ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2020 жылғы 7 шілдедегі "Халық денсаулығы және денсаулық сақтау жүйесі туралы" Кодексіне және Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына сәйкес Батыс Қазақстан облыстық мәслихаты ШЕШІМ ҚАБЫЛДАДЫ:
1. Батыс Қазақстан облыстық мәслихатының 2020 жылғы 30 қыркүйектегі № 38-3 "Азаматтардың жекелеген санаттарына амбулаториялық емделу кезінде тегін және жеңілдікті шарттармен дәрілік заттар, медициналық бұйымдар және мамандандырылған емдік өнімдерді қосымша беру туралы" шешіміне (Нормативтік құқықтық актілерді мемлекеттік тіркеу тізілімінде №6407 тіркелген, 2020 жылы 14 қазанда Қазақстан Республикасы нормативтік құқықтық актілерінің эталондық бақылау банкінде жарияланған) келесі өзгерістер мен толықтырулар енгізілсін:
көрсетілген шешімнің қосымшасында 1, 2, 6, 16–тармақтар мынадай редакцияда жазылсын:
"
1. | Созылмалы жүрек функциясының жеткіліксіздігі | Диспансерлік есепте тұрған барлық санаттар | Ауырлықтың барлық сатысы мен дәрежесі | Сакубитрил + Валсартан қабығымен қапталған таблеткалар; Эплеренон қабығымен қапталған таблеткалар |
2. | Ювенильдық артрит | Диспансерлік есепте тұрған балалар | Ауырлықтың барлық сатысы мен дәрежесі | Тоцилизумаб инфузиялық ерітінді дайындауға арналған концентрат, тері астына енгізуге арналған ерітінді; Адалимумаб, инъекцияға арналған ерітінді, тері астына енгізуге арналған ерітінді; Анакинра, алдын ала толтырылған шприцте инъекцияға арналған ерітінді; Канакинумаб, бұлшықет ішіне және тері астына енгізу үшін ерітінді дайындауға арналған лиофилизат, тері астына енгізу үшін ерітінді |
6. | Ювенильдық дерматомиазит | Диспансерлік есепте тұрған балалар | Ауырлықтың барлық сатысы мен дәрежесі | Адамның қалыпты G иммуноглобулині, инфузияға арналған ерітінді;Метотрексат, инъекцияға арналған ерітінді; Метилпреднизолон, таблеткалар |
16. | Жүйелі беріштену (жүйелі склеродермия) | Диспансерлік есепте тұрған барлық санаттар | Бейінді мамандардың қатысуымен медициналық ұйымдардың дәрігерлік-консультациялық комиссиясының шешімі бойынша | Тоцилизумаб инфузиялық ерітінді дайындауға арналған концентрат, тері астына енгізуге арналған ерітінді |
";
келесі мазмұндағы 17, 18, 19, 20, 21 – тармақтармен толықтырылсын:
"
17. | Жүйелі қызыл жегі | Диспансерлік есепте тұрған барлық санаттар | Бейінді мамандардың қатысуымен медициналық ұйымдардың дәрігерлік-консультациялық комиссиясының шешімі бойынша | Ритуксимаб, венаішілік инфузия үшін ерітінді дайындауға арналған концентрат, тері астына енгізуге арналған ерітінді |
18. | Мұрынжұтқынщақтың қатерлі ісігі | Диспансерлік есепте тұрған барлық санаттар | Ауырлықтың барлық сатысы мен дәрежесі | Интерферон бета-1b, инъекция үшін ерітінді дайындауға арналған лиофилизат |
19. | Шегрен ауруы | Диспансерлік есепте тұрған барлық санаттар | Ауырлықтың барлық сатысы мен дәрежесі | Азатиоприн, таблетка |
20. | Оптиконевромиелит (Девик ауруы) | Диспансерлік есепте тұрған барлық санаттар | Ауырлықтың барлық сатысы мен дәрежесі | Ритуксимаб, венаішілік инфузия үшін ерітінді дайындауға арналған концентрат, Азатиоприн, таблетка |
21. | Ұйқы безінің басқа туа біткен ауытқулары | Диспансерлік есепте тұрған барлық санаттар | Ауырлықтың барлық сатысы мен дәрежесі | Диазоксид, капсулалар |
".
2. Облыстық мәслихат аппаратының басшысы (Ә.Жоламанов) осы шешімнің әділет органдарында мемлекеттік тіркелуін қамтамасыз етсін.
3. Осы шешім алғашқы ресми жарияланған күнінен бастап қолданысқа енгізіледі.
| Сессия төрағасы | Н. Сергалиев |
| Мәслихат хатшысы | Б. Конысбаева |
