"Қазақстан Республикасында бейбіт жиналыстарды ұйымдастыру және өткізу тәртібі туралы" 2020 жылғы 25 мамырдағы Қазақстан Республикасы Заңының 8-бабына сәйкес Жітіқара аудандық мәслихаты ШЕШІМ ҚАБЫЛДАДЫ:
1. Мыналар:
1) бейбіт жиналыстарды ұйымдастыру және өткізу үшін арнайы орындар осы шешімнің 1-қосымшасына сәйкес;
2) бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар осы шешімнің 2-қосымшасына сәйкес;
3) пикеттеуді өткізуге жол берілмейтін іргелес аумақтардың шекаралары осы шешімнің 3-қосымшасына сәйкес айқындалсын.
Ескерту. 1-тармақ жаңа редакцияда - Қостанай облысы Жітіқара ауданы мәслихатының 24.12.2021 № 91 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).2. Мәслихаттың "Жиналыстар, митингілер, шерулер, пикиттер және демонстрациялар өткізуді қосымша реттеу туралы қағидаларын бекіту туралы" 2016 жылғы 1 шілдедегі № 44 шешімінің (2016 жылғы 11 тамызда "Әділет" ақпараттық-құқықтық жүйесінде жарияланған, Нормативтік құқықтық актілерді мемлекеттік тіркеу тізілімінде № 6565 болып тіркелген) күші жойылды деп танылсын.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | Н. Джафаров |
| Жітіқара аудандық мәслихатының хатшысы | А. Кабиев |
| Мәслихаттың 2020 жылғы 16 қыркүйектегі № 442 шешіміне 1-қосымша |
Бейбіт жиналыстарды ұйымдастыру және өткізу үшін арнайы орындар
Ескерту. 1-қосымша жаңа редакцияда - Қостанай облысы Жітіқара ауданы мәслихатының 24.12.2021 № 91 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Бейбіт жиналыстарды ұйымдастыру және өткізу үшін арнайы орындар:
1. Жітіқара қаласының Истай Ищанов көшесі бойынша № 13 үйінің жанындағы алаңы.
2. Жітіқара қаласының Хажыкей Жакупов көшесі бойынша, Жеңіс саябағына орталық кіреберіс алдындағы алаңы.
3. Бейбіт жиналыстарды өткізу үшін жүру маршруты: Истай Ищанов көшесі (Истай Ищанов көшесі бойынша № 13 үйінен Доскали Асымбаев көшесімен қиылысатын қиылысқа дейін) – Доскали Асымбаев көшесі (Шокан Уалиханов көшесіне дейін) – Шокан Уалиханов көшесі (Хажыкей Жакупов көшесімен қиылысатын қиылысқа дейін) - Жітіқара қаласының Хажыкей Жакупов көшесі (Жеңіс саябағына орталық кіреберісіне дейін).
| Мәслихаттың 2020 жылғы 16 қыркүйектегі № 442 шешіміне 2-қосымша |
Бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар, сондай-ақ пикеттеуді өткізуге жол берілмейтін іргелес аумақтардың шекаралары
Ескерту. 2-қосымша жаңа редакцияда - Қостанай облысы Жітіқара ауданы мәслихатының 24.12.2021 № 91 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
1. Осы Жітіқара ауданында бейбіт жиналыстарды ұйымдастыру және өткізу үшін арнайы орындарды пайдалану тәртібі, олардың шекті толу нормалары, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар "Қазақстан Республикасында бейбіт жиналыстарды ұйымдастыру және өткізу тәртібі туралы" Қазақстан Республикасының Заңына (бұдан әрі – Заң) сәйкес әзірленді.
2. Арнайы орындар санитариялық нормалар мен өрт қауіпсіздігі қағидаларын сақтай отырып пайдаланылады. Арнайы орындарда жоспарланған басқа да ресми, мәдени, ойын-сауық мәдени-бұқаралық, дене шынықтыру-сауықтыру, спорттық және өзге де іс-шараларды өткізу, құрылыс-монтаждау жұмыстарын жүзеге асыру туралы ақпарат болмаған жағдайда, бейбіт жиналыстарды өткізуге жол беріледі.
