Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35 бабына және Ақтөбе облысы әкімдігінің 2019 жылғы 11 желтоқсандағы № 490 және Ақтөбе облыстық мәслихатының 2019 жылғы 11 желтоқсандағы № 479 "Ақтөбе облысының Алға, Ырғыз, Мәртөк, Мұғалжар және Шалқар аудандарының кейбір елді мекендерін тарату туралы", нормативтік құқықтық актілерді мемлекеттік тіркеу Тізілімінде № 6570 болып тіркелген бірлескен қаулысы және шешімі негізінде, Кішіқұм ауылдық округінің әкімі ШЕШІМ ҚАБЫЛДАДЫ:
1. Кішіқұм ауылдық округі әкімінің 2008 жылғы 20 қарашадағы № 5 "Елді мекендерге көше атауын беру туралы" (нормативтік құқықтық актілерді мемлекеттік тіркеу тізілімінде № 3-13-90 тіркелген, 2009 жылғы 5 қаңтардағы аудандық "Шалқар" газетінде жарияланған) шешіміне келесідей өзгерістер енгізілсін:
кіріспесіндегі "№ 4200" сандары алынып тасталынсын;
1 тармақ келесідей жаңа редакцияда жазылсын:
"1. Кішіқұм ауылдық округіне қарасты елді мекендердегі көшелерге төмендегідей атаулар берілсін:
1) Шілікті ауылы бойынша:
"Толағай", "Теректі", "Сартепсең", "Қоңыртөбе", "Сарөзек", "Жалаулы", "Достық", "Меңдікөл", "Мұрынқұм", "Сарбұлақ", "Бейбітшілік", "Теміржолшылар", "Шілікті" көшелері;
2) Қарашоқат станциясы бойынша:
"Кішіқұм", "Жеңіс", "Теміржолшылар", "Достық" көшелері;
3) Ақеспе станциясы бойынша:
"Отан" көшесі;
4) Шоқысу станциясы бойынша:
"Теміржолшылар", "Толағай", "Сарбұлақ", "Жастар" көшелері.".
2. "Ақтөбе облысы Шалқар ауданы Кішіқұм ауылдық округі әкімінің аппараты" мемлекеттік мекемесі заңнамада белгіленген тәртіппен:
1) осы шешімді Ақтөбе облысының Әділет департаментінде мемлекеттік тіркеуді;
2) осы шешімді оны ресми жариялағаннан кейін Шалқар ауданы әкімдігінің интернет-ресурсында орналастыруды қамтамасыз етсін.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Кішіқұм ауылдық округінің әкімі | К. Казбеков |
