ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңының 8-бабына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 - бабына сәйкес, Глубокое аудандық мәслихаты ШЕШІМ ҚАБЫЛДАДЫ:
1. Осы шешімнің қосымшасына сәйкес Глубокое ауданы аумағында бейбіт жиналыстарды ұйымдастыру және өткізу тәртібі анықталсын.
2. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | М. Фараджев |
| Глубокое аудандық мәслихатының хатшысы | А. Баймульдинов |
| Глубокое аудандық мәслихатының 2020 жылғы 28 қазандағы № 51/3 -VI шешіміне қосымша |
Глубокое ауданы аумағында бейбіт жиналыстарды ұйымдастыру және өткізу тәртібі
1. Осы Глубокое ауданы аумағында бейбіт жиналыстарды ұйымдастыру және өткізу тәртібі бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптарды, сондай-ақ пикеттеуді өткізуге тыйым салынған іргелес аумақтардың шекараларын айқындайды.
2. Глубокое ауданы аумағында бейбіт жиналыстарды ұйымдастыру және өткізу үшін арнайы орындар (әрі қарай – арнайы орындар) Глубокое кентінде анықталды:
1) Пирогов көшесі 22 үйдің ауданындағы алаң;
2) шерулер мен демонстрациялар үшін Пирогов көшесі 22 үйдің ауданындағы алаңнан Попович көшесі 13 стадионға дейінгі маршруты пайдаланылады.
3. Арнайы орындардың шекті толу нормалары бір орынға 50 адамнан аспайтын мөлшерде айқындалған.
4. Глубокое ауданы аумағында арнайы орындарды пайдаланып өтетін бейбіт жиналыстар келесі тәртіпте өткізіледі:
1) мемлекеттік қауіпсіздік, қоғамдық тәртіп, денсаулық сақтау, халықтың имандылығын, басқа адамдардың құқықтары мен бостандықтарын қорғау мүдделеріне қатер төндірмейтін бейбіт, күш қолданылмайтын және қаруланбайтын тәсілмен;
2) пикеттеуді қоспағанда, жиналыстарды арнайы орындарда өткізуге жол беріледі;
3) Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстар ұйымдастыру және өткізу тәртібі туралы" Заңының барлық талаптарын сақтаумен.
5. Арнайы орындарды материалдық-техникалық және ұйымдастырушылық қамтамасыз етуге келесі талаптар қойылады:
1) көше жарығының және бейнебақылаудың болуы;
2) электр қуатын қосу көзі;
3) еркін кіру және шығу жолдарымен қамтамасыз ету, сондай-ақ шұғыл эвакуациялау мүмкіндігі;
4) арнайы автокөлік құралының кедергісіз кіру мүмкіндігі;
5) тұрақ орындарының болуы.
6. Пикеттеу өткізуге тыйым салынған іргелес аумақтардың шекаралары Қазақстан Республикасының 2020 жылғы 25 мамырдағы "Қазақстан Республикасында бейбіт жиналыстарды ұйымдастыру және өткізу тәртібі туралы" Заңының 9-бабының 5-тармағында белгіленген объектілерден кемінде 300 метр қашықтық болып белгіленсін.