3. Бейбіт жиналыстар өткізудің материалдық-техникалық және ұйымдастырушылық қамтамасыз етуді оларды ұйымдастырушы мен оларға қатысушылар өз қаражаты есебінен, сондай-ақ Заңда және Қазақстан Республикасының өзге де заңдарында өзгеше белгіленбесе, осы бейбіт жиналыстарды өткізу үшін жиналған және (немесе) берілген қаражат пен мүлік есебінен жүзеге асырады.
4. Бейбіт жиналыстарды ұйымдастыру және өткізу үшін арнайы орындардың шекті толу нормалары:
1) Жітіқара қаласының Истай Ищанов көшесі бойынша № 13 үйінің жанындағы алаңы, шекті толу нормасы 100 адам;
2) Жітіқара қаласының Хажыкей Жакупов көшесі бойынша, Жеңіс саябағына орталық кіреберіс алдындағы алаңы, шекті толу нормасы 70 адам;
3) Бейбіт жиналыстарды өткізу үшін жүру маршруты:
Бейбіт жиналыстарды өткізу үшін жүру маршруты: Истай Ищанов көшесі (Истай Ищанов көшесі бойынша № 13 үйінен Доскали Асымбаев көшесімен қиылысатын қиылысқа дейін) – Доскали Асымбаев көшесі (Шокан Уалиханов көшесіне дейін) – Шокан Уалиханов көшесі (Хажыкей Жакупов көшесімен қиылысатын қиылысқа дейін) - Жітіқара қаласының Хажыкей Жакупов көшесі (Жеңіс саябағына орталық кіреберісіне дейін), шекті толу нормасы 100 адам.
5. Бейбіт жиналыстарды ұйымдастыру және өткізу үшін арнайы орындарда жергілікті атқарушы органның келісусіз киіз үй, ақшатыр, басқа да құрылыстарды орнатуға жол берілмейді.
6. Дәл сол бір жерде және (немесе) дәл сол бір жүру маршруты бойынша не дәл сол бір уақытта бейбіт жиналыс өткізуге бір мезгілде бірнеше бейбіт жиналыстарды ұйымдастырушы үміткер болған жағдайда, көрсетілген орынды пайдалану кезектілігін жергілікті атқарушы орган бейбіт жиналыстарды ұйымдастырушыдан тиісті хабарламаны немесе өтінішті алған уақытын негізге ала отырып айқындайды.
7. Әлеуметтік қашықтықты сақтау мақсатында, пикеттеуден басқа, бейбіт жиналысқа қатысатын адамдардың арасындағы ең аз жол берілетін қашықтық кемінде екі метрді құрайды.
8. Бір қатысушы өткізетін пикеттеуді жүзеге асыратын адамдар арасындағы ең аз жол берілетін қашықтық кемінде 100 метрді құрайды.
9. Бейбіт жиналыстарды бейбіт жиналыстар өткізілетін күні жергілікті уақыт бойынша сағат 9-дан ерте бастауға және сағат 20-дан кеш аяқтауға болмайды.
| Мәслихаттың | |
| 2021 жылғы 24 желтоқсандағы | |
| № 91 шешіміне | |
| 3-қосымша | |
| Мәслихаттың | |
| 2020 жылғы 16 қыркүйектегі | |
| № 442 шешіміне | |
| 3-қосымша |
Ескерту. Шешім 3-қосымшамен толықтырылды - Қостанай облысы Жітіқара ауданы мәслихатының 24.12.2021 № 91 шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Пикеттеуді өткізуге жол берілмейтін іргелес аумақтардың шекаралары
Іргелес аумақтардың шекараларынан 400 метрге жақын жерде пикеттеуді өткізуге жол берілмейді:
1) жаппай жерлеу орындарында;
2) теміржол, су, әуе және автомобиль көлігі объектілерінде және оларға іргелес жатқан аумақтарда;
3) ауданның қорғаныс қабілетін, қауіпсіздігін және халықтың тыныс-тіршілігін қамтамасыз ететін ұйымдарға іргелес жатқан аумақтарда;
4) қауіпті өндірістік объектілерге және пайдалануы арнайы қауіпсіздік техникасы қағидаларын сақтауды талап ететін өзге де объектілерге іргелес жатқан аумақтарда;
5) магистральдық теміржол желілерінде, магистральдық құбыржолдарда, ұлттық электр желісінде, магистральдық байланыс желілерінде және оларға іргелес жатқан аумақтарда.
