ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35-бабының 2-тармағына, Қазақстан Республикасының "Ветеринария туралы" Заңының 10-1-бабының 8) тармақшасына, Қазақстан Республикасының "Құқықтық актілер туралы" Заңының 27-бабының 1-тармағына сәйкес, Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Бесқарағай аудандық аумақтық инспекциясының бас мемлекеттік ветеринарлық-санитарлық инспекторының 2021 жылғы 2 маусымдағы № 177 ұсынысы негізінде ШЕШТІМ:
1. Ірі қара малдар арасында құтырма ауруының ошағын жою бойынша ветеринарлық – санитарлық іс - шаралар кешенінің орындалуына байланысты, Бесқарағай ауданы Бесқарағай ауылдық округі "Восход" шаруа қожалығында шектеу іс-шаралары тоқтатылсын.
2. Бесқарағай ауылдық округі әкімінің "Бесқарағай ауданы Бесқарағай ауылдық округі "Восход" шаруа қожалығына шектеу іс-шараларын белгілеу туралы" 2021 жылғы 27 сәуірдегі № 3 (нормативтік құқықтық актілерді мемлекеттік тіркеу Тізілімінде № 8705 болып тіркелген) шешімінің күші жойылды деп танылсын.
3. "Шығыс Қазақстан облысы Бесқарағай ауданы Бесқарағай ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіппен:
1) осы шешімді Қазақстан Республикасының Әділет министрлігінде мемлекеттік тіркеуді;
2) осы шешім мемлекеттік тіркелгеннен кейін күнтізбелік отыз күн ішінде оның көшірмесін Бесқарағай ауданының аумағында таратылатын мерзімді баспа басылымдарына ресми жариялауға жолдансын;
3) осы шешім ресми жарияланғаннан кейін Бесқарағай ауданы әкімінің интернет-ресурсында орналастыру қамтамасыз етсін.
4. Осы шешімнің орындалуына бақылау жасауды өзіме қалдырамын.
5. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Бесқарағай ауылдық округінің әкімі | Ю. Слоницкий |
