - Теміржолшылар саябағына (Абай көшесі, 9В) дейін. Кіру теміржол вокзалы жағынан (Қыздарбеков көшесі). Шекті толу нормасы - 500 адам.

      Ымырт жағдайында бейбіт жиналыстар өткізуге арналған арнайы орындар жарықпен қамтамасыз етіледі.

      2. Ұйымдастырушы мен оның қатысушылары бейбіт жиналыстар өткізуге арналған арнайы орындарды мынадай тәртіппен пайдаланылады:

      1) хабарламада көрсетілген уақыт бойы жиналыс үшін арнайы орын аумағында болады;

      2) ғимараттардың, құрылыстардың, шағын сәулет нысандарының, жасыл екпелердің, сондай-ақ өзге де мүліктің сақталуын қамтамасыз етеді.

  Шет аудандық
мәслихатының
2020 жылғы 29
желтоқсандағы
№ 44/408
Шешімге 2-қосымша

Пикеттеуді өткізуге тыйым салынған іргелес аумақтардың шекаралары

      Пикеттеуді жүргізуге тыйым салынған іргелес аумақтардың шекаралары Шет ауданының келесі нысандарында 100 метр қашықтықта:

      1) жаппай жерлеу орындары;

      2) темір жол және автомобиль көлігі объектілері;

      3) мемлекеттің қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдар;

      4) қауіпті өндірістік объектілер;

      5) магистральдық теміржол желілерінде, магистральдық құбыржолдарда, ұлттық электр желісінде, магистральдық байланыс желілерінде айқындалады.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады